大圍小館

营业中

休息中

大圍有間小館，但千祈唔可以睇小佢！疫情前後都一樣吸引咗好多人嚟幫襯，未到六點已經全場爆滿！喺疫情之下簡直係奇觀。店員強烈推介我哋食佢哋嘅銷魂叉燒，佢係用陳皮撈勻燒汁所製造，用火槍燒過外皮但有少少燒焦效果香氣洋溢味道出眾！最特別嘅地方係下面附上脆米，夠晒盞鬼一份夠晒兩位。🤣🤣唔想食咁多肉都可以叫下西蘭花🥦伴大大隻蝦仁，香濃腐乳炒蝦球伴西蘭花擺盤精緻，加上少少薑絲同蘑菇菌類令成件事極為完美，平時用嚟送飯就好啦。一講起飯當然要極力推介蒜香籠仔蒸蟹飯，一定要即刻打卡影相，蟹膏滿瀉，食材新鮮，荷葉飯香撲鼻，每一啖都忍唔住讚好。甜品仲有個椰汁紅豆糕，真材實料粒粒紅豆甜上心頭！難怪老字號仍然深受街坊歡迎。