影片
更多
2007-08-13
18 浏览
琴日一早起身，男朋友話睇完食評都幾多人讚呢度既野好食，再加上本身元朗個間好出名，所以都有興趣，唯男朋友一早提醒我呢度既服務態度好差，但係心諗飲茶應該都ok既~ 於是乎就叫埋婆婆、老豆、媽咪同細佬，共6個人去。一早知呢度要等位，約左屋企人2點，就諗住早半個鐘去等位。去到見到出面都坐左幾多人，心想：不妙！然後就去同知客講6位，以下係我地好「精簡」既對話：我：6位丫唔該知：(用眼尾「稍一稍」我)幾多位呀﹖(好「膚顯」咁)我：6位丫唔該知：(無講野，用張白紙寫左d數字係上面，然後「隊」俾我，係「隊」，唔係遞，一句野都無講過)我：唔該... (諗住咁寫應該係有位啦，不過另一邊奇怪緊點解咁多人坐係度，唔知等乜)我bf：做咩丫﹖係咪要等丫﹖幾多號飛丫﹖(係個知客側邊問我)我：應該唔係喎，佢咁寫應該係可以入座...我bf：咁其他人等緊咩丫﹖我：(見bf都問得岩，諗住confirm下)請問係咪可以有檯啦﹖知：係丫！(極其唔耐煩咁)好彩，我bf一早就提左我呢度既服務態度，所以都接受到既... 不過已經係一個極差既first impression...拎起張點心紙，有點兒失望，因為原來呢度既點心同出面無咩分
一早知呢度要等位，約左屋企人2點，就諗住早半個鐘去等位。去到見到出面都坐左幾多人，心想：不妙！然後就去同知客講6位，以下係我地好「精簡」既對話：
我：6位丫唔該
知：(用眼尾「稍一稍」我)幾多位呀﹖(好「膚顯」咁)
我：6位丫唔該
知：(無講野，用張白紙寫左d數字係上面，然後「隊」俾我，係「隊」，唔係遞，一句野都無講過)
我：唔該... (諗住咁寫應該係有位啦，不過另一邊奇怪緊點解咁多人坐係度，唔知等乜)
我bf：做咩丫﹖係咪要等丫﹖幾多號飛丫﹖(係個知客側邊問我)
我：應該唔係喎，佢咁寫應該係可以入座...
我bf：咁其他人等緊咩丫﹖
我：(見bf都問得岩，諗住confirm下)請問係咪可以有檯啦﹖
知：係丫！(極其唔耐煩咁)
好彩，我bf一早就提左我呢度既服務態度，所以都接受到既... 不過已經係一個極差既first impression...
拎起張點心紙，有點兒失望，因為原來呢度既點心同出面無咩分別，款色唔多，仲要連懷舊既欖仁馬拉糕都無... >.< 不過唔緊要，呢度咁多人、咁出名，心想應該都幾好食的...
鴨腳：勁咸！不過做到懷舊個種風味，都夠林
錦鹵炸雲吞：仲以為係有一大碟甜酸汁同埋餸係入面個隻，點知原來都只不過係普通炸雲吞，咁個名似乎唔太恰當
山竹牛肉：普通，無咩特別，但唔夠鬆軟
叉燒包：無咩特別
小籠包：個皮好係水晶包既皮，但係就造到小籠包既樣... 好大粒... 成舊肉... 個人黎講覺得好怪...
蜂巢芋角：賣相唔吸引，因為完全搵唔到d巢... 不過個味道就幾好食
碗仔翅：基本上係粉絲+生粉湯+幾條木耳，我係街邊食都好味過佢
銀芽炒陳村粉：基本上只係炒河，仲要無料，無色...
蝦米煎腸粉：唔係佢個賣相似係煎腸粉我食落口仲以為係蒸齋腸！完全唔掂...
鮮蝦韮菜餃：無咩特別
奶皇馬拉糕：本身只鍾意食欖仁個，所以唔鍾意
豉椒魚雲：勁勁勁咸！連我男朋友食得咸都話咸！
賣單$310，以呢個價錢我會情願去陶苑或者富臨食... 起碼服務好d同埋多d點心揀...
小插曲：今個星期三係bf爸爸生日，佢媽咪一早就話想黎呢度試，於是諗住book埋時間，點知佢話只可以book6點，之後就無得book，仲要話閒日先有得book6點，五、六、日無得book！6點﹖邊個放左工﹖點黎食﹖有時真係懷疑係咪出名就大哂... 莫非只要名唔要客﹖咁樣同趕客有咩分別... 最後我地都決定左唔會去個度食... 咁既價錢同食物質素，我一定唔會返黎
张贴