大戶屋 (已結業)

復活節假期, 去完times square睇chocolate rain, 近近哋, 到隔鄰的大戶屋吃午餐. 兩個人叫咗:生蠔飯配豬扒定食 : 4隻細細隻的蠔, 嫰滑, 都幾鮮甜. 豬扒其貌不揚, 但味道很香脆雜菜十榖粥:有D菇, 菠菜.. 但咸咗少少菠菜: HKD10, 幾吓就食完. 大家切勿忽視佢D配菜，尤其是蘿蔔, 濃郁的清香的, 好好食. 是日人唔多, 大把位, 但侍應係咁過來收枱, 我完全同意WW20的話: 有點趕客....

試過吉之島店的美味炸雞扒,已想帶爸媽一試,因他們太愛吃定食了.已預知到星期五人一定很多,6時多便到了,可惜要到人齊才有枱.差不多6:30pm才到齊,還好仍有枱不用再呆等未到七時已有九成滿,人客多,侍應少,難免要等上好一陣子才能落單.上回吃過美味的炸雞扒醬蓋飯,這晚又再返炒.這店的炸雞扒保持到吉之島店的水準,雞扒脆而不油,肉質卻又能保持嫩滑,再一次佩服師傅的廚技.上次吃過冷蕎麥麵,這次要烏冬. 還記得上次吃的烏冬極之彈牙,但這次吃的卻比較硬,如果再煮長一點時間口感應該會更好.黑醋雞肉蔬菜定食 - 這道菜,爸一看到便說要點,因覺得其味道應該會似中式生炒骨.出來的效果也真的有幾分相似,雞肉先炸後以醬汁炒,掛醬效果很到家.雞肉染滿酸甜的黑醋,配料加入中式感極重的蓮藕片,青椒,薯仔,冬瓜,惹味之餘又帶點中式感覺.胡椒豬肉燒定食 - 這道菜比較普通,豬扒以日式燒汁烹煮,豬扒煮得很"淋"很軟熟.醬汁較淡,味道不夠突出.反之配料的洋蔥,因吸收了調味,送飯一絕.最愛這店每一款主菜也有大量的椰菜絲,另外還提供日式沙律醬,不怕單調.由於店中侍應較少,所以要找人也真的不容易.但加茶這一點卻不用擔心,用專人負責

約男朋友係CWB食飯, 之前係雜誌見過這間餐廳, 諗住同佢試一試等左3張檯就到我地, 都唔算耐. 我地兩個人點了一客豆腐沙律, 炸雞扒+冷麵餐, 蒸蠔飯+炸雞餐, 涼伴波菜先上沙律, 豆腐幾好味, 幾特別. 但係個醬汁好多油. 我地都仲覺得OK. 之後就到冷麵, 我地明明order左一個冷麵餐, 個waitress比左兩個冷麵我地. 我同佢講我地冇叫兩客, 佢應完之後都唔攞走多左的一客, 要我再同佢講多次, 佢先如夢初醒!!!我男朋友話佢個蒸蠔飯好難食, 由於我唔食蠔, 我冇試到. 但係離遠我都聞到d"聲"味. 個炸雞好多粉, d汁又油我個炸雞扒飯仲好笑, 雞扒下面有好多椰菜, 先見到d飯, 真係唔知點可以食得斯文d. 兩個人食左二百幾蚊. 我地認為係同區都有好多比佢好的選擇.

上完一日training，同小公主去到銅鑼灣行街，雖然7:30，但真係肚餓難耐，即刻搵地方醫肚先，之前喺Times Square食通天搭lift時見到對面換咗一間叫大戶屋嘅日本餐廳，加上有雜誌之前介紹過，一於就今晚去試試先。我未去之前都有預感佢唔會即刻有位，因為正值餐期，但係估唔到7:45一上到去，門口真係人生人海，雖然只係等十幾個粒把，但係我地兩個就由7:45等到 8:30，初初以為呢度應該係年輕人嘅食店，但原來叔叔嬸嬸，甚至一家大世都會嚟食，仲要佢地臨時嚷著要攞返張卡片下次再來過咁話，真係咁值得返吃，真係食過至知。終於有枱了，不過只係一張面對面坐嘅兩人枱，枱與枱之間只有半呎位，可以見得呢間食肆只係以量為主，希望番多幾輪枱。打開 menu，發覺佢樣樣都係定食，然後就好似McDonald's咁樣，會有個單點(a la carte)價，而且佢唔會太多選擇，但係就會有啲漢堡扒定食，兒童餐，真係得意。而且佢地每款定食及飯餐嘅飯都可以任添，我仲發覺佢地嘅飯應該係主打，事關定食嘅係用白飯，而佢地係可以比你轉佢地其他嘅飯，例如：山芋蓉飯、小魚飯、及海帶飯。我地最終叫咗兩個定食，不過佢地唔知係咪開咗

上次在時代大電視下等豬豬女友已看到此餐廳, 今晚拉她上來一試先.知道係50年的老店子, 都幾大期望!上到來, 都幾光猛;等了兩張檯便到我們了.menu 係每樣野/食材都介紹一番的, 可見老闆都好緊張d quality control.豬豬女友乜都想食, 揀左好耐, 最後叫了:吉列雞扒飯配盒子蕎麥麵生蠔烏冬窩定食京都明治綠茶慕絲 +無添加雲尼拿雪糕+十勝紅豆盒子蕎麥麵先上, 盒好大, 但麵只是鋪了一層薄薄的.原來食落都唔少架, 我同女友一人一半. 剛好.味好彈牙, 豉油加d wasabi及蔥, o岩好.最重要係麵好食, 真的做得好, 推介~嘩, 單叫麵係25蚊炸生蠔烏冬窩定食之後上, 比想像中細好多, d蠔都係, 好似蠔仔粥的size...不過, 係廣島蠔, 唔係港島蠔, 所以再諗吓, 其實又可以理解.之前驚俾人揾笨的感覺冇晒了督穿隻蛋, 撈堆d 烏冬, 好香.有5隻蠔倒, 咬一口, 夠新鮮, 好! 喝口湯, 有d蛋味, 唔太甜, 正.烏冬又係好食, 唔係彈牙果種而係好滑果種; 係蛋花的原因?雞扒飯係另上的, 之前仲以為係漏左單添...炸得好脆, 唔油, 又夠熱, 點d汁, 係酸味的,

朋友遠道從澳洲回港，由我話事吃什麼，只得兩丁人，想吃清一點，吃日本菜吧，見此餐廳在銅記開了分店，而總店實情是也沒有光顧過，一於就試一試吃吧。此店的市場重點跟其他連鎖式的大型日式飲食集團是一樣的，其他較大型的都試過了，在有比較之下，究竟食感會是怎麼樣呢？約了六時半，友人已說肚餓了，所以出發到目的地，在六時半也驚見有人在等位，真的有點意外，但也在一會兒後，也被安排入座，甫坐下，侍應送上餐牌，可能未能看慣此餐牌，發覺好像患上餐牌閱讀困難症，要店員解說下才知道怎麼可以跟餐不跟餐等的。見到在座很多人點了天婦羅及冷烏冬或蕎麥麵，但最後冇點，而是晚點了較傳統和風的山芋蓉、泡菜豬肉窩、湯煮芝士漢堡扒、吞拿魚飯，飯是跟餐的配有三塊漬蘿蔔及味噌湯，另外也再叫多了澱粉類的湯烏冬，可填飽我朋友空空的肚子。山芋蓉到了，在內的材料也多，除了有山芋蓉之外，還有豆腐、切碎的枝豆、生雞蛋、麵豉等，說實話的，雖然它是正宗的日本小吃，但黏黏結結的，個人也不大恭維，但這碟小吃的好處就是混入了豆腐平衡了這個感覺，加上淡味的山芋蓉使豆腐凡豆味也能突顯出來，是很不錯的組合，加上枝豆、生雞蛋、麵豉同吃，枝豆爽身，不錯！生雞蛋有蛋香，

表妹生日...同佢黎食....九點幾黎到都仲要等位....自己要左吉列雞扒拼烏冬 - 睇食評D人激讚雞扒同烏冬...自己又好鍾意鳥冬....但係....個湯烏冬唔熱...雞扒好油....只怪自己期望過高...表妹要左梅子汁免治扒 - 完全食唔出梅子味....同埋一舊肉....好漏....食唔哂....埋單好似 $260...唔係好值....尤其service 方面....

薯仔沙律朋友話酸左d..燒花魚..其實係燒鹹魚..仲要有某幾啖好鹹..d皮都ok香ge..蘿蔔蓉苦ge..白飯太濕..炸豬扒ok..不過有筋..d汁太鹹..焦糖布丁又係苦ge..d紅豆又好似擺左10年咁..d waiter waitress全部好似發緊夢咁..眼光呆滯..叫10年先捨得過黎招呼你//幫你斟水..不過叫你埋單就好快..其實個蠔蒸飯ok..喬麥麵ok..不過真係ok lor..多都冇..加埋以上既唔ok..真係5想再去..朋友估太古果間好d..我話5想失望多次..5敢去lu~~

自問不是要求很高的人,但用$234(2人), 我想在和民,別府可以食到更好,更多種類的食物和得到更有禮的服務.9時多去到,不用等位,由一個好像廚房仔的人帶我們入坐...佢地所有waiter 都像剛從廚房走出來一樣,不論衣著,談吐都很廚房.很多空檯,但大部份是沒有抹乾淨,檯上也沒有像其他居食屋一樣放有碟和筷子點了味噌豬扒定食和雞扒鳥冬定食,小魚豆腐沙律和黑糖豆漿...waiter說要等15分鐘....OK大約5分鐘....一個廚房仔模樣的waiter 拿來一碗鳥冬,我問他...咁塊雞扒呢? 佢話,我地係鳥冬同雞扒分開上的....OK...之後我地就眼光光睇住碗鳥冬再過5分鐘,小魚豆腐沙律到,問waiter 要小碟,他沒有拿來,問第2個waiter 要筷子,也等了很久過了又10分鐘...味噌豬扒定食到....很好笑....我看到一隻大飯碗放左一大堆椰菜絲,上放有一塊炸豬扒.....問Waiter 飯在那裡,他說在碗底,OK,我又問他拎一隻小碟(因為不拿開豬扒我食唔到飯) .....等了不知多久...小碟到啦....我就拿開豬扒同那堆多到恐怖的椰菜絲, 但食到的只是豌底那一小堆吸滿油的飯味噌

閉關多時，終於可以放監了！第一時間要吃餐好的，便拉了家人來這最新的大戶屋。特地早來 (六時多), 所以有好多位。這裡比康怡舊店大，也比較光猛，且有大玻璃窗可以望街景。因知道飯可以免費任添，四人點了三個定食：1. 迷你汁燒雞扒飯配盒子蕎麥麵 ($70)本來呢我想點比較著名的吉列雞扒配蕎麥麵定食, 難得多些人分吃嘛...點知這晚家人都不好炸物, 就只好要了汁燒的版本。雞肉以酸酸甜甜伴有少許辣的醬汁燒製, 配合紫菜同吃挺香口; 不過我還是較喜歡放在精緻木盒子裡的蕎麥麵, 麥香雖是淡淡的, 但無論麵身和件吃的冷麵汁都夠凍 (我想冷麵汁的瓶子也是預先冰過的呢), 已加分不少。2. 燒 (魚)花魚定食 ($80)每次跟老媽吃飯都得點些魚類, 從餐牌上選了這種連名字也未聽過的 (魚)花魚。根據餐牌介紹, 這種魚來自阿拉斯加白令海 (冰海魚?), 上桌燒的顏色金黃, 卻能保持嫩滑又緊緻 (!) 的魚肉, 還有充足的肉汁, 相當出色。配合甜中帶甘的即磨蘿蔔蓉和甜甜的海帶豆腐前菜, 真想教人吃完再吃!3. 豬肉生姜燒定食 ($88)點給老爸吃的, 但大家居然忘了他是不~吃~薑~的! 不過見他沒投訴兼大讚好

見到大戶屋咁HIT就打算昨日(2月28)去試下去到3:00已經見到有十幾個人係度等啦...不過既然一場來到就等下都沒關係~等到3:30,終於有位啦入面D桌椅都好闊喎...岩我地呢D大屁股的人坐XDDD唔會坐得唔舒服叫了喬麥麵+炸雞扒飯套餐泡菜窩定食(友人的)小魚豆腐沙拉雞蛋布丁講真,那喬麥麵是我吃過最好吃也是非常感動的,而炸雞扒飯上面的椰菜絲怎啃都還是有半大碗我承認它的炸粉皮是有點厚但非常脆,而且雞扒很有水準,有肉汁(很少用巴西貨的雞還能包持這水準吧?)蔬菜量認真攝取滿分~~>///<可惜吃得下麵就吃不完飯,而且大鄉里的我連送上的醬汁是予那道菜使用的都不知道要友人幫忙友人的泡菜窩不太辣,的確日本人連咖哩都是甜甜的泡菜怎會有韓國風格XD她的定食沒有附上湯匙不過正宗的日本菜是不會附湯匙的,因為除了吃拉麵外連味噌湯都不用的附上了就算是港式化的表現吧?泡菜窩內的豬肉就嫌有點o鞋,不夠juicy...感覺不夠新鮮另外附上的茄子蕃薯小菜倒是很美味她很滿意(我的麵附帶的是醃蘿蔔)我們2個傻婆見到廚窗外的豆腐沙拉很有興趣(結果費盡九牛二虎之力才吃完整碟)分量真的很大,喜歡那個醬汁同埋海

Finally, with its new branch now established at CWB, my friend and I got to try this now-famed restaurant which has gained tremendous popularity both among locals and Japanese patrons. The setting is nice, clean, brightly lit and spacious. Window seats offer good views of Times Square and the surrounding neighbourhood. There is also a room set aside for private use. Lots of items to choose from in the menu and we had a really hard time picking our choices, as everything just looked so delicious

每次到鰂魚涌大户屋都要花上不少時間輪候,今天站在時代廣場外抬頭一看,發覺對面大廈3/F原來新開了一間大户屋, 於是決定上去試下有没有人龍,可能時間尚早,加上此店可以訂位,很方便。新店的座位比鰂魚涌大户屋更舒適,而且有兩間VIP房,適合大夥人晚飯。侍應的服務一般,不過不失,可加添人手。我們三人叫了三款定食:1. 炸雞扒醬蓋飯配木盒蕎麥麵($70)先來凍蕎麥麵, 麵條用長方木盒盛著,很美觀; 蕎麥麵條夠凍,而且煙韌, 配上wasabi,蔥和醬油,美味十足。炸雞扒醬蓋飯,份量十足,大大件的雞扒没有油膩的感覺,入口香脆,而且保持肉汁在內,配合另上的醬汁和大大堆的椰菜絲,絕不油膩,此店的飯是採用正宗日本珍珠米,很有日本的風味。2. 鰻魚蒸籠飯配凍烏冬($95)鰻魚飯用上小蒸籠盛載,很cute;餐牌特別聲明鰻魚是選用鹿兒島的；鰻魚燒得剛剛好,很香和肥美,醬汁香甜,飯內有薑絲加上鰻魚汁,叫人每口飯都食得回味,對於好鰻魚的我,略嫌鰻魚太少了;凍烏冬是選用幼扁的稻庭烏冬,上面有一層山芋蓉,個人不是太喜歡,好像滑潺潺的。下次要單叫鰻魚飯哩!3.昆布豬扒飯($86)吉列豬扒配上滑旦汁,本來豬扒炸得金黃香脆,

此店於2月12日開幕，我和家人於2月15日便去試試。上來"開飯喇"才知道原來之前已有一店於鰂魚涌，我可是第一次光顧這餐廳的。媽媽到達前，先上來看看餐牌和價錢，因為始終地點是在時代廣場對面，佔了地利價錢相對較高是可以想像的。一看之下實在有點意料之外，竟然一點也不貴。一邊飯 / 烏冬定食都是八九十元左右，可算非常合理。 滑蛋豬扒飯﹕非常喜歡滑蛋豬扒飯的我，覺得此店的滑蛋豬扒飯算是大準之上，但又要說明不一定是所有人都喜歡的。因為我喜歡吃比較"濕"的滑蛋豬扒飯，就是比較多蛋多"湯"的那款，這兒就做到了。而同時地，吉列豬扒鬆而不散，有口感而不鞋亦不會太焾，而豬扒的底部的脆層確是有點焾了，而表面吃的時候仍有點脆，相當不錯呢！ 生姜豚肉鍋定食﹕豆腐和洋蔥分別都比豚肉多，這一定不適合男生吃了。但對姐姐來說，比較清淡，還好。 蜆肉飯定食﹕哥哥一問之下才知道是湯飯底，但份量亦是對男生來說太少了點，而且哥哥說蜆肉的質素普通而已。 香蕉布甸併云呢拿雪糕﹕布甸有很重的香蕉味，good！云呢拿雪糕混合紅豆雪糕也很不錯，反而感覺一旁的小蛋糕有點畫蛇添足，可有可無。食物拉 curve 後仍算合格，只是服務實在未如人意

15-2-200910 年都唔會去一次太古城 / 康怡吉之島, 加上0個邊成日排長龍, 一直同呢度無緣... 見到佢終於有分店, 仲開0係常去的銅記, 開張第 4 日就急不及待拉埋朋友 lunch 0黎試試, 搭緊 lift 已超級興奮! 叫了吉列雞扒蓋飯 + 木盒烏冬 ($70); 朋友就食吉列豬扒定食 (好似 $86).先0黎木盒冷烏冬... 上一次食到好食的手打烏冬已係好耐無去的富久保 (http://www.openrice.com/restaurant/commentdetail.htm?commentid=178249) , 但呢度的係同0個邊一樣掂, 咬落十分煙韌彈牙, 配上落了少少 wasabi 及蔥絲的甜 soba 汁, 正! 見佢木盒 size 大成咁, 加上朋友又好客氣咁唔多夾0黎食, 初初仲擔心自己一個食唔晒, 但最後都係一條不漏, 絕對值得試試!再0黎吉列雞扒蓋飯... 雞扒炸得極靚, 炸漿鬆化脆口又無油, 雞肉雖然無乜肉汁, 但亦幾嫩滑, 蘸上酸酸甜甜的醬汁 (有 d 似 okonomiyaki 的燒汁, 唔知乜來的?), 食唔停口 底下的白飯亦