大喜屋

营业中

休息中

宜家疫情好似好返啲，見到放題開返，仲做緊第2位半價嘅優惠，即刻帶呀媽去食。沙田店我地第一次黎，地方闊落，一如以往，有得係手機落單，非常方便! 因為我地唔係好擔心疫情，所以都有出去出面拎野食。出面有飲品區、亦有啲炸物，好似炸餃子、炸雞球，本身以為放出面會好乾，點知我媽話炸餃子一流，有日式拉面店水準。本身我媽好鐘意食生野，但最近養身，所以叫左好多熟壽司比佢，好似蛋壽司、芥辣八找魚，佢都好滿意個水準。而我自己就鐘意食啲生野，所以都叫左刺身，好似係三文魚、油甘魚…全部都係厚切，口感一流。另外我仲叫左花之戀、海膽壽司，都幾新鮮。今次我地仲叫左啲平時少見嘅熟食，例如蝦多士、小龍蝦、蒜蓉焗蝦。另外佢仲有好多燒物，不過我地怕熱氣，淨係叫左個燒曼魚。其實食得放題都係想食啲平時屋企整唔到嘅野，呢間勝左選擇多，會再ENCORE。