大圍小館

营业中

休息中

大圍有間小館，但千祈唔可以睇小佢！疫情前後都一樣吸引咗好多人嚟幫襯，未到六點已經全場爆滿！喺疫情之下簡直係奇觀。店員強烈推介我哋食佢哋嘅銷魂叉燒，佢係用陳皮撈勻燒汁所製造，用火槍燒過外皮但有少少燒焦效果香氣洋溢味道出眾！最特別嘅地方係下面附上脆米，夠晒盞鬼一份夠晒兩位。🤣🤣唔想食咁多肉都可以叫下西蘭花🥦伴大大隻蝦仁，香濃腐乳炒蝦球伴西蘭花擺盤精緻，加上少少薑絲同蘑菇菌類令成件事極為完美，平時用嚟送飯就好啦。一講起飯當然要極力推介蒜香籠仔蒸蟹飯，一定要即刻打卡影相，蟹膏滿瀉，食材新鮮，荷葉飯香撲鼻，每一啖都忍唔住讚好。甜品仲有個椰汁紅豆糕，真材實料粒粒紅豆甜上心頭！難怪老字號仍然深受街坊歡迎。

朋友推薦，原來一般要提早一星期book ，真係好彩有張吉枱。1. 叉燒👍🏻👍🏻👍🏻必食，枱枱都嗌，附一碗米粒同一兜自家制陳皮醬，即席用火槍燒。個醬真係有陳皮味，叉燒大大舊，但唔鞋亦唔韌。2. 啫啫生菜👍🏻👍🏻👍🏻夠唒惹味，都會即場啫畀你，啲煙揚下揚下已經好香腐乳味。3. 蒸荷葉蟹飯👍🏻👍🏻👍🏻好大隻蟹，有肉地得嚟蒜香入味，蟹膏濃，同埋個殼都蒸到軟軟地，好易咬。飯偏乾身，有蟹味。4. 腐乳蝦球👍🏻都ok ，唔會太濃味，但冇乜腐乳味，蝦係蝦仁嗰隻爽口質地。5. 紅豆糕👍🏻👍🏻👍🏻係附送甜品，夠清淡，唔甜都唔膩，唔係嗰啲死甜嘅紅豆。6. 炸白免糖👌係新menu ，職員好緊張我哋嘅評價，話制作好花功夫。其實我覺得冇乜白免糖味，只係普通炸鮮奶，佢有個自制嘅類似焦糖醬畀你，你鍾意可以點嚟食。雖然冇乜特別，但勝在都唔係好甜，唔使擔心。佢地菜式真係好多樣化同好少見🙆‍♀️例如有八寶鴨，鹿筋等等，都係好講究做法嘅食物，價錢大概200幾一個人，但好高質，唔算貴，以後應該會經常嚟。

今次來到位於大圍中心區域的大圍小館品嚐菜色，首先到枱的是鎮店招牌菜--勾魂叉 外皮帶點常見叉燒的焦香，看似頗為巨型，經理在此玩了個把戲，他用上十五年份陳皮特製的醬汁塗上外皮，再用火槍略為 烘烤外皮，為叉燒的顏色更為光亮鮮艷，用上金鳳米炸成的脆米醮上叉燒， 喻意「越食越有米」， 未放入口已被這既傳統又有創意的賣相吸引，咬下去時亦沒有令我失望，完全沒有坊間存放太久的「柴皮叉燒」感，反而鬆脆可口，肉汁被鎖在裡面，咬開時在口中綻放，終於明白為何這叉燒要厚切了，太薄的話，就沒這效果了。 接著上桌的是腐乳西蘭花蝦球，看似平平無奇的一道酒席菜色， 甫放入口中，便知此菜如外表般平凡。首先要讚一下蝦肉非常爽口彈牙，絕對不是欺場的急凍大蝦。 西蘭花點上醬汁，放入口中才明白這道菜的精髓始於醬汁。醬汁以腐乳做成，可能為了顧及不喜歡腐乳的人，此汁只有淡淡的鹹香和蒜香，味道並非很濃烈，絕不是死鹹，值得細味。 金腿鮮淮山炒雞油菌是第三道菜色。 顧名思義 廚師 用上五年的金華火腿絲、淮山絲、芹菜絲爆炒雞油菌餸菜可稱上清新可口， 我第一次品嚐雞油菌，味道比尋常菇菌濃郁，淮山絲起了中和作用，減輕了油膩感，是個下飯一流的餸

我由細到大都住係沙田，所以我成日都會去大圍浦呀，而大圍真係好多好野食，而大圍有間叫#大圍小館，呢間中菜餐廳真係不得了，我直頭覺得佢將來會拿到米之蓮星級餐廳。勾魂叉燒每次來食我都必定會叫，我最鐘意佢啲豬梅頭肥瘦比例啱啱好，同佢侍應會將醬汁查上叉燒上，再用火槍燒香，加埋啲脆米一齊食，真係口感層次複雜好味。蜜薯安格斯牛柳粒呢個薯仔勁好味，原全搶晒主角安格斯牛柳粒，食落有少少甜甜地加埋啲黑椒粒好滋味。香煎百花羽衣甘藍墨魚餅整得好彈牙加入啲櫻花蝦提鮮，加配埋啲羽衣甘藍沙律夾日式芝麻醬令到口感清新。薑米蒜香籠你蒸蟹飯我而家好少食碳水化合物，但呢個飯好食到搞到我一次食左兩碗，而果蟹好大隻勁多膏，而飯係先用薑米及金蒜炒香再加上蟹嘅鮮味都係晒果飯到，真係好美味甜品我鐘意呢度送給每枱客人的甜品都一如以往係用靚料整的，陳皮椰汁紅豆糕內陳皮係用上陳年陳皮所以食落會有好香陳皮味，腐竹洋薏米糖水係選用樹記腐竹食落有好濃豆香味。

眼淚流沙飽 $40一黎到見到個外型好盞鬼 但我鐘意🤣 雖然價錢偏貴 但有大大隻「柒」「婆」任你搓圓撳扁咩都抵返喇😆 講返個飽先 一整開即刻爆哂餡😍 熱辣辣既流沙配上鬆軟既包真係my fav😎It had a intriguing appearance but I like it!🤪 Okie, back to the soft buns🍞 I didn’t expext this generous salted egg custard filling, also not too sweet and heavy(๑˃ᴗ˂)ﻭ just that the price was on the higher end🫣評分: 8/10🌟鹽酥魷魚鬚 $58鹽酥魷魚鬚炸得香脆又唔算太油👍🏻 加埋辣粉食仲可以提升鮮味🌶 整體味道唔錯 但就比較熱氣😟The deep fried squid tentacles itself was crunchy yet not too oily🦑 It goes well with the spicy powders which enlightened the whol

可以成為米芝蓮2022年必比登推介名單之一，足以證明「大圍小館」的出品有質素保證。由於到訪之時尚未發生第5波疫情，故此餐廳仍有不少食客光顧。上午11點半抵達，「大圍小館」的門口已經出現排隊人龍。這裡的〔第一叉〕是由前米芝蓮燒味廚師製作。外皮烤至脆卜卜，叉燒豐厚帶陣陣麥芽甜香。梅頭肉肥瘦相間，脂肪油香與鬆化juicy的質感可謂十分出色，果然名不虛傳。據說此灌湯餃是老闆推薦的必試item，小心翼翼的移動，但還是不小心把頂湯弄出。熬了18小時的湯汁甚為鮮甜，因為沒有使用明膠，故湯汁放涼後也不會凝固。甫咬開已爆漿的流沙包，奶皇做得綿密有起沙感。而它的最大賣點相信就是包面上的兩個大字，對著一個永遠裝睡的人，倒不如化憤怒為食量好過。接下來就是2款在坊間茶樓少見的懷舊點心。燒賣皮包裹著豬肚和豬肉，豬肚爽口，豬肉夠香，都幾特別。同樣馳名的煎糯米雞，表面煎至金黃色，口感頗為酥脆。脆身外層下則是軟腍的糯米，包裹著鹹蛋黃、冬菇粒、肉粒等餡料。不過即使有多麼好吃，一人鯨吞掉的話應該會好飽，所以緊記要happy share。點了幾款的點心中，覺得黃沙豬潤腸較為遜色，略嫌腸粉皮有點過厚。

大圍小館係食懷舊粵菜，日頭就有點心食。環境算係幾舒適，枱與枱之間距離好闊，但相對可以容納嘅客人好少，只有十多張枱，所以我地等十個號碼都等左一個鐘有多。因為我地兩個人食，只係叫左6樣野，整體覺得點心味道唔係會令人覺得驚艷既感覺，但係內功非常深厚，下次有機會再食多啲懷舊點心！出面真係食唔到！·懷舊鹹薄罉(中)$35好耐冇食過薄罉，佢係睇落好普通，但好難整得好食既點心，又要即整，所以好少地方賣。呢度薄罉煎得好靚，又薄又脆，都算足料，最可惜就係上到枱已經唔熱了，如果新鮮煎起一定更好食。·甜梅菜叉燒腸(特)$43好似冇見過叉燒腸會加梅菜，平時最常見係加荽ಠ_ಠ原來加左梅菜係好好味，腸粉皮又超靚，薄得黎足秤，而且滑捋捋，豉油鹹甜適中，唔會喧賓奪主。·赤肉燒賣兩粒(小)$31呢款燒賣好特別，唔止係有原粒冬菇蓋面，入面仲有一粒豬肉，唔係全部都係肉醬，質感同味道都另有一番風味，第一啖食落覺得冇乜特別，但食完一粒之後會繼續想食，味道沉實得黎偏清啖唔膩。·鮮筍蝦餃兩粒(小)$31蝦餃皮薄餡靚，蝦肉爽口，算係好出色既出品，都係會想食多粒(如果大粒啲就好)，但相比其他點心就冇太多可以拎出嚟講既特色。·第一叉(半

沙田米芝蓮新店良心中菜 呢排岩岩新上榜做米芝蓮餐廳 最近仲出咗個外賣自取餐 所以打電話去訂左一個（回家蒸套餐）佢哋仲要有醫護半價套餐 可以話好吸引.回家蒸套餐$158 入面有5款點心 各2件外賣 連保溫袋 同竹蒸籠 俾你拎返屋企跟番佢地教學 煲到水滾 蒸7分鐘⭐️眼淚流沙包（又名：柒婆包）我自己改嘅見到包上面 寫住大大隻柒婆 可以邊食邊x🤣咬開奶黃餡 做到勁流心 爆出黎 而且唔會過甜⭐️鮮筍蝦餃 蒸出黎 蝦彈 冇穿皮 高質⭐️手打墨魚燒賣 食到明顯墨魚滑feel有墨魚粒表面有日本花菇仔 同樣好好食⭐️懷舊蘿蔔餃 食落入邊有蘿蔔絲好有茶果feel 個皮都包得好好冇穿⭐️桃花餃 跟佢蒸7分鐘 感覺未蒸透大概8成熟 扣咗少少分 似粉果 一般啦.題外話竹蒸籠喺香港一位90幾歲伯伯 本土手工製買個淘寶垃圾籠都要$30 仲要 蒸出來成浸臭竹味需要事前滾水煮開籠 煮走果陣味但今次呢個蒸籠 都幾高質外賣拎到返屋企 直接蒸就OK幫呢個外賣餐 大大加左唔小分.整體 $158一大籠點心 好似好貴但如果計番 佢地本身米芝蓮出品$30-$40一款柒婆包兩件都$40 再加埋佢哋一個實用嘅蒸籠最最最重要 係好食 我就覺得幾抵

為慶祝母上大人牛一，今回決定請她到中菜館用膳，因最近兩餐與家人外食都是食西餐。同事極力推介大圍小館這家中菜館，提醒我必點招牌勾魂叉燒及籠仔蒸蟹飯！晚市訂座大約提前了兩星期左右致電預約。餐館位置容易尋找，我們獲安排坐廂房內的枱，空間相對寧靜。原來店家還會供應一些懷舊失傳菜，或是珍貴食材或是很費功夫的手工菜，這些菜式需提前預訂。我們只好從基本餐牌中點菜，除了同事推薦的菜式外，還多點3菜1羹，足夠我們6人享用。第一道上桌的菜式就是勾魂叉燒 (5件)，店員先在厚切叉燒上均勻地塗上秘製15年陳皮梅醬，再用火槍炙燒叉燒表皮，有助醬汁滲進叉燒，同時令叉燒帶微微焦香。食用前，可將叉燒沾上脆米。勾魂叉燒肉質軟稔，肉汁豐沛，帶蜜汁香，同時有著陳皮梅醬那種酸而不澀的味道，實在勾魂，令人回味無窮脆卜卜的脆米格外增加口感豐富度。薑米蒜香籠仔蒸蟹飯，上桌時香氣撲鼻，蒜蓉香與蟹的鮮香，未食已經垂涎三尺。用上大大隻的蟹，蟹肉結實鮮味，肉汁鮮甜，還有著滿滿的蟹膏。飯粒充滿荷葉香，還盡吸蟹的精華，與蒜蓉拌勻，米飯香甜又可口！香濃腐乳炒蝦球伴西蘭花，西蘭花爽脆嫩綠，蝦球大隻鮮甜又爽口彈牙，看似簡單的一道菜式，但味道一流！腐

見到門口勁多人就有D想縮沙，好彩友人們早到了，攞完飛仲有20張枱先到我地，但眨下眼半小時就有位，原因係入座只限90分鐘其中黑松落露醬松子仁蛋炒飯同第一叉令我最深刻，第一叉勁厚咬睇落似乾叉但食落去好鬆軟好香好出色！而黑松落露醬松子仁蛋炒飯粒粒分明，大量松子仁 (松子仁有很多益處，其中護心減疲勞、潤燥滋陰等)， 一啖果仁一啖飯口感十足。鮮山葵海蜇頭足料，夠大粒，爽口，係鮮山葵令到我個腦有2秒休克。推介!至於點心就大大件，但因為想試好多唔同懷舊精緻菜，所以下次有機會再試多D唔同點心。明燼脆皮燒鵝小許失色，上網睇好似好正，睇落都好似好好食，但肉稍為靭，有點失望。四個人除番開都係二百幾蚊，撫心自問食物咁高質又唔使周圍搶位排隊，唔使上網指定日期狂禁F5，唔使靠關係先食到既餐廳真係少之有少。明燼脆皮燒鵝 (半) $268黑松落露醬松子仁蛋炒飯 $168懷舊淮山雞札 $46 赤肉燒賣4粒 $46第一叉 (半) $138鹽酥魷魚鬚 $58鮮山葵海蜇頭 $78勁爆胡椒豬肚湯 $68

係第五波仲未咁嚴重果時訂左枱食大圍小館，果然唔係得個名，大部分點心都好好味，特別係蝦籽油炆筍（好清新但又入味，好難形容😂）陳皮豆沙煎堆仔（濃郁陳皮味）,仁稔蒸排骨（酸酸甜甜幾正），手拉腸粉（好滑）反而比較有期望既叉燒我就覺得佢太厚同未夠鬆化（同埋一定要趁熱食，凍左就會覺得肥膩），眼淚流沙包就皮太厚仲有好多點心同菜式都想試🤤有得book位嫁，book左唔使等咁耐👍大圍小館同北角鳳城酒樓d點心好似，兩間都好味，不過大圍小館就坐得舒服d，兩間都係高質點心，值得去

放假去飲茶食下點心。有啲其他酒樓唔多整嘅傳統點心，不過價錢唔算平。午市點心紙都有招牌叉燒，但係今日只係想食少少野所以無叫。蜂巢炸芋角酥脆，入面芋泥好棉，餡好夠👍🏻👍🏻糯米燒賣有啲似傳統糯米飽，蒸得算唔錯，唔會濕淋淋。糯米都夠味，不過得蝦米同臘腸，差咁啲風味。陳皮牛肉球陳皮可以辟左牛肉羶味，肉質幾好，唔會散開。鮮筍蝦餃皮厚薄適中，唔好過黏。蝦夠彈牙，個餡都調味得幾好。佢個辣椒🌶️油係大孖醬油。真係幾辣，不過幾香。

今次就去咗大圍區做嘢，做完嘢之後，就有人介紹咗我去呢一間好好食嘅餐廳！同屋企人食飯，最鍾意嘅就係食中菜，呢度嘅中菜好好食，我好鍾意食呢度嘅香濃腐乳炒蝦球伴西蘭花！西蘭花非常爽口，真係未試過原來可以用腐乳去炒西蘭花，估唔到味道真係咁夾！而且呢度嘅就蝦球日都好好食，加埋左腐乳嘅香味，令到個蝦球更加濃郁嘅味道！另外仲叫咗一份炸鮮奶，呢度嘅炸鮮奶真係好好食，我都好耐冇食過呢個菜式啦，非常懷念！炸得金黃鬆脆！

上年3月嚟過飲茶食晏，叉燒又肥又淰，煎糯米雞、蒸飯，樣樣都好食。見到佢哋攞到米芝蓮都覺得攞得好值。點知今晚買外賣自取：1）第一叉（全份）：$2282）蝦籽柚皮大鵝掌：$1583）蜜薯安格斯牛柳粒：$1584）大孖豉油鮮雞（全隻）：$4581）叉燒好瘦，唔淰 😐 3）蜜薯牛柳粒細盒到以為俾人偷食咗 🙄 以呢個價錢真係好貴，好唔抵（無幻想過大排檔咁大碟，但少到見盒底就真係接受唔到囉）牛柳貴，薯仔都落多少少撐吓場啦⋯⋯2）& 4）中規中矩WhatsApp同餐廳溝通，完全冇回覆，已讀不回就算！#知道餐飲業難做 #外賣自取都照揸車去支持吓#如果係食材加價加到癲 #不如抽起呢碟啦 #好過俾埋呢啲質素攞負皮

年廿九晚團年飯，唔想媽媽辛苦煮，所以決定搵好野食。團年飯梗係食中菜，所以我喺Openrice 周圍搵，最終搵到大圍小館。（最主要係見到佢係米芝蓮推介，所以即管試吓）。首先講講落單過程：我喺佢哋Fb 搵到 WhatsApp 號碼，所以就喺 WhatsApp 詢問一下。中午 send msg，下午5點多覆我。速度算係好好好快，畢竟我 expect 好多人用 WhatsApp 問。驚喜嘅係，佢哋甚至可以喺 WhatsApp 落單！方便快捷！（不過我心裡係有少少驚漏單…直至攞貨嗰刻）取食物過程：去到餐廳，同櫃檯叔叔講電話號碼就可以攞貨。我嘅情況係，佢哋有人手單，廚房亦做緊，係唔知點解冇咗機單。所以都搞咗一陣。不過我相信係個別例子。全程職員好好傾，又熱心，又有禮貌。讚！佢哋亦有送一啲舊香港嘅名信片，剛好有啲地方係父母舊時住嘅地方，睇到佢哋唔知幾開心。等咗10分鐘左右，啲野食終於有啦。等候時間上，可接受。食物質素：第一叉（例牌）- 名不虛傳！叉燒好稔，好入味，仲有好重蜜糖味！邊邊亦燒到脆脆，好食。瘦嘅地方肉質都唔「鞋」，唔錯。正如好多朋友講，每一舊都好大舊 🤣🤣🤣，我哋要用鉸剪逐舊逐舊剪。沙薑雞（