影片
更多
2006-10-21
10 浏览
星期四, 分別有迪高同ki話我瘦左, 開心充昏頭腦之下, 不理男朋友的面有難色, 堅持要去大榮華賀一賀我! 難得老字號在市區開店, 新舊對照在所難免。我覺得元朗大榮華做的中菜可算是數一數二的好的, 但係見九龍灣大榮華的食評一致劣評, 令我真係好想試下係咪咁差!因為我要買六合彩的關係, 男朋友先去攞位。地點都幾就腳, 德福行兩步就到。上到去見到好多人等... 我地兩個人又唔使等喎! 可能中菜多數係一堆人食啦。scan過個餐牌, 見到食物種類唔夠元朗多, 當中有一張紙, 寫住叫一款幾多錢, 叫兩款又幾多錢, 如此類推。我叫左拖地叉燒, 燒鴨, 咸菜梅子蒸鱔, 當然唔少得馬拉糕。前兩者好快上檯, 份量真係好多。燒鴨脆卜卜, 有d肥又不過份, 好。到拖地叉燒上場, 嘩不得之了! 係九成肥肉的叉燒! 我之前o係元朗吃的, 係爽口得來不太肥的, 估唔到此店供應了一條咁唔健康的叉燒 我就梗係食得津津有味啦! 相比起元朗店的, 此叉燒汁稍鹹, 少左叉燒應有的甜味。九成肥肉的叉燒, 本人覺得瘦肉比例著量加返少少, 例如八二至七三就十分Perfect。豬油撈飯為我至愛。砵比元朗的細, 只得薄薄一層飯, 十
難得老字號在市區開店, 新舊對照在所難免。我覺得元朗大榮華做的中菜可算是數一數二的好的, 但係見九龍灣大榮華的食評一致劣評, 令我真係好想試下係咪咁差!
因為我要買六合彩的關係, 男朋友先去攞位。地點都幾就腳, 德福行兩步就到。上到去見到好多人等... 我地兩個人又唔使等喎! 可能中菜多數係一堆人食啦。
scan過個餐牌, 見到食物種類唔夠元朗多, 當中有一張紙, 寫住叫一款幾多錢, 叫兩款又幾多錢, 如此類推。我叫左拖地叉燒, 燒鴨, 咸菜梅子蒸鱔, 當然唔少得馬拉糕。
前兩者好快上檯, 份量真係好多。燒鴨脆卜卜, 有d肥又不過份, 好。
到拖地叉燒上場, 嘩不得之了! 係九成肥肉的叉燒! 我之前o係元朗吃的, 係爽口得來不太肥的, 估唔到此店供應了一條咁唔健康的叉燒 我就梗係食得津津有味啦! 相比起元朗店的, 此叉燒汁稍鹹, 少左叉燒應有的甜味。九成肥肉的叉燒, 本人覺得瘦肉比例著量加返少少, 例如八二至七三就十分Perfect。
豬油撈飯為我至愛。砵比元朗的細, 只得薄薄一層飯, 十分唔夠。雖然如此, 但是飯的口感軟硬適中, 加埋燒豬油真是perfect match。是高水準的飯。
蒸鱔等左好一陣至有得食。鱔片近腩的位置夠爽脆, 惜尾部位置肉質較散(而我果碟大部分都係尾); 咸菜好味, 梅醬味道不突出。整體味道有可改善空間。
由於我喜歡一口鹹一口甜的美味循環, 於是要求食到一半上馬拉糕。蒸得稍濕, 好香奶黃味, 依然係我最喜歡的馬拉糕, 而元朗店做得比九龍灣店稍佳。
服務態度方面, 宏觀眾食評, 都係針對超差勁服務態度, 我都冇expectation。親身經歷又覺得唔係咁差喎! 我冇受到任何不禮貌待遇之餘, o係上馬拉糕的時候, 侍應姐姐會問"客人未食完, 點解咁快上糕架?", 可見其集團本身都有一套程序, 而當她知道我想一口鹹一口甜, 又會主動幫我換碟。其service好襯其organization culture, 本人覺得問題不大。
反而衛生方面尚可改善, 女廁恐怖程度達不得了級。
张贴