大光燈麵食巷仔雲吞麵 (已結業)

看 過 大 光 燈 的 食 評 後 印 象 不 錯 .... 一 直 想 來 試 試 看,,,,,可 以 由 於 上 次 兩 點 多 來 時 踫 門 釘 了 ... 所 以 這 次 看 清 楚 了 開 店 時 間 才 來點 了 招 牌 的 雲 吞 麵（＄17） ,,,,,, 吃 著 酸 蘿 蔔 和 青 瓜 等 侯 /// 酸 蘿 蔔 和 青 瓜 醃 得 酸 酸 甜 甜 的 ,,,, 十 分 開 胃 ,,, 我 們 差 點 把 整 瓶 吃 掉 呢 吃 著 吃 著......雲 吞 麵 就 送 來 了.....先 嚐 嚐 湯 的 味 道 // 大 地 魚 湯 味 道 香 濃,,,入 口 鮮 甜麵 條 爽 口 亦 算 彈 牙 .... 而 且 沒 甚 鹼 水 味而 雲 吞 一 碗 大 概 有 六 顆 ..... 每 一 顆 都 小 小 的... 一 口 就 能 把 它 吃 完雲 吞 裏 的 蝦 和 肉 比 例 分 量 剛 好 /// 味 道 確 實 不 錯.....令 人 回 味 !!吃 完 雲 吞 麵 還 有 點 意 猶 未 盡 // 再 點 了 一 碟 炸 醬 牛 腩 撈 來 分 著

前晚(25-12-08Thur)聖誕節,應該係著天同慶o既日子,但我家人呢晚就o係世界殯儀館為媽媽設靈.因趕時間,食o左唔多齋菜,到離開殯儀館後大家都肚餓,於是先食個宵夜.搵到呢間,我o地7個人坐晒o係街邊食,我食魚蛋河,有6粒魚蛋咁多,都算彈牙,重食到有魚骨,我食完覺得啲湯好鹹,好口渴,好重味精.而食魚蛋麵o既二哥話唔好食.爸爸食魚片河,佢又話唔好食.大嫂食雲吞牛腩麵,勁讚雲吞牛腩得.大哥就食牛腩麵,二嫂同姪女就share一碗雲吞麵.另叫o左兩碟油菜.埋單約$120.00

果日星期三，放工之後，同女友去o左大光燈食雲吞麵，住係紅墈咁多年都唔知呢到有間咁正o既雲吞麵舖。果到地方唔係太大，但係可以坐外面。坐低o左之後，我地就叫o左兩個雲吞麵同埋一碟油菜。我女友果碗就走蔥，我果碗就冇。都唔洗一陣，個阿姐就囉o左我地D野o黎啦。嘩！好似好好食喎！D雲吞細細粒，係碗低俾D麵噤住。食啖麵先，唔... D麵好彈牙。食左幾啖麵,食粒雲吞先。D雲吞都唔錯。咦！但係粒雲吞入面似乎有D野喎。我女朋友跟住就吐左粒卷住o既紙。呢粒好似就係落單果D紙o黎架。哈哈！咁之後我地就繼續食呢D咁好味o既雲吞。食D油菜先，都幾爽喎。應該係新鮮o既。係咪俾D雲吞嚇親呢？其實大家唔好咁驚住。其實D雲吞都真係幾好食o架。有紙果單野應該都係唔小心姐！整體價錢同味道都唔錯架，值得一試。家送上兩張相俾大家過下癮先

今次係雲吞牛腩撈麵d 腩汁好入味, 雖然唔係湯浸, 但d 麵都好香同埋好大兜, 好飽但係我都係鍾意湯麵多d, 清d.

記十二月中旬即興宵夜想起一隻可愛的「肥鶴」，又想起豬油豐潤味道，三更半夜要吃豬油也有難度，可選擇的大慨是老式豬油撈麵，即拉了來曲街巷尾的大光燈。老樣子愈夜愈精彩，門口間唔時看到鐵馬，是間幾安全的老店。老式麵家來說這裡比較光猛企理，入冬後露天位坐滿「煙客」，揀了近收銀的圓檯避煙，甫坐下要了蠔油撈、炸醬撈及雲吞併水餃。同麥氏不同，這裡專攻宵夜，五點開舖前傳來大地魚熬出的濃鮮，湯底自然不會差；老闆三兩下手勢拉出幾碟麵來，平民麵食也不好要求麵餅清脆利落不著水漬，蠔油撈雖然濕腍一點，幸好無鹼水味，豬油的甘香配起粗韌的蛋麵撈來吃，飢腸轆轆時無有比此更滿足幸福啦！炸醬麵帶著港式的酸醋味，甜中帶辣的肉絲醬，又是傳統民間風味，她吃得滿意。碗中物仍是迷理版的散尾雲吞，湯底鮮濃鹹香，沒下蝦籽，所以這裡也沒賣蝦籽撈，雲吞皮薄滑順喉，始終餡夠「的式」才能嚐的一口而盡的散尾風味。最後加了芥蘭，過了鹼水分外碧翠，煮得很腍，自己比較喜歡芥蘭菜芯炒牛肉～六十七元吃得飽飽又滿意，是間有心的老式麵店。

2年前偶然機會下發現佢既存在，第一次食，味覺已經話比我聽呢間既雲吞麵同坊間賣既大大粒雲吞好唔同。最好味既係湯，湯底夠濃，食完碗麵，喉嚨一直有回甘同鮮蝦味(我覺得係豬肉既功勞)，湯底真係好特別，坐低又可以食既醃制既青瓜同蘿蔔開開胃。最重要係佢價錢同質素真係好得民心，係佢值得番兜既地方！小店請繼續努力！

要解決一個人的晚餐往往並不容易。年紀大了，很希望最後能夠裝進肚子裏的都是些美味的東西，胃部實在沒有太多的空間去容納那些難吃的了。故此現在選擇用餐的地點及食物，往往都費盡了不少心思去想去試，短時間內儘可能都不重覆去吃同一的地方 (除非有特別原因或水準真的很高)。最近這情況竟一連發生兩次，這是後話....在香港要找一碗好吃的雲吞麵，許多人都會說到麥奀、何洪記或麥文記。不錯，這些老店是有相當水準，但若要讓小弟選擇，瑟縮於殯儀區的這裏，一直是我的摯愛....那一口濃濃的湯底，色澤清澈之餘帶着蝦鮮及大地魚香，淨喝這湯已是值回票價了。麵很爽身彈口，洗鹼功夫做得十足十；帶點肥豬肉的傳統廣東雲吞才是最好的，這裏就做得到了。一口一粒，吃上口帶着少許蝦籽的鮮味。一句講晒 : "很好吃"....牛腩炆得也挺入味，牛根也充滿了膠質，那種"如膠如漆"的感覺，好像在以前陳南記的出品才能感受到的....要吃一碗稱心滿意的雲吞麵，還是來這兒吧.....

25/10/08雲吞麵 - 彈牙 , 雲吞比較細粒,學阿SO話齊 , 雲吞應該係細細粒 , 一口完全吃晒, 我叫左個淨雲吞 , 有成9粒咁多 , 抵 .HONEY食左牛楠 , D牛楠好淋 , D面都好彈牙 , 抵食大光燈 , 平靚正

哩兩年成日返學搭巴士去到曲街站都覺得哩間野有d 特別因為成日都唔開, 同埋佢附近既鋪頭都唔會開, 雖然好顯眼, 但係好神秘唔上黎睇都知知哩間野咁出名終於上星期可以一嚐好開心, 碗麵係細, 但係竟然有6 粒雲吞, 依家邊度有雲吞麵咁闊佬架, 仲要只係賣$17油菜d 蠔油好食, 同埋好似層層都有咁, 唔係就咁淋上面汽水$5 罐, 好抵.酸菜都好味, 食左好多舊其實坐出面同入面都冇乜分別, 都係咁通風.同埋個老闆娘好nice

飯局的第三站是位於曲街的大光燈，難以置信自己竟可以食完又食，但食友推介了這裡的雲吞，那就再來一碗雲吞粗吧!粗麵尚算爽口彈牙，但始終主角是 size 剛好可以一口吃的雲吞，內餡的蝦肉及豬肉比例接近完美，雖然已接近七成飽，仍能瞬間將整碗粗麵解決，質素拍得住一眾名店，價錢卻只是 $17，十分大眾化，怎可不給一個笑臉呢?

來曲街的大光燈,除為了吃美味的雲吞麵之外,同時亦抱著點點尋幽探秘的獵奇心態.因為此店位於一個"特殊地帶",被大酒店,長生店包圍住.所以每次踏進這個地帶,小弟總是說踏上"陰陽路".雲吞一直堅守豬肉同蝦肉一半一半,蝦同豬肉皆鮮.今次加多一味配角,就是柱侯牛筋,做得稔熟入味.膠質豐富,好像如吃著骨膠原.撈麵例牌要多豬油,吃撈麵不下豬油的話,那就你吃埋我份.麵條不是大碌竹壓,一樣彈牙有麵香,沒有鹼水味在阻頭阻勢.另上大地魚湯,濃烈得離碗三呎都聞到其鮮香.可否同九記一樣,要一碗淨湯,收我幾塊錢?看另文的食評之中,說食野要配合心情,在"大酒店"包圍之下,什麼心情也沒有.幸好,小弟一向百無禁忌,坐在街市污糟行人路吃雲吞麵都試過,"與鬼同行"實屬小兒科,或者喜歡吃的人,對其他周遭的事物也看得開明一點.不要忘記,大光燈當年也是在曲街一帶擺街檔而盛名的.正所謂生於斯長於斯,飲水要思源.現今在曲街入舖,也是理所當然.如果搬出去這個眶眶,或會失去大光燈那種獨有的"風味"矣.

前日同女朋友下午飲咖啡飲到好滯, 8點都未想食飯, 佢提議去大光燈食麵, 印象中食完好口渴. 不過好耐冇食, 睇下有冇改善. 兩個人, 一碗雲吞麵, 一碗水餃麵, 一碟九菜花, 一碟炸魚皮. 先黎個炸魚皮, 個炸魚皮就好普通, 但係跟黎個湯就好正, 當然有味精o拉, 但係就令我想起細個食釗記的麵, 不過釗記已經執左, 新釗記就週街都係. 麵同菜等左一陣就到, 麵就一貫的好彈牙, 不過又係食完就口渴.

早排同daddy去"世界".肚餓搵野食...見到呢間大光燈位置咁偏,附近又唔知食咩好,就入去試試..本身都係抱住冇咩期望既心態叫左雲吞面同河d雲吞真係好好食!!!d蝦好夠味又平!!!真係超級推介平時我daddy好咀鵰架.但係佢都十分中意大家去試下喇!

呢間餐廳,雖然只賣粉麵,但一次我朋友尊誠車我去之後,每隔一兩個月去都係要抽時間去!因為實在心思思....不過佢地點比較吾方便...係位於殯儀館附近,所以以熟客居多! 食物方面:佢地既雲吞麵,好似15蚊碗~吾太貴,我吾話全港NO.1.,但我敢話一定無人彈!雲吞較細粒,但一口完全吃落口,更覺香口,佢地D面又好彈牙~我試過浸完一陣先食都吾太淋,少揀水味!湯聽聞係大地魚黎淆,所以好清,吾會好味精湯甘!!正~仲有必要試炸魚皮!!係佢地homemade架!!吾油又鬆脆架!不過....呢間嘢逢日休息,而且下晝四點幾先開.開到凌晨!想去試,的確要夾時間!

開心係...食到一d好食既野而家喺好多地方食既雲吞麵,大都注重包裝,要金碧輝煌,蝦肉要塞滿哂成個雲吞,連肥豬肉都無落,但係根本都唔好食!反璞歸真,巷仔俾到原本雲吞應該點既味我,一碗雲吞麵,六粒雲吞每粒一隻蝦,味道璞實,唔係好多地方食到呢種味,雖然麵同湯都唔算一等一,但係成碗麵既風味已經係優勝過好多麵店!加多罐可樂,食得開心