影片
更多
2022-02-04
379 浏览
年廿九晚團年飯，唔想媽媽辛苦煮，所以決定搵好野食。團年飯梗係食中菜，所以我喺Openrice 周圍搵，最終搵到大圍小館。（最主要係見到佢係米芝蓮推介，所以即管試吓）。首先講講落單過程：我喺佢哋Fb 搵到 WhatsApp 號碼，所以就喺 WhatsApp 詢問一下。中午 send msg，下午5點多覆我。速度算係好好好快，畢竟我 expect 好多人用 WhatsApp 問。驚喜嘅係，佢哋甚至可以喺 WhatsApp 落單！方便快捷！（不過我心裡係有少少驚漏單…直至攞貨嗰刻）取食物過程：去到餐廳，同櫃檯叔叔講電話號碼就可以攞貨。我嘅情況係，佢哋有人手單，廚房亦做緊，係唔知點解冇咗機單。所以都搞咗一陣。不過我相信係個別例子。全程職員好好傾，又熱心，又有禮貌。讚！佢哋亦有送一啲舊香港嘅名信片，剛好有啲地方係父母舊時住嘅地方，睇到佢哋唔知幾開心。等咗10分鐘左右，啲野食終於有啦。等候時間上，可接受。食物質素：第一叉（例牌）- 名不虛傳！叉燒好稔，好入味，仲有好重蜜糖味！邊邊亦燒到脆脆，好食。瘦嘅地方肉質都唔「鞋」，唔錯。正如好多朋友講，每一舊都好大舊 🤣🤣🤣，我哋要用鉸剪逐舊逐舊剪。沙薑雞（
首先講講落單過程：
我喺佢哋Fb 搵到 WhatsApp 號碼，所以就喺 WhatsApp 詢問一下。中午 send msg，下午5點多覆我。速度算係好好好快，畢竟我 expect 好多人用 WhatsApp 問。驚喜嘅係，佢哋甚至可以喺 WhatsApp 落單！方便快捷！（不過我心裡係有少少驚漏單…直至攞貨嗰刻）
取食物過程：
去到餐廳，同櫃檯叔叔講電話號碼就可以攞貨。我嘅情況係，佢哋有人手單，廚房亦做緊，係唔知點解冇咗機單。所以都搞咗一陣。不過我相信係個別例子。
全程職員好好傾，又熱心，又有禮貌。讚！
佢哋亦有送一啲舊香港嘅名信片，剛好有啲地方係父母舊時住嘅地方，睇到佢哋唔知幾開心。
等咗10分鐘左右，啲野食終於有啦。等候時間上，可接受。
食物質素：
第一叉（例牌）- 名不虛傳！叉燒好稔，好入味，仲有好重蜜糖味！邊邊亦燒到脆脆，好食。瘦嘅地方肉質都唔「鞋」，唔錯。正如好多朋友講，每一舊都好大舊 🤣🤣🤣，我哋要用鉸剪逐舊逐舊剪。
沙薑雞（半隻）- 呢個差啲，唔夠沙薑味，亦唔入味。
薑蔥美國桶蠔煲 - 好「野」味。啲蠔大大隻，香口又啖啖肉。我估計堂食有個煲會更加好食，外賣就點都打咗少少折扣。
薑米蒜香籠仔蒸蟹飯 - 呢個有啲矛盾。有蟹遮住嘅地方，啲飯好有蟹味，好食。但冇蟹遮住嘅地方，啲飯好乾好硬。所以4個角嘅飯根本上係冇人吼… 隻蟹本身非常甜，好食！
张贴