大圍小食

大圍小食是大圍火車站對面一間屹立多年的老字號小食店，堪稱街坊的集體回憶，港式小食掃街熱點🤭。餐廳位置極其便利，步出地鐵站數步便到，店面雖小，但每次去都人頭湧湧，店員熱情高效，所以每次去都唔需要等太耐。每次嚟都忍唔住會嗌咗勁多嘢食😆😆串燒就係其中一款必點次選，即叫即燒，所以離遠已經聞到串燒嘅香氣❤️小妹推薦必點之選有司華力腸、豬頸肉、雞髀肉和 牛丸。司華力腸烤得外皮微脆，內裡多汁，咬下時帶有濃郁的香料風味，炭火香氣撲鼻。豬頸肉油脂分布均勻，燒烤後肉質彈牙，雞肉串燒嫩滑多汁，火候恰到好處，表面略帶焦香。牛丸則結實有嚼勁，肉香濃郁，一串4粒分享最佳🤭🍲碗仔翅承載了濃厚的港式懷舊情懷。碗仔翅用料充足，有冬菇和木耳的香氣，配以少量肉絲和粉絲，口感層次豐富。羹質濃稠卻不黏膩，入口順滑，調味適中，帶有微微胡椒香，加埋紅醋一齊食味道更佳👍🏻👍🏻🍢魚肉燒賣+陳皮魚蛋配自家製辣醬是另一款招牌必食經典街頭小食。金龍燒賣外皮煙韌，內餡啖啖魚肉帶有輕微咬口；陳皮魚蛋夠彈牙而帶點陳皮微微嘅甘香，。搭配店家自製的辣醬，香辣中帶點微甜，完美提升了燒賣魚蛋的風味，令人一口接一口。辣醬的濃郁香氣尤為出眾，但對不嗜辣的食客來說，建議要求少辣以免搶味。狗仔粉則是簡單卻充滿港式風味的選擇。銀針粉筋道有嚼勁，湯底清甜，加入肉碎、冬菇絲和蔥花，增添了豐富的口感層次。‼️重點辣菜脯的點綴為湯底帶來一絲爽辣，雖然辣到頗高，但卻令人回味無窮。煎釀三寶款式多樣，每次嚟都會嗌一大盒，有齊茄子、青椒和豆腐等，魚肉餡料厚實彈牙，炸得外脆內軟。茄子吸滿醬汁，入口多汁；青椒保留爽脆口感；豆腐則滑嫩可口，搭配甜辣醬更是惹味。…查看更多

去完石門，經大圍轉站，想着以前過來踩單車必吃的小食檔，不知道還在不在呢？原來還在，一出站已經見到了，旁邊店舖來來去去，這家始終屹立不倒。快步走過去，人好多呀，看到好多想吃的東西，晚餐有着落了😍🥰，就來埸傳統街頭小食盛宴吧。✴️肉碎銀針粉（細）$40配料有：肉碎／冬菇絲／辣菜脯／炸蒜粒／蔥粒。肉碎非常多，湯底好濃郁，有炸蒜及蔥粒吊味，辣菜脯又辣又爽口，好吃到清碗😋。✴️油渣麵（細）$42配料有：豬油渣／冬菇絲／辣菜脯／炸蒜粒／蔥粒。湯底跟銀針粉一樣，豬油渣加了湯，還是很脆，油香滿溢，粗麵是一定的，更吸湯，湯底一樣，但風味完全不同，好好食，又是清碗之作😋。✴️港式炸大腸 $16這款傳統港式小食，必試，好好食，大腸一層疊一層，非常紮實，炸得非常酥脆，一口咬下，滿嘴留香。✴️串燒燒豬頸肉 $16燒雞肉 $16燒貢丸 $20燒花枝丸 $20 可以要求要甚麼調味，有好多款選擇。串燒原本已有調味，我要求加少辣已經夠了。爽口嫩滑各有特色，終歸一句，很不錯。✴️煎釀三寶 4件$20 魚旦／青椒／尖椒／茄子／紅腸／豆腐／冬菇／西蘭花／餃子 種類多到不得了，亂點一通都不會踩雷，他們的魚肉釀得特別厚實，而且爽彈。下面是小食店標榜香港制造✴️陳皮魚旦 10粒 $12 細細粒，輕輕陳皮味，如果食得辣，一定要求多辣汁，他們自制的辣汁又香又濃。✴️魚肉燒賣 10粒 $12 ✴️山竹牛肉球 2粒 $15正常魚肉燒賣，好食又有咬口。牛肉球也是正常口味，味道可以。總結，這裏可以找到以前小時候的味道，銀針粉／油渣麵味道可以說令人回味無窮。工作的姐姐阿姨都好有活力，難怪這麽多年都還可以支持下去，因為我自己都好多年不來踩單車了🫣，下次過來應該不會隔這麽久了。…查看更多

🍽️狗仔粉：暖胃又飽肚嘅頭號選擇！佢哋個粉仔煮得夠晒入味，口感煙韌，湯底濃郁，落埋少少菜脯，即刻提升咗層次！熱辣辣咁食一碗，成個人都暖晒！💯🍽️魚肉碗仔翅：呢個係靈魂！個碗仔翅做得夠晒杰身，木耳絲同肉絲份量十足，魚肉粒粒分明又彈牙。加埋少少麻油同胡椒粉，真係好好味🤩🍽️紫菜魚皮餃：魚皮餃皮薄餡靚，隻隻飽滿，配埋紫菜一齊食，多咗一份鮮味同口感！🐟🍽️燒賣魚蛋：掃街點可以冇咗佢哋！佢哋嘅魚蛋同燒賣都好有水準，粒粒彈牙，最緊要係個辣汁，夠晒惹味！辣度可以自己揀，鍾意挑戰嘅朋友可以試吓大辣！🌶️…查看更多

呢間位於大圍港鐵站外，每次都排滿人龍，且極具街頭風味的小食店，係我每次經過都一定會幫襯的，佢不但款式多，味道好，而且價錢實惠🥰，幾十蚊已經食到好飽，非常抵食！今次我哋幾個人，叫了以下多款美食：✨煎釀三寶街頭小食之王❗多款食材包括茄子🍆、尖椒、青椒、魚蛋、餃子、豆腐和紅腸，釀上彈牙的鯪魚肉🐟，再喺高溫油鍋裡炸，熱辣辣出爐，淋上豉油或辣醬，外皮微脆，內裡燙口，魚肉🐟鮮香，茄子🍆軟糯，青椒爽脆，魚蛋彈牙，一份滿足晒所有慾望💕✨炸雞髀食肉獸必食❗比臉還大的炸雞髀🍗，金黃外皮咬落香脆，肉質鮮嫩多汁，大啖撕咬超滿足🥰✨碗仔翅有「平民版魚翅」之稱，以粉絲、木耳、冬菇、肉絲等煮成濃稠的湯羹，外貌神似魚翅🦈。食之前加入浙醋、麻油和胡椒粉，瞬間酸香撲鼻，開胃惹味💖✨串燒豬頸肉+雞肉+芝士腸+司華力腸炭火香氣濃郁❗豬頸肉🐷油潤爽脆，帶有焦邊；雞肉🐓嫩滑，蜜糖🍯及沙嗲汁甜咸交織；芝士🧀腸爆漿流心，邪惡度滿分。司華力腸外皮爆脆，內裡肉質緊實有嚼勁，越嚼越香。即燒🔥即食，熱辣燙口，香氣撲鼻，係「掃街」嘅必食之選💕✨陳皮魚蛋+燒賣經典小食孖寶❗彈牙魚蛋中滲出淡淡陳皮香，燒賣是魚肉🐟及豬肉🐷混合而成，口感紮實。淋上濃稠的豉油和辣油，真係一絕😍✨生菜魚肉湯底味道清甜，帶有淡淡嘅魚香🐟，魚肉爽滑彈牙🦷，鮮味突出，生菜🥬青甜爽口，兩者配搭，絕對係經典組合❗…查看更多

今次第二次買大圍小食，今次店主熱情推介嘅串燒豬頸肉、臭豆腐、碗仔翅同煎釀三寶，每一樣都令人回味無窮！首先要大讚串燒豬頸肉！豬頸肉肥瘦比例啱啱好，肉質彈牙唔韌。經過精心醃製後，外皮烤得金黃焦香，咬落去「喀嚓」一聲，油脂香氣瞬間爆發；而內裡依然嫩滑多汁，搭配蜜糖沙嗲醬，鹹香濃郁，味道層次豐富！向來鍾意食臭豆腐嘅我，呢度嘅臭豆腐亦令我眼前一亮。炸至金黃酥脆嘅臭豆腐，外皮脆卜卜，咬開之後內裡軟嫩綿密，雖然帶有發酵香氣，但唔會過於嗆鼻。再蘸上甜醬同辣醬，鹹、辣、甜香各種味道交織，層次感十足，真係越食越上癮！碗仔翅同樣出色！湯底食材精心熬製，濃稠鮮香，入面嘅粉絲軟滑，搭配豐富嘅配料柳冬菇、雞絲等，口感豐富。食之前灑上少少胡椒粉同紅醋，酸辣開胃，超級滿足！最後講下煎釀三寶！魚蛋，餃子，紅腸同豆腐都釀滿咗鮮嫩彈牙嘅鯪魚滑，炸得外皮微微焦香，內裡嘅鯪魚滑鮮香多汁，豆香、菜香同魚肉香完美融合。再蘸上豉油，每一口都充滿住師傅嘅用心。總體嚟講，大圍小食嘅美食水準超高，每一道菜都充滿特色同誠意。店主推介果然冇錯！下次要帶埋朋友一齊嚟掃街！…查看更多

喺一個夜晚返工收得遲，肚仔咕咕叫，就決定去大圍搵啲地道宵夜醫肚。行過地鐵站附近，見到「大圍小食」門口排咗條人龍，心諗一定有啲料。落單叫咗咖喱魚蛋、豬大腸、銀針粉同炸雞腿，全部即叫即整，熱辣辣上枱。咖喱魚蛋夠香夠辣，魚蛋彈牙唔腥；豬大腸處理得乾淨，外脆內嫩，配埋銀針粉一齊食，真係夠晒滋味。炸雞腿大大隻，外皮香脆，肉汁鎖得好，咬落去仲有啲微微胡椒味，幾有驚喜。雖然環境簡陋啲，但街坊氣氛濃厚，店員手腳快又有禮。整體嚟講，大圍小食係一個唔錯嘅宵夜選擇，價錢親民，味道有誠意，食完滿足感十足。下次夜晚肚餓，我一定會再返嚟掃街！…查看更多

黎到大圍，大家都離不開叫唔同嘅香港特色小食、例如魚蛋，例如有魚肉翅個都、跟住我食嘅呢間舖頭佢除咗魚蛋出名之外、佢仲有好多唔同特別嘅小食，包括串燒都係好出名！講明係小食舖嘅老店、性價比一定好高㗎！呢度基本上所有嘅美食嘅食物質素都係好高！保留到舊有風格、但係食物嘅質素就一直都冇變過！一樣都係咁優質！香港真係唔多咁有心嘅小食舖！除咗優質、佢嗰個辣汁，簡直係高質到極緻！老闆凌晨兩點就已經準備材料去熬製最新鮮嘅特製辣汁、用兩個鐘嘅時間去整除咗心機傑作！仲係老闆用心嘅心血！喺香港嚟講真係好值得去讚揚呢個獅子山精神！今次我主要叫咗佢嘅臭豆腐會甜醬，簡直係一流！唔少得就係佢嘅碗仔翅，豬腸，韭菜蘿蔔、狗仔粉同埋一定唔可以少嘅燒賣加魚蛋啦！我覺得必食嘅一定係佢嘅燒賣同埋魚蛋！魚蛋好彈牙再配合秘製辣汁食，真係超級最佳拍檔！大圍小食大圍富嘉花園地舖…查看更多

睇完《消失的味道》先知大圍小食咁有來頭！後悔💢點解當初冇試到佢哋嘅咖哩魚蛋同臭豆腐🤣不過上次掃街都冇輸～試咗幾款勁地道嘅港式小食，全部正到癲👇 🍗炸雞髀手掌咁大！脆皮裂開，肉汁多記得要準備紙巾😆～ 🔥串燒豬頸肉，即場火攻🔥蜜糖味！🍢🔥煎釀三寶，魚肉彈彈，青椒🫑爽甜，竟然仲有西蘭花！💥脆皮炸大腸3串，外脆內糯！點甜辣醬食到lam lam脷～ 好在我都買咗樽神級咖哩醬返屋企，煮麵加幾匙✨ …查看更多

去大圍探朋友 見到大圍好多民生小店 見到大圍小食人山人海 我就買咗啲嘢食上朋友屋企食。 有好多嘢食有各款串燒 碗仔翅 魚肉湯 豆腐 陳皮魚蛋 牛肉粒 燒賣 煎釀三寶 炸雞髀 去炸豬腸 車仔麵 臭豆腐 超級多嘢食各式各樣，睇落都好吸引🤩最後同朋友就揀咗臭豆腐呀魚蛋燒賣 除炸豬腸 真係超好味呀 陳皮魚蛋魚味濃郁，口感Q彈爽口跟住魚蛋燒賣個辣醬真係夠辣 好嘢味脆炸豬腸不得了 係我食過最好味嘅豬大腸 ~真係超喜歡 臭豆腐我就冇食啦朋友就覺得好好味啦…查看更多

呢間隱藏喺大圍嘅街頭小食店，憑住佢哋嘅獨門「人氣辣汁」喺2016/17年拎咗領展美食金獎，成為咗唔少街坊嘅掃街首選。趁去車公廟拜神，終於試咗佢哋幾款招牌，樣樣都有驚喜！ 魚蛋絕對係必點，彈牙程度、甜中帶辣嘅滋味真係食到停唔到口。燒賣都唔輸蝕，肉香十足，2款加埋獨門辣汁超惹味。釀三寶炸到外脆內軟，特別係釀茄子吸晒啲醬汁之後，咬落去仲會爆汁㗎！最愛炸大腸處理得好乾淨，外皮酥脆內裡軟嫩，點甜辣醬簡直係絕配。 不得不提佢哋嘅豬紅豬腸韭菜配胡椒湯底，豬紅滑溜溜，豬腸爽口彈牙，加埋韭菜同胡椒湯底，飲完成個人都暖笠笠，如果冬天食真係一流！湯底胡椒味夠香但唔會太嗆喉，飲完仲想encore！ 車仔麵揀咗辛辣湯底，湯頭濃郁夠味，麵條煮得啱啱好。配料方面，魷魚爽口彈牙，芝士腸咬開會爆漿，仲有牛柏葉掛汁力十足，再配多碗傳統碗仔翅，懷舊風味滿分！ 價錢相當親民，小食大多10-25蚊就有交易，車仔麵都係50蚊左右，以咁嘅質素嚟講真係好抵食。埋辣汁真係幾辣，唔食得辣嘅朋友記得叫少辣。 大圍小食將港式街頭小食做得相當出色，特別係嗰款金獎辣汁，令每樣食物都提升咗一個層次。鍾意食街頭小食嘅朋友，呢間絕對值得專登去試吓！ …查看更多

經過大圍都要幫襯呢間小食😍放工時間次次都大排長龍同朋友聚會就買啲小食上去每次必叫豬頸肉串及煎釀三寶🔥✨煎釀三寶每次都會揀唔同款式嘅煎釀三寶朋友都好驚訝西蘭花有魚肉配搭仲有番薯、紅腸等等✨豬頸肉串簡直係搶住嚟食😳共有九款口味 豬頸肉烤到鮮色亮澤彈牙又惹味😋多年小食老店 性價比極高🙂仲有肉碎狗仔粉、椒鹽炸燒賣、臭豆腐、碗仔翅等香港地道小食經過真係去醫下肚🔥最近仲推出自家製咖哩魚蛋車仔麵醬可以加落麵作配搭 更加惹味😍…查看更多

各位為食姐妹們！今次真係要同大家分享一間我嘅私藏掃街寶藏！💎 呢間小食店雖然唔係咩大舖頭，但係佢嘅小食真係好有水準，食完一次就愛上咗！每次行過都忍唔住要買返幾串食吓，真係好邪惡呀！😈首先出場嘅係掃街必食——**煎釀三寶**！嘩！佢哋嘅煎釀三寶真係即叫即炸，熱辣辣送到你手上！我最鍾意叫煎釀茄子、青椒同豆腐！🍆🌶️🥟 茄子炸到軟軟哋，但又唔會太油；青椒仲保留少少爽脆；豆腐就外層金黃，裡面滑捋捋！最正係佢哋釀嘅魚肉，好彈牙好鮮味，同蔬菜或者豆腐配合得天衣無縫！再加埋佢哋自家製嘅甜醬同辣醬，甜甜辣辣咁點住食，真係食到舔舔脷！一串接一串，完全停唔到口呀！😋跟住就係挑戰級嘅人氣小食——**臭豆腐**！聞落去真係好有個性（即係好臭啦！😂），但係食落去就係另一回事！佢哋炸到外層好金黃好脆卜卜，咬開裡面仲係嫩滑嘅豆腐！個口感對比真係好過癮！佢哋嘅臭豆腐最正係配料，加埋甜醬、辣醬同埋解膩嘅泡菜，三樣嘢撈埋一齊食，將臭豆腐嘅香氣提升到另一個層次！雖然個味比較重，但係食完真係會令人念念不忘，越食越想食！如果你夠膽挑戰，一定要試吓！👍最後就係暖笠笠又飽肚嘅**油渣麵**！🍜 呢個真係好有懷舊Feel！一碗熱辣辣嘅麵，湯底濃郁但又唔會太鹹，麵條煮到剛剛好，唔會太淋。而主角當然係啲油渣啦！炸到金黃香脆嘅油渣，浸入湯裡面吸晒湯汁，咬落去仲有少少脆口，好香好有口感！再加埋冬菇粒同埋蔥花，成碗麵雖然簡單，但係味道好豐富，食完個人即刻暖晒，好有滿足感！喺凍凍地嘅日子或者想食少少嘢墊肚，呢碗油渣麵真係個唔錯嘅選擇！😌…查看更多

有事經開大圍就搵下大圍有咩食大圍小食聽聞係大圍其中一個名物所以就過黎試一試傳聞最好食係佢既辣汁所以就叫左個燒賣魚蛋燒賣有些少油香，算彈牙魚味差D，豉油偏淡魚蛋係陳皮魚蛋，比想像中淋冇咬口辣汁的確唔錯，有沙茶香，小量椰香辣度偏辣，如果唔太食得辣最好唔好落太多其他就冇試過啦，但如果只係為個辣汁又真係冇乜必要突登去試..............................…查看更多

你有冇好似我咁中學時期食Lunch最愛食街頭小食就一餐？拍拖行到邊食到邊😆？今日我哋就一一去回味一下香港傳統街頭小食😋今日同爸爸👨🏻嚟到位置於大圍火車站對面嘅【大圍小食】 尋找昔日中學時期同拍拖時間嘅掃街回憶🥰呢間係大圍好出名嘅小食店【大圍小食】，每次經過都超多人排隊，佢哋嘅小食款式真係超級多，眼花撩亂都唔知揀咩好😵‍💫樣樣都好想食😋掃街小食當然必食陳皮魚蛋燒賣，煎釀三寶😍我同嵐爸就掃咗好多小食一次過試吓先🤣自家製辣汁陳皮魚蛋 $12/10粒▪️陳皮魚蛋一定是嵐媽必食小食，佢哋嘅自家製辣汁仲要拎獎添👍🏻超香超濃😆燒賣 $12/10粒煎釀三寶 $20/5件▪️魚肉彈牙，款式超多；最特別嘅係連西蘭花都可以釀魚肉，好正👍🏻蜜糖沙嗲醬串燒 - 豬頸肉，雞肉 $16/ 串 ，司華力腸 $20/串▪️呢個係嵐媽推介你哋必食，即叫即燒串燒，姐姐介紹必試蜜糖沙嗲調味醬，真係無介紹錯，甜甜地超惹味，後悔點解叫得咁少😋椒鹽炸燒賣 $18/串港式滷水雞髀 $28/隻港式炸雞髀 $28/隻▪️即叫即炸😆見到真係嚇親😱手掌咁大嘅炸雞髀，香脆肉嫩多汁，正👍🏻魚肉翅 $32/細 $50/大油渣麵 $42/細 $52/大我哋嘅回憶都番晒嚟啦🥰下次我一定要食好多好多串燒😍大推大推！📍 大圍小食 (大圍)大圍富嘉花園22號地舖@taiwai_snacks#大圍小食 #大圍美食 #陳皮魚蛋 #燒賣 #煎釀三寶 #碗仔翅 #油渣麵 #串燒 #香港特色小食 #香港美食 #香港街頭小食 #傳統街頭小食…查看更多

今日帶咗細佬嚟到大圍行街食好嘢，等緊車返去嘅時候見到一間小食店，佢正正喺大圍地鐵站門口，叫🌸大圍小食🌸，其實都屬於老店之一，事關每一次嚟車公廟都會見到佢，好耐都未試過瘋狂掃街，一於今次掃返夠本先🤣，佢哋有好多唔同款嘅小食，噏得出嘅都有😌，我哋今次外賣咗啲嘢食，雖然唔知呢款港式炸雞髀🍗係咪呢度嘅招牌必點之一，但係我認為係最好食嘅一款，事關佢個炸髀真係有手掌咁大，仲要性價比極高😍，都係$28咋，炸完出嚟金黃色，真係外脆內軟又多肉汁🤤，外層脆皮又唔會過厚，放耐咗都仲係咬落脆卜卜，肉質又夠嫩，真心推介🙌🏻🙌🏻其次要試嘅梗係佢哋嘅🍢串燒豬頸肉同雞肉🍢啦，燒出嚟香噴噴，豬頸肉肥瘦均勻，食落超有嚼勁😋，而雞肉方面都幾嫩添，味道啱啱好👍🏻我哋仲買咗💚💛煎釀三寶🤎🧡 :必食之選，款式又多，餡料充足😝😝❤️肉碎銀針粉 :足料又夠大碗，銀針粉唔係度度有🤩🤩❤️生菜魚肉翅 :啖啖肉唔係剩係得生菜🫣❤️炸大腸，炸燒賣 :炸物一流👍🏻👍🏻❤️黃金臭豆腐 :越臭越好食🤤❤️陳皮魚蛋 :有陳皮味先係陳皮魚蛋😆😆…查看更多