大光燈麵食巷仔雲吞麵 (已結業)

07/17/2005 03:00同女友去完打牌，返家時已是兩點幾，肚中都發出咕咕的訊號。去過一次大光燈，記得幾好食，所以今晚的宵夜也在這裡。叫了一碗炸醬麵($15)，一碗水餃麵($15)同一碟芥蘭($8)。麵同上次一樣的高水準，水餃有四隻，餡料幾多味道亦不錯。不過我的炸醬麵就失色得多了，料是不錯的，起碼有我最愛的肥豬肉，不過冇走過油，最敗筆係個味道，完全冇炸醬果種香味，只得個辣字，而且只係加入大量辣醬去整。下次都係食番雲吞或水餃好o的。

OT 到十點幾先走,就去左試新野"大光燈麵食"大酒店附近....平時夜晚搭車經過見到都幾多人,有日下晝諗住去試下,點知無開@.@琴晚十一點去都唔少人其實我唔鐘意食雲吞,不過個阿姐介紹我地食雲吞同水餃,就試下啦有驚喜,幾好食,一d 鹼水味都無,餡又唔會話一咬就散我自己就鍾意水餃多d,好鮮味一定會再去!by the way,有無人知佢地日頭幾點開呢?thx

不過牛腩就唔得喇，太潺，似車仔麵的來貨。所以其實只需要叫淨雲吞就夠。一粒雲吞，內藏廣東人幾十年的精粹蝦子、大地魚、肥瘦豬肉、蝦仔。仲有包果下手力。好怕食果種全部蝦大大粒的雲吞，相比果種無性格的大粒野，細細粒的就好似一種藝術咁。仲有仲有，老火R 的清湯，加上烤乾的大地魚粉。同埋小小來自熟雲吞的汁。不得了咁正！

成日坐隧巴經過這裡，都見呢間野，好夜都有唔少人，已經想試試有咩特別。是晚就同太座來試試，平日夜間部十點幾，竟然都幾多人，幾難才找到位子坐下。搭檯是必然的事，檯亦擺得幾密，當自己食大排檔就得，反而坐在舖外更鬆動一點。餐蜂簡單，單併與雙併價錢一樣，所以都叫多幾款來吃。叫了雲吞墨丸麵及雲吞水餃麵，加碟油菜。堂食多人，外賣亦不少，所以都要等左一陣至有得食。呢度又有酸物給人客吃，是酸蘿蔔、青瓜及紅尖椒，不過醃得麻麻地，只有辣辣的紅尖椒最好吃。麵上檯，份量不少。麵幾爽口，沒有多大鹼水味，都不錯。同意Cheap 兄所講，這裡的雲吞包得不錯，豬肉及蝦肉比例剛好，幾好味道。水餃則換上了木耳，味道都好。但墨丸只是粉蛋，不吃也罷。埋單40蚊，經濟抵食，當作夜宵都不錯，難怪咁多人幫襯。不過離開的時候，喉乾頸涸，似乎雲吞及水餃的餡料中，下了不少「師父」。

今晚晚飯只係食過米線作晚餐﹐剛才又開始有少少肚餓.....諗起曾經附近有一檔"巷仔雲吞麵"未試過﹐一於去買雲吞做宵夜!淨雲吞$15一碗有八粒﹐外賣加$1﹐雲吞係傳統的“一啖一粒”Size﹐咬開裡面餡料蝦同豬肉各佔一半﹐口感都算唔錯﹐而且香味十足﹐應該有落重大地魚﹐整體上的食感同味道就係小時候去大排檔食的雲吞味道﹐正!!仲有一樣野係幾出色的﹐我買完外賣要步行15分鐘返屋企﹐雲吞依然完整無缺﹐同堂食無甚分別﹐呢樣真係幾難得。我曾經幫襯過雲吞xx食的$10雲吞外賣﹐一樣係15分鐘左右﹐已經“一夾就散”。你話$10平﹖我就寧願寧願俾多5蚊.當一般的雲吞檔都越鬥越大粒﹐越鬥越多蝦﹐越鬥越平﹐越鬥越無味的時候﹐能夠發現一檔如此堅守傳統口味的雲吞檔﹐簡直就係驚喜。下次試埋水餃.

渣車行開漆咸道,見到呢間新開o既舖頭,不過明查暗訪後,先知原來以前係o係條巷仔度經營o既...哦....原來歷史攸久,咁就梗係要試o下出名o既雲吞啦~淨雲吞$15蚊,好似有八粒,雖然唔係大粒,但係食落有蝦味,湯都幾鮮味!另牛根好腍,都值得一試!!