大光燈麵食巷仔雲吞麵 (已結業)

聽呢度D人講於是搵左好耐終於搵到．味道兩句講哂，　唔難食，但好普通　！加上食野要配合心情，鋪頭被大酒店重重包圍，　個人既心情係未食同食緊個時都down哂，　又點會覺得碗野好食呢．　唔會再來．　

巷仔雲吞麵座落紅磡已經多年，由以往的路邊攤而到後期的落舖都是以馳名雲吞、牛根腩及鹹水麵在紅磡區打出名堂，因以往擺在路邊，利用大火水燈照明故這裡舖大字標題為大光燈，故不小食客對巷仔雲吞麵及大光燈的名字模不出頭顱。頗有性格的開店時間加上星期日的休業，時間配合不到想幫襯都幾麻煩，幾次吃閉門羹的滋味已經領教過，記得一次是大廈維修水渠休業，一次店舖裝修休業，一次不知名原因休業，一次中午來未開店，故是趟過來都是抱著平常心。在佛光街天橋向曲街看到燈光火猛，已知是晚不會再摸門釘，來到見到不小食客站在店外等候已有等待的打算，但真的謝謝老板娘特意的安排打點，臨時插位插單，這份招呼真有點窩心。細蓉加油菜，是傳統廣式做法，一啖一口的雲吞放底而蛋麵放頂，淋上大地魚蝦湯灑上蔥花；雲吞爽口彈牙，可惜蝦味不夠濃及肥豬肉份量較少，但亦算可以，蛋麵真的不錯，沒有鹹水味之餘麵身更彈牙，左拍右拍擔誤一段時間麵身亦沒有變腍，果然名不虛傳，湯頭鮮味，沒有師傅亦飲得放心。油菜的蠔油很失色，下次來個腩汁應會更好。還有這裡放在檯上奉客的酸蘿蔔及青瓜，足稱的米醋及辣椒醃制，爽脆的蘿蔔配上腍香的青瓜，記緊一試。這裡沒有多餘的小食或選擇，其

過去＋多年吃過所有在報刋雜誌介紹過的云吞麵, 大光燈(即巷仔云吞麵)的云吞麵最正宗及最好, 其他所有食品都OK 架, 過去幾年每周都會吃1-2次(特別从粉嶺駕车到紅磡, 食完返粉嶺, 加埋油錢和隧道費都值), 品質都保持到9 成架, 正, 服务都保持友善, Good.

雖然家在紅磡, 但真係咁耐都無聽過有一間叫大光燈麵食, 點會叫馳名呢?? 不過點都好, openrice上o既食評都好好. 可惜佢開o既位置又唔係咁方便, 係紅磡來講比較隔涉, 係正最外圍(但搭巴士一定會見到), 仲要咁近大酒店, 所以都無咩機會去試下佢. 不過機會終於來喇, 呢晚係九龍灣上完堂, 搭215x就岩岩係佢門口落車, 順利成章就走入去試下喇.. 佢係一家比較傳統o既廣東雲吞麵食, 並唔係而家好流行o既大大粒好多蝦o既麵食店, 可能係咁關係, 所以佢d價錢都唔係11-12蚊一碗, 而係16蚊一碗雲吞麵. 於是我叫左一碗雲吞麵同一碟芥蘭. 等了3分鐘左右, 一碗未熟透o既生麵送上, d麵條仲係好通透, 入口好爽, 最緊要係無鹼水味, 一dd都無, 真係好正. 開頭仲以為只有5粒雲吞, 點知原來有六粒... 雲吞雖然只得一只蝦再加一小塊豬肉, 但入口好香好夠味, 好好味. 而個湯底好鮮甜, 所以都飲左好多. 返到屋企都唔覺口渴喎. 唔知點解我會叫左芥蘭, 但食左先知道無叫錯, 因為好多食客都係要芥蘭. 有咩好?? 芥蘭俾我o既感覺係好硬, 有小小苦.... 但呢碟芥蘭真係超水

大伙係老坑飲飽食醉後,意猶未盡,信步拉隊下一round,不少人是首次光顧,但小弟以前曾經試過,只覺不外如是,反正之後會再往糖水店,便只要了碗淨水餃,其他人等,便各有所好地order雲吞麵或河粉,水餃size較一般細,雖然皮夠薄,但豬肉奇怪地欠缺肉味,麵底以前試過,總覺'梘'水味去唔清,都唔想再試.不過大家互相交換雲吞水餃,排排坐路邊吹吹水,別有一番風味.

成日搭車經過都見到,但地點又唔就腳,終於呢日尊登嚟試,雲吞麵冇走雞一定叫,橫掂都係,又唔知會唔會再嚟,叫盡去,要多一碗牛腩河,一碗牛丸米,一碟油菜及凍檸茶.最後,個人認為樣樣野都好普通囉!地點唔就腳囉!同外面搭棚搭咗好耐囉!

媽媽昨天去了試雲吞麵($16).聽她講幾好味,仲買了雲吞返黎俾我今朝煮黎做早餐.雖然細細粒又唔多夠蝦,味道都唔差喎!外賣價20元12粒.食得過啊

真係想像唔到, 仲可以食返細個果時o既宵夜雲吞面, 真係一路食,一路想哭>.< 雲吞面應該係地魚湯,面夠爽口不過梘水味重d.好難形容佢o既味道,總之係而家好難一間做得到佢果種幾十年前o既味道. 我諗而家得佢& 旺角龍記仲有呢種味. 令我想起花樣年華,蘇麗珍落街買o既雲吞面^^ 老實講,唔係特別好食,係鍾意佢o既舊口味

之前看過食評，感覺幾好，可惜地點比較麻煩，所以一直也沒有來過。早前來附近食晚飯，見未食飽、又想起這裡，便來食返碗麵。我們叫了一碗雲吞麵和一碗水餃麵。雲吞麵- 一碗有六粒雲吞，都算抵食，雲吞味道一般，麵質爽口彈牙，可惜鹼水味偏重。水餃麵- 水餃可能比較大隻，一碗只有四粒，皮薄但肉質唔夠新鮮，有陣怪味，明顯雲吞比較上勝了少許。價錢平，只賣15元一碗，但味道只是一般，地點又唔方便，如要食雲吞麵，還有好多地方選擇。

今日check紅磡區有咩又平又好食既野,見到呢間小店,就專登同女朋友行左成條寶其利街到漆咸道北食。我地淨係叫左個淨雲吞+水餃($18)雲吞好細粒,真係一口幾粒都得,一咬,未咬哂之先:「咦?!硬既?」咬埋入去:「哦,原來係o的肉黎者」都幾爽口既,但對我黎講真係太細粒,又得四粒,實在唔太過癮。女朋友就話個味好似佢\\\以前廣州既味,令佢\\\都幾鍾意呢度既雲吞(佢\\\唔鍾意食香港既雲吞)。但我又食唔出有咩分別...水餃幾好食,咬一半黎食好過一口一隻,會比較食到佢\\\既味道。個味道幾香,不過同我屋企買開返黎o個隻差唔多(不過我都唔知屋企人o係邊度買)。總體黎講,我又認為唔會話極之回味,而o個度亦唔係有咩好行,平日應該唔會專登去食。

呢度嘅雲吞，各食友都讚口不絕。不如等小弟講講呢度嘅牛根la...望落色水淡淡，但一咬落口，卻並唔係想像中咁淡，柱候味夠濃，且炆得相當淰，且夠膠口，實在係繼雲吞後另一驚喜...絕對值得一試...雲吞依舊出色，半肥瘦肉比蝦份量還多，傳統style，依舊食得過癮...麵仍舊爽口、彈牙....回味無窮...

暑假出遊三星期, 番呢約左好友於其紅磡新裝修好居所一聚, 朋友胃部不適, 故晚飯吃得很清, 酒也喝不多, 走時己接近零晨一時, 見到街口燈光火著, 記得朋友話過此面檔好吃, 忍不住打包水餃面回家, 面渌後不放湯, 水餃與湯放在另一盛器｡約廿分鐘車程, 回到家即品嚐, 不得了, 真係好好味｡水餃皮滑, 餡料分量剛剛好, 肉質鮮美, 面爽口彈牙, 焗左廿分鐘亦冇問題, 無鹼水味, 大快朶頣, 決定下次要買淨雲吞, 水餃及面餅回老媽子家打邊爐｡

宵夜搵食，有時即興同老公由黃埔花園行唻呢度，雖然條路較靜，但總覺得行咁遠係值得既。雲吞麵係雲吞一啖食哂，蝦除左彈牙外，仲有一種出邊雲吞店食唔到的蝦甜味；麵質唔會有揀水味，亦好彈牙～～另外炸魚皮亦好香口，食到同老闆娘都相熟起來，埋單總有少少優惠呢～^^零晨兩點，又由呢度慢慢行返屋企，就算冬天亦會著住拖鞋行唻食野

四點，獨坐在企理小店內等開舖。鍋中滾著色澤呈泥黃色的大地魚湯，強烈的味道充斥四周，能嗅得著如斯霸道湯底，香港地也真的屈指可數。一客水餃雲吞面雙拼，一碟炸魚皮。沒有韭菜，麻油亦欠奉，改以豬油作替，爽而富質感的麵條要快吃，澱粉質經不起熱力考驗，不能久浸；濃郁大地魚湯內隱含胡椒的微辛，獨欠蝦籽的鮮味，打量著餐牌上，亦見不著蝦籽撈的蹤影，已知大概。雲吞從來都是大配角，也懶得仔細研究；皮薄透光，其厚度僅能包著切碎的蝦、豬肉及方魚碎而已，腍身，味重於口感，一口一件輕盈滋味，這大配角也真不錯。check:1.炸魚皮交來貨，無甚特別，隨魚皮奉送大地魚湯一碗，細心。2.酸菜屬於微酸、微甜類，多吃也不會出現胃部敏感，對口味。

由於上次摸門釘,所以今次趁平時來。大光燈被竹棚遮蔽,舖外射燈的燈光,似乎未能穿透細密的綠網。剛開店,人客不太多,找張空檯坐下。還是點了雲吞麵。麵在上,雲吞在下。麵乾身非常爽口,沒被湯浸腍,也沒有鹼水味。雲吞一口一粒,豬肉蝦五五,豬肉不肥,但豬肉味較重,蝦味似乎被掩蓋了。至於湯則鮮甜味濃,不俗。見那麼多人食檯上的酸蘿蔔,下次試試。人客走一檯又來一檯,也越來越多。