大圍小館

营业中

休息中

呢一間中菜真係跨區都會嚟食！午市有點心，晚市小菜出色！👍🏻勾魂叉（葛文輝有所創作）餐廳選用豬梅肉，肥瘦相間，塗上15年陳皮既醬汁，配上火槍燒香個皮，逼出油分，底部配有金鳳脆米，食落特別惹味又有口感！特別想讚個醬汁，好香陳皮味，帶小小酸亦有解膩之效，同件叉燒特別夾，食完真係齒頰留香。👍🏻籠仔甜梅菜蒸菜心食好多肉既同時，叫返碟特色茶，成籠上好有氣勢，裏面排放住整齊嘅菜心，灑上甜梅菜、薑絲同甜油，食落鮮嫩爽脆。👍🏻蜜薯安格斯牛柳粒雖然個容器最細，但份量都唔野少。蜜棧味好清甜，每粒薯仔都閃閃發亮，食落邊位帶脆內裡綿綿，安格斯牛柳粒一口size ，帶有陣陣黑椒香，肉質好腍！👍🏻鳳梨生炒骨不得不推介，用上新鮮豬肉去炸，炸粉唔多，皮脆肉厚，菠蘿亦都用上地捫鮮菠蘿，食落酸酸甜甜又夠新鮮！餐廳仲額外配上一個菠蘿汁，有別於一般食法！👍🏻前菜餐廳送上咗兩碟：話梅苦瓜，話梅車厘茄。飯前食兩粒特別開胃，苦瓜浸上咗話梅汁，已經完全癖去所有苦澀味。👍🏻糖水飯後送上，平時食完多數都係紅豆沙，呢間竟然係熱腐竹薏米白果，薏米粒粒飽滿，食落帶有少少糯米嘅厚感，入口清潤。💡一間中菜嘅茶葉都特別重要：平啲飲嘅鐵觀音屬青茶，色澤

預早兩星期訂了枱，兩次致電確認。當日準時晚上6點到，到達後話沒有留到枱。一家大細有老人家特登嚟食飯，要臨時轉場！ 😡 員工態度很差，話沒有我們資料，依家真係比唔到枱。還反問當日邊個同事接電話，話唔關佢事，話是另一經理接，我叫佢經理出嚟，又話佢放假。我問佢經理姓咩，又話唔知！連自己經理都唔知姓咩，咁我鬼知你接電話同事係邊位！ 不知所謂！ …..好笑係晚上8點度仲打嚟問我點解book左枱唔到….想點呢！ 我只好答你….我咪嚟咗囉，頭先同你嘈果個！

大圍小館係區內略有名氣，相信唔少街坊都係熟客🤩餐廳主打懷舊特色中菜，不過我地今次係中午路過，就先試下點心既功夫如何😛餐廳門口掛面大紅燈籠🏮內裡裝潢簡潔，擺枱有啲密，尚可接受🙈假期等左45分鐘左右先入座，茶位$15/位。✅水晶蝦餃($46) 🌟4.5/5分皮薄餡靚❗蝦肉彈牙，鮮甜多汁，呢個好食😋✅灌湯小籠包($40) 🌟3.5/5分雖然皮薄，肉餡亦多，不過就做唔到爆汁效果🥺✅百花蟹肉釀竹笙卷($46) 🌟5/5分女朋友超鐘意呢個‼️爽彈蝦滑配埋絲絲蟹肉🦀非常鮮甜🤤竹笙吸滿湯汁，成個組合都好好食👍🏻 ✅懷舊煎糯米雞($43) 🌟4/5分好少地方有煎糯米雞食了🤭外表煎到微微焦香，好似食煲仔飯既飯無咁👅內餡豐富，肉碎同蛋黃好邪惡😈✅松子仁脆皮叉燒包($40) 🌟4/5分雪山叉燒包依加變得常見，呢度既多左份松子仁既香☺️熱辣辣，略嫌餡料唔夠飽滿🤪✅鬼馬得意腸($43) 🌟4.5/5分薄薄既腸粉皮，卷住炸春卷😍內有足料既蘿蔔、木耳、芹菜絲，香氣十足，軟中帶脆🥰✅奶皇千層糕($35) 🌟3.5/5分貪心叫埋個甜品，份量十足🤣係奶黃包既變奏版，味道相似，不過較為乾身😛整體黎講，餐廳環境尚算舒適既，定價略進

疫情期間，鮮有外出用膳。難得堂食有位，來兩味簡單菜式，沙葁豬腳仔：爽脆清涼、不油不膩柚蜜鹹寧骨：用上等肉排，甜酸鹹味道平均，面脆内香👍👍鹿茸菌炒日本帶子：菇菌爽滑、帶子清甜。前後兩碗白飯，好久沒有這種滿足感。

Steamed rice with crab 🦀薑米蒜香籠仔蒸蟹飯The rice was flavourful and distinct (粒粒分明) - love how there's plenty of spring onions, garlic and ginger! The crabmeat tasted sweet and fresh too.Char siu 🐽第一叉No doubt one of the best char sius I've had!! Perfectly caramelised and charred, the pork was super tender and juicy and had a great fatty to lean meat ratio.Pork intestines + fish swim bladder 🐟薑蔥生腸魚卜煲The texture of the fish swim bladder was interesting - it's somewhat gelatinous and chewy and I loved it!

第一次寫食評就比左呢間餐廳！仲要係差評！事源今日大概四點打電話去餐廳問今晚仲有冇得book位聽電話話小姐同我講：「梗係有啦！」我就話今晚想book 6:30 七位對方話：「要分兩張枱」我話無問題！我自己再重複一次比對方知我貴姓、電話幾多號、留今晚6:30 7位再三確認 無問題我先收線！好啦！我地準時6:25去到餐廳門口問口位小姐同我講 話我遲到 話我係約6:00！我火都黎埋我訂枱嘅時候已經再三確認係約6:30 對方話冇問題先收線之後最好笑係 ⋯門口呢位小姐話打過電話俾我話我冇聽電話，又話打完俾我之後係個男人聽電話！我即刻比我個電話俾佢顯示根本無打過比我！我亦都無收到未接電話⋯我絕對敢對燈火發誓我再望佢門口張枱係有張紙寫低book枱紀錄我見到我個電話係正確！根本無理由話打唔到比我 對方仲要話係有個男人聽電話！根本講大話！一家人諗住開開心心食餐飯你話有位我地先黎！仲要屈我地遲到，再話我既電話係錯！你地比枱熟客咪講囉！又或者我當時打電話黎 直接同我講話無枱搞到我地一家大細黎到仲要屈我！態度勁差話而家無枱架喇！安排唔到架喇！態度勁敷衍！根本唔志在做你生意！奉勸大家如果要幫襯呢間餐廳訂位叫佢重複

睇食評見到好多人都話好食，於是同屋企人喺平日中午時分黎到，想試下係咪真係咁正。要等成廿幾張枱，大概等左40分鐘先入座，但有限時75分鐘，並唔適合想傾計慢慢嘆點心嘅顧客。點心落左單後都喺正常速度上菜，叫左呢啲：第一叉燒薑䓤撈麵聽聞呢度叉燒好食，就叫左黎試，對於女士黎講，叉燒太大舊，有啲位好燶，整體一般，可能期望太高，撈麵反而幾好食蝦餃比一般好，但未至於好好食千層糕都係正常水準煎糯米雞呢樣本身好有期望，因為唔係好多酒樓有做呢款點心，但真係唔好食，好乾好硬，餡都唔好食，食淨成一半鵪鶉蛋燒賣正常水準，幾好豬潤腸粉豬潤有騷味，腸粉非常滑蒸魚雲值得一讚，材料足而且夠入味，非常好食陳皮豆沙煎餅喜出望外，好重陳皮味，香口好好食埋單加埋3人茶錢要五百幾蚊，食物並唔係樣樣都咁好食，天氣熱等位都內，加上有限時，唔會特登再去幫襯。

位於大圍，大名鼎鼎的「大圍小館」🧧想食好耐，終於book到去食喇☺️招牌菜「第一叉」$188 全份🐷我地打去book位果陣特登order定架 好搶手🤣 呢份叉燒之前睇果籽介紹過🥺 用梅頭第一刀慢烤，帶有微微炭燒味又充滿肉汁好juicy，燶邊焦香既外層，肉質軟腍，肥瘦適中，每舊都係厚切架，咬落去脂香肥美🤩 蜜汁用左龍眼蜜，食落唔會好痴口，更清香～ 好高質😋「意大利黑醋肉排」$188🐽有啲似咕嚕肉，已經去左骨，食落啖啖肉，外脆內軟；黑醋汁酸甜度啱啱好，好開胃，消除肉排既油膩感，個汁可以用黎送幾碗飯😛「薑蔥美國桶蠔煲」$198🦪好多隻蠔，大隻又鮮甜，炒得好夠鑊氣，好好食啊🥰「香濃腐乳炒蝦球伴西蘭花」$168🥦平時多數用蝦醬，今次用腐乳都好夾，仲要係用香港老牌腐乳醬～ 蝦球同西蘭花都好新鮮😌「三馫籠仔蒸飯」$188 🦐🦑🍚成個飯樸實簡單，用白飯魚、蝦乾、魷魚乾、瑤柱一齊蒸，再鋪上蔥花，真係好香；啲飯吸哂魚蝦乾既精華，食完一碗又一碗🤭當日仲送左椰汁陳皮紅豆糕比我地食🤤成餐都食得好滿足丫( ´▽｀) 店員服務態度好，食物質素有水準，價錢合理，一定會再黎食🥰

嚟到大圍呢間超人氣茶樓，未到中午已經好多人喺門口排隊，大概等咗10分鐘就有位啦，好好彩。有好多充滿特色嘅懷舊點心，譬如灌湯餃，懷舊雞包，煎糯米雞，千層奶黃糕等等，可惜今次未可以試晒，下次要再試其他點心。所有點心都超水準，每樣都用了新鮮又好食。唔怪之得喺大圍嘅超人氣餐廳。豬潤腸嘅腸粉非常滑身，皮薄餡靚。而蝦膠魚雲係必叫點心之一，由鮮蝦打成嘅蝦膠，非常鮮味有咬口。而灌湯餃亦都係一籠一大個，充滿湯汁，非常足料。呢個懷舊雞包亦都好有特色，上面有雞肉，金華火腿，冬菇，鹹蛋黃，叉燒，底層仲有蝦同雞肉，非常好食。

琴日踩單車🚴‍♀️，朋友提議運動完一齊去食晚飯，就揀左e間中菜廳😋門口掛左勁多紅燈籠作裝飾。門面係木製大門☺️入面以圓枱為主，坐得都幾闊落🥰坐底之後有唔同茶可以揀，我地揀左老欉水仙，味道唔同出面嘅水仙，感覺更香濃。細問先知，原來係經烘焙。茶葉係從60年以上樹齡嘅茶樹摘下。店員仲提供左小食🤩睇返餐牌，有唔少精緻嘅小菜。我地點左以下。🌸第一叉（半份）叉燒係用慢煮嘅方法煮成，食落肉嫩，叉燒肥瘦適中🤤加埋蜜汁，香香甜甜☺️🌼無花果肉排平時用無花果煲湯就飲得多，估唔到無花果都可以煮餸，仲好好味添。排骨真係有無花果甜味，食落有少少似咕嚕肉。🌸香煎百花羽衣甘藍入面係墨魚餅入面有羽衣甘藍碎，口感都幾好，味道又好夾。旁邊仲有羽衣甘藍嘅沙律，上面嘅麻醬都係師傅自家製，夏天食下e d菜式都幾消暑😍🌼薑米蒜香籠仔蒸蟹飯🦀薑米係用蛋白炒過，然後再係上面放上大蟹，蟹幾多羔😋肉質鮮甜，薑米都吸收左蟹嘅精華。🌸甜品店員仲送上陳皮紅豆糕同白果腐竹糖水比我地😋

第一叉🥢每舊叉燒都有一寸多厚，師傅必定對叉燒嘅肉質好有信心，否則咁厚就會好難咀嚼，叉燒三分肥七分瘦，輕輕咬開，肉質果然非常軟腍，外層少少焦香，的確係好食嘅叉燒！香煎百花羽衣甘藍🦐依款帶新派元素嘅香煎蝦餅，色澤金黃，爽口之餘不失鮮味，蝦味特濃😋香濃腐乳炒蝦球伴西蘭花🥦腐乳嘅濃度竟然有少少似芝士，味道惹味又唔會過鹹，賣相也十分精緻👍無花果肉排🥢肉排粉薄香脆，無花果乾同果醬嘅酸甜令依道菜式更開胃👍杞子桂花糕 、椰汁紅豆糕腐竹雞蛋糖水整體而言，不論係小菜定係燒味都好用心，下次可能會試下懷舊菜式～

*大圍小館*門口擺滿一個個紅色燈籠🏮。吸引咗我同🐽仔黎試試。餐牌猶如一本畫冊。令人忍唔住打開黎睇睇🤩。有意思的字句。你認同嘛😎。💫第一叉呢個餸係招牌茶。見枱枱都食緊🤤。厚切叉燒唔鞋口。叉燒肥瘦均勻。滿滿蜜糖香。💫沙薑🐔（半隻）🐔鮮嫩肉滑。係農場🐔。絕無激素。食得放心😋。💫無花果肉排酸酸甜甜幾惹味🤪。無花果清甜。肉排食落唔會膩。💫香濃腐乳炒蝦球伴西蘭花估唔到腐乳同蝦球又幾夾。撈飯食唔錯😬。蝦球爽口彈牙👍🏻。腐竹白果薏米糖水😍少少甜。好滋潤❤️。

大圍出名多野食，經朋友介紹下，便黎左呢間係積福街既中菜「大圍小館」。一轉入積福街，便見到一個個燈籠🏮掛係門面，好古色古香，非常吸睛。入到去，店員招呼周到，已問我地開咩茶。另外，裡面亦做好防疫措施，食得安心。之後店員奉上小食-琥珀合桃。食落香脆，又帶有淡淡芝麻，非常好味😋第一道菜 「第一叉」五件 $118厚切叉燒，肉汁非常腍，好鐘意佢有啲位燶邊，配上甜甜的蜜汁，真係一絕。果然係名不虛傳既「名叉」，十級推薦！第二道菜 「香濃腐乳炒蝦球伴西蘭花🥦」$168呢道菜都係啲人話黎到必點既菜式。蝦🦐球非常爽口，配上腐乳，真係難得地夾，個汁真心調教得非常之好，係只有呢間既獨有名菜。第三道菜 「蒜🧄香無骨魚」$168呢道菜係店員大力推薦👍🏻。既然咁用力推，咁當然要試一試吧。果然，食落第一口，炸到非常香脆，成條魚（九肚魚）都可以連骨食落肚，口感非常好，對麻麻地食魚既我，都開始改觀了。第四道菜 「蜜薯安格斯牛柳粒」$158因為我每次叫親小菜都必定會叫牛柳粒。要讚一讚個蜜薯，真係好甜，並不是普通既薯仔🥔，用咗蜜薯令成道菜提升哂。另外，廚師用左安格斯牛去做，牛柳非常腍身，入口即溶，呢個菜真心非常出色！必點！第五

今日踏完單車，係大圍還左車之後，就黎左係大圍站附近既大圍小館試下呢度既中菜。黎到餐館門口，見到一盞盞既大紅燈高高掛，而且餐館牆身﹑大門及至到接待員既高身櫃台都有濃厚既中國古式味道，彷佛如古城中既食館，雕梁畫棟，好比瓊樓玉宇！由於我地一早訂左位，所以店員好快就安排我地入座。入去到去見到裝潢古色古香得黎又簡潔乾淨。枱與枱之間十分寬敞。而且近口路既位置會有古典式屏風擋住，令到係果幾張枱既食客唔會係用餐既時候受到太多其他人既騷擾，十分細心！仲有，呢度非常貼心既一點係，係圓枱上有準備酒精揉水液，方便大家消毒雙水準備開餐！係睇餐牌叫野食既時候，店員先上茶同頭盤，頭盤係酸梅浸苦瓜同琥珀合桃，酸酸甜甜，幫助開胃，味道亦十分唔錯！而茶葉一飲就知係靚茶葉。佢地個茶壺亦十分精緻，除左係壺左印有＂大圍小館＂之餘，仲有個小牌寫明呢壺係咩茶，由準備一茶壺既細微位，反映出其用心經營餐館既程度可以一斑！當然食物都非常之超水準，真係喜出望外：1. 第一叉（半份）雖然只係半份，但我地兩個人幾乎食唔晒。食落口肥瘦非常平均。另外因為佢係厚切，食落口非常滿足。熱㷫㷫之餘味道係十分好食。唔知佢加左Ｄ咩醬汁／酒黎燒，味道非常有層次

晚上同媽咪嚟撐枱腳 等夏天媽咪唔使煮飯咁辛苦等佢食餐好嘅呢度嘅中菜好切地用嘅食材好靚好新鮮媽咪食得好滿足好開心呀 呢度都幾多人你都算係大衛一家幾出名嘅餐廳好多人嚟呀 今晚試咗個用籠仔蒸嘅甜梅菜菜心啲菜好嫩好入味 另外食咗個子薑炒牛肉牛肉都炒得好冧呀 子薑酸酸甜甜好開胃 仲有個意大利黑醋肉排 黑醋好靚呀令到個肉排都好鬆軟好餸飯 仲有個菠蘿生炒骨 排骨都好瘦好開壞先酸may may咁 最正仔個沙薑鮮雞真係一啲騷味都冇好亂話係用咗本地90日嘅鮮雞嚟嘅都係啖啖肉好正呀 我同媽咪都食得好滿足真係呢度好高質素嘅中餐呀