大本瀛日式放題

营业中

休息中

說兆萬是放題集中地一點也沒錯，這𥚃已經有幾間不同的放題。通常會就食物種類、味道、價錢的性價比作選擇。這裡有泰式食物是其中一様較特別，最重要是有泰式生蝦，因為很多泰式餐廳也沒有了生蝦刺生了。生蝦會跟其他刺生一起上，但會加了泰式醬汁，特別惹味。亦有九層塔炒蜆及冬陰功，不過辣度則減了，比較合大眾化的口味。壽司方面劍魚腩壽司也不錯。燒物的牛舌、燒大蝦、燒羊架也推介。 榴連炸蛋是每次放題必叫的，超濃郁榴連流心醬一汁，外皮脆卜卜，氣味也夠濃烈。

食過咁多間放題，呢間算係食物款式好多，特別刺身好新鮮，食左兩round 都覺得質素唔錯，燒物同天婦羅都好好味，仲要有我最鐘意既炸榴槤，芝士年糕😚唯一係食壽喜燒牛肉難以進食，因為用碟食，沒有提供碗比我地🤭飲品任飲，選擇都好多，有酒飲，另外每人一個甜品食，木糠布甸同迷你心太軟，都好好味，最後仲可以食埋雪糕/雪米糍價錢合理，餐廳環境舒適，唔會迫挾，服務都唔錯，最重要地理位置方便！！！值得Encore😆

前日放假同朋友去食生日飯，幾個人都旺角又想食好啲，就選擇係美食集中地旺角等，去到旺角又唔知食乜好，見到樓下有人派傳單又唔係貴，就上去試下。上到去啲staff都幾nice，又岀奇地唔洗等好耐，就決定食佢！食物方面，真係有surprise!! 本身以為都係一般放題咁得幾款，同啲刺身唔多新鮮，點知都幾多野食，刺身都算幾新鮮，又快到，你寫幾件真係會岀幾多件，唔似其他，你寫20，都係比2你😂其實款式好多，下面就推介幾樣我覺得必食既，其中一樣一定係火山溫泉蛋，佢咸咸地又唔係太濃味，入口即融，每日只少叫左2/3隻😂最好係佢啲壽司，全部細細粒，唔似其他餐廳用飯填飽你😂細細粒就可以每款都試下，特別推介黑松露系列，好正！熱食我最中意食佢既金菇肥牛卷同玉子天婦羅，又香口又好味，食到停唔到口😂有朋友唔食牛既，佢就最中意食雞翼，有牛油雞翼同香草雞翼，玉子天婦羅好厚切，幾有驚喜，連人蔘雞湯都有，飲得岀無乜味精，正！芝士年糕入面係滿滿可以拉絲既芝士，炸蝦餅夠脆夠彈牙，好味！仲有個燒菠蘿，夠juicy又甜，汁燒冬菇同翠玉瓜烤得好夠火喉，好正！野飲有2個雪櫃咁多，仲有啤酒添，連荔枝紅茶，忌廉鮮奶同芒果汁都有，岀面通常得

旺角咁多間放題，唔知揀邊間好見食評話呢間性價比高！就試呢間平日夜晚上到去，差唔多full曬好彩個fd預先bk咗！先叫刺身，擺得好靚咁上枱泰式生蝦仲有配埋個酸辣汁，好味！螺都好食，甜蝦係有頭呢款，大大隻前菜叫咗木耳同鳳爪細細碟非常好，可以咩都試d木耳整得好好食個汁酸酸辣辣調得啱啱好好食到encore咗2次壽司有我最鍾意嘅火炙左口魚欣賞佢d壽司飯細細件，唔會塞飽你另外海膽花之戀都好食燒物炸物全部黎到都熱辣辣芝士年糕必食燒雞翼加咗孜然粉都好味太多嘢食，不能盡錄，全部水準都不錯！人參雞湯味道清甜清酒煮蜆，估唔到都幾大粒忍唔住叫咗個壽喜燒有菜肥牛，蛋，金菇，洋蔥，娃娃菜夠入味最後食甜品最正係個心太軟，細細粒，又做到平時甜品舖食嘅味道好正！要encore!!店員都好nice!!係我去過咁多放題之中最有禮貌！

是日和同事仔去了食我喜歡的放題，在兆萬倒有不少的放題店，我可以久不久約身邊的人陪我食個飽~~~這裡的環境算是不錯~~~呢度的餐紙好在唔算太多，不用睇到花多眼亂~~~一開始上刺身，食放題唔食刺身簡直係浪費，如果不是有好友的耳濡目染，相信我仍然係個唔太喜歡食生野的人，真心講，自己吃多了刺身就覺得人生可以享受多一種類新鮮美食，係值得的！我和同事仔最喜歡食鮑片和珍寶帶子，呢間的刺身算是不錯，感覺幾新鮮~~~這裡的熟食倒不錯，個人最愛就是燒羊架，肉夠軟熟又好食~~~炸物有得叫我喜歡的榴槤球，最正係有得叫參湯，個參湯真係好好飲，搞到我好想叫多碗來飲~~~呢度的雪糕選擇倒不少~~~整體感覺不錯，期待下次再來飲參湯~~~

旺角兆萬中心食肆林立，趁放左工同朋友去輕鬆下，每位💲2️⃣2️⃣8️⃣，吃盡多款美食，當中包括🇹🇭足料炮製正宗泰菜🥗 超過200款食物，😋近60款刺身🐟、壽司🍣、小食🥘，應有盡有，包你吃到飽！ ====—====—====—====—食物選擇種類非常多，有多張order紙供客人剔選食物，非常方便！ 🐟刺身刺身新鮮，味道不錯！ 🍣壽司 🍘火炙壽司 火炙燒過的壽司很香，壽司小小一件，份量剛好！ 🍙卷物、手卷 軟殼蟹手卷是朋友最愛！ 🍗前菜、小食 🍱和風料理 🥘一品料理 🔥爐端燒   串燒食物都是我們很喜歡的！ 🍤炸物、天婦羅 🇹🇭泰國風味 冬蔭公湯雖不是很正宗的味道，但味道也不錯呢！ 🍲火鍋牛肉火鍋shabushabu很好吃😍 拉麵 🍧甜品 有自家製的木糠布甸和牛奶奶凍，味道相當不錯！ 還有雪米糍和雪糕！ 飲品 有超過10款飲品選擇！ 食物上菜速度快，食物賣相精緻，味道不錯，店員也很友善呢！ 隔離枱有人生日，店內會關燈及播放生日歌，再送上蛋糕，非常驚喜，下次

到旺角行街，最喜愛就是購物完之後的節目，就是揾好野食啦，而放題是我食得最開心的。這間大本瀛哦，我算是常客了，舒適的環境，美味的放題，就是吸引我之所在了。至於款式，大本瀛都算多，想起那些刺身的鮮甜美味，還有壽司及炸物，泰國風味，一品料理，那少不了的飲品，講開就即刻去食啦。先要了個海鮮刺身，珍寶帶子、北寄貝、章紅魚、鮑片及玉子...等,各款刺身都非常新鮮，當中尤其喜愛北寄貝、帶子及鮑片。覺得刺身新鮮又美味，所以又再追加。再要了帶子、挪威三文魚、玉子、北寄貝及日本角螺鮑片...等。除刺身外,還要了海膽花之戀壽司及黑鬆露三文魚拖羅蓉卷。尤其喜愛海膽花之戀壽司，入口滿口的海膽及三文魚油香。而黑松露三文魚拖羅蓉卷也十分新鮮，腍滑的三文魚及香濃黑松露，令拖羅蓉卷鮮甜香。榴槤炸彈。榴槤炸彈細細隻,外脆內帶榴槤味十足的流心，這個是我每次食放題都不會錯過的選擇。鐵板燒紐西蘭羊架鐵板燒紐西蘭羊架，雖然燒得有少少焦，但醃得很入味，香草味濃。食放題最開心了，任飲任食，優質的放題，是我的首選，下次再食，這就是優質放題的魅力。

最近朋友話想約食放題，黎左旺角呢間大本瀛食中午既放題，埋單就食左$413.6/2人，任食黎講，價錢都不錯。呢間同出面任食有既野都差唔多，但勝在有幾樣好食又回本既野可以叫。第一樣必食既係呢到既牛舌！本身我唔係話特別鐘意食牛舌，但朋友食完話極力推薦，食左一啖之後就對呢樣野上左癮！呢到既牛舌唔會好韌，好易咬得開又好香牛肉味，我地叫左幾轉都覺得好好食！第一次見放題有蟹粥食，見到個蟹字就雙眼發光，一份真係有好大舊蟹係入面，啲粥都好綿，可以試下叫。呢到仲有個壽喜燒可以叫，兩個人食份量岩岩好，可以食啲菜消滯。飲品有幾十種選擇，仲有啤酒飲。一開始我搵唔到有甜品落單，但原來食到尾之後會有張甜品紙，有心太軟同布甸個啲，心太軟好濃朱古力味，可以一試。坐呢個位望到師傅整野食，感覺食呢到既魚生都會安心啲。服務態度唔錯，收碟快，有機會再黎。

小倆口一心打算星期五吃好西，在兆萬中心放題店林立，見到openrice這間有有成六百多好評，心想應該有點水準。我們是在黃金時段8:40左右到，有很多人等位。等了大約10多分鐘，店員安排我們一張小小的二人桌就座。座位並不寬敞，但也理解—畢竟是星期五晚飯時間嘛。店員巡例簡單說明桌號及飲品櫃位置等，我們便開始點餐。餐點種類很多，連泰國風味也有。放題的重點之一當然是刺身。刺身上桌時賣相也不錯，數量也與落單紙相符。然而，嚐了後發現刺身只是靠冰塊冷著，但其實一點也不新鮮。帶子是一顆冷但沒有味道的物體；甜蝦沒有一點鮮甜；連我愛吃的三文魚的肉質也有點霉。還有必須要提這串汁燒冬菇。其實今餐不少款食物都有點過鹹，但這件冬菇居然鹹得誇張到男友放入口後吐出來🤮天婦羅，普普通通。炸物。左邊白色的是「台式鹽酥花枝丸」，其實像白魚蛋。烤蠔的粉極厚，比蠔還大，而且蠔還有點腥。辣椒膏炒青口，味道okay，但青口不太新鮮，有些渣。全晚唯一較好的是這個芝士茄醬烤雞肉。甜品，不過不失。本來想開心吃放題，但最終卻令我們失望。這晚晚餐連加一每人平均$273，以這個價錢來說，實在有太多太多更好的選擇。

TGIF又黎到兆萬挑戰一下 冇傳說中咁伏喎今次食10樓嘅大本瀛 獲得優質Q嘜保證一出lift就見到好多人等位 主打日泰料理.由落單到上菜 真係15分鐘都冇除左刺身同order有啲出入 其他全部上齊呢一點已經值得加許👍🏻快靚正大家可以分批落單 唔係張枱就會冇位有A~K張點餐紙 last orders 仲有甜品紙添.刺身🐙除左八爪魚比較難咬開之外其他都好爽口彈牙 新鮮程度:中等相對少見嘅刺身👉🏻章紅魚 馬刀貝.壽司🍣個人偏愛火炙系列呢度有左口魚啊！重油香 值得一試每枱必叫卷物: 海膽花之戀 香葱和牛卷.泰國風味🇹🇭用料都好大方全部都大大隻海鮮 辣椒膏炒青口唔算太辣推薦🍤手打炸蝦餅 超厚身又彈牙.爐端燒🍢後悔冇encore不論蔬菜定肉類都燒得岩岩好特別係菠蘿 翠玉瓜等蔬菜 超多汁海鮮類又係大大隻 加埋芝士焗仲邪惡.炸物🙈好熱氣 但好好食秒清成盤店內海報推介吉列蠔/帶子不過香芋丸 芝士年糕 榴槤炸彈仲好食個個流心效果可以追加一打黎食天婦羅💛連玉子都有 真係創意十足.和風料理🇯🇵最後貪得意叫的壽喜燒 清酒煮蜆 花蟹粥全部都份量十足真係食得哂先至好嗌🤣咪做大哂鬼.甜品🍮除左雀巢雪糕雪米糍外 仲有自

餐廳：大本瀛日式放題 (旺角)地址：旺角西洋菜街1號兆萬中心10樓今次係我第三次介紹兆萬中心高層嘅放題餐廳，黎到10樓嘅大本瀛日式放題，唔知又有冇邊幾款食物吸引到你呢？軟殼蟹手卷一大舊金黃香脆嘅軟殼蟹放喺飯團中間，再用脆脆紫菜包住，每一啖都可以食到軟殼蟹，再加埋蟹籽同沙律菜，成個手卷都非常豐富，唔洗蘸豉油都夠哂好味日式花蟹粥用花蟹熬製煲成嘅粥，加上栗米同蟹柳，令綿綿嘅熱粥唔單止充滿蟹味，亦因為有埋栗米而甜甜地，幾好味，仲有兩隻花蟹腳可以咬下，食多碗都仲得火山溫泉蛋見到個名，黎到嘅時候見到又真係幾似火山🌋諗諗下仲好似日本富士山添😂做到蛋白同蛋黃都呈半凝固半熟狀態，一啖吸入口果下真係好爽，再加埋甜甜地鹹鹹地嘅醬汁，鍾意食溫泉蛋嘅人一定要試試金菇肥牛卷相信呢一款經典嘅食物好多人都有試過，當金菇吸收左肥牛汁，而肥牛又煎到少少香脆，再一啖咬落去嘅時候，肥牛同金菇口感嘅層次分明而滿口都充滿着肥牛醬汁，真係無得頂，簡單而美味好野食點止咁少，仲有其他美食嘅照片就等大家自己去睇同試喇~

今日中午去了旺角的小日本--兆萬中心的《大本瀛》食放題。過百款食物任點任食，落單後再去自助區選飲品啦，數十款飲品供選擇，包括啤酒、汽水、韓式飲品，像我這種愛啤酒之人可以飲到夠，而雪糕亦可以任食。座位是獨立的卡位，闊落之餘，一行行的竹簾不會看到鄰坐的食客，免除尷尬。 好! 開始啦!! 首先就先食刺身啦!! 北寄貝：色澤鮮紅新鮮，口感爽口。帶子：不算厚身但非常軟綿綿，入口不消一陣子已經融化，非常Creamy。然後飲了一個人蔘雞湯，眼見湯水非常清澈，本以為不會好喝，怎料人蔘味非常濃，飲完好滿足，不嘗試定會錯過香草燒羊架：燒出來的羊架不會太肥，肉同脂肪的比例剛好。燒得表面微微焦香。咬下去羊汁湧出來，非常Juicy，沒有一點膻味，超水準之選。軟殼蟹手卷：口感最為獨特，暖暖的飯包著香脆的軟殼蟹，一軟一脆的口感一流。飛天炒通菜：炒得很惹味，餐廳體貼地提供均衡的飲食，值得一讚!!豬頸肉：肉質嫰滑彈牙。炭燒雞翼：一啖撕開脆卜卜的雞皮，肉汁豐盈，雞肉很嫩滑。燒翠肉瓜：燒得很脆口，亦保留十足水份，正!和風芝士焗廣島蠔：廣島蠔淡淡的海水味配上芝士令口感更加creamy。香蒜煙肉焗北海道帆立貝：“大本瀛”的帆立

🇭🇰#香港捐窿捐罅記 instagram: foodkiller_dk放題來講，離不開都係刺身炸物爐端燒等等食物。今次呢間放題應有嘅款式佢都有🍍，比較唔同係佢有泰國風味嘅食物 例如熟食方面會有生菜包冬陰公飛天通才等等🤤刺身方面會有泰式生蝦刺身🦐 感覺冇咁單調 當然 刺身來講 三文魚 甜蝦 赤貝等必叫食材都實有啦 融雪都處理得幾好唔會食到冰嘅感覺熟食方面都幾豐富 其中我覺得佢個牛肉鍋放咗隻生雞蛋更壽喜燒嘅感覺小小驚喜，因為好簡單嘅一樣食材 但好多放題店都會忽略呢一樣野👍講講服務方面 店員算幾有禮貌 態度唔錯 但漏單情況都幾嚴重 飲品方面 選擇都唔少 雪櫃採取一個冇咁凍嘅溫度幾適合一啲唔想飲太多凍嘢嘅人-🎈旺角西洋菜街1號兆萬中心10樓平均傷害：$230

今日book左旺角兆萬中心十樓既大本瀛日式放題，黎個滿足3小時午餐放題。平日黎食諗唔到都幾多人，侍應安排我地坐卡位位置，有d位置會有竹簾隔開，增加隱私感。放題既質量主要睇餐廳刺身，必點三文魚，厚切、油脂分配平均、入口融化；有頭甜蝦，軟黏，口感一流；最出色係鮑片，鮮甜可口；而八爪魚刺身、北寄貝不過不失，亦可一試！我地encore左兩次壽司，可見真係非常好味！最鍾意係火炙系列，同三文魚壽司；唔會好大舊飯，胃還裝得下其他食物。仲有個軟殼蟹手卷，keep到紫菜還是脆的，值得讚！至於熟食方面，清酒煮蜆有少少酒香味，芝士焗蠔超野味，燒雞翼有孜然味又keep到肉汁，鹽燒活海蝦超大隻，啖啖肉。另外，串燒冬菇好juicy，而烤菠蘿酸甜開胃，亦係好多人必點小食。飲品方面，門口有兩個大雪櫃，飲品主要係LOTTE系列，還有少量其他飲品，任君選擇。放題少不了甜品，選擇雖然唔多，但呢個心太軟幾好味，最後仲拎左個雀巢紅豆雪糕，實在太滿足啦！

今日同朋友喺旺角行街，諗下諗下好想食放題，就去咗兆萬，可以比朋友慢慢一齊揀。 咁就有好多張嘅紙，乜嘢國家嘅菜式都有。來得放題又點少得魚生呢，我食過好多間嘅三文魚，呢一間嘅三文魚係最好食，因為佢好肥美，有啲差啲嘅放題，嘅三文魚係會腥臭，而呢一間完全唔會有同埋咬落去已經即溶。又叫咗個椒鹽雞粒，非常有水準，好有咬口，同埋好食過大排檔嘅。而天婦羅炸物方面，就不過不失，而店員亦都好體貼俾咗一大碗嘅汁，如果好似我呢啲好鍾意食重口味嘅人就好啱，因為唔使再拎過佢啲汁！而肥牛金菇，都好好食唔會散曬咁。嘢飲方面係自助式嘅，有唔同類型嘅飲品，我就會鍾意飲茶多啲。同埋都有好多雪糕有嘅選擇。佢係開放式廚房嚟嘅所以大家可以望住佢煮嘢食，感覺上比較安心係即刻着煮既。以服務方面，店員係好留意你一寫完佢就會即刻來拎，而你一食完佢就會即刻收碗， 唔會比張枱有太多碗。係會感覺到店員係留意緊你，俾人有一種好專業嘅態度。