大圍小食

营业中

休息中

👩🏻‍🍳 大圍小食🧑🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻今天係大圍經過一間懷舊美食店，呢度係我中學嘅回憶，約同學踩單車嘅老地方。我看到了很多令人懷念的小食——煎釀三寶！！！認真，人左之後，好少食。 🍽️ 煎釀三寶：紅腸、青椒、豆腐、番薯、尖椒、冬菇🍽️陳皮魚蛋（梗係揀有辣汁啦！）🍽️臭豆腐🍽️串燒：豬頸肉、原隻魷魚🍽️碗仔翅整個店充滿著濃厚的懷舊氛圍，阿姐全部都好親切。這種老字號的美食店，性價比高，讓人不禁感嘆時光飛逝，但是美食的記憶卻能讓人永遠懷念。如果你也喜歡這種懷舊美食和情懷，不妨來這家店一嚐，相信你也會愛上它們。📍地點：大圍富嘉花園#大圍美食 #大圍小食 #碗仔翅 #臭豆腐 #陳皮魚蛋 #煎釀三寶 #老字號 #懷舊美食

放工經過大圍，見到間小食店點解會咁多人排隊，上網search下，原來就係這間大圍小食店，榮獲2016/17年度舉辦香港特色美食選舉魚蛋燒賣組別金獎之稱的得獎店舖，晚餐未食就去排下隊買幾樣回家當晚餐😜5⭐️最高陳皮魚蛋配獨家咖喱汁（5⭐️）魚蛋煙韌彈牙配上咖喱汁更完美，咖喱汁味濃辣度剛剛好，金獎實至名歸🏆🏆燒賣 （5⭐️）魚肉燒賣唔太粉好煙韌，豉油辣油係必要的😍碗仔翅（5⭐️）碗仔翅是必揀的，細個經過小食店都是必點的食物，但大圍小食店出品的碗仔翅非常足料，火喉夠，食過番尋味😋😋炭燒豬頸肉（5⭐️）用炭爐燒出黎的串物，味道特別惹味，加上有孜然粉做調味，真正的燒烤味道👍🏻👍🏻煎釀三寶（5⭐️）煎釀三寶每一件都用心制作，釀的魚肉唔會與食物分開，而每一件都大大件，比起我去過其他的小食店大好多，係好有心機做出嚟🥰炸大腸及臭豆腐（4⭐️）炸大腸是即場炸的👍🏻👍🏻但略為遜色的是份量少了一點。而臭豆腐就同煎釀三寶一樣，大大件好好味，本人非常喜歡食臭豆腐，甜醬豆瓣醬小不了😋😋豬油渣麵（5⭐️）豬油渣麵份量十足，冬菇絲、炸豬皮、油炸鬼片，蔥花，大碗裝真係要2個人才可食得晒😂😂紫菜魚皮餃（5⭐️）原身是生菜魚皮餃，但因我是外賣

平時口痕想掃街或者放工肚餓，甚至想食宵夜，又想食啲平平地嘅好嘢，咁就會去大圍小食。佢哋嘅燒賣同魚蛋一定要試下，魚蛋加埋佢哋嘅秘製辣汁，真係更加香辣！狗仔粉都好味，配料多，好味！另外碗仔翅都正，我一定會揀兩溝，有魚肉、魚肉彈牙。如果你鍾意炸物，咁就要試下佢哋嘅炸大腸啦！除咗炸大腸，我個人最愛係佢哋嘅辣八爪魚，加啲甜醬或辣醬，真係好正呀！仲有臭豆腐啦，掃街必食，加啲辣醬就更加難忘啦！佢哋嘅串燒雞同豬都好好味，如果你鍾意就要試試啦！煎釀三寶，有尖椒、青椒、冬菇、魚蛋、豆腐、紅腸、西蘭花。屋企人鍾意食雞髀，雞髀大大隻，雞肉夠滑夠味。

每次經過大圍車站都大排長龍，難得落雨冇咁多人就衝咗過去🤣 小店主打多款港式小食，除咗有常見嘅雞蛋仔、煎釀三寶之外仲有臭豆腐、狗仔粉等選擇，價錢親民，絕對係學生同街坊嘅速食之選～ 煎釀三寶有好多款式，全部都大大件，茄子、青椒、紅腸、豆卜、西蘭花、鯪魚球、炸餃子等等，如果食得辣嘅一定要點埋佢哋嘅辣菜脯，惹味又過癮，唔覺唔覺就清曬～ 私心推介臭豆腐，100%香港製造，正宗古法口味，豆味香濃，食落幾臭，外皮超脆，內裡滑溜，保持濕潤，令人一試難忘呀😭 雞蛋仔同格仔餅都唔錯，即叫即整熱辣辣，童年回憶返晒嚟！小食有幾款串串，香氣四溢、雞肉嫩滑、豬頸肉肥瘦適中、炸燒賣椒鹽味突出、陳皮魚蛋口感結實、燒賣帶點魚香味，配埋特製辣醬真係無得頂～ 碗仔翅配料滿滿，以粉絲為主料，加入肉絲、木耳、香菇等新鮮食材，好味道呀！估唔到呢度都有主食，魚肉好夠份量，魚肉夠多又彈牙、魚皮餃煙煙韌韌，仲有滿滿嘅生菜，感覺更加健康🤣 肉碎狗仔粉同銀針粉都幾值得一試，軟硬度適中，湯底濃郁，食完啱啱好～

前幾日同朋友去大圍食tea, 之後就買咗啲小食。呢間大圍小食已經開咗好耐，好多街坊幫襯。我地就叫咗煎釀三寶、臭豆腐、大魚蛋、燒賣、碗仔翅同串燒。當中最值得推介就係串燒。佢地嘅串燒都幾多款，我地就試咗豬頸肉、雞肉同燒原隻魷魚。🦑 仲可以自己揀味，有沙嗲、孜然、蜜糖等等。豬頸肉燒得啱啱好，好厚肉，肉質爽口一啲都唔韌。😍另外煎釀三寶同臭豆腐都值得一試。煎釀三寶試咗紅腸、茄子、冬菇、青椒、豆腐同西蘭花，魚肉份量好多，好香口。臭豆腐即叫即炸，熱辣辣最好食。加埋少辣嘅豆瓣醬同甜醬更加惹味。😋 燒賣魚蛋都係正常發揮，下次會再試佢地嘅串燒。

🍗今日去朋友屋企開Party上去之前就求其買左堆街頭小食一齊食一出火車站對正就見到大圍小食🍢🍡見到佢野食款式勁多 而且價錢合理 所以各樣買左少少😋🍆煎釀三寶 $4/粒每一個都好大件 魚肉釀得超多而且佢既種類係會令你意想不到最特別係有魚肉西蘭花拎左去炸既西蘭花都唔會無左個菜味💯 其餘既紅腸、尖椒、茄子都係正常發揮🧀臭豆腐 $15 ✨8/10臭豆腐真係夠臭 愈臭愈過癮!咬落去皮超脆 裏面仲有濕潤嘅豆腐 口感滿分！👍🏼加埋甜醬同辣豆瓣醬 令層次昇華🥰🍡 秘製辣汁陳皮魚蛋/燒賣 $12/10粒 ✨8/10最推薦係佢既自家沙嗲醬汁, 好惹味食得辣既你下次一定要大嗌: 多醬唔該~陳皮味道鎖喺魚蛋裏面 而且燒賣魚肉煙靭又彈牙 🍤 椒鹽炸燒賣 $14/串 ✨7.5/10椒鹽炸燒賣買少見少所以每次見到都會好想食外皮脆卜卜 加埋椒鹽 食落口好香口而且唔會好多粉 皮同入面魚肉岩岩好🤤🍚 糯米飯 $48(大)/$35 (小) ✨7.5/10勁多花生同辣菜莆🤯糯米飯香甜軟糯口感同味道岩岩好唔會太濕或者太乾加埋潤腸臘腸真係好正！🥰🍢 串燒 ($18/1串 - $30/兩串) ✨7.5/10我地嗌左豬頸肉同雞肉試下

我鍾意放工嘆地道的香港街頭小食，大圍小食 (大圍) 對到正大圍港鐵站，掃街好方便，仲有一種小區情懷，品嘗不同食物，舖頭看起來小食非常豐富和多樣化，可以滿足不同口味的人。我自己就鍾意買小食，然後先返屋企食阿媽煮嘅飯。支持咗大圍小食 招牌菜👍 好多年，見 OPENRICE 有得投票，即投🥡🍡芫荽狗仔粉 香港著名小吃之一，芫荽控一定要食，狗仔粉配上勁多芫荽，如果喜歡辣的口味，那麼自家秘制辣菜脯，辣勁好足，可能會非常適合你，唔係好多地方可以食到。🍡燒賣 、陳皮魚蛋配秘制辣汁燒賣、陳皮魚蛋 非常受香港人歡迎，陳皮魚蛋夠晒彈牙，燒賣煙靭彈牙，最緊要夠熱，塗上金牌秘製辣汁或甜醬汁，辣得來好甘香，好香好惹味，非常美味。🍡 煎釀三寶 大大件的煎釀三寶，炸到金黃色，青椒🫑茄子、魚蛋、 紅腸 、西蘭花🥦 冬菇 、餃子🥟 新鮮熱辣，配上豉油、辣椒醬或甜醬汁，口感滿足。煎釀三寶新鮮炸起連西蘭花都有，我都係第一次見，好足料釀魚肉，好有咬口好彈牙，分量多必食！🍡韭菜豬紅水豬腸鍾意食韭菜豬紅嘅朋友，一定會好欣賞佢嗰陣獨特嘅香味，尤其是水豬腸，配埋個胡椒湯，大圍Number One！🍡碗仔翅 碗仔翅勁足料，有竹笙，高

大圍是個很多美食的地區，中、日、韓、越、泰、西式等多國美食都有，而且大多都是本土小店，有本地居民主理，味道很有個人風格，不是集團連鎖店那種千篇一律。大圍美食雖多，但能屹立多年的不多。對街坊來說，大圍東鐵站對出的《大圍小食》可說是陪伴成長的食店。主打港式街頭小食：魚蛋、燒賣、炸大腸、煎釀三寶這種當然不可缺少。其實《大圍小食》也與時並進，不僅有小食，懂得點菜搭配，其實可以是一道豐富的晚餐。分享一下我平時以《大圍小食》為晚餐的菜單：「豬油渣麵」、「芫荽肉碎狗仔粉」等粉麵為主食，再搭配「韮菜豬紅豬腸」當湯水，然後加一些「串燒豬頸肉」、「滷水雞髀」、「煎釀三寶」當餸菜，一家幾口很是豐富的了。味道方面自然不差，不然很難在競爭激烈的大圍成為街坊心中CP值高的老店。「豬油渣麵」🍜不是人人都好，尤其都市人怕肥，但油渣那爽脆的口感，咬下去滲出甜甜油汁的邪惡口味，反正我是抗拒不了🤤。「芫荽肉碎狗仔粉」🍜芫荽愛好者的天菜，更是好辣者的首選。因為此店「辣菜脯」的鹹、香、辣是出了名的惹味，由老闆天天親炒，加在狗仔粉裡吃，辣得滿頭大汗很是過癮🥵。「串燒豬頸肉」🍢不硬，很香口，十分推薦👍🏾。「煎釀三寶」🍆🫑勝在巨大化

呢間喺大圍已經多年老店 街坊/學生可能由細食到大最近放工經開呢邊 就打算買啲外賣翻去1️⃣串燒豬頸肉/雞肉我諗唔多小食店會做埋串燒佢原本已經用咗香料調味個人認為豬頸肉真係好推介 一咬爆汁重口味嘅可自行另加調味料2️⃣煎釀三寶 要咗魚蛋 豆腐 紅腸全部都大大份 豆腐咬落水份十足唔會炸到收哂水 薄薄嘅一層魚肉釀喺表面唔會食到油味 😌😌😌3️⃣狗仔粉如果食得🌶辣嘅 強烈建議叫辣粉仔配料有豬肉碎 冬菇 辣肉甫等⋯粉仔口感介乎烏冬同上海麵中間整緊口感豐富又飽肚 調味唔會過咸4️⃣生菜魚肉姐姐會問要唔要調味我通常要晒😂😂 鯪魚肉份量滿滿食到最後一啖都仲有 冇任何異味/細骨5️⃣生炸雞髀呢個都算有驚喜拎到番屋企 雞皮都保持脆口同樣已有調味 簡簡單單已經好正6️⃣椒鹽燒賣用咗魚肉個種自己係魚肉派😂😂即食會更好😌😌😌7️⃣咖哩陳皮魚蛋咖哩微辣 後勁少少甜細細粒 但有輕輕嘅陳皮味 會不自覺咁再篤多粒8️⃣自家製辣菜甫呢個係強烈建議入手老闆自家人手切粒 再手炒多個小時先誕生出嚟嘅辣菜甫 但真心一啖都好夠🌶嗜🌶者要入手啦❣️❣️❣️呢間性價比高 經開可以一食呀😉

一出大圍火車站就見到呢間「大圍小食」勁多人排隊，橫掂今日屋企無飯食，所以就係呢度掃下小食番屋企🤟🏻煎釀三寶 見到佢地有勁多款選擇：包括原條尖椒，豆腐、青椒、魚蛋、紅腸、冬菇、茄子、西蘭花等每件都好大件好足料，魚肉彈牙，西蘭花釀魚肉真係第一次見🤣又幾好食串燒方面叫左司華力腸、豬頸肉 、雞肉同水魷魚，火候岩岩好，燒得外皮脆身而入面亦保持到肉汁，特別係豬頸肉，必叫👍🏻👍🏻魚蛋燒賣 街邊小食必叫之一，魚蛋爽口彈牙，燒賣煙韌，配上佢地秘製辣汁，無可挑剔狗仔粉可以分湯，所以番到屋企啲粉都唔會淋哂，配有辣菜脯，十分惹味，不過唔食得辣既記得落少啲😆炸雞髀雞皮炸得脆卜卜，唔會太油，肉質鮮嫩

📍大圍小食📍💡大圍每次黎到大圍都會見到呢間門口好多人等排哂長龍，呢間老店真係好受小朋友大朋友歡迎，最緊要係價錢唔貴，同真係好多款簡，充滿香港特色地道小食😋🐥魚旦($12)係陳皮魚旦，非常彈牙，個沙嗲醬店好似係自家製又香又惹味，好滋味🐥燒賣($12)一樣彈牙咬口煙靭，加埋上面淋滿辣椒🌶️油，啖啖香辣🐥椒鹽炸燒賣($14)見到唔小人都叫呢個，我都叫左2串試下，燒賣外皮燒得脆卜卜，內裏煙靭彈牙，淋上椒鹽粉超好味🐥狗仔粉 細($38)叫左個細黎試下，表面鋪滿左蔥同菜甫，菜甫夠哂辣好好味，加埋湯咸咸地又有好多冬菇片增加咬口. 拎返屋企食分埋湯就岩岩好🐥煎釀三寶 $20@5每款都好大粒夠哂足料，第一下見到煎釀三寶有西蘭花魚肉真係好特別，西蘭花唔會炸到濃哂。魚肉真係必叫，金黃色得黎，大大粉爽口彈牙😆尖椒、青椒、紅腸、冬菇、茄子🍆，樣樣都釀夠魚肉食幾件都飽🐥碗仔翅 足料既碗仔翅，完全唔媽夫，落左好多胡椒粉同醋😆一流🐥臭豆腐 $15臭豆腐大大舊非常臭🤣唔油膩，口感外脆內軟，點上甜醬豆瓣醬超級惹味🐥串燒$30x2叫左雞肉同豬頸肉，即叫即燒，表面燒得半焦香口，雞肉好juicy，前面仲放左好調味料俾你自己簡最好

大圍小食 @taiwai_snacks 📍大圍富嘉花園22號地舖時不時都會心思思想來食既大圍小食😋🏅係屹立左大圍多年老字號😋今日又來買外賣🥡食返餐地道港式小食👍🏻。咖哩魚蛋。燒賣 ～ 港式小食代表配上自家炒製辣醬🌶️辣得過癮又惹味。煎釀三寶每次必點～即叫即炸～新鮮熱辣🔥特別喜歡佢地魚肉餡～入口回彈煎釀三寶款式選擇多～除左傳統炸魚蛋、釀茄子、釀紅腸、釀冬菇、釀青椒外更有釀西蘭花🥦炸餃子🥟炸辣菜莆餃子🥟推陳出新～時不時會有新款口味推出😍正。韭菜豬紅豬腸蘿蔔屋企人落order ～必叫～份量超足用上胡椒湯～飲落湯底濃香帶點微微胡椒辣配上辣菜莆～非常惹味～。即烤沙嗲串燒 + 魷魚串燒豬肉、雞肉 & 魷魚有多款口味可以選擇～隨個人喜好簡調味粉我簡左落孜然粉+佢地秘製醬汁燒魷魚彈牙爽口😙雞肉串啖啖肉。古法臭豆腐～ 我攞到返屋企食都仲係脆😍豆腐味濃～非常香～外皮香脆～。魚肉翅 ～ 好足料 有竹笙，雲耳，豬肉絲配上魚肉配埋辣菜脯粒一流♥️**菜脯粒由老闆自家炒製😍精華所在**～秘製辣汁🌶️～加入薑絲～非常惹味～呢兩款自家製配料同辣醬真係靈魂所在～一場來到～當然買返兩樽看門口😁用來撈麵、做火鍋醬料、調味一流作為

相信喺大圍讀書或者長大嘅 都一定有買過大圍小食到而家都仲係成日有條人龍喺門口左邊有左邊排串燒 右邊有右邊排車仔麵有時肚餓夜麻麻口痕 落街即刻就買到宵夜醫下肚問親屋企人個個都話唔洗 但次次買親返黎就會黐埋嚟一齊食所以次次都買多幾款 哈哈.《椒鹽炸燒賣》除左陳皮魚蛋 通常大家都會叫埋燒賣我就揀炸燒賣 外面脆卜卜 入面軟腍腍沾滿椒鹽 重口味正.《煎釀三寶》大大舊 釀好魚肉拎去炸紅腸、青椒🫑、茄子🍆、冬菇、西蘭花🥦、魚蛋應有盡有 而我最鍾意食既係紅腸.《豬油渣狗仔粉》感覺有d似剪短左既烏冬豬油渣用辣椒🌶️蒜茸炒香 浸湯撈埋一齊食好惹味 都有d辣.《炸大腸》唔係到到有 處理衛生無嗡味炸到外皮香脆 嗦嗦聲.《串燒》豬牛雞都有 仲有魷魚添🦑阿姐好有心機燒 每串都問定你想要咩調味料我就緊係揀孜然粉、胡椒粉有啲人會揀咖喱粉、辣味粉.《糯米飯》又有臘腸 又有潤腸多蔥、菜脯、花生配埋煙韌軟糯糯米飯足料大大盒 夜媽媽食完暖在心頭

大圍美食數都數唔哂有間掃街好近港鐵站，話佢唔起眼又唔係，不過好多時大家搵野食都會skip 左佢。其實依間大圍小食都開左好耐，做到咁多年。佢嘅質素都有一定嘅保證。今日上朋友新屋開party,廢事兩手空空上去就去左掃街，掃左幾百蚊，一d 都唔失禮咁嘅價錢係出面係冇可能做到油渣麵  (大） $50飽肚之選依間掃街都有得買，真係不得了仲要配自制辣菜脯，小心，勁辣燒賣  +  陳皮魚蛋$12/10粒配秘制辣汁，個汁同出面好唔同有一種甘香帶出黎肉碎銀針粉  (大）$48又係飽肚之選都係配自制辣菜脯，勁辣，攪唔掂碗仔翅  (大）$38足料，同出面食果d 有分別大家黎都可以一試煎釀三寶$20/5件話佢好抵又唔係，不過，佢個size 等於出面兩件，佢要新鮮炸起西蘭花都有得食，可以一試正宗古法臭豆腐$15/件必食，臭過出面，有之前細個走鬼檔果d 味道串燒豬頸肉  (2串）串燒雞肉  (2串）$30 / 2串串燒都有得買，唔洗去幾間都買野食，去一間都可以買哂港式炸大腸$15/串都係新鮮炸，夠脆，清潔好,冇臭味韭菜豬紅豬腸$35足料，價錢平過出面好多仲有埋豬腸重要嘅事都係要講多次唔係食我辣嘅，就唔好要菜脯

男朋友話帶我去佢個秘密基地見識一下 😂 仲帶左我去佢由細食到大嘅小食店買定野食，一齊黎一個迷你野餐 😆呢間大圍小食開左好耐，我以前過黎大圍嘅時候都見到有好多人買野，男友話呢度選擇多又唔貴，CP 值好高，放題式咁食都唔會肉痛 😋炸野方面我地叫左煎釀三寶，紅腸、矮瓜、青椒、辣椒、魚丸全部大大舊，睇住佢係咁一鑊鑊咁新鮮炸起，超香口 🤤 仲有炸餃子都係大大隻，佢個炸辣菜脯餃子係自家包，d 辣菜脯真係勁惹味 😋 跟住黎多個椒鹽炸燒賣同炸墨魚丸，椒鹽份量剛剛好，香口得黎又唔會太鹹 🙌🏻 當然炸野一定要有臭豆腐 😍 個臭味正到呢～ 仲要好脆👍🏻見到佢仲有串燒 😍 叫左孜然燒豬頸肉同燒雞肉 🤤 Juicy 得黎又有燒烤果種焦香味，啖啖肉好正 😋去小食店點可以唔叫燒賣魚蛋 😍 另外再加牛柏葉、水魷同八爪魚，全部都唔會煮得太老，加左豉油辣油，仲有係佢哋重點嘅辣汁，街頭風味滿分 💯見到佢仲有麵類可以叫，不過我地怕太飽 🙈 所以叫左一碗生菜魚皮餃～ 魚皮餃大大隻煮得剛剛好，重點係落左少少辣菜脯之後真係勁正啊 😍甜品再黎返個即叫即整嘅雞蛋仔，香甜嘅雞蛋仔蛋香滿滿，口感實在，食飽飽好滿足 😋