大光燈麵食巷仔雲吞麵 (已結業)

是日Roomate Quit Hall 前last day同佢去左大光燈食宵夜以前都只係搭巴士路經未真真正正去過因為佢都係做晚市同宵夜時段我地今日終於去試下啦食左一碗雲舌, 有9粒 細細粒 不過就好香好彈 而且湯好好飲同樓下講既一樣 同平時食開大大粒既雲吞真係唔同d仲有炸醬撈麵 炸醬是微辣的 十分惹味令人不禁食了一口又一口店內有任食酸瓜, 開胃又爽口!

The bowl of wonton noodle was good, the texture of the noodle was good - simple, pure and fresh. The beef brisket noodle was a bit too oily. We'd rather try won-ton next time. Nice soup too.

朋友告之此間平凡麵檔屢獲好評，相約試試。老實說，寄望太大，其實也不是非常美味。不過，平心而論，算是不錯。魚皮：爽脆，但實是一般。榨醬麵，勝在夠辣。水餃亦一般，不外如是。但價錢相宜，又怎可再要求呢？

一個字形容：好！雲吞一口吃落去，size啱啱好，有一種特別的香味，而麵也很爽口，很久沒有食過咁爽口的面，不過食到底，D面就比D湯浸林左，所以特別推薦雲吞撈面食腩汁，不但不會影響面的質感，也可以試到招牌腩汁，一絕。不過環境就麻麻，要經過大酒店而且黑麻麻，如果自已一個人都咪話唔騖，想食的話，只可以星期一至六晚上，因為中午同星期日喺唔開。如果揸車去的話，門口就有得泊，啲伙記仲會幫手水添。

半夜同老婆落街食宵夜，去到門口，已經俾個陣湯味吸引到，叫咗2碗雲吞麵、一碟芥蘭、再整多碗淨水餃。 啲麵勁彈牙，雲吞啲豬肉同蝦比例啱啱好，俾起坊間嗰d係得啲蝦好味好多。芥蘭同水餃d水準都唔差，好快再幫襯。

我想來試好耐......因為我不識路...經過好多棺材店先到到左坐左門口.一個老人家問我食乜後來碗麪來了....我話我叫左走蔥...佢忘記就立刻番去同我整番的蔥出來好不衛生揾手檀...的米粉跌出來都揾手拿番去俾我食來到碗麪又唔熱..但的湯好甜....雲吞都有香味......豬肉同蝦好夾.我先俾ok...不知是否巧合.我回家真係肚痛......

黃昏時想吃一點東西, 因要晚一點才有晚飯. 剛好經過這裡, 必然進去啦. 結果一碗雲吞面, 再一碗腩河, 完成了晚餐.以前只專攻雲吞面, 比麥x記好吃得多, 亦平 ($17) 很多. 見到牛腩也好, 一試之下, 只想多吃一碗, 牛腩極腍, 牛筋亦然, 腩汁味道剛好. 不過下次會叫腩面, 因面比河更好吃.香港有水準食肆不少, 卻太小人推廣, 望大家能本著良心寫食評, 各人也可得益.

　　以前對雲吞麵這食物沒有多大的興趣，婚後受另一半的影響，也對雲吞麵多了點留意。娘家住在紅磡，經常聽哥哥及母親說「大光燈」的出品不錯，自己卻嫌這店地點較為不大方便，所以從來沒有光顧。　　今次光顧純因要在九龍這邊辦喪事，眾親友興緻勃勃地希望一試這家店子的出品，才到此一遊。　　十點多鐘正是宵夜的黃金時段，一行十多人個個全身黑衣自己看來倒覺得有點突出，但店內的顧客及員工似乎毫不在意，因為人太多的緣故，眾人分佈在不同的枱，唯有各自各精采，自己選了雲吞粗麵，雲吞做到一口一粒，蝦與肉的份量也適中，而麵也爽口，唯一扣分就是湯底，做到十分咸，不甚喜歡。論好味，仍然覺得中環麥奀那碗才是自己心儀的。

It doesn't take a wonton expert from an established wonton family to tell you what wontons, the right kind, should look like. In fact, it's so deeply rooted in the minds of Hong Kong-ers that when the word comes up, we immediately conjure up a small lump of meat filling enrobed by a light custard yellow coloured wrapper, with some loose wrapper hanging like the tail of a goldfish sashaying in a rich broth.Such is the kind I was surprised to find here at 大光燈, the third of four stops we made in an

坐車或開車過海，經常都看到這家店燈光火著的舖面；不過不知該怎樣兜路才能到達，所以沒光顧過。今天下課後有點餓，同伴建議到此吃碗麵，於是「的」起心肝去一次，幸好路不難找。甫坐下，對於吃甚麼茫無頭緒，便隨心點了雲吞河和魚蛋麵各一（$17），再加碟芥蘭（$8）；心血來潮，要了腩汁而捨蠔油。等食期間，有些貌似堂倌的客人出入，感覺有些怪異。這也難怪，附近「酒店」林立，從業員也要醫肚呀！桌上有一瓶自製的酸菜（蘿蔔和青瓜）：熟口熟面，好像哪兒也有一樣的？同伴提醒我，是中環吉士笠街的水記。粉麵上桌，用湯匙舀了舀，原來每碗各有六粒魚蛋／雲吞。份量比預期中多，十七蚊都唔算貴！魚蛋彈口，不過肉質比較鬆，不及其他賣潮州魚蛋的店（如華南）那麼爽口又「實在」。雲吞很鮮，但蝦不是很多，那鮮味似肉味多些（當中的肥肉也不少）；總括而言不錯。同伴說那麵吃起來有傳統「細蓉」的感覺。整餐的最大驚喜，竟來自那碟菜！腩汁充滿肉的甘香，不像他店的濃和鹹（吃到的可能只是柱候醬味）；菜又嫩，亦不會太粗身。不禁很想試這兒的牛腩，和很多人點的水餃，但吃飽了，擇日再賽！

　　見佢星期日唔開，所以就趁復活節假期去食一次。 去到見到有勁多人，點左嘢食之後，攞定筷子等食，發現佢d筷子好熱，應該係經過消毒ge，所以我食得好放心。　　d雲吞幾細，但幾好食。淨雲吞有九粒!好抵食($18)　　不過最好都係個豬油水餃撈麵，勁香，而且d麵好彈牙，實在不可不吃。

友人M拉大隊, 一棚人操兵咁去紅磡, 打劫金鋪式地橫掃食肆. 我呢個後援兵, 九點多才到達. 我的第一站, 由呢間大光燈開始.這間大光燈, 每次搭巴士經過時, 係漆咸道內街, 非常曯目. 今次係火車站落車, 致電他們下一站去邊度食時. 一聽到大光燈, 正好, 這就是一間自己好想好想試的一間麵檔. 因為地點問題, 從來沒有伯這個意識特登走黎食. 只覺得, 有時想食一間鋪頭, 都要講一講緣份.叫老闆娘開一張路邊檯俾我地. 所有人工作太忙, 不理了, 我們 D.I.Y. 摺檯自己開, 膠凳自己攞. 盡量保持大光燼下食細蓉既風味.馳名雲吞, 當然食雲吞麵啦, 雲吞是傳統的蝦子味為重的雲吞. 湯底帶有梘水, 但不太重. 麵身亦爽口. 朋友到齊, 再加上魚皮一客. 脆口的魚皮, 浸一浸湯, 自己喜歡脆脆地的就不會浸太久. 皮夠薄, 香脆, 香口.快快趣, 食晒碗麵, 副團長帶隊, 下場, 去食牛丸.

晚飯前來攝牙縫,果真值一試.麵身爽口,鹼水味輕,皮薄餡鮮兼散尾的雲吞一啖一隻,像金魚尾巴的散尾短小入口溜滑. 湯底聽說是以大地魚及蝦米碎熬上而成的．溫馨提示：每枱有一瓶自家醃的酸瓜供客人免費享用,當中包括青瓜粒,白蘿蔔粒及紅椒絲.

零九年二月上旬宵夜約了專兄宵夜，就大家於是來到紅磡舊區的大光燈吃碟撈蠔油麵傾傾近況。下午五時開檔前總會嗅到大地魚湯的香，是愈夜愈精彩的麵店，不冷不熱的大好天氣，坐到露天圓檯比室內更舒服。專兄每次來的指定動作是散尾雲吞，是夜要了淨雲吞，夾有蝦粒同豬肉，是很老實的街坊味道。自己的蠔油撈麵，蛋麵乾爽有韌性，是幾喜歡這種平民粗獷質感，蠔油修飾過只留下少少的鹼味，可以了，而重點之一的豬油能令蛋麵起起來甘醇香濃多一點，自己吃得慢加上吹來涼風，豬油變白凝固起來，證明了一碗老實的豬油撈～之後另一位食友趕來打招呼，連帶自己這路人甲亦有禮物收，謝謝專兄！

o係學校做proj 做到半死雖然未做晒, 但都要為自己加加油, 食餐好d既無錯, 食餐好d 既意思就係去食碗$17既雲吞麵今次凸登掘出6粒雲吞先影底水餃有4粒, 一舊水餃既size 係差唔多= 2粒雲吞.d 雲吞真係好正, 啖啖都係蝦咁個湯係甜甜地既, 好飲, 雖然係味精湯另外叫左碟油菜, 成日都覺得佢哩度d 油菜好食d, 因為隻蠔油比較鮮味唔知佢用邊隻架呢最緊要就係台面既酸菜, 一行5人, ko 左一樽滿滿既酸菜全場最好食! lol