大圍小食

营业中

休息中

最兩日同老公行過大圍, 肚餓起黎就搵檔小食醫下肚, 見到依間門口好多人排隊, 諗住實無死行到埋去見到D疑似雞脾大大隻咁, 諗緊會唔會好多粉包到咁大隻, 因為真似包到似雞排多個似雞脾平時我見咁樣就唔敢買, 唔知點解果次又膽粗粗照買, 仲無問幾錢睇住阿姐炸起狂落鹽果下, 心諗咁重手會唔會好咸, 點知拎到上手果下一打開個袋, 食到停唔到手, 真係足有咁大隻, 皮又脆又薄, 肉質又嫩, 好過老麥同上校D雞多多聲, 係又新街又未搵到檔咁好味, 差D食到忍唔到口俾老公試啖, 老公食完話再整多兩隻都得以15蚊黎計, 依個水準依個份量, 值得一試另外叫左炸茄子果D, 就普普通通, 不過不失啦

生煎包個包就整得幾好食喇，因為佢地煎得個皮脆脆地，食落個感覺都幾正。係入面既豬肉多汁多水好食，因為超多肥豬肉，咬落好有肉味，今次想唔食肥都難!正

生煎包($5):個包就整得幾好食喇，因為佢地煎得個皮脆脆地，食落個感覺都幾正。但係入面既豬肉就唔好食喇，因為超多肥豬肉，而且食食有一舊硬既野，想咬食人咩?!

蔥油餅($5):好大塊、好抵，而且食落又唔乾，兼且都幾厚呢。食晒會好飽既呢，如果想慳錢既話，食哩個就岩喇!!

糯米飯($20):個糯米飯既味道唔錯，d飯又唔會癡牙。而且個臘腸又唔會太咸，味道岩岩好。個份量都岩岩好，一個人食實食得晒。

我地經過呢道...無諗住食既~~但見都章魚燒就買黎試下啦平時D章魚燒都應該用裝壽司個D盒...但呢道...一買個時睇到係用發泡膠就立即O晒咀但都無咩理到,照食,食下先算!哇!一咬落去脆脆地,唔錯~~D章魚都幾咬到個章魚燒太大舊啦~~~我一啖食落去...食好耐先食完=]呢都D章魚燒都唔錯...但係,,當然=]章魚燒專門店一定會特別好食

This place is good if you want to have a quick snack before dinner (or supper which is after dinner )What I eaten:1. Fish ball-spicy: I always liked fish balls, however compared to most other outlets, this shop's fish balls are average. It does not "bounce teeth". However the sauce makes up for the downside. The texture is acceptable but not perfect. Quantity wise, is sufficient for a snack.2. Octopus: cooked not long enough and does not taste as food as others. Quantity is enough and te

喜歡呢度既辣汁牛拍葉、辣汁魷魚,至於辣汁魚蛋,便要睇你既運氣,一時結實,一時霉軟喜歡呢度煎饟三寶中既炸魚蛋,好好味,夠彈牙喜歡呢度既車仔麵,夠大碗,又多餸菜可供選擇,但係亦都好多油喜歡呢度好多小食可供選擇,鋪位又在火車站旁,放工放學時,都可以食d小食先回家

早2,3個月前 , 吃過幾次炸雞脾是 $15 一隻 , 可樂一罐是 $5 or $6 , 我忘了 炸雞脾炸雞脾都是炸好了放在一旁 , 你下了 order 就再炸一炸之後放進一個小紙袋 , 再放進一個小膠袋給你雞脾是熱辣辣的 , 外層是厚厚的炸粉 , 幾油膩內裡肉質好不好 ? 要看看你的運氣了 , 我試過的 , 肉質是一般的 , 不嫩也不太韌總括只可以說是 acceptable , 達不到新星 / 日月星的水平像大圍小食的外賣小食店還有一間在燉奶佬的那邊忘記了是叫什麼的名字 , 炸雞脾都是 $15 一隻 , 質素亦是差不多的

今日有事要搞, 入了去大圍.一出火車站就已見到此小食店.口好痕, 見好多人幫襯, 又咁香,都食一串喇.魚蛋不太大粒的,幾香; 但咬一口, 唔夠辣, 中間不太夠味....另肉質少許韌的;當ok 喇.

本人家住大圍，平時買開咖喱魚旦同炸４寶多Ｄ，因為呢兩樣我覺得係全店最好味。不過琴日見天口涼涼地見人買咗個糯米飯:好似都幾香咁就買咗嚟試吓啦。個飯就１５蚊個唔平又唔算貴，個亞姐會加花生菜莆(唔洗加錢)，跟住個亞姐就問要加唔加臘腸，不過臘腸就要加５蚊。ｄ飯粒一粒粒都幾香口吓，加咗ｄ菜莆爽爽地又野味Ｄ我就算覺得好好味。條臘腸５蚊條我就覺得都幾抵因為咁既價錢算合格啦當加個餸。

早兩日食過佢地既車仔麵 豬紅.豬皮同牛腩. 同埋試過糯米飯. 糯米飯勁乾.無味無料得個咸 絕對唔會再食~ 仲要收15蚊~ 車仔麵都係一般 牛腩無牛腩味 剩係得香料味. 豬紅一般. 豬皮就有陣"油益"味又唔彈.. 所以真係好一般~ 好多人都話食係食佢個汁... 個人食後感~ 辣之中有d香茅味 都算特別既. 但對我唻講~ 並唔係好食到食完想再食個種囉~ 對我唻講 一次就夠

講真,D人服務真係幾差如果不是他們的汁,我都不會再食十八蚊3送每次都係食豬大腸,牛根同燒米最好不要落湯,加汁,正!!!!!!!!!!!!

推介燒賣...查實個燒賣冇咩特別.同出面賣個d差唔多..但只不過用黎調味個個豉油..勁得.. 因為本人唔係好食辣的..所以通常燒賣都只會點豉油..佢個豉油唔同出面淨係得個咸字.. 佢食落有少少甜味.. 順帶一提佢個炸4寶都係用同種豉油..值得一試

咖哩魚蛋就周街都有得食, 不過咖哩燒賣就倒是第一次! 今日路經大圍, 就係呢間小食店叫串燒賣! 亞嬸嬸問我要唔要食辣, 我就話要少少, 佢就將串燒賣放滿咖哩汁! 其實同咖哩魚蛋一樣, 不過我偏好燒賣多d! 食落效果好好! 佢地d咖哩汁甜中有辣, 又香....值得一讚.......咖哩汁, 不過店鋪亞嬸就禮貌差少少! 扣少少分!