大榮華圍村菜 (已結業)

尋晚同家人去左食飯~我去到時大約7:30pm....4個人...即刻有位啦~去之前睇左呢到既食評~叫左6樣野食~軟殼蟹---太多炸粉啦~唔好食陳皮蝦---有蝦味,幾入味~幾好啊蟹肉炒魚肚---又食唔到蟹肉,又食唔到魚肚,only食到蛋+牙菜...牛鬆豆苗---ok啦~同出面食既差唔多燒米鴨---推介~~個皮脆脆地~又唔係好肥~好食~馬拉糕---真係好好味~好鬆~好軟~好熱豬油飯---d豬油\"杰\"左少少...d鼓油又用番美味棧...jer係都係老細出產...唔夠好味~不過overall都唔洗$400~都ok既~唔算貴~有機會都可以再黎食下~p.s見到好多人叫5味雞, 不過唔知係唔好食, 定太多食唔晒, 見到好多人包走啊~服務都唔算差~有waiter換下碟咁囉~

星期日同屋企人一齊去飲茶，以為要等好久，去到都已經１１點幾，見到唔係太多人，等咗三、四個字就有位，都算幾快．同之前新開時的境像，真係兩回事．叫咗９個點心，第一個到係奶黃馬拉糕，很定係一早蒸定，所以一叫就有，已經無之前禁好食．芋頭糕好香，有d芋頭粒”正”．其它點心都係一般，但唔知點解，雖然係即叫即蒸，但係d點心都唔係好熱．重有一個怪現象，就係d待應會站係你身後，成日望住你d點心碟，一見你食完，就即刻收咗去，好似想快d叫你走一檥．

雖然waiters無對我黑面, 但係佢地個說話語氣真係好有問題, 成日都好似好詼氣咁,真係要train train佢, 再係咁落去,好快就byebye奶皇馬拉糕: 一都唔覺得好食, 我唔覺得好鬆化,而且偏甜, 仲要唔係熱辣辣,只係微暧麻蓉飽: 雖然唔會好乾, 但係都幾甜下, 口感好似食緊一粒粒既糖咁, 又無蛋係入面,相比美心個真係蚊比同牛比, 唯一特別係個飽係用燒包個包, 所以睇到入面餡, 幾攪笑酥皮南瓜撻: 呢個又係超級甜,平時好鐘意食甜點心既我都唔想再食第二個,而且又唔脆, 唔得囉鴨腳扎: 傳統做法, 無乜特別,但媽咪話個鴨腳唔得,染色染得太勁,同埋浸左唔知咩喎諗住會好好味,真係大失所望囉

之前來過一次,等咗好耐, 最後都係要走, 因為有排等..今次唔知係咪少咗人等, 等了半小時便有位.點了蟹肉旦王西蘭花, 桂花魚肚炒蟹肉, 燒米鴨, 芙蓉蟹肉炒旦. 西蘭花不太有旦王味, 差了點. 桂花魚肚炒蟹肉原來係用旦炒, 幾香滑, 幾好味. 米鴨依然好味, 有點脆. 芙蓉旦麻麻地. 豬油撈飯, 好肥, 但好香, 好味.最後, 當然點了我的至愛馬拉旦, 今次的奶皇特別香滑, 又鬆又軟. 正!

是日禮拜二,連自己請左7個大人3個小童(屋企人)食晚飯.一收工18:45仆到去囉籌,至20:20終於可以入座了.可謂出$又出力...狂風掃落葉叫左:五味雞:幾乎台台都叫,但我地覺得好普通蚧菜湯:一般燒米鴨k唔太肥,幾好.蒸鱔k,好屋企feel.豆豉蝦:我冇食.有人話幾好,不過都剩大半,個個懶去殼.菠蘿生炒骨:脆脆地又啖啖肉,幾好.鳳凰炒長遠:唔得,冇人食.家人死問我做乜叫...我話:出名囉...^__^"手打上湯面k清清地,阿B又鍾意食.青豆炒豬頸肉:麻麻...有人投訴偏咸.蚧膏扒豆腐k卦.我冇食.焗蠔:賣哂燒蠔小食:貌似蠔豉!不過更鮮更軟,好香口喎!馬拉糕:熱騰騰出爐,好鬆好軟水晶包:熱騰騰出爐,個水晶皮幾厚.當中有人覺得綠色(綠豆蓉)好味D;但大部份就覺得黃色(奶皇)好味D叫左1 jar凍菠蘿青檸,1 jar熱薑飲品.平囉$20 1 jar 咋.可樂就$8罐.D菜式其實幾多,幾特別.街坊價錢,服務都不算超差(雖然你有你問題,佢有佢答案)但自己執下生將就下,好過同人拾氣谷到一吐氣啦.食過一次就算了,要我再一早黎囉籌等位,有D難.埋單$800超經濟!

我係住九龍架，其實想食左大榮華好耐，但係元朗都真真太遠，所以一有分店便馬上去試試...但係人真係太多啦~我打電話去問話要4:45PM飛&5:45pm食頭輪，雖然有d早，但係起碼一定有位同唔洗等位，可以出去行行。d食物完部都好好食，食材夠新鮮同d汁調教得好好，我分別食了五味雞、豆豉陳皮蝦、橄欖油燒蠔、溫公齋煲、燒米鴨、豬油撈飯...最好味係個豆豉陳皮蝦，好惹味!見到好多食評話d服務不好，我就覺得無乜問題，你話好好service就一定唔係架啦，人地個價錢都唔係"高級"啦，全部都只不過係$48，而且我見到人真係太多啦，d員工都真係無停手架，可能真係serv唔切人呢?因為實在太飽了，無食到馬拉糕，下次一定要試試...

基本上幫親大榮華十居其九都係因為肥韜個名,我亦係其中一個. 其實有時食物好,地方變得次要. 但係大榮華d食物好一般, 地方亦唔見得好. 好似d街坊酒家咁. 完全同韜韜=美食呢條Formula不符. 大榮華d菜式味道真係好普通,買相亦唔吸引,完全唔會令你想再食多次.我食完最有印象嘅只有”馬拉糕”同”豬油撈飯”. 如果未試過, 可以不試.

唔明新鋪做乜都係咁鬼細不過起果個地點起佢先做得住新鋪質素唔及舊鋪豬油唔係燒,不夠香,但都係好食,呢d野試過就算馬拉糕質感一樣,但都係唔夠香(減料)其他野都無d人講到咁好食只不過係菜式較特別員工質素好差禮貌唔在講(不是太差,唔見得好)唔知道唔知路咁問佢炒豬天梯可否轉彭其醬炒佢就話"有d菜式係要預定先有,呢度有就有"我肯定佢連呢個醬係乜都唔知全部員工新移民,溝通有d 問題味道一般但阿媽話食得出無味精囉佢又話呢d住家菜佢都煮到,所以唔再黎我應該開心我有個咁勁既阿媽最後都可以無不快下完成左呢一餐

我有朋友去過尼度食但本人雖然未有入到裡面食野, 但係個度既服務態度就真係好唔掂呀...係出面叫number個個阿姐, 問佢中有幾張先到我, 佢好似當聽我唔到咁....一係就同其他人講, 你坐埋一邊等吓先啦, 有枱我就會叫你架啦....鬼唔知咩....淨係出面既服務態度, 已經唔吸引我入去裡面食野啦....劉德華都有話啦, 今時今日咁既服態度, 點得架?!

我第一次食大榮華!就係飲下午茶，等左一個半鐘頭位!@@"都算快啦!每個都投訴支客態度好差,但去到我又見吾到tim！不過我去到都聽人講話投訴緊個支客態度勁差!講野無禮貌!但D點心好大碟呀!兩個人食左山X牛肉，燒賣王，鴨腳扎,排骨，奶黃馬拉糕，麥米粥,芝麻湖，超飽!

23/10/06 (六) 8:30pm 去左試食，去食之前循例o黎呢度睇下食評，發現絕大部份人都係講佢服務如何差勁。但係我主要係看食物質素，所以都決定去試(順道去睇下個支客有幾厲害嘛)。一去到門口立即望下個支客係唔係傳說中咁黑面啦，點知發現唔係一個阿嬸喎(有D失望可能比人投訴得多炒左)...之後等左兩個鐘先開飯。我同女友兩人點左:-1.圍頭五味雞2.鳳凰蟹肉炒長遠3.陳皮豆鼓蝦4.香煎芙蓉蟹肉(由於家鄉蒸蠔砵賣晒所以轉左呢個)5.豬油撈飯6.奶王馬拉糕6種食物內以五味雞味道最好好入味。炒長遠炒得好乾身，一點都唔油，不過有蟹殻碎。陳皮豆鼓蝦成隻食唔使剝殼，好重豆鼓味，但上台時只是微熱。香煎芙蓉最普通冇咩特別，食到蟹殻碎。豬油撈飯白飯上台時只是微熱，頭抽及燒豬油好遲先比我，所以撈完豬油後砵飯凍冰冰，不太理想。奶王馬拉糕可以想上台時先叫佢地拿出來，新鮮熱辣好軟"屬"，我唔覺得太甜，味道剛剛好陣陣蛋香撲鼻。最後有糖水奉送，我食紅豆沙，普普通通。總括來說唔錯，會再去試埋其他菜色，食飯其間無論點菜，問問題，催拿頭抽豬油，都受到禮貌對待，可能係我好彩...下次睇下有冇咁好彩喇。

大榮華d員工態度勁惡劣今日打電話去大榮華諗住訂位同個book位個亞姐講想book下個星期佢話: 冇啦, full哂再問佢幾時星期五會有佢好悔氣咁話: 下星期唔會有, 再下個都唔會呀之後cup左我線我再打去佢超悔氣咁對我發脾氣: 都話full哂full哂full哂落!!! 冇位呀!!!!我再問佢, 咁幾時會有呀?佢話: 一個月還一個月咁book架ma!!!!!!!!!!!!!!之後又cup我線我再打去要搵經理我等左勁耐先有個經理接我問佢係咪唔可以訂位呀佢話要10個人以上先可以訂大佬呀, 你有d咁既規舉, 你就唔好o係個牌上面寫住歡迎訂位啦!!!佢話要到11月24先有位佢仲話聽日都有2個位, 要訂就快d喇之後又狠狠咁cup我線佢地d態度勁勁勁勁勁勁勁勁勁勁勁勁勁勁勁勁勁差, 我真係好憤怒呀!!!!!

都係因為阿媽貪韜韜個朵夠響，先要去大榮華食。第一次食是晚餐，已是下午約5:30pm到達，好彩，平日兼幾早，唔駛等位，但約6:0pm都差不多full。本身都沒有太大期望，但食物水準真係參差。座位又編得太密，經常要背對背，有時真係要識飛先入得去。五味雞都算可以，魚滑都唔錯。但係，難食的食物真係太多，我叫了一個牛腩伊麵煲，牛腩算啦，但係伊麵一舊舊，都未鬆開，差。另叫了一個豆腐菜色，唔算好食。四個人，晚飯都算抵。碟碟得個大字，第一次去唔知，真係浪費食物。最慘係無乜好食，想唔浪費都唔得。第二次食是中午飲茶，真係一個難忘經歷。11:30am到，要搭桌，算，但有又唔俾人轉，有冇搞錯。杯碟有d唔乾淨，有漬，算。點心選擇太小，無乜特別。叫了8碟點心(山竹牛肉、鴨腳扎、臘腸卷、咸菜豬肚、排骨、潮州粉果、蝦餃、蒜蓉蒸鮮尤)，我覺得最好食只有臘腸卷、潮州粉果、蝦餃，最差就有山竹牛肉、咸菜豬肚、蒜蓉蒸鮮尤，山竹牛肉實到可以打乒乓球，咸菜豬肚又削，蒜蓉蒸鮮尤就好似食土尤，上面網友已提及價錢，又貴又唔抵，3個人8碟點心已經$161。服務員態度真係只此一間(差劣)，第一次點菜，叫個紅衫的，佢就叫我搵個黑色衫。請佢搬開

雖然見有不少劣評，不過全女班7人飯局一早已安排好，所以照去試試。小菜全是$48，選了8款，加一樣點心，分量相當足了。吃罷是有點失望，一些小菜是不夠熱，而粟米魚肚羹、菠蘿生炒骨和搾菜牛崧扒菠菜甚為普通。圍頭五味雞當然有試，雞是相當滑，不過似乎未夠入味，當中有人之前在元朗本店吃過這味招牌菜，要比這邊好得多。薑汁玉蘭炒臘肉就不太合女士們，臘肉太肥了。頭抽蒜片煎生蝦是一致認為全晚最出色的，很惹味。脆皮咸鮮奶與大良炒鮮奶不同，咸咸的，也算好吃。梅子面醬烏頭味道是不錯，不過當中有嗜魚者覺得條烏頭不太新鮮。豬油撈飯沒有理由不要，豉油和豬油分開上，多少悉隨尊便。可惜飯不夠熱，帶不出豬油的香味。奶王馬拉糕(8件)又是必叫的，鬆軟熱辣辣，果然幾好，不過一些小姐們認為甜了一點。服務方面原本有了心理準備，反而又不算差。不過整體只是一般，不值得勁排隊。

星期四, 分別有迪高同ki話我瘦左, 開心充昏頭腦之下, 不理男朋友的面有難色, 堅持要去大榮華賀一賀我! 難得老字號在市區開店, 新舊對照在所難免。我覺得元朗大榮華做的中菜可算是數一數二的好的, 但係見九龍灣大榮華的食評一致劣評, 令我真係好想試下係咪咁差!因為我要買六合彩的關係, 男朋友先去攞位。地點都幾就腳, 德福行兩步就到。上到去見到好多人等... 我地兩個人又唔使等喎! 可能中菜多數係一堆人食啦。scan過個餐牌, 見到食物種類唔夠元朗多, 當中有一張紙, 寫住叫一款幾多錢, 叫兩款又幾多錢, 如此類推。我叫左拖地叉燒, 燒鴨, 咸菜梅子蒸鱔, 當然唔少得馬拉糕。前兩者好快上檯, 份量真係好多。燒鴨脆卜卜, 有d肥又不過份, 好。到拖地叉燒上場, 嘩不得之了! 係九成肥肉的叉燒! 我之前o係元朗吃的, 係爽口得來不太肥的, 估唔到此店供應了一條咁唔健康的叉燒 我就梗係食得津津有味啦! 相比起元朗店的, 此叉燒汁稍鹹, 少左叉燒應有的甜味。九成肥肉的叉燒, 本人覺得瘦肉比例著量加返少少, 例如八二至七三就十分Perfect。豬油撈飯為我至愛。砵比元朗的細, 只得薄薄一層飯, 十