大榮華圍村菜 (已結業)

今日下晝同一大班同事去飲茶,本來好有期待架, 但係食完之後, 覺得都係幾普通,可能飲茶真係表現唔出佢地獨特既一面啦, 始終要食一次夜晚先知,本人覺得幾好既, 白灼絲瓜, 馬拉糕, 同燸米包其他就麻麻地啦

食過元朗與九龍灣的分店自己覺得味道差唔多豬油撈飯還是必食之選款款$48價錢吸引最impressive的是真的做到半肥瘦的叉燒還有燒到皮很脆的燒肉但係大榮華食飯有兩樣唔好第一就係等位實在係太耐喇不過如果好食的話都冇所謂喇第二就係啲餸黎得好快食中菜其實係應該一道一道上的但冇計喇...多人等位係要食快一點架喇

父親節往響負盛名的大榮華聚餐。只見晚上五時半，已有二、三十人在等位。好在訂了位，否則不知等到何時。十四人，叫了十二味菜，加兩客馬拉糕。香茜燒米鴨，熱辣辣，皮脆，肉嫩，很夠味！平常很少吃到這樣有水準的燒鴨！拖地义燒，肥美，少瘦，又是另一水準之作。但招牌菜五味雞原來是豉油雞，何來五味？而且肉嚡。鳯凰炒長遠，炒得乾身，但捧場客不多。煎釀鯪魚，手工之作，炸得不油，惟不是我那杯茶。豉熟油蒸腐竹，清淡，不錯！麵豉油麥菜，麵豉夠味，不錯！魚香茄子煲、大馬站煲、薑蔥牛肉煲，一般酒樓水準。馬拉糕鬆軟可口，果然是用蛋糕整法做的，與別不同！豬油飯，夠乾身，第一次試，印象不錯！14人食，不用1000元埋單，抵到爛！

曾經等過，無心機等~~~~~~~~上星期日，由5:15~~~~8:10先入座.....唉不過食物都OK五味雞：雖然似鼓油雞，但係入味又鮮嫰，係我全晚最鍾意既菜雞蛋菜甫苦瓜片：唔鍾意食苦瓜，普普通通梅子蒸烏頭：烏頭好多骨，普通啦砵仔蒸蠔：唔食蠔，唔清楚陳皮豆鼓蝦：味道OK，係細隻左少少銀魚蒸勝瓜：鍾意食勝瓜，雖然無甚特別，但OK例湯：不過不失啦蒸河粉：OK，係油左少少豬油撈飯：好好味，不過真係少食多滋味馬拉糕：呵呵呵，期待左成晚，但係因為已經好飽，都只係食左一件，好味！！！飯後有糖水，6個人食左$550，可能因為叫得太多，又唔係想像中咁大碟，所以唔覺特別平至於服務態度，又OK喎，雖然等位時個侍應勁講要等好耐（因為當晚有人擺酒......)，但態度都唔算太差呀，仲有，洗手間真係唔多掂

其實之前已經去過一次, 不過因為太多人食唔到. 所以今日我地plan好晒, 其中一個同事專登請假去攞位. 不過食完之後真係唔係好明點解呢間野會有咁多人肯咁辛苦咁排隊攞位囉. 其實我地成班人都係因為聽講呢間野d野食平靚正先會專程入去食. 不過試過之後真係... 唔會再咁辛苦囉.我地係去之前已經上網睇過食評, 諗住試番佢出名既菜式. 好似五味雞, 紅酒牛仔骨同埋蠔缽咁. 不過我地真係食唔到咩驚喜囉. 同出面酒樓比無咩分別. 係出面食我仲唔駛受氣兼用咁多時間等位. 全晚最好食既係唯一大家都讚既奶油馬拉糕. 比起其它平平無其既菜馬拉糕真係特別好食. 不過人氣餐廳就真係要一試既. 不過唔會有第二次囉!

今天終於的起心肝去大榮華,等位已是在哪裡吃飯的其中一部份,5:55pm去到,等到7:00pm,都算快,可能早到.我們坐近門口,所以地方不太迫和不太嘈.點了八款菜:拖地叉燒(喜歡肥豬肉的朋友,大多會接受到)五味雞(用一個舊式大雞碗盛著,味道跟一般豉油雞無分別)雞蛋焗魚腸(這個很好吃)魚肚炒蛋(只見銀芽不見魚肚)蟹肉扒西蘭花(西蘭花烚得幾靚,但蟹肉唔新鮮)枝竹蟹肉羹(不過不失)頭抽煎蝦(蝦殼可吃可不吃,但本人都覺得麻麻)豬油撈飯(豬油加頭抽自己配搭,非常好吃!不喜歡的人,會覺得似油益味)最後甜點是馬拉糕(果然是招牌菜,做得很出色,裡面還加了奶王)大約10至15分鐘左右,所有菜式都會上齊.快得很!伙計如其他網民所講一樣,烚吓烚吓.

尋日係佛誕，今日係我家小妹xx年之誕辰，今晚一家人同佢黎左呢度食個勁早既dinner！一如以往，服務絶頂！先是之前訂位，啲小姐將個電話轉黎轉去，幾經辛苦先留到位，仲要係食5:30先有得訂。坐低後叫茶，我講左三次壽眉、滾水，佢係都問係咪水仙，唉...唯一可讚係上菜速度勁快，叫左五個餸(拖地叉燒、頭抽蒜片煎蝦、鮑汁雜菌火腩煲、鮑汁蟹肉扒西蘭花、家鄉焗魚腸)，可以喺10分鐘內黎晒，但同時間個侍應就不停喺身邊鑽來鑽去，成日想趕我地走。我地仲叫左個中式生日蛋糕(奶皇馬拉糕)，佢就成日走埋黎問上得未，我地個壽星女忍不住氣送左句"係咪好趕"黎回應，先至無再催我地咋！整體而言，食物質素好像退步了一點，我地又發覺，相同菜式晚一點叫的比起早叫的份量縮小了！各位小心！

由於係5月1 日,我地五點三就去到個度等位,但都要等到六點五十分先入去..等真係好耐...點都坐番夠本呀1. 紅酒燴牛仔骨-- 有薯仔同蕃茄做配料,牛仔骨啖啖肉架2. 金黃蟹肉扒西蘭花(個獻太杰身)3.五味雞(叫左半隻,隻雞都肥,味道唔錯)4.紅燒豆付扒小棠菜5. 家鄉焗蠔砵(好正)6.六隻炸軟殼蟹(好鬆化)7. 薑蔥炒牛肉8. 燒鴨(熱辣辣)9. 馬拉糕(好正,軟熟)上菜好快..侍應招呼都唔錯

因為我生日, 終於有籍口等位食佢啦.....一試馬拉糕真係好味到不得了, 係第二到真係食唔到. 另一佳作係頭抽麻醬燒茄子, 好似冇人介紹, 但我地成家都覺得好食. 反而燒就唔掂啦, 唔知係我個日差定係d人未食過好的燒. 另一劣作係xxx炒魚肚, 上菜時我不斷問阿姐乜來, 有冇攪錯左, 因為太似芙蓉蛋啦. 食落都係, 唔知點解同個名差好遠.豬油撈飯的反應就不一啦, 細佬同男友都話似油益味, 媽媽就話唔似細個時咁香, 我就覺得可以. 其他野都好味,價錢又抵, 仲有D我未試, 所以都會再去.不過今次6:30 取飛, 7:40先有位, 都幾辛苦.

由於早排試了晚飯又抵又好食,所以試下午茶下午茶時段,大中小點都係$9,非常抵但味道唔得尤其是北菇炆鴨掌(鴨掌炆到爛哂)和胡椒豬肚湯(無胡椒味)雞球大包和麻蓉包的皮都不好吃但兩種包的餡料亦算ok較好的是白菜餃和出名的馬拉糕不過馬拉糕沒有晚市的咁好味

之前係呢間分店食過一次...個印象都幾好...味道唔錯...價錢亦都OK...所以今次屋企人生日都想帶佢地黎試下...但估唔到...食都未食就換黎一肚氣...事源係因為知道大榮華好難等位, 所以特登一個月前(16/3)就打電話去訂左12位, 咁大家一直都好期待今日(15/4)呢餐, 但估唔到到左(15/4)下午3點佢地先打電話黎話我地今晚食飯只可以食到7:30pm就要交"木台"! 喂!依家先同我講, 搞到我地個plan亂哂, 我一個月前訂位既時候又唔講, 如果當時同我講左, 咁我就可以衡量下時間, 就都就得容易d, 又或者如果時間上真係就唔到的話, 咁我可以Book過另一間食肆嘛, 依家咁突然搞到我地手忙腳亂...總之佢地個服務就好有問題, 因為我問佢(公關), 我一個月前就訂位, 咁當時佢地無提過呢件事, 點知對方只係講左一句"唔好意思, 我地會檢討"就算, 最衰就係佢再講左句"平時打黎訂位d客都知(訂位食飯要7:30pm交"木台"), 所以我地唔會特登再提!!"嘩~大佬呀...佢係咪以為成個香港既人都係佢地熟客, 個個都知呀!!!咁唔好意思喇, 我就真係唔知喇...所以最後我地就決

基本上同元朗老店同一個經營模式，菜式同收費都跟足，亦係祇收現金，不過就多左加一小費，五味雞、馬拉糕等等招牌菜水準不變，可惜個豬油撈飯就黎個大倒退，首先豬油冇香味，繼而豉油轉左用自家品牌美味棧頭抽，冇左以前隻頭抽既鮮味，一味得個鹹字，伙記招呼照舊恰下恰下，不過地方乾淨左鬆動左好坐左，都算係一個進步；地方有Ｄ偏僻，楂車去有停車場，食滿兩舊水有免費泊車，（冇代客泊車）嫌楂車麻煩可以坐地鐵仲方便，聽講話等排隊條人龍都幾勁，而且不設電話訂位，有心去試菜記得揀假日晚或者夜Ｄ先去，十點十五分last order，自己執生啦！

圍村風味餐六位$498;1.蟹肉竹笙會生翅~ 一條翅都無,仲要成碗都係漿糊2.生醬燒豬下巴~ 似豬頸肉,好肥美的3.香茜梅子燒米鴨~ 似平時的燒鴨4.田園翠綠蔬~ 即尤麥菜,其實是油浸菜,見到都唔想食5.陳皮豆豉爆生蝦~ 野味又入味,仲帶點辣6.XO醬西芹豬天梯~ 是白色爽口的,切成形狀似魚片7.頭抽浸本地雞~ 其實是豉油雞8.鮮陳水檸蒸烏頭~ 一般9.上湯手打生麵~ 生麵好爽好彈牙10.豉椒炒黃鱔片~ 好多青椒及黃鱔11.鴛鴦水晶飽~ 有奶皇及海苔,但完全無海苔味,只得綠色的饀12.奶皇馬拉糕8件~ 賣相味道都很好,食飽的我還要食兩件才收口,結果真的滯了

幫襯過元朗店覺得不錯，聽說這新店水準不及，仍然冒險一試。三月頭的一個星期天，階友人一行四人七點前到，門口人山人海，先取票再到別處逛，一個多小時後回來，剛好有位。圍頭五味雞，雞肉嫩滑入味，一隻也不嫌多。拖地叉燒售罄，唯有改點蜜汁一字排，狀似金沙骨的一字排，燒得很香而且肉質也算可口，但個人覺得醬汁太甜。鳳凰炒長遠，即蟹肉炒粉絲，這味在OR七週年的盛宴中吃過，印象不錯所以再試，粉絲夠乾身，夾著蛋花蟹肉，增添鮮味，而且這裏的蟹肉，並不像上次只在傳說中出現。蟹粉扒西蘭花，這味為了有點蔬菜而點，又不想清炒或鮑汁，雖然大閘蟹季已過，但蟹黃加上咸蛋黃，仍然惹味非常。不可不試的豬油撈飯，我自己的興趣不大，但友人未吃過，所以叫了兩份四個人分。還有千層馬拉糕，鬆化香口，如果想打包可叫免蒸，回家隔水蒸數分鐘便可。連送的紅豆沙和眉豆麥米粥都覺得不錯。當晚韜哥與兩位似是記者的客人坐在鄰桌，吃得很滋味。很多客人經過都很熱情的跟他打招呼。但見他的龐大身軀，走路時蹣蹣跚跚的... 嗯...但印象中元朗店的價錢低一點，不知有沒有記錯。聽說友人之後再來，點了些不是圍頭的菜式，不好吃。http://home-and-gard

試過來兩次，兩次都無耐性便離開了。今次好彩，約一個小時左右就有位。但食落又覺得食物質素一般，唔似ｄ人講得咁正。雖不是說難食，但要等咁耐才食到這種質素我覺得不太值。五味雞和錂魚是有名的，但所謂五味雞只勁似鼓油雞，錂魚好似我樓下間地踎酒樓的煎釀三寶吧了。馬拉糕都係一般，美心皇宮的比它好ｄ添。我諗最值得食的是豬油撈飯啫。