大光燈麵食巷仔雲吞麵 (已結業)

在文化中心散場,連Q&A時間已經過十二時,同場另一友人連看兩場電影,什麼也沒有下肚.大家也是土瓜灣人,一同回到附近的七喜宵夜.在巴士上,駛經大光燈,我你試過呢間未?)友人未呀,一直都好想試.可惜每次來到也未開門.)我咁,不如下車!)平日深夜,這條陰陽交錯的路上,仍然陰深,燈光通明的大光燈,如眾夜鬼的苦海慈航.食客不絕,好不容易才找到兩個位座下.雲吞撈兩個,我一份要特別多豬油.份量不得了,雲吞如友人說吃極也吃不完.)麵條夠彈牙,沒有鹼水味.雲吞五分蝦五分豬肉,當外面的雲吞已差不多進化成蝦餃之同時,這間大光燈仍然堅守傳統.現代人,是否對蝦情有獨鍾,抑或感覺上,蝦肉矜貴過豬肉?好醜,都係肉而已.

以１５蚊既價錢，食正宗廣東式雲吞麵，我就覺得好合理。味道方面：麵質爽口，有點銀絲細麵既感覺，　　　　　雲吞豬蝦各半，味道唔錯。　　　　　唯一係個湯底仲差少少，　　　　　我覺得帶少少苦味(好輕微)。整體已算幾好味，贏麥文記絕不出奇。

18-1-2007雲吞麵: 雲吞很傳統, 半豬肉半蝦, 麵質亦好, 湯底夠熱。油菜: 由於蠔油不好, 所以感覺不好。水餃撈: 中上食得過, 亦因為蠔油不好而影響味道, 下次試炸醬撈。

出色嘅雲吞麵確實越嚟越難求la...依家只要食到冇乜鹼水嘅麵底，而雲吞餡嘅蝦及豬肉比例參半，已算係一碗相當不俗嘅雲吞麵...今次係呢度食到嘅就相當愜意嘞...專誠到訪，叫嘢當然唔會點手軟la...雲吞撈加芥蘭再加魚皮，夠晒數...芥蘭及魚皮只是配角，雲吞麵先係正印...冇鹼水味，爽口兼夠乾身。嗅一嗅，仲有豬油。登時醒神。吃一口，相當滿意。如果可以再多少少豬油就更完美；湯有濃濃大地魚味，一乾而盡...雲吞餡豬肉及蝦一半一半，味濃，size唔大，係傳统style嘅雲吞。一碟仲有八隻，抵...食到飽飽落樓...讚...^_^

很懷念小時侯占在大排檔吃的雲吞麵,雲吞細細粒,麵質爽口彈牙.隨時代改變,大排檔已續漸消失,雲吞麵舖雖然越開越多,雲吞越來越大,但好味的反而越來越難.除了幾間老牌名店外,巳經好難到好食的雲吞麵.大光燈最難得的是保存了傳統的風味,雲吞做到蝦同豬肉的比例恰到好處,麵質爽口但仍有少許水味.但最重要的是上湯無落味精,清甜可口.順帶一提,當日所見,該舖用了很多豬油.畢竟好味與健康好多時是兩難存.

有一晚, 終於有時間去試下大光燈巷仔雲吞麵。雖然是農曆七月, 該店又近「大酒店」, 但都影響不到我去試, 因為好耐以前成日搭車經過, 在巷中隱約有燈光, 懷疑有麵檔, 對於我這個大牌檔迷來說, 自然想試試, 有詩為證:巷前有燈光, 疑是大排檔。舉頭望明月, 低頭思麵香。日月如梭, 巷中燈光不再, 卻開了一家雲吞麵店。店內坐位有限, 不過我曾見店外會開摺, 大概是因為營業至凌晨三點, 稍晚時分可以「擴充營業」。麵是好吃的, 沒有可怕的水味, 雲吞足足有5、6粒之多, 15元一碗來說是抵吃的。不過比起最經典的旺角炭爐雲吞麵, 還是有一點距離....... 但有幾多人食過呢?

它叫大光燈好似系因好耐之前它是冇舖位的,因在巷仔做生意,,,但又怕食環處人拉,,所以總在巷頭吊起一盏燈,用表士今晚有開舖,.............我是以前住附近的,,哇...果D任囖配菜-酸黄瓜同籮白之正!好想再食.

再破消夜戒的一晚。和友人夜遊後，商議晚餐的落腳點，Delaney's 不成，說開大光燈- 一間上舖於「邪惡的國度」的大排檔- 竟有同感，就此作罷。說開最出色的雲吞麵和水餃，唔...真的很難說，各有各好，也因時際遇。是晚的淨水餃，口感太實，肉感也重...雖然木耳、筍也多，但口勁不濟。唉，始終不是招牌嘛...。再者，它是晚的蝦殼湯底太濃了，有點渴。大光燈越夜越多人- 子夜走時，竟是因太多人被趕。

書展逼餐死過後,嚴重失收,買得幾本書,老實講不滿意.如果唔係咁多花生客,應該我會死得轟烈.起碼葉壹堂Lonely Planet,會有三數本收鑊.身為香港人,打開本香港加馬交的Lonely Planet,睇罷,我與友人同樣無可奈何地失笑..十點幾散場,兩個份屬"紅土"人.(紅墈加土瓜灣),在灣仔無咩特別想吃.唯有回紅墈,散水都比較容易.靈機一觸,大光燈!一個紅墈宵夜的明燈.由曲街街邊吃到今日.依舊感覺陰深可怖.大酒店披鄰,長生店星羅其佈.入夜後的曲街周邊.彷如一個"第四世界".事前問定友人你怕唔怕?)我怕咩?)仲要一馬當先.來到當然吃雲吞麵,此店雲吞近乎傳統口味,細細粒,豬肉多過蝦,正口我心水,小弟一貫飲食口味,係偏向傳統多過所謂新派.後者出品,永遠整到鬼五馬六,令人失望.麵質非常彈牙,沒甚鹼水味.$15能吃到如此高水準的雲吞麵,誠為眾雲吞麵迷之福份.意猶未盡,叫多客薑荵撈麵,是夜無薑荵,荵油都殺,最後收我十皮一碟.彈牙的麵質,落重豬油,無須多講.羅馬里奧搭白必圖.仲合拍過2R.唔係兩個坡妹,而係肥睄同李華度果對.吃到橫誇兩日,肚皮非常滿足,抵佢地做到入舖.

近來有左bb就生得,無得去食宵夜,有晚我老公收得夜,突登去買我好耐無食既雲吞面,好懷念既味道,水準依然咁好,d面唔會一浸鹼水味,雲吞依舊咁好味!正!

次次搭巴士出尖咀都經過呢度, 加埋之前看過唔少不錯的食評, 好幾次想下車食個麵再等過另一班車. 今日放工又出尖咀, 又心思思想試, 碰o岩有人落車, 我就跟住跳埋落車, 食左碗雲吞麵.個麵煮得幾好, 有咬口. 雲吞有六粒, 同大家講的一樣, 同蝦的比例一半半, 仲有幾粒爽爽的肥膏, 不過個人覺豬肉個味下得好重, 食完幾渴的. 食完又行番去巴士站等車. 口渴都維持了好一陣子.

10/29(五) 9:30pm去完"大酒店",同男友行過黎食d野,之前一路都想黎呢間試,但其位置偏僻,今晚總算"順路"!9點幾黎到,眼見仍有4-5枱客,生意不錯!我地叫左碗雲吞墨丸麵$17,炸魚皮$8.雲吞墨丸麵一碗4粒雲吞,size偏細,皮薄,豬肉餡極度鮮味之餘,亦食到蝦既鮮味!墨丸(2粒0則一般,吾算彈牙!幼麵尚算爽口,唯略嫌有少許梘水味!湯底亦如事!反應魚皮炸得脆身無油溢味,不俗!$25,可以一試!(為雲吞而黎)

媽媽說這裡的雲吞加入了熬過湯的大口魚所以有特別的味道這麼多年水準也沒有改變的確值得一讚這一次跟男朋友來品嚐一向要求很高的他也說好味道一般所謂好的雲吞麵鋪只是多蝦少肉此店蝦肉比例相若但是加入了大口魚及選用肥豬肉令人一試難忘有機會的話大家也去試試吧

9月22日21:00北上歸來，特意從火車站行到這裡吃麵。雲吞麵：小粒雲吞，蝦和肉比例均勻，湯底有濃濃的蝦味，麵鹼水味不重，夠爽口。檯上放有酸蘿蔔、辣醬，但不見有辣椒油。店小生意好，算整潔，有機會再去。

雲吞水餃麵$17: 雲吞內算多蝦(雖然是蝦仔)，水餃都多料，兩者味道都唔錯。麵，普普通通，但都爽，而且沒有鹼水味。食物雖OK，但衛生就有待改善，筷子筒內的筷子有很多對都仍留有食物殘餘!!!