大圍小食

营业中

休息中

經常經過大圍 都知呢間大圍小食都屹立咗好耐能夠屹立至今 一定有原因之前疫情太嚴峻 好耐無掃街今次經過大圍 叫咗吾少野慢慢嘆有幾樣highlight 幾驚喜狗仔粉 唔使特登去專門店都食到狗仔粉份量好多 上面鋪滿肉碎、菜餔、冬菇、炸蒜碎及香蔥加上特製湯底 好香又飽肚 滿滿口感韮菜大腸豬紅超好味~~~好入味 大大碗 湯底係胡椒湯底索滿湯汁嘅豬紅同大腸好惹味豬紅真係好滑 入口即溶而韮菜亦唔孤寒 俾咗好多🥰碗仔翅每口都有冬菇絲、素翅、魚肚及木耳絲超足料 煎釀三寶街頭小食點少得煎釀三寶但非常驚喜地有西蘭花 🥦釀魚肉 又好足料 魚蛋燒賣 原來呢度得過小食大獎燒賣彈牙 魚蛋則為陳皮魚蛋但最重要係個秘製醬汁 唔算太辣 但夠香夠惹味岀色豬頸肉串燒 呢個世一 👍🏻👍🏻👍🏻好好味 即叫即燒 熱辣辣 肥瘦適中加上孜然粉 好岀色其實店中仲有好多野食 真心試吾唒下次再試下其他野先🫢☺️

最近踩完單車轉戰左黎大圍補充能量啊～係啊，邪惡但我愛。大圍小食係正火車站對面你想食既野你掛住既咩都有得揀蘿蔔魚蛋豬腸豬紅豬皮 韭菜魚蛋 燒賣煎釀三寶 臭豆腐 炸大腸狗仔粉銀針粉 同埋豬油渣麵生菜魚肉碗仔翅你講得出嘅咩都有全部都係要出街食先好食。陳皮魚蛋一定要食辣蒸燒賣記住加小食店的秘製辣醬臭豆腐 炸大腸全部即叫即炸 新鮮滾熱辣加埋辣醬芥辣甜醬就最好食。煎釀三寶除咗有常見的臭豆腐紅腸茄子仲有西蘭花同埋冬菇， 西蘭花釀魚肉原來超好食，記住要試試。想飽肚叫狗仔粉 就最適合，冬菇肉碎蒜蓉蔥 ，記住加埋特辣嘅菜莆，超夠過癮。仲有娘親至愛的 豬腸豬紅蘿白 同埋韭菜，蘿蔔超甜， 豬腸啖啖肉 而且洗得乾淨 加埋豬紅簡直大滿足。行過路過真係好難唔放低十幾廿蚊醫醫肚啊～

人氣推介街頭小食 - 大圍小食呢排疫情好似又有回升既趨勢，好似好耐冇係街邊篤魚蛋同掃街，今日收工收夜左係附近買埋宵夜先返屋企，一出大圍站就聞到好香臭豆腐味，都幾多人買，應該都唔差，一於試下先~🐓🍗炸雞髀街頭小食除左魚蛋燒賣，我通常都會叫生炸雞髀🍗新鮮炸起既雞髀雞皮脆卜卜，食到滿嘴油香和肉汁，必食推介🔥臭豆腐呢度既臭豆腐真係好好食，新鮮炸起既臭豆腐外脆內軟，蘸上醬汁一齊食，口感一流🍆煎釀三寶每次買宵夜都一定會買既煎釀三寶，揀左我最愛既豆卜同茄子，仲有紅腸同香菇，上面既魚肉都好彈牙🐷串燒豬頸肉等緊炸雞髀既同時聞到好香串燒味，忍唔住叫左兩串豬頸肉，串燒豬頸肉即叫即燒，都幾厚肉，燒烤過後依然保持肉質爽彈🐠生菜魚肉魚肉好彈牙、而且好有鯪魚味。生菜亦好新鮮，魚肉份量都幾多，性價比高。🐷韭菜豬紅豬紅爽口冇血腥味，味道很好，辣辣地都幾過癮，非常惹味🔥魚蛋燒賣佢地既魚蛋偏向魚肉味濃啲，大大粒又夠爽口彈牙，燒賣結實又有咬口，很彈牙煙韌而且皮好薄，沒有魚腥味，蘸上秘製的辣椒油及豉油，好好食。

d呀姐同哥哥態度惡劣，唔志在賺錢，中意對客呼喝！可能賺左無得分我想買碗仔翅啫，個哥哥都話唔識整喎！ 之後行開咗！其實好簡單你同個客講話唔係你負責，叫客人同返隔離負責個阿姐講咪得囉，唔想做生意咁金額細你唔志在賺錢，我都唔緊要㗎，咪幫襯第二間囉

魚蛋燒賣人人摯愛，今次哩間醬汁俾到我驚喜！秘制辣汁超惹味，其他地方食唔到哩隻味，每一粒都佈滿曬醬汁，越食越上癮！魚蛋燒賣夠彈牙有咬口，不愧拎過獎🤣唔怪得次次都咁多人排隊，係有原因嘅！

冇食Lunch，又上堂上到10pm，餓死之際比我飲到啖熱湯，超級感動😭❤️ 周圍仲有兩三間小食店，但去到夜晚10點幾都排曬長籠就知咩料啦😌🤍生菜魚肉(細) ($22)我之前係唔會食生菜魚肉，因為我唔鍾意啲魚肉嘅口感，加埋啲骨，但呢碗嘅魚肉冇骨😻❣️ 仲要好大碗😳 食完細嘅生菜魚肉+臭豆腐就飽咗6-7成（雖然有機會係餓細咗個胃，但要知我好大食的！）🤍臭豆腐 ($15)臭豆腐好大舊，外脆內軟😳 豆瓣醬+甜醬嘅配搭幾好食😋 唔知係好事定壞事，聞落唔算太臭，不過食完之後呵翻氣就臭臭地😮‍💨 好過癮🤣

疫情開始-而家好耐都冇掃過街啦😣 難得今次入到大圍…小妹一直都想試呢間，原因係每次見到呢間都好多人排隊買街頭小食，結果小妹終於忍唔住買黎食啦🤣 而呢間舖頭位於大圍火車站出口條馬路對面，有大大塊招牌好易認😎舖面亦感衛生，令小妹放心買🥰🍡魚蛋+燒賣魚蛋、燒賣夠彈牙且有咬口😬👍🏼而燒賣好煙韌，勁好味道🤗呢間既燒賣仲令小妹回憶小時候食既味道；至於魚蛋係用咗興利祥記陳皮魚蛋；剛先知原來有好多人介紹過佢地既秘製辣汁，仲話唔會太辣🌶🙈 睇嚟小妹下次經過真係要買串試吓🤩值得一提係職員熱情同細心，小妹今次買外賣返屋企食，仲會用碗裝+用膠袋入好，非常穩陣😍

掃街大滿足🍡🍢煎釀三寶看似好普通嘅街頭小食😌但要搵到高質嘅真係唔容易架！#小胖遊大圍🐠 —————————————————🔹煎釀三寶 $20/5件平均價$4/件，未必最平，但真心比一般嘅大件好多🤩係真心大大大件😙熱辣辣炸就最好食🔥，魚肉🐟都幾彈牙唔會有腥味👌🏽而且仲有好多款揀✨特別推薦係西蘭花🥦同尖椒🥦西蘭花岀奇地好爽口，帶少少焦香，食下菜覺得自我感覺良好🤫(小編見過有人一次過買10件😂超誇張)尖椒真係好慷慨成條，真心辣🌶啱嗜辣愛刺激嘅你另外，都好喜歡買紅腸、豆腐、魚蛋🤤加埋豉油同甜醬無得輸.💡最佳策略就係邊樣新鮮炸好就買邊樣😂—————————————————🧜🏻‍♂️口水度：🌕🌕🌕🌖🌑🤑性價比：🌕🌕🌕🌖🌑🧚🏻‍♀️打卡值：🌕🌕🌘🌑🌑🥰舒適度：🌕🌕🌗🌑🌑🤤回頭率：🌕🌕🌕🌕🌖.♟Overall♟一岀地鐵站🚉就買到真係好方便！真心覺得西蘭花🥦超正，仲要唔係周圍有🤣

話說我用某平台叫野食跟住送來D野食可以小幾樣我叫左200蚊野最後來到得100蚊野跟住大圍小食仲要冇電話打個平台最多都係賠左52蚊比我我仲要冇啦啦比多48蚊出嚟好心未準備好就吾好學人搞外賣啦要D消費者為你地既疏忽埋單

放工就即刻衝去呢間位於大圍鐵路站隔離嘅「大圍小食」，非常方便！一出大圍站就已經見到啦😊果然係人氣小店，排哂隊👍叫完嘢食等緊之際，見到老闆，同老闆傾左幾句，原來老闆係自己一手一腳經營的！係一間Made in Hong Kong嘅小店😊大家要好好支持一下😬煎釀三寶大大嚿好好味，款式非常多！炸到卜卜脆熱辣辣！平時好少會見到有西蘭花同冬菇呢度都有啊！😋炸大腸完全冇羶味！外層脆卜卜！有咬口！😋炸臭豆腐外層炸到酥脆！裏面軟綿，大大嚿！亦非常之香！如果鍾意食臭豆腐嘅朋友真係舔晒脷😋生炒糯米飯天氣涼涼地食返個糯米飯，加兩條臘腸潤腸認真一流！🤤秘製醬汁魚蛋燒賣燒賣同魚蛋都好煙韌，魚蛋仲用左興利嘅陳皮魚蛋！無魚腥味！配埋呢個秘製辣醬無得頂呀！😊韭菜豬紅豬腸呢個真係非常欣賞佢嘅豬腸！蘿蔔又好甜！😋狗仔粉狗仔粉加埋辣菜莆真係絕配！豬油渣麵大大條嘅豬油渣酥脆不油膩，配埋辣菜莆、冬菇絲等等嘅材料，又香又好味！P.S 新春期間照常營業，營業至到凌晨兩點！👍💪

疫情開始咗之後就好耐都冇掃過街啦🥲難得入到大圍見到呢間好多人都買嘅街頭小食就終於忍唔住啦😂買咗好多唔同嘅街頭小食返屋企同屋企人分享😋一講到街頭小食，魚蛋燒賣臭豆腐煎釀三寶呢啲絕對唔小得！呢間店鋪除咗基本嘅小食原來仲有好多唔同嘅熟食，真係立即令我胃口大開🤣❣️魚蛋 燒賣 魚蛋燒賣夠彈牙有咬口👍🏼再配埋佢地自家嘅祕制辣醬真係冇得輸🤩辣醬味道超惹味🤩每一粒都沾滿辣醬黎食🤣越食越上癮🤩必試‼️❣️煎釀三包呢到嘅煎釀三寶好特別，會有西蘭花同大大條尖椒😳對於唔中意食青椒🫑嘅我又可以多個選擇🤣樣樣都好香口，上面嘅魚肉夠彈口，相當惹味🤤❣️臭豆腐臭豆腐最緊要喺臭！佢地做到！👍🏼外皮厚實得黎又微微脆，仲要大大舊，配埋滿滿嘅醬汁食，正🤩❣️韭菜豬紅大腸蘿蔔睇得出啲大腸洗得好乾淨👍🏼而且煮到好淋唔會韌，豬紅煙煙韌韌，蘿蔔好入味，唔會有渣😋仲有蔥同炸蒜味道好香口😙❣️糯米飯冇諗過會有鴛鴦腸😍，鍾意食臘腸膶腸嘅朋友仔唔好錯過🤤！份量好足，糯米飯底唔會煮得好’淋‘，口感偏煙韌好食😋仲有花生、蔥、辣菜脯，無論口應定味道都好豐富🤩❣️ 油渣麵呢到嘅油渣麵相當出色‼️麵底唔會好淋有咬好，油渣唔會硬，食落有啲爽口，仲有油脂好香口🤤加上蔥

⭐️大圍小食⭐️📍:大圍富嘉花園22號地舖每次經過 @taiwai_snacks 都好多人排隊🙈 位置大圍火車站出口條馬路對面 佢地既招牌好易認架🤣 門口會擺放幾張櫈比人坐低食！一到夜晚放工就好多人 越夜越多人幫襯🤣宵夜必食！唔好睇佢地做小食生意🥰一樣好有熱誠又貼心 值得一提 我買外賣反去 佢地會幫我分湯架🙈同埋老闆好好人🥰👍🏻-煎釀三寶- 有釀尖椒、釀矮瓜、釀青椒D、炸魚蛋、紅腸、豆腐、餃子、冬菇等 最特別係魚肉釀西蘭花 味道唔錯架 熱辣辣好足料 好抵食唔錯架🙈-串燒豬頸肉- 豬頸肉簡直系我既至愛🥰 即叫即燒 熱辣辣 肉質爽口 有油脂感🥰真係好好食😋-炸臭豆腐-見到有即刻叫反兩件先 $30/2件 即叫即整熱辣辣 所以要耐心等候🥰 比較硬身四四方方咁 好大件 外層好脆口 有陣臭香味 再加埋甜醬 臭臭地好惹味🤣-生炒糯米飯- 糯米飯裏面我加左一條潤腸、一條臘腸 都只係$10/1條炸 再加埋海量既花生、蘿蔔乾 仲加埋菜蒲 炒得好均勻 糯米飯好硬身惹味！口感好豐富 冬天真係必食！-豬紅大腸韮菜-私心推薦食豬腸 加入菜莆、香蒜、辣椒粉 湯底係胡椒湯底泥架 索晒啲汁令到豬腸韮菜更加惹味！豬紅好滑又入

之前經過見到佢地有賣生炒糯米飯今日放工決定去試一試·小店正正係大圍站對面地理位置真係贏哂💯雖然人流不斷不過佢地左炸物｜粉麵 ｜串燒會分開咁排隊😆唔怕打到亂哂♡好少小食店會有串燒🍢仲要即叫即燒即刻整番兩串豬頸肉爽嫩彈牙 · 油脂感好正😈♡炸大腸坊間炸大腸好多時都會炸到好乾但呢度係炸到外面好脆而裡面仲煙韌超級正🤤勁想叫多一串♡佢地既燒賣魚蛋拎過特式小食金獎🏆即刻來碗雙拼😎習慣左魚蛋要督番一串串咁食先過癮燒賣彈牙軟糯而魚蛋係陳皮魚皮 · 絕對唔欺場重點‼️係個秘製醬汁辣得黎夠哂惹味🌶️♡炸臭豆腐原本無諗住叫架😆係見到隔離個OL姐姐食得好過癮即刻加番兩件臭豆腐四四方方好大件🟫🟧呢度臭豆夠哂臭但咬開真係爆汁💦我覺得佢好食過好多名店👍🏻♡魚肉碗仔翅好足料既碗仔翅♨️老板好似唔洗本咁😆超級多既冬菇｜好少見既魚肚｜木耳絲｜素翅濃稠調較得好好 · 而啖啖都係料🈵♡煎釀三寶見到有釀西蘭花🥦 即刻加點一份試下新鮮炸起既煎釀三寶配甜豉油真係好鬼正😈釀魚肉好足料 · 件件都大大份♡明明衝住糯米飯而黎🍲但最後眼闊肚窄👻飽到打包番屋企食🤭糯米飯裡面有臘腸 上面仲有花生蘿蔔乾炒得均勻👍🏻夠哂惹味🤤私心推介要加埋臘腸潤腸每條

無堂食駛乜驚，唔駛特登買去公園食，呢度有埋櫈比你坐定定食，食完一樣再買，食完又再買，無枱都一樣可以食得好豐富🥳佢有齊魚蛋、燒賣、煎釀三寶、炸大腸、碗仔翅、生菜魚肉、串燒、生炒糯米飯、狗仔粉、韭菜豬紅、油渣麵、臭豆腐、格仔餅、雞蛋仔、長洲大魚蛋等等等等生炒糯米飯 有大有細size, 加十蚊就有原條臘腸/潤腸，絕對唔係hea你架😁臭豆腐 係我每次嚟都必食架，大大嚿又夠臭🤣，而加好多係聞唔到獨特臭味架喇…..韭菜豬紅 我加埋豬腸，湯底係胡椒湯底，食完暖哂胃💗狗仔粉 及 銀針粉勁多料好多菇菇、加埋老闆自家製既菜莆，辣辣地，食得辣先好加多D呀😜牛柏葉、水魷、豬皮、長洲大魚蛋落佢地獨家咖哩汁，夠哂惹味😋蒸燒賣如果厭悶，可以試吓佢地既椒鹽炸燒賣，香口好多架😃

個夾餅現整，滿懷希望，等左成十分鍾. 一拎上手 唔熱，又硬，仲要好細塊。一咬 又硬 又燶 個口損晒 ，成口燶味，好意思收我$15底。完全晒錢晒quota 平時都唔寫評語。呢個真係唔得到要寫出泥. 買隔離龍津冇咁嬲