大本瀛日式放題

营业中

休息中

之前都來過呢間食野，唔錯嘅。今次一早訂了枱食飯，去到很快可以入座，仲可以俾間房我地。地方好闊落，唔似其他日式放題咁，枱細到野食都擺唔到，要快快趣食晒先可以叫其他野食。見到兩個人都可以坐沙發卡位，幾好咁。野食款式唔算好多，但勝在味道都幾好，飲品種類都幾多下，但啤酒就得一款（冇記錯的話）。最後走果陣，員工仲話可以拎雪櫃啲雪糕食，哈哈。另外值得稱讚嘅係員工嘅態度，就算好忙都好好笑容，少漏單，好勤力執枱同換碟。

今日突然好想食放題，於是就R咗個朋友一齊去食朋友提議話想食呢間大滿喜,咁就揀左呢間食食放題第一round嘅嘢食離唔開食刺身呢到嘅刺身都好新鮮，甜蝦大大隻好鮮甜，三文魚夠肥美，帶子爽口鮮甜，不知不覺就食晒成盤刺身壽司都叫咗幾款，左厚魚群邊同燒三文魚一流 入口即溶魚油係口到散開好有滿足感,而且佢啲飯唔大舊，食多幾件都唔怕天婦羅賣相好似好一般咁但食落唔錯，蝦肉好彈牙，炸漿唔會厚啱啱好，食到香脆嘅口感之餘又唔失蝦既爽口彈牙口感牛柳粒聞落已經好香，肉味濃，食落一啲都唔韌，黑椒味香，好好食清酒殘響屋企做人最鍾意食嘅日本菜之一 呢度啲清酒炒蜆整得唔錯 啲蜆煮到好入味清酒同湯嘅比例可謂啱啱好呢個吉列蠔真係好正，佢個炸漿夠薄一咬落去就咬到蠔肉，蠔本身夠大隻而且好濃味，超正

平時日式放題食唔少，不過聽見有日泰放題後，對日式同泰式食物都特別鐘情既我黎講比較好有吸引力。咁岩有腳同我去，一於就去試下咩環境先～上到之後，雖然環境一如普通放題店既擠擁，但係中間有布垂簾，算係俾拼桌既人有私人空間。呢間鋪野食方面選擇多左泰式招牌菜，例如泰式生蝦刺身，燒豬頸肉。所以實行咩都試下。呢間鋪選擇用蒜香料代替平時傳統既生蒜，多少有點不同。不過各擅勝場，不比傳統生蝦失色。而傳統日式刺身面有驚喜，刺身不算厚切，但係勝在夠新鮮，唔同種類但都有種甜香既味道。至於壽司方面，壽司飯份量跟足傳統日式壽司店老師傅，一口一壽司。個人最鐘意黑松露三文魚壽司，令我發現黑松露同三文魚出奇地夾，連魚中既淡淡魚腥味都消除了之餘仲有增味效果。炸物方面不過不失，炸物有少少厚，但好在海老炸唔太老，保持到海老鮮味，可以一嘗。至於燒物係我全場最鐘意食既部分，因為真心燒得香噴噴。特別係岩鹽燒牛舌，牛舌肉係juicy到融入你個口入面，羊架食過都唔差，比炸物更加令我眼前一亮。至於其他因爲胃口唔夠大囧所以無點到，特別提到如果胃口未開可以點個韓國人參雞湯飲下，少少辛辣味加埋熱湯比較易開胃～

前日同朋友去咗 大本瀛日式放題 食lunch 放題。環境都幾乾淨企理 除左飲品同雪糕係自己行出去攞之外 其他都係用紙點就得 野食嘅種類都幾豐富 除左日本野(刺身、壽司、卷物、炸物、燒物、鍋物、小吃)之外，都有D泰國野食揀個人覺得佢地嘅刺身都幾新鮮 貼心嘅係 刺身都有冰急凍住 呢個位真係好加分 而另一個驚喜嘅地方係 啲三文魚都切得幾厚 比出邊食開嘅厚一倍 所以食落去好有滿足感之於壽司 火炙壽司做得的確唔錯 有入口即溶嘅感覺 而黑松露壽司嘅黑松露味都好突出同濃 壽司飯同配料嘅比例都啱啱好 唔會令你太飽 食唔落其他野我覺得做得最出色嘅係佢地嘅炸物 不論天婦羅、香芋丸、流心芝士年糕定蝦餅嘅麵粉衣都好薄 而佢地嘅冬陰公 椰奶味重嘅同時亦保有酸辣味 唔錯個人黎講唔太鐘意食蠔 但都叫左芝士焗廣島蠔黎試下 因為有芝士 所以冇咩腥味 而且意外地芝士同蠔都幾夾而焗香蒜帆立貝 真係有好多蒜容 鐘意食蒜容嘅朋友應該會幾鐘意甜品入面有樣比較特別嘅係 白皮明月冰卷 其實係紅豆吉士糯米卷 食落幾得意Overall黎講我覺得食物都唔錯 唔會因為係放題而質素差

呢間放題我成日黎原因係選擇多 而且食物質素唔錯特別在 日式放題中 有唔小泰式食品.呢日星期六 中午唔算多人可以2人坐4人位一入左梗係點左 刺身先全日冇漏單 或者扣起我地野食（我落單數量有就住叫）（食放題 最緊要唔好哂野）.刺身水準唔錯今日d三文魚幾肥美 淨食呢個都可以回本.料理方面冬陰公湯 幾香香料味 而且入面有放蝦落去煮 味道唔錯仲有炒蜆（有小小沙 可接受）飛天通菜 都係必點（食放題都要健康既～）仲有榴槤控必點 榴槤炸彈 中間有流心榴槤.壽司選擇都好多而且賣相幾靚但壽司飯可以再做軟身d.野飲選都好多（可睇圖）其中仲有椰汁.前菜方面 呢間比其他放題多除咗中華沙律螺肉八爪魚外仲有 泡菜 泡椒雞腳 涼拌青瓜等等價錢方面唔貴 選擇夠多好評

上星期五放假 lunch又突然好想食放題 於是膽粗粗咁自己一個人去食放題 享受下一個人既時光我今次去左兆萬既大本瀛食放題😆 第一round 當然係叫香港人既最愛 刺身 佢既三文魚刺身好鮮甜 又大大塊 好正 我仲點左其他刺身 全部都好新鮮 北寄貝 玉子 帶子當然我仲點左我既最愛 火灸三文魚🍣真係好正 所以我點左幾次黎食haha因為我去放題鍾意食熱食，首先介紹下我既最愛 雞軟骨，佢炸得剛剛好 唔會好油得黎又好脆😘 食落唔會太咸 而羊架都好好食 唔會話好重味 燒翠肉瓜同沙嗲雞串都好好食 可以瘋狂叫😆 再順帶一提 牛油栗米同鳳爪都可以做開胃小菜👀👀 食完再食熱食就一流啦佢都有好多款飲品簡 同埋有雀巢雪糕🤘🏻🤘🏻🤘🏻香芋味好正 我一口氣食左兩杯 因為我一個女仔既胃有限 今次只可以推介小小比大家 下次食埋佢既其他小食再介紹過這間高性價比既放題💕

話說想同另一半想食放題慶祝週年紀念，係呢度搵咗好多係旺角既放題，好耐無食過放題了，咁啱比我睇中咗呢間，時間本來果個時間，之後改左呢一個時間，職員都好有禮貌比我咁改，我哋一去到可能過左午巿，都無咩人食，可能頭輪啲人食飽了，一坐低職員就叫我哋選咗刺身先，咁我哋就點咗，好快刺身就到了，陸續點既食物好快就到了，無漏單，但唯獨是我點既刺身蝦無貨職員無同我講，下次應該同顧客無個樣嘢食，其實款式好多無食到，眼闊肚窄，唔知係唔係年紀大食少咗好多，食物多飲品都多但種類當然選擇唔少，都算幾好，食完2個鐘埋單走，埋單前職員比左甜品紙比我哋選甜品，叫左牛奶布丁唔甜又唔漏，好滑，木糠布丁都好食，心太軟無漏心差少少，整體嚟講食物都好好食，下次會再嚟過

兆萬集中眾多放題餐廳，基本上間間都食過，唯獨大本瀛食得最多，因為佢嘅品種較多，有日式泰式，仲有中式嘅火鍋，刺身由其推介，新鮮種類多，而且價錢大眾化，唔貴食到好多嘢，我地晚上9:30時段每位188加一，值

旺角係食肆集中地，兆萬就更加係隨便一層都有放題食，所以今日行完街就上咗十樓食放題。放題成日食刺身，呢幾日天氣轉涼，所以都係食返d熟嘅熱嘅野食。一開始就要咗碗冬陰公湯，湯有一啲辣，酸味都夠，仲有少少椰漿味？！不過湯入面竟然有蝦同蟹棒，令人驚喜。呢三款前菜我非常欣賞。拍青瓜非常清甜爽口，雲耳有大量蒜蓉同麻油，香麻惹味，叫咗好幾轉！白雲鳳爪酸酸甜甜都好開胃。壽司方面最欣賞火炙系。三文魚油脂豐富，和牛有肉香，左口魚邊爽口，鰻魚有彈性，四款都深得我心。爐端燒方面牛舌用了舌心，燒起來四周有咬口之餘，中心都好嫩。欣賞！鹽燒大蝦隻蝦真係好大！仲長過我隻手板！另外推介嘅仲有牛同牛同牛嘅😂第一個係鐵板牛舌，同燒牛舌唔同，呢個用舌頭，係應該更有咬勁，但出奇的軟熟！嗰汁仲好惹味，我哋食曬所有蔥同配菜！😂牛柳粒夠鑊氣，相對牛舌，汁更似牛肉的原汁原味，同樣令我哋食曬配菜！😂壽喜燒比較甜，蔬菜吸收了牛肉和湯底的日月精華，比牛肉更甜更美味！另外有三款小食推介芝士茄汁雞，味濃又嫩滑多汁的一小口雞肉，見好多人都有叫，我哋都幾鍾意！牛油雞翼，牛油味超重！入面肉仲好嫩滑㗎！燒菠蘿，招架不住的多汁！一咬就多到飛咗過對面！😂 不

朋友聽到我話未試過兆萬嘅放題🙆🏻🙆🏻所以就帶咗我去其中一間試下啦😎夜晚八點幾去到都幾Full呢間放題日式裝潢幾好feel🎐🏮🎎仲有半開放式嘅廚房可以見到啲師傅喺度整刺身壽司👨🏻‍🍳👩🏻‍🍳呢度嘅刺身有好多款選擇我哋都揀咗好多唔同款嚟試下🤗🤗呢度嘅刺身超級厚切🆙🆙 完全冇漏單或者俾少啲同埋款款都好新鮮😍😍最鍾意食有頭甜蝦同埋珍寶帶子 好厚肉鮮甜🍣壽司試咗黑松露三文魚拖羅蓉卷同埋海膽花之戀真係好足料同埋白飯唔會大大嚿👍🏻👍🏻九層塔炒蜆放上枱嘅時候我都嚇一嚇蜆肉好大粒 煮得好惹味 同埋冇沙㗎🤓🤓香蒜煙肉焗北海道帆立貝 蒜味幾香濃加咗🥓煙肉幾特別 和風芝士焗廣島蠔佢落咗好多芝士呀好鍾意鹽燒珍寶大蝦🍤 肉質鮮甜彈牙 燒得幾好鐵板燒紐西蘭羊架🐮羊架軟腍好好咬 調味幾好越式牛油雞翼🍗雞翼好好食牛油味好濃郁好juicy😋😋紫心香芋丸同埋榴槤炸彈都熱辣辣好食 餡料好足🙆🏻🙆🏻燒菠蘿好甜好juicy😍😍😋呢度嘅職員會keep住行嚟行去幫我哋收走啲碟同埋落單 做嘢好快手抵讚👍🏻👍🏻食咗咁多嘢買單都係二百幾蚊真係好抵食😋😋

食放題可以令我回味而又一而再再食的，是這間位於旺角的大本瀛，我覺待放題又美味又多款式，每位加一後才$250.8，所以我今日又來食啦。餐廳卡位式設計，而且中間還有窗簾子間格了另外一邊的枱，加添私隱度。就是喜歡大本瀛放題選擇多，小食前菜，鐵板燒，爐端燒，有刺身，壽司，炸物，壽司，卷物，手卷，和風料理，燒物，正宗泰國料理和火鍋...等，非常多款式，這正正就是我食完再食的誘惑所在。其中羊扒，支豆，燒菠蘿，燒脆肉瓜，清酒煮蜆，都是我的最愛。燒菠蘿酸酸甜甜也是我的最喜愛的。最愛的羊扒，醃得夠入味之餘，香草味濃郁，這也是我一再光臨的原因之一。清酒煮蜆非常清甜，湯帶㸃酒味很香。還有九層塔炒蜆,飛天通菜等都很好味。和風料理𥚃的人參雞湯，入口人參味很濃，材料也確是很足，除太太喜愛外，現在連我也愛上了。炸物方面也是要了茄子及炭燒雞翼。茄子天婦羅內軟外脆也炸得份外香滑。燒雞翼面上還見到有香草，燒得很香口，醃得夠入味。還有鐵板牛舌,天婦羅多春魚,鹽燒鲭魚及板燒牛仔骨..等,令我食到不知不覺太飽了。最後仍是以甜品奶凍及豆腐花，為今晚的大本瀛任飲任食放題，更添完美。

今日嚟到旺角，係兆萬見到好多人去大本瀛，又見咁耐冇食過放題，就決定試下！刺身拼盤入面嘅每件刺身都大大件，而且好新鮮😍各式壽司花之戀上面仲有海膽，味道鮮甜！仲有黑松露三文魚拖羅蓉卷食🤩手卷：有加洲手卷、軟殼蟹手卷，軟殼蟹超香脆，件蟹好大份，食到尾都仲有👍🏻鹽燒珍寶大蝦、牛舌、羊架，全部都燒得啱啱好！😋😋焗帆立貝同焗廣島蠔熱辣辣好味道，配料都好豐富!!壽喜燒鍋入面嘅牛肉份量好多，而且唔會有好多肥膏，味道唔錯！炸物點咗甜薯、海老、帶子、雞翼、雞軟骨，仲有最驚喜嘅貓山王榴槤炸彈，估唔到放題都有得食😍😍埋單之前仲會俾張甜品紙！我地叫左泡芙同迷你心太軟，最後仲拎左杯紅豆雪糕食☺️☺️食完好滿足!!!

約左班小學同學去旺角打算食高質既放題，知道兆萬中心係放題集中地就約係度等啦！人齊之後就開始選擇今日午餐～咦咦咦～嘩~呢張海報有好大個刺身拼盤呀~就你啦！大本瀛！上到所在既10樓，轉左就可以直入餐廳，途中會經過兩個飲品櫃。坐底唔浪費時間即時快快手落單叫野食，順手拎兩罐飲品潤下喉先。上食物好快，唔洗五分鐘已經開始有野上檯。第一個到既係我地order的小小海鮮拼盤，有鮑片、甜蝦、北寄貝、手切原隻八爪魚、日本角螺同至愛既挪威三文魚。挪威三文魚帶有少少脂肪，但唔會話太肥，口感非常滑溜。之後壽司大軍到達，先鋒有三文魚壽司、黑松露三文魚壽司，隨後有蒲燒鰻魚壽司、醬燒芝士蟹棒壽司， 仲有火灸京蔥三文魚壽司。呢個火灸京蔥三文魚壽司真係不得了，三文魚雖經火灸，但係仍然保持到滑溜既口感，卻又加上京蔥的刺激感，恰好中和了三文魚自身的肥膩，著實不錯！然後燒物亦一一送上，燒有機波蘿、炭燒雞翼、岩鹽燒牛舌、汁燒冬菇串、鐵板牛舌、鹽燒鯖魚、鹽燒珍寶大蝦，另外有和風芝士焗廣島蠔。呼~~奮戰左個半鐘都差唔多，拎杯Nestle出品Vanil-la口味既雪糕為呢次征戰畫上一個完美既句號。

即興午市放題，我地幾個中午飯都食到厭厭地，所以就提意食放題今次簡左食大本瀛既原因係因為咁岩比我見到佢地有我最鍾意食既泰式小食 笑第一輪叫一定係我既至愛泰國小食 豬頸肉 青口 炒蜆 冬蔭公 D蜆同青口夠大 汁都唔錯 值得品嘗👍 另外碗冬蔭公我強烈推薦😝 酸辣味適中 成餐放題我點左三碗飲 哈哈然後就係壽司刺身 生蝦同帶子都好鮮甜 三文魚好肥美 好有質素 👍花之戀食得多 海膽花之戀都係第一次食 配搭唔錯之後就係焗既部份 點左芝士烤雞球 芝士焗蠔 煙肉帆立貝 配料同食材都調配得岩岩好 有芝士味得黎又食到蠔同雞既鮮味 推介推介👍👍👍再之後就係雞串牛舌 D牛舌真係好軟 入口即溶咁 食極都唔厭飯後當然係食甜品啦 不過我簡左食雪糕 隻隻味都試杯 滿足滿足整體來說 食物質素偏高 而且店員又好好服務 一見你tick完野食已經會自動過黎 上餐速度又快 唔錯唔錯 午市放題值得一試

本來約了朋友去旺角 shopping 換季 點知兩個為食怪碰面又掛住食，仲好齊心咁話去食放題一於去番之前食過的大本瀛日式放題 就是鍾意這兒飲品任飲，有日本美食，也有泰式食物 ...飲品選擇很多，有汽水、果汁、無糖茶飲、涼粉爽 ...先來刺身 三文魚、章紅魚、希靈魚、甜蝦、北寄貝、赤貝、珍寶帶子、日本角螺 ... 刺身鮮味又厚身接著 ... 壽司和手卷 有矜貴的黑松露珍寶帶子壽司、味道豐富的醬燒芝士蟹棒壽司 火炙香蔥左口魚邊壽司、火炙京蔥三文魚壽司、蒲燒鰻魚壽司、劍魚腩壽司、象拔蚌壽司鹽燒珍寶大蝦真是好大隻，肉質厚實，味道鮮甜又彈牙香蒜煙肉焗北海道帆立貝上面鋪滿蒜粒和煙肉，好惹味 和風芝士廣島蠔焗至剛剛熟，芝士味道不會太濃而蓋過蠔的鮮味鑊炒蒜片牛柳粒好香好夠鑊氣，味道濃郁，肉質軟腍 鐵板牛舌 ... 牛舌厚身，肉質嫩腍食榴槤的話一定要試貓山王榴槤炸彈 炸到金黃脆卜卜又煙靭軟糯的外皮包住清甜幼滑的貓山王榴槤蓉 外脆內軟，一粒真是唔夠喉 ...跟著到泰式風味 ...鳳尾蝦春卷、香茅燒豬頸肉、越式牛油雞雞翼招牌九層塔炒蜆有少少辣，蜆肉鮮甜，醬汁惹味最後是甜品 ... 本糠布甸、豆腐