大圍小食

营业中

休息中

三寶明明係凍左叫佢番炸，又呃我說剛剛炸好，結果凍冰冰😡😡😡😡😡客少唔忙6-7個伙計都咁hea我 點都要打出黎！人地招呼緊我又搶左黎接 一接接兩個客 撈亂晒兩袋食物唔知想點！

平時買開佢既銀針粉，都係滿一碗既，今日去買竟然得2/3，我問佢做乜咁少，佢話係咁多架，我再答佢平時買唔係咁少，個呀姐竟然不d湯不滿佢...比佢吹脹，當我第一次買

一樂車離遠見到佢呢間鋪頭好多人排隊， 最吸引我嘅係佢嘅煎釀三寶， 十蚊四件 ，我就試咗佢嘅釀茄子，炸魚蛋，同埋炸雲吞 ，最好味嘅係炸雲吞 ，因為佢炸到金黃香脆 ， 脆卜卜好爽口， 餡料足， 炸魚蛋亦唔會有好多粉喺入面， 好大粒 ，茄子亦都好好味 ，唔怪得之佢咁多人排隊啦

味道係其次而係比既野...好參差1:買車仔麵，油渣麵，魚肉翅....！時多時少...少既時候離晒罩..！舉例：油楂麵得4塊油楂，車仔麵要豬睇比5件到買煎壤三寶...係佢㨂比你（唔樣衰果件唔比）有位細粒少少既姐姐就好好...！味道8分服務5分

話說已經好耐冇幫襯大圍小食。今日lunch想食雞腿。就去左買，原來佢個雞腿已經由16蚊起價都18蚊。真係恭喜曬！隔離小食舖一隻雞腿都係10蚊，而且一樣大隻添。想講自從隔離多左間小食舖，好明顯大圍小食已經流失大量客源。因為隔離野食真心好味d，而且價錢可以話係樣樣都平過佢。大圍小食再咁既質素，仲要咁既價錢，再咁落去真係唔知會變成點。不過雞腿係好食既，但未至於咁貴。今日買完大圍小食之後，唔知隔幾耐再去買，可能到時雞腿又起價。

係沙田區其實好難買到街頭小食如果想買 最方便都係去大圍站個一邊去大圍小食 一定要食佢個燒賣魚蛋加辣佢個秘制辣醬 真係其他地方食唔到一碗燒賣魚蛋共12粒 細細碗燒賣唔會蒸到太林 魚蛋硬硬地有口感再加上佢地既辣醬 食完都會記得以後係沙田區買小食 一定係去大圍小食

之前嚟大圍都系為咗食飯，經過大圍小食嘅時候都系飽肚狀態。今日要去文化博物館，終於有機會食D小食墊下肚先。掛住長洲魚蛋好久嘅我一見到大魚蛋就毫不猶豫嘅揀咗佢，味道都算幾好，下次要食番D其他嘢！

今日去咗大圍小食買d小食。買咗個雞蛋仔，個雞蛋仔都幾貴架喎，一入口，雞蛋仔軟淋淋，好似擺左好耐咁，水準真係退步左好多。仲買左煎釀三寶，依家又起價啦，煎釀三寶既質素算唔錯，都幾鍾意食佢個茄子，茄子加海鮮醬，熱辣辣又好鮮味，每次叫煎釀三寶都會叫茄子。除此之外，炸紅腸都好好味，炸紅腸加海鮮醬都係超級好味，邪惡麻甩既味道！不過都係果句啦，如果價錢可以平d就好啦，希望唔好再起價啦，同埋雞蛋仔真係有待改善！

大圍小食好多小食好吸引，買左個雞蛋仔同燒雞肉串，看似好脆嘅雞蛋仔好吸引，但係食落去好琳，好軟，而且好濃嘅奶精味，好難食，無雞蛋味，不敢相信系甘難食雞肉串都看似好正，第一口咬落去時，好鹹，而且好'鞋'，沙爹醬無沙爹味，出了鹹的味道就剩'雪'味，好難食不再幫襯

一出地鐵站就想食小小野，但又唔想食咁飽，一於食呢度既小食。首先叫了一串燒賣，小辣，阿姐淋左少許沙爹汁俾我，燒賣以麵粉為主，尚算軟熟，味道正常，反而沙爹汁有驚喜，少許辣味但有濃烈沙爹香味，幾惹味。原來想食多串燒賣，又驚太飽，所以叫了雞蛋仔吃。雞蛋仔就放涼左少許了，味道都有蛋味不過唔重，始終都係熱既雞蛋仔最好食。

返學前需要醫醫肚，經過大圍小食見大排長龍，便試試他的雞蛋仔和即燒牛丸(返熱)給阿姐20元，她找我8元，心想…………抵食喎，神未回過來，阿姐又說，啊！牛丸未收你錢，總共要收你28元我呆一呆，問姐姐串牛丸幾錢，佢猶豫了一回答我16元，omg! 4粒牛丸賣16元有點兒誇張，見姐姐已把牛丸放在電爐上，算啦，老襯做一次等待牛丸期間試下個雞蛋仔…………攤到涼晒，軟林林，味度正常罷了極失望不會再幫襯

車仔麵價錢都好抵$32(三餸加一麵)今次好好，份量夠大選了鱼蛋，蔔白，豬红，蔔白清甜無根，鱼蛋都好入味，有香濃咖哩辣味，豬紅無異味，米粉爽口，加上辣菜甫更加一流，辣度可加多，ok，今次值得一讚。

住在大圍都好方便，我想大圍小吃無人不知，油渣麵是我首選，加辣菜甫味道一流，D粉不會太諗，豬油渣炸到剛剛好多，好爽。菲菜豬腸豬紅，都是非叫不好，吾會有怪味，魚蛋和墨魚加沙爹酱，都令食指大動，但價錢就比較貴，希望改善衛生就好。

經過大圍，看見整條街都充滿了人，而且人群都圍在小食檔前面。食物的香味直撲過來，咖哩味、沙嗲味、炸物味… 實在十分吸引。正值下午茶時間，忍不住要買一串燒賣(辣汁)來吃。此辣汁真的很好吃！有沙嗲味而且十分夠辣，配上熱騰騰，軟稔稔的燒賣，實是絕配。此家的燒賣有我小時候吃的味道。

又係要返工嘅日子。係大圍返工，見仲有半個鐘先夠鐘，咁岩一出火車站就見到「大圍小食」嘅招牌，當然要去湊熱鬧！朝早十一點幾，人唔算多，行到counter前面，已經比不同嘅食物吸引！ 見到樣樣都好吸引，冬天最岩就係食啲熱辣辣嘅野食，凍冰冰嘅時候最好梗係有碗熱湯啦！所以，一見到大大碗碗仔翅就即刻比佢吸引左啦！ 咁大碗足料碗仔翅只係索價＄16, 熱辣辣又啖啖料真係好抵。無人嘅時候仲可以企係側邊食，特別係冬天可以企係度食碗熱辣辣嘅碗仔翅真係別有一番風味！食飽返工去，見到仲有好多不同嘅特色小食，下次一定會再黎試曬全部！