大圍小食

营业中

休息中

小篇👧🏻今次黎到大圍站對出的大圍小食，我諗大家都可能食過，因為真係開左好耐，又成日好多人排隊。放假真係好多人😂排左幾條隊，食物種類超多，可以一次過滿足晒掃街既要求。⭐串燒類燒雞肉，燒魷魚，燒豬頸肉，燒墨魚丸，燒牛丸，燒司華力腸💕串燒類大件夾抵食，亦都有好多種調味選擇，個人特別喜歡燒魷魚，爽口彈牙，豬頸肉，肉質外脆爽口，肉味濃郁。⭐炸物臭豆腐，煎釀三寶💕煎釀三寶20蚊5件，睇落吾算平，但係原來超大件，最特別係有蔬菜類的選擇，西蘭花釀魚肉都幾特別好食。個人喜歡臭豆腐，外皮酥脆香口，內裡豆腐軟滑，好正。⭐飯類💕臘腸糯米飯臘味糯米飯配料有臘腸、潤腸、菜譜和花生，香口不油膩，糯米飯粒粒有口感，色澤均勻，食完好飽肚。⭐咖哩三寶呢度的咖哩汁，幾好食，都幾辣下，有牛柏葉水魷魚 🦑同埋有豬皮蘿蔔魚蛋。⭐滷水雞髀見到剛剛新鮮鹵完，好香，就叫左黎食，好滑好入味。

以前細個住係大圍成日都食大圍小食，最近同朋友去大圍踩完單車之後就買左幾款小食返屋企慢慢嘆😋大圍小食既煎釀三寶勁吸精，全部都係非常足料大大件。‼️推介‼️煎釀三寶 $20 5件小編叫了青椒、紅腸、豆腐、冬菇和西蘭花，都釀了厚魚肉，份量十足。煎釀三寶有得叫西蘭花和冬菇都幾特別。絕對抵食👍🏻長洲大魚蛋 $22 3粒大大粒魚蛋，口感結實彈牙😋‼️推介‼️陳皮魚蛋 $12 10粒陳皮魚蛋帶濃郁陳皮回甘味和魚香，口感爽口彈牙，配上秘製辣醬，非常惹味！‼️推介‼️炭燒豬頸肉 $33 2串豬頸肉軟滑爽彈的口感，配上秘製醬汁勁惹味。椒鹽炸燒賣 $14一串有6粒，即叫即炸，外皮炸得脆卜卜，魚肉煙靭彈牙。

♨️大圍小食大圍富嘉花園22號地舖@taiwai_snacks ♥️N年冇試過掃街，今日一次過超滿足掃咗勁多嘢食返屋企品嚐，所有童年回憶立即返晒黎☺️今次去呢間已經有二十幾年歷史嘅老店「大圍小店」，食物應有盡有，性價比高，質素有返晒以前嘅味道，真係一路食一讃👍🏻🔷臘味糯米飯+原條臘腸 （大）$48+$10有花生，蘿蔔乾再加條原條臘腸超惹味，糯米飯煙韌軟硬適，料多又夠大盒，絕對抵食之選🔷韭菜豬紅豬腸 $35豬紅唔會一夾就散夠實淨，豬腸好正絕冇臭味，韮菜冇草青味，配上胡椒湯底堅正🔷豬油渣麵（大）$50五花腩好大條又脆口，豬油香味濃而不膩，上海麵條煙韌夠大條🔷煎釀三寶x12件 $20/5件款款也超級大件，有炸魚蛋、魚肉紅腸、魚肉西蘭花、炸餃子、魚肉冬菇、豆腐及魚肉茄子，全部新鮮熱辣辣🔷燒魷魚x2 $30/兩串用上惹味醬汁係燒，少少辣多多惹味，夠哂juicy, 必叫🔷椒鹽炸燒賣 $14燒賣皮炸到脆一脆，外脆內軟好好食🔷炸大腸外皮香脆內𥚃煙韌，充滿油脂香，一啲臭腸味都冇，處理得好乾淨🔷串燒豬頸肉x2 $30/兩串串燒即叫即燒，豬頸肉名不虛傳，夠juicy又彈牙，炭燒味好出，非常惹味🔷燒賣 $12🔷陳皮

唔去旅行都唔知原來自己會咁掛住香港既地道美食🍢無論係燒賣魚蛋定各款串燒三寶都係香港獨有既小食🔥其他地方既港式餐廳總比唔上呢啲多年既街頭小店🧇。而小店令人留戀嘅仲有當中嘅人情味❤️好似今次咁素未謀面但都感覺到老闆娘既熱情，好似由細睇到你大既姨姨一樣溫馨🥰。🐒港式炸大腸💰$15🐒串燒雞肉/豬頸肉💰$16@1/$30@2🐒水魷💰$15🐒八爪魚💰$15串串全部即叫即燒，揀完咩串之後仲可以揀埋串燒既味道，我就分別試左蜜糖🍯孜然粉同沙嗲。🐒煎釀三寶💰$4@1/20$5平時三寶常見既都只係紅腸、茄子🍆同青椒🫑但呢度仲有好多款式任你揀，就好似西蘭花同冬菇咁真係第一次見🥦。🐒足料糯米飯💰$35(細)/$48(大)👉🏻臘腸/潤腸+$10糯米飯普遍夜晚覺有，但我因為太想試於是叫遮遮照比我🤭等我番去再蒸💨即使唔加孖腸，其實飯入面本身都會有蝦米臘腸🦐但當然加左就更加豐富啦👍🏼如果遠水路既朋友都建議食前再番蒸，咁樣啲飯會更加黏。🐒咖哩三寶💰$25最後不得不提我地既港式咖喱，由細食到大🍛三寶包括係豬皮，蘿蔔同陳皮魚蛋，豬皮配咖喱真係💯無懈可擊

#大圍美食 #小蓮星呑食大圍🔻 大圍小食大圍富嘉花園22號地舖/最近搬咗嚟大圍，次次放工喺火車站出嚟都見到小食店大排長龍，原來係多年老店，性價比高得來款式又多！/🧃串燒豬頸肉/雞肉 $30/2串Order咗之後姐姐喺你面前即刻燒俾你，豬頸肉果然名不虛傳，因為夠晒油，唔會乾爭爭，非常惹味。雞肉串都唔錯，落咗重慶孜然粉，都幾嫩滑/🧃雞蛋仔 $15好耐冇食雞蛋仔，呢度仲係賣緊$15.1底，算係幾抵食，佢係偏向蛋糕質地嘅雞蛋仔，好香蛋香/🧃椒鹽炸燒賣 $14呢個大推，燒賣皮炸到脆卜卜，外脆內軟/🧃臭豆腐 $15講真真係幾臭，但係食落又非常香口惹味，鍾意食臭豆腐嘅唔好錯過/🧃 大油渣麵 $50聽聞出名油渣麵，叫咗個大嘅同朋友share，份量好多，五花腩大大條，油渣夠乾身，豬油香而不膩！上海麵煙煙韌韌/🧃韭菜豬紅豬腸 $35呢個都超級大碗，湯底好濃郁，食唔停口/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

臭豆腐🤤🤤$15 ✨：8/10一出地鐵站見到，就覺得好吸引想食🤣而且難得有臭豆腐👀平時都好似小食店有賣order完會即刻再翻炸，所以到手係熱辣辣🤤同埋可以做到外脆內軟😋不過都唔算臭，如果臭啲就好🤣🤣另外佢有豆瓣醬俾人加，好味😋😋😋係街到即刻食都算方便，因為佢會俾個膠兜你食，比紙袋唔環保不過的確方便食好多🤣🤣仲有好多小食都幾吸引咁，而且長期有人行前買嘢，所以我估都唔錯😛👍👍

以前讀書嗰陣放咗學成日都會經過去呢度拮串魚蛋燒賣或者煎釀三寶先返屋企😆又性價比高，所咁多年直到今時今日呢間小店仲係深受好多街坊、學生哥歡迎👍🏻今日去開大圍點都要去呢間小店食返夠本😆😋魚蛋燒賣：陳皮魚夠晒彈牙，燒賣唔粉，好好味！一定要點埋佢嘅特製醬汁，好好味又惹味😋煎釀三寶：每件都大大件咁！個人推薦炸餃子，外面夠哂卜卜脆，入面係粉絲、肉，好好味😋而出面比較少有👍🏻炸豬大腸：真係超好味！外面炸到熱辣辣、卜卜脆，而入面軟，加埋豉油好正呀😍臭豆腐：平時出面我唔敢食臭豆腐，但係呢間比較有信心保證，同埋又係古法製，所以呢個我係必食之一！佢好大件！食落口一d都唔油膩，外面好酥脆！入面軟而且唔會空心👍🏻加埋甜醬豆板醬食😋狗仔粉、豬油渣麵：狗仔粉既麵比豬油渣麵短，大家一樣嘅湯底。而狗仔粉加埋佢地嘅辣菜甫超好味，愛辣人士必食呀😋而脆卜卜豬油渣加埋軟嘅麵條一齊食超好味！！

-䇄立大圍火車站對面既大圍小食😮原來已經25年啦細細個住大圍果陣好多時都會同同學仔一齊去買小食去公園仔食或者放學經過都會篤串魚蛋咁 諗番起舊時真係幾開心🙂今日同幾個朋友一齊去買左各自想食既 一齊回憶一下🤣邊個話party food一定系pizza 炸雞 sushi 咖？香港既傳統小食都一樣得😝❗️.❇️ 煎鑲三寶$20/5件每樣都大大件！青椒、冬菇、紅腸、西蘭花、茄子、餃子、魚蛋、雲吞乜都有釀魚肉配西蘭花都幾特別🤪出邊其他小食店好少見每一款都各有特色❇️糯米飯糯米飯再加左一條潤腸、一條臘腸 每條都系十蚊雞糯米飯好惹味 撈埋面頭既花生 蘿蔔乾口感好豐富呢啲天氣真係必食啦😋❇️肉碎銀針粉銀針粉呢樣嘢又係細細個返學時代成日都會去街市買嘅午餐之選 都算係回憶之一味道都幾好👍🏻鹹淡適中 ❇️生菜魚皮餃店員怕拎到番屋企生菜🥬會太腍 幫我分埋湯幾sweet😂魚皮餃好似比起平時食既大隻 魚肉味都幾出❇️燒賣 陳皮魚蛋❇️水魷 牛柏葉另外叫咗呢幾款配埋佢哋嘅🥣自家製辣汁 絕配自家製辣汁有少少似咖喱風味乜都可以用來增味用嚟配搭超惹味！好味到停唔到口😋事後朋友講先知 原來佢哋嘅辣汁都可以一罐罐買返屋企下次經過等我再望下先

讀書果陣好鍾意掃街，街頭小食係我至愛🤤🤤朋友就推介我試呢間好出名既港式小食店🇭🇰～～小店已開業20多年，深受街坊歡迎！食物選擇多，價錢又唔貴～性價比好高👍🏻👍🏻📍煎釀三寶包括有茄子、青椒、魚蛋、紅腸、餃子、西蘭花等～～款式夠多，味道都唔錯！魚肉口感扎實，好足料😋😋📍串燒串燒即叫即燒，可以自行加調味粉～～我就叫左豬頸肉、雞肉、魷魚同司華力腸！全部熱辣辣，好香口🔥🔥📍臭豆腐掃街必食既臭豆腐，聞落又幾香！！大大舊、炸得外脆內軟～配甜醬同豆瓣醬食最惹味🤤🤤📍燒賣、陳皮魚蛋燒賣脹卜卜，咬落好彈牙～～魚蛋口感結實，帶陳皮香！記得要蘸佢地既秘製辣醬食🌶️，超正❤️❤️📍港式滷水雞髀雞髀肉質嫩滑，啖啖肉！！滷水味好香好入味，食完好飽肚😋😋

🎈大圍小食大圍火車站對面嘅老字號小食店，每次經過都見到好好生意，有齊經典港式街頭小食，性價比高，吸引唔少回頭客❣️🎈招牌臭豆腐食到臭豆腐嘅食店買少見少，一場嚟到必點大大件嘅臭豆腐✨豆腐「臭」得嚟好有風味😚外層酥香，內裡豆腐濕潤，口感似蜂巢豆腐食起嚟外脆內軟，識食一定要加甜醬同辣醬，真心正🥹🎈煎釀三寶不得不提煎釀三寶款式相當多，西蘭花、冬菇、辣菜脯餃子都係比較少見嘅配搭特別之處係超大件，加上厚厚一層魚肉，份量十足❣️個人最推介呢幾款🫶🏽🫑原條尖椒，辣得過癮，又夠晒惹味🥦必點釀西蘭花，罪惡感減半😆🥟餃子金黃香脆，配上魚肉口感豐富🍥魚蛋、豆腐大大粒，加上魚肉爽滑彈牙🎈炸大腸大腸捲成一圈圈⭕️外層香脆，內裡有煙韌口感，配搭黃芥末就係最滋味嘅食法🎈串燒豬頸肉好驚喜呢度有串燒食😍串燒豬頸肉油香十足可以自選蜜糖 沙爹 辣椒 孜然等調味豬頸肉肉質嫩滑，燒完之後更加香口$30/2串相當抵食✨✨🎈足料糯米飯 $55抓住冬天的尾巴，當然要食臘味糯米飯😍糯米飯口感軟糯，鋪上蔥花、菜脯、花生仲可以加料，加上原條臘腸/膶腸，邪惡但好味🤤🎈韭菜豬紅豬腸 $50經典街頭小食之一，韭菜胡椒湯底散發淡淡胡椒香😚食完暖笠笠韭菜好

❣︎ 必食自家製秘製醬汁💕 多汁唔該！以外賣為主，最出名係獲獎🏆燒賣魚蛋😋呢間喺大圍的老字號係一間人龍不斷的人氣小食店賣各款香港地道風味小食🇭🇰煎釀三寶·串燒·車仔麵·生菜魚肉等等所有有湯的菜色都可以分湯😋地點位置都好方便，大圍地鐵站🚉附近排隊分流亦相當清晰，人多都好有秩序👍🏻♡⋯⋯食評⋯⋯♡ ☻ 4.7/5 💕糯米飯$50 ·潤腸$10·臘腸$10冬日限定的糯米飯米軟糯而煙韌臘腸帶有好香玫瑰露香味，肥瘦適中✨💕油渣麵 細$40油渣份量好多，好香豬油味入面仲有好多香菇·香蒜同香蔥，充滿風味👍🏻💕串燒·豬頸肉$18·原條魷魚$20·雞肉$18·司華力腸$18·芝士腸 $15所有串燒即叫即燒，亦有多種香料提供推薦豬頸肉✨✨，五花肉肉汁豐富原條魷魚🦑都必點之選，肉質有彈性爽口雞肉加上孜然香味道好滋味🥴💕椒鹽炸燒賣$15炸到外脆內軟，咬落酥香酥香的🤤💕炸大腸 $15外皮炸到好香脆惹味，點埋啲芥末醬一流🤤💕燒賣·魚蛋 各$12/10粒遠近馳名的秘製咖喱辣汁以大量香料自家製作，辣度適中高質陳皮魚蛋同燒賣，咬落充滿彈性帶有魚香💕煎鑲三寶 $20/5件茄子·青椒·紅腸·冬菇·西蘭花·尖椒·魚蛋最特別

好快就要成為沙田友，今日經過呢間大圍小食，見到人山人海，我都唔執輸排埋一份😂😂我以為小食店都係食果啲，但原來呢間野好耐歷史，真係老過我同男朋友加埋架😂 而佢個秘製辣汁好出名，拎過金獎，梗係要試吓啦。魚蛋同食開嘅好唔同，係陳皮魚蛋。細粒好多🤣好香陳皮味好彈牙！燒賣都唔係成舊粉，講返個辣汁先，真係好香好惹味，越食越滋味。不過都幾辣，食完之後成個鐘過後都仲辣緊🤣店員姐姐問我哋食唔食得辣，因為佢話佢煮緊嘅時候都覺得好辣，提我地小心😂😂串燒方面我哋嗌咗雞肉、豬頸肉同埋炸大腸。孜然粉加沙嗲汁好惹味，豬頸肉燒得好香，但係又唔會過老，男朋友勁欣賞，差啲想落街買多兩串🤣 炸大腸都好脆呀！仲有食咗我好耐冇見嘅臭豆腐，豆腐炸得夠脆，夠晒臭，而且好大嚿，大嚿過旺角$15一件嗰啲，性價比極高！狗仔粉好大碗，細碗份量都絕對夠一個男仔食。辣菜脯好食就唔再講，勁多炸蒜蓉同埋肉碎令成個狗仔粉昇華！魚肉碗仔翅又係好足料，食到底都未食晒啲魚肉。重點係佢仲有好多木耳、冬菇同埋竹笙，吸晒啲味🥹🥹絕對係港式小食嘅精髓！煎釀三寶不得不讚佢啲煎釀三寶好！大！舊！用竹籤食都有啲吃力🫠最特別係佢有炸西蘭花，魚肉同埋煎釀三寶本體冇解體，魚

去探婆婆，又喺屹立大圍多年的老店「大圍小食」買返啲嘢share一齊食選擇真係好多，定價合理，性價比高食物有車仔麵，油渣麵，狗仔粉，生菜魚肉，碗仔翅，魚蛋燒賣，煎釀三寶，串燒等，應有盡有==========🔹煎釀三寶 $20/4件尖椒，青椒，茄子，魚蛋，番薯，紅腸，餃子均賣相得體，鮮色又大件尖椒，青椒，茄子好新鮮最驚喜係炸番薯，質地綿密甜度高🔹臭豆腐 $15炸至金黃色，打開盒聞到淡淡的臭味豆腐炸得夠乾身，外皮脆身，豆腐帶豆香🔹足料糯米飯 (細) $35加臘腸/膶腸 每條$10加入花生，菜脯同蔥花，糯米飯份量豐富飯有不錯的臘味香，飯粒粒分明油份不高🔹陳皮魚蛋 $12/10粒加咗沙嗲醬的魚蛋幾滋味🔹串燒豬頸肉/雞肉 $16 ($30/2串）食到微微的炭燒味道，仲有恰當的蜜糖及孜然香雞肉緊實；豬頸肉彈牙肉嫩個人非常欣賞🔹串燒魷魚 $20原條魷魚樣子吸引魷魚新鮮有不錯的魷魚香🔹港式滷水雞髀 $25厚肉大隻，滷水味道不過鹹🔹芫荽肉碎銀針粉 (細) $48芫荽份量夠多銀針粉加入肉碎，冬菇，蔥花及菜脯口感層次豐富，湯底鮮甜作為芫荽控表示滿意

大圍小食✨｜大圍 25年老店 香港傳統街頭小食✨｜《25年香港街頭小食》✅香港各區到新興咗好多唔同款式嘅小食，掃街嘅選擇款式比以前多咗，但係價錢已經唔係好似以前咁貼地，可能一樣小食已經等於一餐飯嘅價錢。大圍小食係集中左香港各款唔同街頭小食嘅一間小店，位於大圍站對出嘅位置。位置方便，款式都好多樣，仲要即叫即整，新鮮熱辣，梗有一款啱你，仲要價錢好貼地同親民，間唔中去篤串魚蛋燒賣都幾正💕👉🏻煎釀三寶款色好多，連西蘭花，菇都有。當然唔少得基本款色，每件都大大件，魚肉都唔錯👌🏻👉🏻炸物：炸燒賣炸雞脾臭豆腐炸餃子最令我驚艷就係炸餃子，平時食小食都真係好少食炸餃子，佢地既炸餃子有分辣同唔辣，兩款都好食，餡料就係肉碎同粉絲，味道幾好☺️👉🏻串燒豬頸肉雞肉原隻魷魚黑椒牛丸龍蝦丸墨魚丸司華力腸佢地尼度竟然有串燒，仲要即叫即燒，聞落勁香，食得出好夠火候，味道都好好，可以自行加調味粉。肉質方面都唔錯，凍冰冰食番串熱辣辣嘅串燒真係幾正😂😂💕👉🏻鹵水鹵水雞髀牛百葉水魷八爪魚鹵水雞髀好入味，肉質好嫩滑，識食一定食埋雞皮，好嫩，滑lulu, 牛百葉八爪魚同水魷都好夠爽口👌🏻👉🏻碗仔翅好足料😂😂揀左個細碗仔翅都夠曬👉🏻生

多年老店「大圍小食」位於港鐵大圍站正對面，位置方面十分就腳，無論你係啱啱踩完單車定去完車公廟，想搵d 小食篤串魚蛋醫下肚仔都可以，而且價錢貼地😌其實有時嚟哩d港式小食店最怕就係唔知點排隊落單，但嚟大圍小食就完全無哩知問題，佢分開咗三個區域，亦有清晰排隊指示👍🏻重點係個個都係熟客咁勁有秩序😎講番食物方面，種類繁多上至基本魚蛋燒賣、魚肉生菜🥬，下至連即叫即燒嘅串燒都有齊，而且價錢貼地親民，真係唔怕你食唔飽，最怕你試唔哂咋😆煎釀三寶除咗基本款釀青椒🫑、茄子🍆等，仲有尖椒、紅腸，連西蘭花🥦都有😆而且件件mega size 都係$5件，抵食炸雞髀🍗成隻手掌✋咁大隻嘅生炸大雞髀，皮脆肉嫩勁juicy炸臭豆腐依家真係買少見少，所以一見到有得買就必點，古法製臭豆腐炸到好香脆，加埋甜醬同辣豆瓣醬就一級棒🏆魚肉翅 （細）足料魚肉翅，鯪魚肉份量絕不手軟，而且唔會腥又無骨👍🏻串燒 - 原隻魷魚 🦑、司華力腸、雞肉、豬頸肉串燒係即叫即燒，阿姐嘅手法超專業，串燒係燒嘅時候已經塗上秘製燒汁，另外串燒區仲有不同調味粉可以自家添加👍咖哩三寶另一必點地道港式小食，三寶陳皮魚蛋、白蘿蔔同豬皮，加上秘製咖哩醬，辣得嚟勁惹味😋