大喜屋

营业中

休息中

行街經過放題，見到做緊優惠第二位半價，食屋企飯食到口啖啖，即刻狗衝入座。呢個優惠時段都吸引左幾多人，我地都排左陣隊入去，好在啲STAFF 做野都快手，好快就入到座。啲壽司水準高，我地叫左火炙左口魚、蔓魚、蟹捧壽司，仲叫左啲卷物，我地最鐘意係佢個火炙左口魚，燒得岩岩好。另外我地叫左啲燒物，燒菠蘿、燒翠玉瓜，仲有羊架，都好好食。羊架生熟程度岩岩好，叫幾舊已經回左本。唔怕熱氣嘅可以叫下佢嘅炸物，佢嘅天婦羅炸蝦、炸蟹捧、炸蠔、什至係出面自取區嘅烤餃子同炸雞都幾好食，乾身、唔會太油。食到最段我地去左出面個區，拎左啲時菜、蒸魚、湯，仲有啲甜品，最驚喜係佢有YOGURT食!!!!

🍣大喜屋🍣公司附近呢間<大喜屋> 午市可以食足三小時！呢到既食物款式多 出邊自助區已經好多嘢食拎😍 乾淨闊落 質素唔錯😍刺身壽司可以用QR code落單🙈唔好以為放題質素比啲普通貨色你 每一款都好高質 味道都唔差！因為假期 所以都比較多人食 但係我兩個人都可以坐多一張大枱 唔錯😍店員嘅服務態度好好 上菜速度都幾快！🔸食物方面🔸見到每一台都有叫刺身拼盤😍我地叫左甜蝦、虎蝦、三文魚、油甘魚、帶子、劍魚 好新鮮肥美 無雪味 最貼心係下面鋪滿碎冰 唔會怕變壞 三文魚比普通嘅放題店更加好食 厚切之餘仲有三文魚腩 食落啖啖肉 有油脂感😍芝麻雞翼真係大喜屋必食 外脆內軟 雞翼加上芝麻勁香口🤤 即叫即炸熱辣辣！啲油必晒出泥😍比目魚西京燒好味 無骨又淋 個皮好脆 食落啖啖肉 仲配埋沙律醬 好出色惹味🙈牛舌燒得好香 爽口有肉汁 咬落唔韌！雖然放題唔應該叫啲好飽肚既野 但係我亦都叫咗個壽喜燒😍好有驚喜！湯底好甜好濃郁 再加埋半熟雞蛋、牛肉、豆腐同娃娃菜 食唔停口😍除咗呢啲之外 仲有清酒煮蜆、燒鰻魚、花膠扒時菜、羊架、炸蝦天婦羅 全部都即叫即整架！🔸自助區🔸出面自助區仲有好多熟食 有前菜、沙律

今日去沙田 IKEA 買完嘢突然之間好想食放題，諗起之前同事介紹嘅呢一間大喜屋，佢話個性價比相當高，就過嚟試下，餐廳環境都幾高檔，除咗基本嘅放題美食之外，仲有清酒梅酒任飲，質素重相當不俗添。刺身拼盤，我哋揀咗三文魚、希靈魚、油甘魚、劍魚腩、帶子、赤貝、甜蝦同埋玻璃蝦，全部刺身都相當新鮮，其中帶子、赤貝入口鮮甜，厚切三文魚十分肥美，有唔少部份都係腩位嚟添。黑松露玻璃蝦壽司，作為黑松露控嘅我又點會錯過呢一個壽司呢，玻璃蝦爽口彈牙，加上黑松露嘅香氣，係非一般咁滋味。火炙三文魚皮壽司，喺餐牌見到呢一樣咁特別嘅壽司即刻嗌嚟試下，魚皮連帶少少魚肉，口感嫩滑，魚皮被火炙過後豐富嘅油脂被悉數迫出，加上燒得卜卜脆既魚皮，值得一再 encore。串燒鰻魚，鰻魚相信係除左刺身之外，另一樣返本嘅食物，呢度嘅鰻魚肉身脹卜卜，口感同味道都一流。燒羊架，羊架燒得夠香，入口未算好騷，但係咬深少少嘅連膏位置，口腔即刻充滿著濃濃嘅羊騷味，羊肉嫩滑，豐富既油脂令到口感更加豐腴，鍾意食羊嘅朋友唔可以錯過。。鹽燒雞翼，廚師將雞翼嘅外皮燒到脆卜卜，入口相當乾身，明顯所有多餘嘅油份都已經被瓊乾，只係落少少海鹽嚟調味，已經夠哂好食。

今次又黎到日式放題享受3小時午餐 沙田呢間店真係歷史悠久既老店 都開左好耐好耐 但質素依然好味👍🏻對比大喜屋分店 呢一間既熟食比較出色 當中既炒蜆同咖喱蟹都比較深刻 唔會太鹹亦唔會太多味精 尤其是咖喱意外地好味 而且驚喜既係有蟹糕 鍾意食膏蟹必要 仲有一款人氣麻辣小龍蝦都值得一試 麻香味重 配合清酒簡直一流配搭刺身方面依然新鮮 油甘魚、三文魚必點之選 新鮮帶有魚甘味 帶子刺身、鮑魚片 爽口口感都令人無法抗拒大約二百零蚊既價錢 可以坐足3個鐘 飲品美食慢慢享受 真係抵👍🏻📸 Credit to Instagram: @mroolong

沙田呢間大喜屋食物🧆款式豐富，午市食足三個鐘🤩都只係二百幾蚊💰一位，十分之👍抵食，如果兩點入座🪑食兩個鐘的話仲有😆八八折優惠添呀！呢度地方乾淨企理，飲品🧃款式勁多，除咗汽水🥤果汁🍹咖啡☕️茶等等之外就連啤酒🍻都有五款，另外仲有梅酒🥃同埋冷熱清酒🍶添！自助區有幾款熱盤，🇯🇵日式放題有蒸魚🐟同埋瑞士雞翼🐓食，都幾有驚喜🤩！食🇯🇵日式放題🐟，各式刺身🤤當然係重點，呢度款式多質素亦👍唔錯，我比較😍中意劍魚、油甘魚🐟同埋帶子刺身😋，都幾新鮮肥美。除咗🐟刺身，仲有各款熟食🔥都唔錯㗎，🐂牛脷軟腍，蒲燒鰻魚🤤好肥美，比目魚🐟西京燒油潤甘香，和風味淋燒魚乾餸🍺酒一流，龍蝦🦞沙律伴櫻花蝦🦐多士香脆鮮甜😋！呢度亦都有🤩多款創作壽司🍣，個人推介🤤海膽山，鮮甜😋味美，值得 encore。依家放題仲有😍花膠扒時蔬🥦任食，感覺好☺️滋補，花膠大大塊👍又腍又滑又鮮味，🥰好正！麻辣🌶小龍蝦🦞其實唔算好辣，不過幾有麻香🤤，肉質都鮮味，作為佐酒🍶小食十分之唔錯。咖喱🌶香辣蟹🦀個咖喱汁出奇地幾好味，🌶香辣得來唔太辣，仲有少少🤏甜添，蟹🦀雖然唔係太肥美，不過肉質幾🤤鮮味有啲仲有蟹🦀膏添。椰汁🥥海燕窩鮮奶🥛幾足料，奶味香濃🤤椰汁🥥香

又係大喜屋嘅時間，自從上次食咗觀塘分店嘅大喜屋之後，就好想試埋其他分店，估唔到質素都差不多，都係平靚正。今次我哋就被安排坐卡位嘅位置，兩個人坐都覺得非常寬敞，四個人坐都綽綽有餘。同樣地我哋點餐都係用QR code，想幾時點就幾點，一次過點晒又得，慢慢揀選自己喜歡嘅美食，今次一口氣點左10幾款美食。首先點可以錯過呢度嘅新鮮刺身呢，鍾意佢有多款式嘅刺身選擇，我最鍾意嘅帶子可以encore無限食，而且唔需要點Wasabi豉油，味道都可以好鮮甜呀。手卷方面係迷你手卷，唔似平時食到大大件嘅手卷，咁就可以留返個位食不同口味嘅手卷，當中有我最鍾意嘅碎吞拿魚茸及蟹籽手卷，刺身都係滿滿的。胡麻黃金卷整得好靚，裏面有青瓜蟹柳三文魚，外面鋪上胡麻醬汁，咁樣食又creamy，原來都幾特別呀。吉列牛乳炸鮮奶每次來到都會點，新鮮即叫即炸，香脆嘅外皮唔會太厚，而且裏面嘅鮮奶好香滑，外脆內軟簡直是絕配。芝麻雞翼亦都係必食之選，食落去雞肉肉質好鮮嫩，大人細路食過都返尋味，所以我都encore左兩三次。點少得我最鍾意嘅黃金焗開邊蝦，同樣地看起來十分吸引，厚厚的芝士鋪滿面頭一齊焗，難怪一來到那麼香，先吃一啖爽口嘅蝦肉及那麼

難得放假今日又大擦一餐想食日本嘢又想食西式野一次過試晒唔同菜式嘅風味？就梗係要識揀去食放題啦我哋就相約去到位於沙田的「 大喜屋 」 @大喜屋佢嘅午市放題咁抵食每位都只係$208即刻Walk in去試吓先😋之前都有食開大喜屋嘅分店第一次嚟到沙田嘅分店估唔到環境係咁大仲有卡位、二人枱四人枱位置選擇為咗減少人與人嘅接觸亦都採用掃描QR code點餐方式下單一入到畫面食物圖文並茂想食乜就點乜夠晒方便叫完嘢食就出去近門口嘅自助區睇吓有乜嘢攞嚟食先而飲品櫃嘅飲品款式好多選擇道地嘅橙紅茶都有啊😍⊰⊹════════════════⊹⊱💬 ✎ 食後感 ：✨「 #三文魚刺身 」鍾意三文魚嘅色澤好鮮艷睇落去都覺得好新鮮咁食落去仲有少少凍Keep到新鮮而且富有口感「 #甜蝦刺身 」細細隻嘅甜蝦食落去特別鮮甜一口氣食咗好多隻之後再encore再食壽司方面分別有創作料理壽司、火炙壽司、手卷及卷物款式都比較多元化「 #芝士吉列蝦卷 」鮮黃色嘅一塊芝士配搭餡料脆口的吉列蝦一啖食落口已經有多重口感「 #黑松露油甘魚壽司 」配襯黑松露嘅壽司特別香Match埋油甘魚一齊食又幾match串燒「 #牛舌 」燒得恰到好處牛舌嘅

疫情放緩，加上有埋消費券，啊仔難得平日放假，就帶我去食返餐勁嘅！大喜屋向來有質素保證，今日無論食嘅刺身、熟食、小食、炸物等等都相當之有水準！刺身非常新鮮，文姐最欣賞佢嘅赤貝，爽口又鮮甜，啊仔就最鍾意食赤蝦，爽甜拆埋肉，而比較少見嘅象拔蚌餐廳都有提供！外邊嘅自助區仲有好多海鮮添：無論係蒸魚、龍蝦、凍蜆一出，大家就蜂擁而上，我都唔執輸，夾左小小。小食方面全是驚喜，雞、牛、羊、魚、海鮮乜都有！叫咗燒羊鞍，羶味唔重而且好易咬，燒得恰到好處！而且仲有麻辣小龍蝦食，文姐不顧儀態，食到舔舔脷😋😋食到咁上下，梗係要有返啲甜品啦！餐廳款式頗多，每樣嘅份量唔會好多，咁就可以乜都試下！特別鍾意佢嘅大福，夠哂煙煙韌韌，又有三款口味（抹茶、朱古力、芒果）男仔比較大食，唔夠飽可以去行吓自助區攞心儀嘅食物。有不同嘅沙律，小食，係食豐富嘅放題之餘，亦都可以食下沙律消消滯。當然食物都係有蓋嵌着，非常之衛生。另外都有唔同嘅飲品同甜品俾大家選擇，例如汽水，雪條，雪糕等等。滿足哂鍾意食甜品嘅食客。

原來沙田都開咗佢嘅分店，今日放假，同男朋友入去食返餐！！👍🏻刺身、海鮮刺身種類都幾多：三文魚、油甘魚、劍魚腩、赤蝦、赤貝、北寄貝、帶子樣樣都夠新鮮，而且有用冰鎮住，保持新鮮度。特別想讚油甘魚，食落豐腴毫無腥味！👍🏻炸物、燒物、小食餐廳嘅小食種類好多，特別喜歡芝麻雞翼，吉列蠔，炸得夠酥脆又香口！另外燒物更是出色，比目魚西京燒肉質細嫩；蒜蓉牛油開邊芝士蝦個醬汁好濃郁，趁熱食好滋味；菠蘿鮮甜多汁 。小食方面超推介麻辣小龍蝦，龍蝦仔唔預多肉但非常惹味，辣度剛好，仲配埋蓮藕添！👍🏻壽司餐廳有自家創作嘅壽司：海膽山、鵝肝帶子壽司都是小編的推薦(⁎⁍̴̛ᴗ⁍̴̛⁎)鵝肝加帶子一齊喺口腔裏面溶化，真係齒頰留香，海膽夠綿，腥臭味唔重！👍🏻自助區如果唔想等，都可以去自助區望吓，熟食、甜品、小菜、沙律都有！熟食望落去都幾有鑊氣，甜品種類都幾多：雪條、蛋糕仔、雪米滋、乳酪、布丁燒都一應俱全！最搞笑係佢有新鮮龍眼食，飲品亦出乎意料嘅多，最特別嘅莫過於有熱燒酒同埋凍梅酒，而飲品櫃亦都有好幾款酒精飲品選擇！💡食足三個鐘都係$208，小編飽到夜晚飯都skip埋(・ω・)ノ

ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ 今日中午想食好西😋近近地去咗沙田大喜屋咁岩今日派咗消費券，勁多人食好西！好耐都冇試過要排隊啦😍勁有氣氛！地方闊落🙈♥️安排位置入座都好快🤲🏻$208/3小時食到飽😋仲可以同朋友慢慢吹水添ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ ⊰⊹═══════════⊹⊱食物分類多🍣食物質素高🍤連甜品都好食🍧ʚ︎刺身ɞ ʚ︎壽司ɞ ʚ︎火焰壽司ɞʚ︎手卷ɞ ʚ︎卷物ɞ ʚ︎天婦羅ɞ ʚ︎炸物ɞʚ︎串燒ɞ ʚ︎燒物ɞ ʚ︎一品料理ɞ ʚ︎煮物ɞ而且出邊仲有冷盤，甜品櫃，飲品櫃，冷熱飲都有🍵🍶 ๑⃙⃘๑⃙⃘๑⃙⃘ ๑⃙⃘๑⃙⃘๑⃙⃘ ๑⃙⃘๑⃙⃘๑⃙⃘ ๑⃙⃘๑⃙⃘๑⃙⃘ ๑⃙⃘๑⃙⃘๑⃙⃘蘑菇🍄食後感🍃♥︎刺身十分新鮮，鮮甜可口😋♡︎羊鞍多汁好惹味，加上檸檬汁🍋解膩開胃♥️♥︎蟹粥🦀️清甜熱胃🥘♡︎特別介紹：麻辣小龍蝦🦞麻辣香口，食完喇一隻又一隻！食唔停口😋⊰⊹═══════════⊹⊱‎

好耐無食放題啦！約埋朋友一齊去沙田大喜屋歎返個午市放題，食足三個鐘真係大滿足啊～餐廳環境夠哂寬敞，枱同枱之間好寬落！刺身拼盤絕對係必點之選，魚生好新鮮，整體質素令人滿意，特別推介油甘魚同劍魚腩，肉質細嫩，入口充滿豐厚魚油香！炸物推介榴蓮炸彈、紫心香芋丸，金黃香脆熱辣辣，餡料飽滿勁足料。鹽燒牛舌軟脆得黎好爽口，入口酥軟又多汁，好正～香草燒羊鞍肉質柔嫩口感佳，羊羶味適中，熟度剛好，保留肉汁好JUICY～大推蒲燒鰻魚，口感細膩柔軟，醬汁濃郁得黎層次豐富！自助區有大量前菜、沙律、甜品、雪糕等等，真係令人目不暇給！！飲品櫃除咗有一般紙包飲品、汽水等，仲設清酒、梅酒，今日真係飲飽食醉，好滿足啊～

呢排清假，多咗機會可以約朋友食飯，今日就去咗屋企附近既大喜屋，歎咗個三小時午市放題，價錢都幾抵食！環境夠闊落，午市好快就座無虛席，好多捧場客～自助區有飲品櫃、前菜、沙律、甜品等等，真係勁多種類！刺身拼盤揀咗油甘魚、劍魚腩、帶子等等，魚生好新鮮，厚切食落特別有口感。創作壽司揀咗海膽山、龍蝦沙律伴櫻花蝦多士等，仲揀咗火灸鵝肝帶子壽司、黑松露油甘魚壽司等，整體質素都非常好，絕對唔會將貨就價！炸物見到唔少人都嗌芝麻雞翼同榴蓮炸彈，即叫即製熱辣辣，炸至金黃色，夠哂香脆。極品花膠雞鍋大大塊花膠彈性十足，雞件好滑溜。雪花牛肉鍋牛肉肉質鮮嫩，油花適中，牛味都幾香濃。蒜香牛柳粒一口牛粒夠哂方便，入口軟腍惹味。比目魚西京燒口感甜而細膩，肉質綿密滑順，好正！最後仲食咗甜筒同雪條，勁開心～

疫情嘅持續，令到各行各業尤其係飲食界大受打擊。 前排另一半生日， 就決定去食番餐午市放題。位於沙田嘅《大喜屋》係親民版嘅日式放題， 坐低之後， 當然係急不及待，點返一盤刺身先啦。先點一個前菜， 燒雞泡魚乾， 鹹香，微焦，佐酒一流。刺身方面即叫即整， 三文魚，帶子， 甜蝦，油甘魚等等。 每款都相當之新鮮， 令人意想不到嘅係竟然會有三文魚腩刺身， 食落甘香肥美， 入口即溶。 厚切嘅油甘魚刺身， 肉質厚實，味道甘甜。刺身落單至送上嘅枱嘅時間都算快， 建議可以分開幾次點， 保證刺身夠凍夠新鮮。食刺身嘅話個人就最鍾意配清酒， 呢一間放題有凍和熱兩款清酒選擇， 冷熱各有特色， 凍清酒帶出花香果香， 熱飲清酒酒味較濃郁，計我話，why not both? 之後就試均多款壽司， 最讚嘅係呢度每款壽司都細細嚿飯， 就算試齊所有口味， 都唔會太過飽。火炙鵝肝帶子壽司， 味道甘香。 火炙左口魚邊壽司， 油香十足， 油脂溶化嘅感覺令人相當滿足。 仲有黑松露蝦壽司，香氣四溢。講完壽司又介紹下其他熱食，燒牛舌夠曬騷味厚切牛舌肉質相當爽口，加埋少少檸檬汁同海鹽調味， 送酒一流。榴槤炸彈幾乎每次食放題都必點點嘅Ite