大圍小館

营业中

休息中

來到大圍，大到『大圍小館』，出邊的紅燈籠好易認，正如朋友所講，而且近MTR大圍站，行2分鐘就到。6點未到，已好多人等位，中式餐廳少見。『勾魂叉燒』5件喺出邊poster的推介，勾魂叉燒上台時配埋陳年陳皮醬汁，我定力够，未至於勾到魂，但真係好好味，跟住的醬食得唔好嘥，點埋『無花果肉排』的肉排都唔錯。食叉燒嗰時店員即場用火槍燒叉燒表層，好睇得來又好食，叉燒大大舊，但意想不到的鬆化，正吖。鍾意海鮮的我點咗同樣喺Poster見到嘅『薑米蒜香籠仔蟹飯』還有『香濃腐乳炒蝦球伴西蘭花』，蟹大隻新鮮，好鮮甜，飯有埋蒜香蟹味，口腔充滿美味，超滿足，而蝦球亦新鮮彈牙，食得好滋味吖。連送嘅甜品都好足料

好彩book左位，去到已經見倒門口企滿人😱茶我地叫左水仙，呢款水仙好特別，有好重既煙燻味👍🏻勾魂叉燒｜好有睇頭既一道菜！上檯個陣店員會搽上秘制陳皮燒汁再用火槍燒香，建議再灑上金鳳脆米食，真係一試難忘❤️叉燒好厚身但食落都係好腍，肥瘦均勻，加埋面層焦香同脆米，好有層次，仲食倒淡淡陳皮香，非常出色！鳳梨生炒骨｜餐廳用上鮮鳳梨令酸味更突出，生炒骨外脆內軟，肥膏炸過後入口即溶🤤底層有紫米同普通白米脆米餅，點埋甜酸汁一齊食好開胃！香濃腐乳蝦球｜用上過百年歷史既廖孖記腐乳，腐乳味香氣濃郁，蝦球大大粒好爽口👍🏻西蘭花炒過後都保持色澤翠綠，完全無草青味！蒜香薑米籠仔蒸蟹飯！真係成隻蟹😍😍😍蟹肉鮮甜彈牙，飯粒索哂蟹味，再加埋蒜，薑同蔥，超好味！而且粒粒分明，好乾爽。不過份量比較多，我諗三至四個人食先好叫🤣甜品｜餐廳最後仲送上椰汁紅豆糕同腐竹薏米糖水，兩者甜度都岩岩好，好完美既一餐飯🥰

大圍人一定都識大圍小館呢間餐廳😙門口掛左好多紅燈籠🏮外區人嚟到都會好易搵到佢😁 星期日排左1.5hrs先入到去食嘢😟真係估唔到要等咁耐🧐 入到餐廳覺得環境好清雅☺️枱與枱之間都分得幾開，唔會好似一般酒樓/茶居坐到好迫環境好嘈😎呢度夠晒空間可以好好咁enjoy呢餐茶😙呢度嘅叉燒係招牌菜，排左個幾鐘就梗係要試埋佢啦😜第一叉薑葱撈粗麵$168，睇個價格就似乎進取左少少🤏🏻但食完又會覺得值得😬原來個麵都幾大煲😮份量夠4個人分享👻叉燒厚切大大件，店員話呢個切法係為左鎖實d肉汁🤤叉燒都幾多肥肉😮油香充足😋咬落的確係juicy得嚟又帶點爽口😚再加上d燶邊入口就更香😋 陳皮豆沙煎堆仔都相當唔錯😚我本身係好憎食紅豆/紅豆沙🤭但呢個煎堆仔我都忍唔到食左2粒🤗陳皮味好出🥰豆沙蓉非常滑，無渣，炸物可以做到入口一d都唔油膩之餘居然仲有d甘香嘅感覺🤤另外三個點心鬼馬得意腸/奶皇千層糕/鮮筍蝦餃我個人就覺得符合預期，比起一般茶樓係做到above average，但就無話十分驚喜😇🌟推薦🌟第一叉薑葱撈麵陳皮豆沙煎堆仔

做咗咁多年沙田友，甚少去大圍食嘢，呢日就興之所至去呢間幾出名嘅中菜小館，一試佢哋嘅晚飯小菜餐牌甚多選擇，而且好多都好有特色▶️豉油王鮮鵝腸 - 有別於一般大排檔嘅豉椒炒鵝腸，先灼熟啲鵝腸，再以調制過嘅豉油拌碟，令鵝腸更入味▶️炸蟹鉗 - 爽口彈牙，亦食得出蝦肉嘅鮮味，必食之選！▶️柚蜜鹹檸無骨雞 - 西檸雞嘅變奏版，以韓國柚子醬製成醬汁，再用柚子絲鋪面，食得出柚子嘅香甜▶️海味雜菜煲 - 蝦嘅份量比較多，另外用上較多魷魚鬚亦非常吸引▶️飯後甜品 - 腐竹糖水/椰汁紅豆糕，腐竹糖水最特別係加咗西米，變得不單調，而紅豆糕就啖啖紅豆，誠意製作！餐後感：整體食物質素好好，製作認真有誠意，其實仲有好多特色小菜未試，下次約多幾個朋友再試埋去！

大圍好食嘅嘢有好多， 今日就畀呢一間嘅門面吸引到大圍小館就真係喺大圍裏面嘅一間小中菜館， 門外掛滿紅燈籠十分吸睛， 入面一張張圓枱用了膠片分隔， 這樣的裝橫令到整間餐廳完全沒有壓迫感。紅色這一款沒有價錢的餐牌， 每款菜式也令人垂涎三尺， 這店也有提供他們牌子的的濕紙巾可以用作清潔雙手。頭盤有白飯魚仔和木耳白飯魚甜甜的和木耳辣辣的， 香脆可口。鎮店之寶勾魂叉燒 現場專人用十多年的陳皮汁， 塗上叉燒上， 然後用火槍將叉燒的外皮燒得又香又脆。 店員推介把 脆米粒沾滿叉燒的表面再放入口吃會更可口。這個是豉油王鮮鵝腸， 雖然有芽菜墊底但份量也十足。 我想十分入味也十分脆口爽口， 用作送啤酒就一流了。香濃腐乳炒蝦球伴西蘭花賣相十足， 鮮蝦也十分新鮮， 可是我吃不出腐乳味， 唯一有點美中不足， 比較平凡。炸鮮奶香脆可口， 味道十分甜美， 如炸皮較薄會更加好最後還送了甜品椰汁糕及白果糖水， 已再剩不下其他東西了。

呢間餐廳係大圍好出名，食過既朋友都會介紹兩個人嗌唔到幾多野，每樣都想食😆即場燒叉燒表面，入口鬆軟，帶有焦香味😋😋😋柚蜜鹹檸骨 濃濃既柚子味，甜味味，好岩送飯😄薑米蒜香籠仔蒸蟹飯用料新鮮，蟹肉飽滿，肉味鮮甜👍🏻👍🏻👍🏻

懷著極度期待的心情，來到這家以懷舊失傳菜和自家燒味聞名的「大圍小館」，今晚專程來到就是為了一嚐他們的勾魂叉！未入到餐廳，已經被門外的燒味吸引著，看見燒鵝、油雞、還有一排排滴著蜜汁的叉燒掛在玻璃櫥窗前，真的，誰能抗拒 …勾魂叉燒（HK$168)厚切的勾魂叉燒先放在脆米上，然後侍者會為叉燒掃上一層陳皮勾魂燒汁，再用火槍燒一燒外層，吃的時候再灑上奪命脆米，這個就是傳說中嘅「勾魂奪命叉」。叉燒嫩滑並帶點焦香，加上香脆的脆米，外脆內軟，多重口感，令人一試難忘。金腿鮮淮山炒雞油菌（HK$198)一道清新的菜式，材料主要是雞油菌、鮮淮山和香芹，加了金腿絲令這道菜增添甘香的味道。無花果肉排（HK$188)肉排炸至金黃酥脆，加入了蜜餞過的無花果乾，味道甜甜酸酸，十分開胃，亦可解膩。三馫籠仔蒸飯（HK$188)三馫是什麼？這個籠仔蒸飯放在荷葉上蒸，飯面上的三馫是蝦乾、吊片亁和銀魚乾，惹味的海味令平凡的蒸飯添上三重香氣。甜品最後附上一凍一熱的甜品，椰汁紅豆糕和銀杏腐竹薏米糖水。茗茶/小吃（@ HK$28)不要少看這兩款小吃，話梅苦瓜和脆脆魚仔，兩款都很好味和甚具水準，從中可以看到廚師的誠意，即使只是小吃，也

好少去大圍食嘢，但之前聽朋友介紹過有間好食嘅中菜，就特登嚟試吓。晚飯六點開門，但五點幾已經有人喺度排隊，心諗應該真係唔錯！😆舖頭門口有特色，掛咗好多紅燈籠，內部裝修乾淨舒適，第一印象良好😊驚店員推介我哋叫咗：怪味蝦球半西蘭花 $168個名好似好怪咁，其實係用柚子同胡椒炒d蝦球，食落清新嘢味，重有啲芥末突出蝦嘅鮮味，而蝦球肉質爽口，感覺新鮮❤️勾魂叉燒 $168賣相同食法都創意十足，叉燒下面鋪咗脆米，再用15年陳皮叉燒醬查一查叉燒再用火燒燶個面，食嘅時候可再沾上更多叉燒醬同脆米，口感十足😋最正嘅係佢嘅叉燒醬中嘅陳皮味好甘香，留咗喺口到好耐唔散😋真係好好味！之後忍唔住要來撈飯😆金腿鮮淮山炒雞油菌 $198廚師用咗12年金華火腿炒雞油菌，夠晒鹹香，而且比較少有呢個菌，所以幾特別，淮山夠清爽！整體來講配搭得幾好！👍🏻黑松露醬松子仁蛋炒飯 $168呢個真係要特別推介！首先飯炒得夠乾身，而且成碟都充滿黑松露既香味，炒得好均勻，配上松子香，雖然只有少量配料，但整體都好夠味！證明廚師功力真係好😉最後餐廳每人送咗腐竹薏米糖水同15年陳皮紅豆糕做甜品，真係好滿足！😊總括嚟講餐廳食物冇得彈，店員服務態度又好，

大圍小館 (大圍)大圍積福街92號地舖勾魂叉燒 $168上枱時，會附上一碟15年陳皮醬+ 一碗金鳳脆米，店員首先會為勾魂叉，輕掃一層陳皮醬，然後用火槍將叉燒外皮燒脆～添加一份焦香！享用時，再次自行蘸上醬汁，陳皮醬酸甜平衡之餘，隱約有一陣一陣15年陳皮獨有的回甘香氣～ 調味溫和，口味帶酸酸甜甜，為叉燒減膩～ 叉燒啖啖肉，肥瘦均勻～脂肪位唔算多油，入口鬆化再加上金鳳脆香米，令叉燒增添一份香脆口感！香濃腐乳炒蝦球伴西蘭花 $168有六隻大嚿蝦球😋！ 蝦肉仲留有少少蝦膏～食得出係新鮮貨！蝦肉爽口、有彈性～第一次食腐乳蝦球，原來兩者味道幾夾！估計西蘭花烹煮前已預先飛水，所以無草青味～同時仍然保持翠綠蔬菜色～又唔會過硬～沾上調至溫和口味的腐乳醬汁，好開胃！金腿鮮淮山炒雞油菌 $198雞油菌喺市面比較少見～帶有獨特香氣，值得一試！新鮮淮山，切成條狀，食落口感有啲似芋頭～加埋唐芹的爽口，配合得宜！金華火腿既鹹香味更可以為整碟菜式提鮮！黑松露醬松子仁蛋炒飯 $168炒飯乾身、炒得粒粒分明！黑松露醬同蛋絲包滿飯粒！夠晒惹味！餐廳再加以蝦蓉令炒飯食落更有層次、鮮味！而松子仁更加為整碟炒飯增口感！亦添加一份果

大圍小館 𝗧𝗮𝗶𝘄𝗮𝗶 𝗗𝗶𝗻𝗶𝗻𝗴 𝗥𝗼𝗼𝗺 🥢依間人山人海嘅中菜館，終於訂到枱過嚟食！！訂咗夜晚八點，去到門口真係人山人海🤣🤣 店員有少少做唔嚟🥲 不過入到去員工都十分親切同有禮貌👨🏻‍💼。點菜嘅時候先發現原來好多菜式都要幾日前預訂🥺，不過店員好好介紹咗好多唔同嘅菜式俾我哋👍🏻☺️ 首先前菜有話梅車厘茄🍅同苦瓜🥒🤩 一啲都唔馬虎！連我平時唔食苦瓜都食咗一舊，幾容易入口😋『勾魂叉燒』𝗛𝗸$𝟭𝟲𝟴 🐷🌟- 呢個叉燒，喺門口等緊入座嘅時候，已經好多人係咁講要叫叉燒🤣🤣 大家果然冇介紹錯😋 佢用咗𝟭𝟱年陳皮秘製醬汁，即場塗上醬汁同用火槍燒😍😍😍 望吓個短片，就知有幾吸引！仲要每一件都勁厚，肥瘦均勻！係我暫時食過最好食嘅叉燒🤩🤩🤩🤩🤩『豉油皇鮮鵝腸 』𝗛𝗸$𝟭𝟴𝟴 🦆🌟- 冇諗過份量有咁多😍 店員會主動問你要唔要辣椒油🌶️，記得記得記得一定要試吓佢哋個辣椒油❗️同個鵝腸好夾💯 每一條鵝腸都好爽脆！『蘿蔔糕炒蟹』 𝗛𝗸$𝟯𝟵𝟴 🦀🌟- 上網睇見好多人都有嗌依個😍 果然冇令我失望🤩 材料用咗一整隻嘅肉蟹加蘿蔔糕。見唔見到隻蟹有勁多膏🤩🤩 啲肉都好鮮味。一定一定一定要試下蟹蓋裡面啲蘿蔔糕同蟹膏❗️精華喺晒

💛💛💛💛💛💛💛一直被大圍小館第一叉所吸引上次滿座掃興而歸今次終於訂好位7點準時入座 有90分鐘限時但兩個人食蟹膏爆棚飯有超濃蒜香味配上蟹膏時間卓卓有餘。點了第一叉 店員會現場燒一燒 再加秘製叉燒醬店員表示可以單吃叉燒也可以配米通吃 愈食會愈有米😂第一叉果然名不虛傳5件厚切半肥瘦叉燒每件都大大大件所以吃兩件已經膩🤭🤭🤭。另外點了另一名菜薑咪蒜香籠仔蒸蟹飯上菜時香氣十足蟹膏超級爆棚飯有超濃蒜香味配上蟹膏簡直一絕最後加點了我最愛的蜜椒牛柳粒 沒甚麼驚喜只可以說牛肉不是便宜貨但浪費了quota🥲🥲整體來說可以再戰☺️

每隔個零月都會去幫襯下大圍小館，因為呢度食物質素有保證。今次去見佢有新嘢叫勾魂叉，當然要試吓！今次嘅前菜轉咗銀魚仔，甜甜地脆卜卜都幾好食。不過我最鍾意嘅始終係好耐之前嘅琥珀合桃。店員極力推介我哋試吓白牡丹呢款茶，十分有茶香，果然冇介紹錯！生炒骨用嘅係新鮮地滿菠蘿，排骨嘅份量非常多，酸酸甜甜咁，幾開胃！怪味蝦球配西蘭花有少少辣有少少柚子香，個味奇奇怪怪但又幾好食😋勾魂叉本來第一叉已經好高質，勾魂叉係第一叉演變出嚟嘅，配左個十五年老陳皮秘製燒汁，店員會喺你面前幫啲叉燒揸燒汁，再用火槍火炙啲叉燒，燒到燶邊有焦香，另外再配左個米香十足嘅脆米，食嘅時候用沾滿燒汁嘅叉燒嘅脆米度滾一圈，令到啲脆米包裹住叉燒，口感外脆內軟，陳皮味齒頰留香！店員仲話呢道菜會越食越有米，咁好意頭又好食，真心推薦俾大家！黑松露醬松子仁蛋炒飯黑松露味突出，松子仁好味又有益， 飯粒炒得夠乾身粒粒分明😋😋椰汁紅豆糕店員好貼心咁幫我哋分做兩碟方便我哋食，未食個甜品已經覺得好sweet啦！紅豆糕入面都有用到頭先燒汁嘅15年陳皮，紅豆綿密，椰汁糕清甜，呢道甜品令人食完之後覺得非常滿足！今日送嘅糖水係腐竹煲薏米，就算係送嘅用料都非常豐富

一直都人氣爆登嘅中菜 今次終於試到啦 如果夜晚嚟嘅話記住要book枱😛前菜銀魚仔 炸到好脆甜甜地😋勾魂叉 $168⭐️⭐️⭐️嚟到一定要試吓呢個人氣招牌啦🙌🏼 基本上見到每一枱都一定會嗌呢一個叉燒 今次真係擴闊左我食叉燒嘅眼界 個食法好特別 店員會拎火槍同埋一個秘製醬汁同個叉燒一齊上 首先佢會將個陳皮醬汁搽咗喺叉燒嘅表面 然後再用火槍燒到微微燶邊 呢隻係選取左15年嘅陳皮 陳皮味好出 除咗食到蜜汁嘅香味仲食到陳皮嘅香味同叉燒都幾夾 另外叉燒嘅底部佈滿左一啲脆米 食落脆卜卜😋😋 叉燒肉質非常之淋 店員同我哋講係用咗貴價嘅梅頭 肥瘦適中唔會太膩但係又好嫩😝 每一件都非常之大件好厚肉 啖啖肉好滿足 果然係招牌菜👍🏼⭐️香煎百花羽衣甘藍 $168呢個蝦餅煎得非常之香口 用咗少少櫻花蝦去做調味 雖然係尖但係唔會好多油 食落唔膩 薦底嗰張紙都冇吸到好多油 所以係幾乾身 咬落好彈牙 食得出係好足料😋😋子薑炒牛肉 $138炒得好有鑊氣 牛肉好淋又冇筋 😋好香京蔥嘅香味 店員介紹呢個子薑係自家醃製嘅 送飯一流連啲椒都食晒☺️籠仔甜梅菜蒸菜心 $138蒸菜心呢種煮法幾好 營養唔會好似白烚咁流失晒 梅菜係主角🤪好甜

又黎大圍小館摑搵好嘢食，每一次俾到驚喜我的中餐廳例牌要食就要提前一星期book 位，不論平日定假日都一定要記得訂位先上咗兩款餐前小食，係炸魚乾仔同埋話梅蕃茄仔炸魚乾仔:好香脆，咬落好鬆化，唔會好硬話梅蕃茄仔: 酸酸甜甜好開胃，仲有啲蒜味新推出的勾魂叉，不得了，必食推介佢係用返之前招牌的第一叉，再加上自製的陳皮醬汁，用上15年靚陳皮。待應上菜時會再用火槍火灸叉燒的表面，再搽上陳皮醬，之後再將叉燒喺啲脆米上面打滾，舊叉燒就會痴晒啲脆米。口感非常豐富，有脆米的脆脆，梅頭叉燒的彈牙，再加上陳皮醬酸酸甜甜，中和咗叉燒的油膩感，無論口感定味道都好夾蝦醬西蘭花蝦球蝦球超鮮甜彈牙，蝦醬味道好香，好夾西蘭花每次黎都一定會食的蟹仔蒸飯，依然高水準

呢間係大圍算係數一數二嘅中菜館，難得放假就一早黎試下佢地嘅點心，10點幾係街上已經好多人等位😳當時門口店員話等到11點半就會有第二輪清枱（完全無講話疫情分區以及其分佈數量），我地等到11點9，一直都係話清緊枱埋緊單😥等到12點幾終於有枱，但點知話一定要安心出行，如果寫紙要再等，而餐廳嘅寫紙枱只有3張😨最後等到12點半，足足等左2個幾鐘先入到餐廳😲好多同行嘅客人都有不滿，希望餐廳係等候位置嘅安排可以加以改善啦。當等完咁耐入到餐廳，如果最後食到好食嘅點心都算啦，但其實質素好中規中矩🥺完全覺得係唔值等咁耐，有啲失望啦👀🔸點心假日收費（小點HK$31、中點HK$35、大點HK$40、特點HK$43、頂點HK$46）🔸蜂巢炸芋角呢個係點心係出面酒樓較為少見，因為工序較複雜，難得見到當然要食啦🙌🏻但上到枱唔係熱辣辣，只有少許餘溫。入面嘅芋泥部分十分少，比較多嘅就係豬肉，豬肉較肥，整體食落比較油膩🤥🔸奶黃千層糕蛋黃味十分濃郁，層次顏色都分明，有食到粒粒嘅蛋黃粒，朋友話好似食緊月餅一樣😂🔸冬菇燒賣呢個就係去到最後先發現原來漏單😂不過都堅持要等埋，燒賣嘅蝦肉較韌，加左冬菇點綴下都還可以的🔸麻蓉包本身想食