大本瀛日式放題

营业中

休息中

第一次光顧 ‧訂座即送即開生蠔/海膽/特色雪糕(三選一)  <-- 中伏 生蠔 -- 超腥，得個殼，友人回家後共肚痾了5次 海膽 -- 超細、超腥 用餐時，身邊有隻曱甴經過，店員剛經過看到，即時用紙巾掐走 ，嚇死 ，有待改善！

咁岩喺朗豪坊睇完早場，見肚仔餓就去咗成幢都係放題嘅兆萬食餐好嘅記得之前朋友講過大本瀛多野揀，質素又唔錯果然食物種類幾多，連泰國嘢都有。食得放題當然頭一輪要食刺身，有我最愛既帶子，算幾大粒鮮甜，仲有甜甜地嘅玉子，啱晒想食玉子又唔想食舊飯嘅我比較少見嘅象拔蚌都有，真係大大條好厚肉，口感幾爽彈溫泉蛋口感好滑，配埋甜甜地嘅照燒汁，好開胃燒物燒得唔燶唔乾。金菇肥牛卷肥瘦比例適中，唔會得肥膏，金菇爽口，兩者加埋配上燒汁食香口惹味；雞肉串幾嫩，醬汁好香花生味牛柳粒略嫌肥咗少少，但肉質嫩滑易咬，調味唔會太鹹。啖啖肉雞球加埋茄汁忌廉同芝士焗香，好有美式熱狗風味，幾特別encore左幾次。個醬汁鹹鹹地甜甜地，惹味十足，忍唔住食完一隻又一隻，值得一讚係炒蜆大隻得黎無沙推薦燒羊架，肥膏比例恰到好處，入口滑嫩帶油香，肉味濃郁點都要有啲澱粉質落下肚先滿足嘅蟹粥煲得幾棉，加咗蟹肉同粟米，飲落清甜易入口仲有心太軟食添呀用左苦甜朱古力整，冇咁漏，朱古力味仲好濃添，美中不足係上枱嘅時候只係微暖，如果新鮮焗起相信會更好食

雖然星期日最多菲律賓人嘅地方唔係銅鑼灣，而係菲律賓，但係講到放題最密集嘅地方，未必係日本，應該係兆萬。今次食10樓嘅呢間，我喺平日最貴嘅晚市時段19:15-21:00入座，都係每位$228，就可以任食2小時～刺身有13款，當中有我都幾鍾意食嘅馬刀貝，呢款喺唔算好常見，當然我都有叫嚟食，爽口彈牙，夠哂新鮮！壽司方面都有好多選擇，壽司飯都握得唔錯，啲飯唔會話好易散開。火炙京蔥三文魚壽司、黑松露珍寶帶子壽司係必點，兩款都能夠帶出魚生嘅鮮味👍🏻卷物超colourful，其中海膽花之戀又足料又好食，海膽唔腥唔苦💕除咗魚生刺身之外，熟食都好出色，除咗日式嘢食，例如天婦羅，仲有各種各樣嘅菜式。越式牛油雞翼牛油味香濃，外皮唔會太油👍🏻泰式生菜包都有，豬肉好香口啊～需加一服務費，埋單2人約$500。P.S. 搭𨋢時見到9樓嗰間都好似唔錯，下次去食先～如果你鍾意睇我嘅食評，不妨關注我，支持吓我，謝謝你☺️💕

今日同朋友來食大本瀛嘅lunch，第一次黎，覺得環境都幾唔錯，而且侍應上菜都幾快，食完嘅碟好快會幫手收起，服務態度幾好，仲主動問我地要唔要交點菜單，值得加分。食物種類都幾多，刺身方面推介甜蝦，比出面食開嘅大隻好多，三文魚同赤貝等等都唔錯，上菜快得泥仲放得整整齊齊。另外壽司有黑松露系列真係好正！唔係度度都有，全部都食過返尋味，仲有海膽花之戀都幾好食。燒物就最鐘意牛舌，燒得好香又夠嫩滑，火候啱啱好！其次焗蠔都唔錯，芝士好香口，味道ok。仲有焗帆立貝好濃蒜香味，細細粒食極唔想停，叫多幾隻都仲食得落！另外雞軟骨一份都幾多，三個人叫一份岩岩好，炸得幾香口又唔算厚粉。炸蠔就比較厚粉，但入面都好香好多汁，可以一試。最後嘅甜品叫左個奶凍，食到甘飽都唔覺漏，仲想食多杯，不過記得要留肚食雪糕！總括黎講性價比都幾高，下次會再來。

🔎旺角西洋菜街1號兆萬中心10樓「有港式打邊爐既日式放題」－ 大本瀛日式放題 (旺角)係兆萬樓下見到有人派傳單，見到價錢又合理，野食有好似幾多款式，所以同朋友二話不說上左去兆萬中心10樓到試下「大本瀛」日式放題。上到去，侍應服務態度超卓，會介紹下有咩特式野好食，可以食左啲乜先，而且之後收碟、落單速度都係食過咁多間放題以黎最快的，唔洗擔心漏單呢！之後緊係即刻落單，叫一大盤魚生食啦！依到既刺身有成13款咁多，樣樣都叫下結果就一大盤啦！三文角既油脂分佈平均又新鮮，北寄貝有咬口又好食，帶子鮮甜又大隻！盤刺身比我地好快就化晒。手卷亦到係新鮮即製，紫菜仲係脆，軟殼蟹仲係脆卜卜熱辣辣，我地encore左幾次呢！不得不提到依間放題特別既係有泰國料理，我地就試左冬陰公同豬頸肉，兩樣都非常理想，有泰式風味。最後，緊係黎到最特別既地方，有港式火鍋打呢！叫左之後，職員就放上一個GAS爐，之後湯底同邊爐料好快就黎到！以為款式好少？唔係架，都有成8樣比你揀。不過如果烏冬係稻庭烏冬咁就更理想啦，話晒日式放題嘛。而其他配料，牛肉、丸類都唔錯架！依間放題其實都非常理想！野飲款式多，仲有好多甜品選擇，雪糕櫃就放左係lif

位於旺角西洋菜街兆萬中心10樓的大本瀛，主打日式放題，餐廳的地理位置方便就腳，之前和朋友來過，質素不錯又頗抵食，特意再來吃飯。侍應送來了一客刺身拼盤，是給剛入座顧客的歡迎拼盤，有挪威三文魚、章紅魚、手切八爪魚、有頭甜蝦和帶子。刺身的色澤亮麗，口感不會霉霉的，吃落十分冰凍。餐廳的罐裝飲品也是自取的，個人頗喜愛飲楊協成的菊花茶或涼茶，吃完煎炸食物後可以下下火，飲品冰涼爽快。朋友則喜愛飲無糖的烏龍茶，也有啤酒和罐裝的忌廉溝鮮奶。除了有較為常見的日式前菜，如中華沙津、芝麻八爪魚等，還會有一些中式小食，如手拍青瓜。手拍青瓜味道開胃，有頗香濃的蒜蓉味。點了幾件火炙壽司，壽司的賣相不錯，個人最喜愛吃醬燒芝士蟹棒壽司，微微溶化的芝士加上頗鮮甜的蟹棒，頗滋味。朋友則喜愛吃黑松露珍寶帶子壽司和黑松露珍寶赤蝦壽司。赤蝦肉質十分飽滿，淡淡肉，吃落十分過癮，而且肉質頗鮮甜。面頭的黑松露令整件壽司的味道更加豐富。🙆‍♀️點了一客壽喜燒牛肉鍋，配料和湯鍋是分開上的，可以按自己需要才慢慢落配料。牛肉的份量頗多，而且肉質不會太韌。上面的牛肉鍋約一人份量的，如果想要份量大一點，供2至4人享受到的，可以點火鍋，額外添加配料，

好朋友生日，我們又去食放題慶祝，點解咁鍾意食放題？ 理由係價錢唔貴又可以食到好多不同食物。今次揀呢間大本瀛日式放題， 大家都未食過一於去試下。第一Round一定要揀刺身食，有三文魚 希靈魚 甜蝦 北寄貝 帶子 日本角螺 八爪魚 赤貝 鮑片 玉子，連少有嘅泰式生蝦同馬刀貝都有。 魚生全部都好新鮮， 我最愛係帶子，肉厚鮮甜， 希靈魚都唔錯， 爽脆彈牙口感好正。食過返尋味，小小地叫多一Round再食。軟殼蟹手卷， 蟹身外脆內軟，熱熱地好juicy，食後味蕾真係有種幸福滿滿的感覺。 海膽花之戀屬驚喜之作，我同朋友勁鍾意食。香蔥和牛卷第一次食，味道一般無乜特別。 黑松露珍寶赤蝦壽司必食，新鮮美味。招牌九層塔炒蜆，泰式風味煮法， 蜆肉肥厚大粒，最重要係無沙，即叫即整， 熱辣辣香濃惹味， 值得推薦。泰式風味炸蝦餅， 炸得啱啱好外面夠脆內面蝦肉彈牙， 配合辣醬滋味無窮。日式花蟹粥，有粟米同蟹肉，粥底綿綿味道鮮甜，唔錯。香蒜煙肉焗北海道帆立貝，叫了三客，賣相各異唔均勻，味道偏鹹麻麻地。鹽燒珍寶大蝦， 蝦肉特別鮮甜，香口彈牙惹味。貓山王榴槤炸彈，外皮炸得金黃香脆，一咬入口，榴槤多到滿瀉，氣味飄香，超級好味

今次係我第2次黎食大本瀛。印象就係好多選擇既一間放題，而且非常抵食。先講刺身。佢既款式比一般放題多，好似章紅魚，馬刀貝，赤貝呢d比較少放題有得食既切生都有。好少放題係會有泰式野食。對上一次一大班人食時，我地有叫到飛天通菜，抄蜆同鳳爪，味道都好好架好惹味。不過今次2個人就唔敢叫太多野了，只係叫左上次都有叫既冬蔭功。食甜品之前，都點左個烏冬黎食，細細碗唔會太多，份量預得好好。雖然我地今次得2個人，但都算係叫左好多野食，最後要捧著個肚走，而且多到都有d影漏左！最後要講埋野飲，因為好重要！如果坐入面既朋友仔，想有多d選擇，一定要行多2步出去門口個雪櫃度揀，因為會多d選擇的。上次我地坐入面冇為意，少左好多選擇啊。

見大本瀛成日滿座，所以我就早幾日打電話去問位，到時等好耐先有位。一去到門口就見到好多人，前台的服務員好有禮貌咁帶我地入座。一入去就覺得環境好光，唔會好銀。我哋坐嘅係卡位，幾個人楚落都仲有好多空位，位置好寛敞，坐得好舒服。話明食日式放題，最重要嘅當然係刺身。我哋就叫咗三文魚、甜蝦同八爪魚等等，刺身啲肉好厚，食落去好冷鮮冇雪藏味而且唔會腥。因為本人好鍾意食菠蘿，所以有機燒菠蘿係我必叫既。燒菠蘿嘅火候控制得好好，識落唔會好多，有落去啲汁出晒嚟，好juicy，甚至有啲焦香。食日式放題少不了天婦羅。所以就叫咗蟹棒同多春魚，但係唔會好口粉，甩皮鬆脆，而且啲蝦肉好爽。最後推薦嘅係多春魚，條魚好食食落去好爽。另外，我哋仲叫咗唔少壽司同手卷食，壽司好多款俾你揀，每一份嘅壽司食落都好多料，尤其係手卷，食到差唔多到肺都仲有料，對於鐘意食手卷既人嚟講係一個福音。最令我一試難忘嘅係日式花蟹粥，食落夠清甜，而且啲蟹肉多夠足料，蟹肉好鮮甜，食完唔夠再叫多左一碗。而令我最驚喜嘅係日本吉列蠔同留心芝士年糕。嘢食送到上枱仲係熱嘅，識落完全唔會油仲好脆口。啲蠔唔會好腥仲好多肉，完全唔會乾身。仲有芝士年糕，因為送到黎仲係好熱

放題食品種類很多，所有刺身、壽司、爐端燒、飯麵類、鍋物、天婦羅、甜品、飲品全部任飲任食的！呢度食物質素唔錯，好多款食物都好食，呢度一般既刺身都有齊晒，仲有好多唔同既選擇。三文魚勁厚切，甜蝦又好新鮮爽口，黎到一定要試試。人參湯，超香濃既人參味，岩我呢d唔鐘意飲凍飲既人！都可以有多個選擇另外推介熟食一樣超好味，燒雞翼同天婦羅都唔錯最後仲可以選甜品食，我就揀左心太軟估唔到佢迷你size但係水準都是一樣的！去雪糕櫃仲可以任拎雪米茲添，好滿足！

6点前入座計$188位另加10%服務费(2小時任食)預早訂位贈送蠔1隻/海膽1客(每位可任選一款)蠔殼跟上(證明鲜開)雖然细隻，但好鲜甜，口感creamy海膽(好鲜甜)刺身多選擇章紅魚泰式生蝦八爪魚希靈魚螺鲍片全部好新鲜壽司(新鲜)焗帆立貝(鲜甜)焗芝士蠔(细隻左d)蟹籽沙律(Ok)芝麻八爪魚(Ok)壽喜燒牛肉鍋份量大窩(薄牛肉好鲜嫩)泰式冬蔭公(好辣)蜆(有砂……但鲜甜)炸物(炸得香脆)紫心香芋丸(好甜)榴槤炸彈(流心榴槤，好香滑)炸帶子(帶子大粒)吉列炸蠔(炸粉厚左小小)泰式生菜包(一般)炸天婦羅(炸粉已軟身)翠肉瓜(燒得香口)燒菠蘿(好多汁……酸左少少)板燒牛仔骨(羊架(雖然比較多根位，但~唔蘇)牛肉粒(醬汁心太軟(剛焗起)但焗的時-多左(內裡熟透，無朱古力流心效果)其他甜品電話訂位(職員有禮，而且提示店在那車站出口出，較易找到店的位置。需要唔凍飲品和熱茶(如提出~店有供應俾客)

今天跟男朋友去旺角走一走，我們走到兆萬中心樓下看到好多人，原來是一座好多東西食的中心，樓下好多人是派傳單的，他們好努力，只要有一個人拿到傳單，其他人都會立刻走去過傳單自己的舖，我當然中了，手上有好多張，我們看了一下選擇了10樓大本瀛。等了15分鐘左右就有位置了，地方都算大，坐位寬闊舒服，剛好坐在刺身區前面，可以看到衞生非常好，全部都有帶手套工作。好了，開始寫餐紙，它們有A-K的選擇，通常A都是刺身，我先點了刺身壽司，可能坐得比較近，超快來到，挪威三文魚真的是挪威三文魚，肥瘦均勻，鮮甜，還有有頭甜蝦，珍寶帶子，玉子，手切八爪魚等等，全部都是新鮮材料。接下來劍魚腩壽司，醬燒芝士蟹棒壽司，都是特別好食。之後來的是小食，川椒皮蛋，好好食，不會太辣，有一點點蒜味，胡麻豆腐，豆腐好滑，胡麻是BB牌的那個。順序到了，火山溫泉蛋，真的做出溫泉蛋，中心蛋黃是溶溶的，不容易呀！壽喜燒牛肉鍋，甜甜的湯底，材料都有蛋，牛肉，金菇，娃娃菜等等。香蒜煙肉焗北海道帆立貝，蒜是生蒜，超辣，好刺激，美式特濃芝士茄醬烤雞球，芝士真的好濃，雞球好嫩好滑。泰式冬蔭公，小小辣，小小酸，我好鐘意，仲有D蝦食。燒有機菠蘿，一來到已

星期六中午， 因為已經好耐冇食過放題，決定中午先過放題， 中午食放題有幾個好似處，人少環境唔嘈 ，我哋一行兩人去咗兆萬嗰度有好多選擇咁我哋求其入咗間 大本瀛， 呢間放題極嘢食數量亦唔少 我哋首先叫左個刺身， 我哋嗌咗甜蝦鮑魚同埋三文魚， 刺身賣相相當討好，刺身食落都鮮甜 ，跟住就開始試燒物，首先嚟咗大蝦，蝦殼上面充滿鹽，蝦肉結實但要小心啲鹽， 有時搣得唔好會過鹹, 燒冬菇醬汁濃郁，跟住雞軟骨相當炸香脆野味，一口牛，牛肉味濃，咬落亦唔韌，我最怕整到似擦膠。 跟住嗌咗清酒煮蜆清酒味略嫌淡咗啲，蜆無沙新鮮清甜。 炸生蠔亦相當唔錯， 食咗個牛肉烏冬，份量細細碗份量啱啱好可以過口癮，食落唔錯有80分， 最後見到最鍾意嘅榴槤 同埋芝士年糕 呢個一定要留番最後食因為好易飽 芝士味香又鬆軟 最後加埋杯雪糕 兩個人飽到頂住肚走 。

旺角兆萬中心呢邊好多放題食肆，花多眼亂，朋友介紹去大本瀛午市放題， 一於試下新嘢。午市放題$198加一服務費。放題來說，價錢不算貴。各式食物任食，基本的刺身、壽司、炸物之外，最吸引我是有打邊爐。職員教路，先食刺身。 好新鮮呀，全部一上桌，賣相非常靚，擺盤裝飾很有心思。甜蝦是我的至愛，超級鮮甜呢！帶子、北寄貝、赤貝、三文魚等等，全都很新鮮，赤貝非常鮮甜，不會有腥味；北寄貝口感煙韌，整體的刺身來說，質素上乘。壽司味道不錯，海膽花之戀，三文魚又滑又香，海膽也鮮甜； 黑松露三文魚拖羅蓉手捲， 黑松露令滿口都是香味，拖羅蓉油份夠香，喜歡吃紫菜，脆卜卜的，上桌要盡快食，而且壽司飯軟綿煙韌，醋味不會太酸。由於喜歡吃黑松露，所以還點了黑松露珍寶帶子、黑松露赤蝦壽司。刺身本身夠新鮮，所以很甜，配黑松露味真的是舌尖上的享受。灸燒左口魚邊壽司，有香蔥調味，左口魚味味燒過後油份出曬嚟，更加香滑，入口即溶，好好味呀。食完壽司，到打邊爐，細細鍋，已經調配好二人份量， 有肥牛、娃娃菜、金菇，我另加了墨魚丸配料。雖然配料選擇不多，但在放題裏面有打邊爐這個環節，令整餐飯生色不少，覺得好多野玩又多野食。熱食方面，有冬陰公

已經好耐無食過放題，今次試兆萬呢間既午餐放題，價錢合宜，選擇都ok多，有齊刺身壽司、卷物、手卷、炸物、小食，仲有火鍋😆.刺身抵讚，每次點都一大盤咁上，十分大方，底下仲墊左冰，保持魚生溫度😎全部刺身都厚切咁上，食落幾新鮮，重點推介三文魚（舊舊都好似魚腩咁肥美）、赤貝、帶子、八爪魚🍣鮮味好突出.壽司加埋卷物都有十幾款，放題黎講都不錯了壽司飯既size大小適中，唔怕食得多會飽左～黑松露系列壽司交到功課，黑松露味香而不搶，夾埋魚生食口感都幾好👍🏻.手卷就有兩三款，驚太飽所以叫左軟殼蟹手卷一款～紫菜夠脆，一咬就好大聲，軟殼蟹都炸得夠脆，但如果炸粉少d，蟹既部分再大舊d就更加正啦😇.小食款式多，有青瓜、中華沙律、蟹籽沙律、粟米、麻醬豆腐、螺肉、一口炸豆腐等等芝士年糕🍢好味！炸得黎唔油膩，芝士餡夠多夠香，年糕煙韌度都掌握得好好！配合香脆外層一流吉列蠔🥧既炸粉有點厚，蠔味唔太突出，但焗蠔就相對做得好d，芝士焗得香🧀又唔會蓋過蠔味溫泉蛋就普普通通啦，流心效果有待加強.甜品多選擇！仲有木糠布甸、牛乳布甸，布甸唔會好甜，放題食左咁多，甜品都唔需要再食咁甜啦～所有甜度剛剛好🥰其他自製甜品仲有心太軟，同有個類似