大榮華圍村菜 (已結業)

嘩, 浪得虛名架!!!!o個日去飲茶, 勁多人, d 座位好迫, 背脊貼背脊.冷氣的出風口吹住張"木台", d 野食好快就吹都凍哂.五味雞浸到梅梅地; 馬拉糕唔鬆化, 好實; 水餃層皮厚過砧板; 鳳爪好咸; 腸粉咁基本十二點幾就話賣哂; 仲有樓面面黑黑.好彩唔係好貴, 食左一次就夠, 唔會有下次, 而且唔會介紹俾朋友lor~

遠近馳名,令到眾多迷哥迷姐山長水遠,前仆後繼地,排兩個鐘也在所不計的大榮華,月前終衝出元朗,在九龍灣其士大廈紮營.其圍頭菜,在市區別處所無.難得無須入到去大西北,所以即召集眾食家去捧場.有新人,有舊人,新舊對照之下,形成另一個"新浪潮".十五個人,坐在一張中型檯上,非常親密.之前已在菜單中剔了一半菜式,其餘一半就留待爐兄發瓣.吃過多遍大榮華,基本上點菜已經求其剔邊樣也可以.求求其其點上十幾味,多到我已經不大記得,全部要例牌size,爐兄話齋咁先能夠吃多幾味嘛.)燒味部上得最快,頭抽五味雞,照舊雞頭豎立,盛在公雞碗邊.基本上頭抽係無敵,頭一浸的豉油,又甜又滑,沒有半點死咸.搭上肉質鮮嫩的鮮雞,完美到極的配搭.拖地叉燒,又係大榮華燒味部力作之一.半肥瘦貨色,色澤分明,肉質鬆化.另一味頭抽菜式- 頭抽浸日本吊桶.浸得很入味.加上吊桶的彈牙口感,同五味雞一剛一柔組合,很具殺傷力.盆菜豬肉,不幸地,我只能吃底下的芋頭,見如此搶手,味道一定不錯吧.之前在元朗吃過幾遍,甘香肥美.吃得津津有味.上湯手打麵,係咪真的用手打就不知道.麵質本身也彈牙,沒甚鹼水味.不錯.蟹肉支竹菜羹,先將所有材料打碎,再煲成

知客態度其差.知客櫃台前有牌註明6人以上,要有一半人以上到達才可入座... 但人多跟本不可能看到此牌, 籌號到了問知客為什麼不安排座位給我時, 她竟然只是指指牌, 那時才在人群中"裝"到此牌, 但知客什麼也沒說就只是手指指的, 啞的嗎??? 簡直離晒諳... 完全沒有知客應有的禮貌及服務態度.點上上桌速度慢order了十多二十個點心, 每次上桌也只是一碟,兩碟的上... 都未試過飲茶飲得如此像被"配給"一樣.而每人消費$45不是因為平, 而是因為order了的點心很多也沒有上. order了的點心售完亦沒有通知, 等你白白呆等....總結: 如有興趣食唔飽都谷氣飽的話, 不妨一試此店.... 我就永遠唔會再去.另: 如果服務評分可給"0"分的話, 我一定給"0"... 可惜最低也要給1分.

試過元朗大榮華都幾好, 所以九龍灣新店開張後, 特登去一試, 點知真係不知所謂!!!入到去, 要搭檯, 冷氣凍, 都算啦, 諗住野食ok 就算~開左茶, 交左點心紙後, 等左成半粒鐘都未有野食, 即刻叫個女侍應跟啦, 點知佢聽完就算!好啦, 唯有叫個另一個啦, 點知第二個係咁! 最火爆就係隔離檯"遲黎先上岸", 成檯都係點心, 唯獨我地野食!最後, 我叫個黑衫既女部長埋黎(金毛既), 點知佢又同其他待應一樣, 聽完就算, 理都廢事理! 好, 你咁寸, 我唯有走人lor! (茶錢都冇俾呀!)今時今日咁既服務態度

是日飲茶, 但侍應服務很差, 口黑面黑, 十問九唔應. 發現點心很遲未到, 問佢地, 她說漏了單, 現在再落, 要等很久, ok, 即係叫我唔好要, 咪唔要囉! 真係鍾意倒米! ***前一天到來, 本來打算吃晚飯, 但等咗好耐, 都無位. 咪買馬拉糕外賣, 點知...仲得意. 叫佢地兩底分開四個盒裝, 唔使蒸. 等咗10分鐘, 問亞姐, 佢話: "我知, 唔使蒸嘛, 但都要整架, 你等吓啦!" 我即刻啞咗, 唔使蒸, 點解要整10幾分鐘呀....?! 之後摸到個底熱熱地, 佢地無端端蒸咗! 最搞笑的係, 最後發現...佢地俾咗四底分四個盒裝. 我們一人拿住一盒8件的馬拉糕返屋企, 真係...唔知係咪要多謝佢!

1, d服務比元朗差上百倍2, 知客態度惡劣3, 派飛制度比一段食肆漏洞百出,完全得失、待慢客人4, 食物味道整體不俗, 卻只有元朗店的七成水準總結：如要食晚餐, 請於2:30pm坐在門口等(因為我所說的2, 3點......)

昨天下午2:30打去問了一句:請問午市至幾多點?個接線生已經好唔奈煩同我講至五點.當時佢講完LEE句說話就CUP左我線,我已經覺得LEE間野D人真係好唔掂囉,真係好似唔憂做到連同你講多一句到曬氣.好啦,剛剛去到電梯頂行了兩步,都未行到去果個企係門口的知客到,佢已經好大大聲敢問我:有咩野可以幫到你?(但佢係好木無表情敢同我講)當時佢敢樣問我已經覺得好古怪,因為佢唔係我幾多位,敢我咪答佢:唔該有無兩位?個知客(依然木無表情)好冷淡敢同我講:我地截左我就好奇怪講:吓,截左?個知客(依然木無表情又好冷淡)敢同我講:我地4點截跟住我同我個朋友企左係到,我個朋友就話走啦當我個朋友講了這句說話,我真係覺得不好意思,因為係我叫佢離LEE到飲茶.我又同個知客講:唔係喎我今日打過電話黎問過,你同事話至5點喎.個知客黑住臉地說:我地係至到5點,截就4點我就話:敢就唔好同人講至5點啦個知客非常黑臉講(仲要好似係我錯敢):係到5點,截4點我朋友就一路拉住我走一路同我講:走啦,佢話截即係唔可以叫野,敢做生意呀我地落樓下我先至望下錶4:01,敢即係我頭先上到去時都未到4點啦,佢都唔比入,真係有無搞錯呀LEE間野比我

9月22日星期五，一行11人到新開業的大榮華吃晚飯，前幾天我們已打電話來訂菜，可惜佢地話燻蠔雞肝要訂，其他的菜，來到時叫就可以，誰不知，去到時焗魚腸又無，野山椒蒸魚頭又無野山椒，所有菜式都無同我地加大，一人都無一件﹗當晚點了以下的小食及主菜：南乳花生豬手–淋及入味當歸雞腳–無當歸味鮑魚汁炆玉掌、蘿蔔炆牛筋肚、圍頭五味雞–可以香茜燒米鴨–好味梅醬一字排–好惹味鳳凰蟹肉炒長遠–炒得好乾身，好味陳皮絲涼瓜煎魚腸–無腥味，比起增輝或新八仙樓的焗魚腸更好味南乳蓮藕木耳炆腩仔–無特別野山椒蒸魚頭–來了之後，一隻野山椒都沒有，原來無野山椒，不過無人同我地講，就隨便送來普通蒸魚頭，不過都好味，好滑燻蠔雞肝–蠔和雞肝的軟硬都適中，味道又都好砵仔飯–飯不夠乾身另外，還有奶皇馬拉糕及白蓮茸壽包，兩款都好香、好軟。不過由於之前都試過元朗的大榮華，所以就會將兩間一起比較，食物就元朗比較好吃，環境就一樣好迫，工作人員雖然有禮貌，但比較亂，好多東西亦唔清楚﹗

大榮華開張後第一個星期日去食，To哥都在場坐陣。張所謂菜單(同元朗張一樣)非常簡陋(好心改下喇，而家仲有人自己叫個連相都無張)，食物水準一般(同元朗差唔多)，但上菜速度參差不定，叫個馬拉糕食完走人等半個鐘，可能新開協調能力有待改善。但員工態度(尤其經理)其差，一定要改，你估你仲o係新界咩！