大喜屋

营业中

休息中

一到放假就好想大食一餐，食放題可以每樣款式食少少就嚟到沙田呢間大喜屋，喜歡這裏食物新鮮又豐富 ,店內裝修企理，環境寬敞大部份都是卡位，所以坐得好舒服，門外設有自助區有熟食和飲品位置，小食，麵豉湯，糖水，清酒和甜品全部都有😋刺身我們點了三轉，特別鍾意食三文魚刺身，魚腩位置所以好肥美，赤蝦厚肉又爽甜，北寄貝，帶子和鮑片全部都好新鮮！香草牛油煮大蜆蜆肉粒粒脹卜卜完全無沙，清清地幾鮮甜！薑蔥爆鱔球鱔肉油炸後再加薑蔥炒，辣辣地香噴噴好惹味！天婦羅沖繩苦瓜天婦羅、溫室南瓜天婦羅和多春魚天婦羅，熱辣辣新鮮炸起，沖繩苦瓜都是第一次食的，味道甘甘地苦苦地帶點爽口，南瓜夠清甜，多春魚好香口😋鹽燒牛舌牛舌燒得幾有水準，薄切牛舌夠爽口，幾入味。燒菠蘿🍍菠蘿燒至微焦，咬落多汁，酸酸甜甜幾開胃，食完一口接一口！最後當然要留返個肚食甜品同雪糕啦！