大中華飯店 (已搬遷) 新店位置

之前從沒去過，聽朋友介紹，專程去，點知咁黑仔，吃中間black shop。罪狀一，找少錢不認帳。個啤酒妹同個啊蟬做賊心虛，當面不敢對質，俾500蚊買50蚊嘢都夠膽死找50話唔知，蝦人地細路唔敢出聲👎罪狀二，啲雞臭嘎！冰鮮扮新鮮👎西蘭花炒牛肉一陣蘇打粉味道，反曬胃口，👎個蠔太腥，臭過果班店員塊面，👎XO醬田雞黎到變薑蔥炒，仲要唔熟👎豬手硬又唔入味👎罪狀三，而且最後才發現是倫伯代言，死得啦。藍店大曬啊👎Pay for bad feeling!名氣都是炒出來，名不符實，👎沒下次👎請都唔黎啊

去到長沙灣，太多好選擇，就去左舊居街囗的大中華雖然經過真係無乜入去既意欲，但朋友都話去，就坐低左坐正個位望住炭爐，“抽風好，唔熱唔臭“食左其他乜野又真係唔記得了因為食到大半，忍唔住叫個燒鵝好食到傻。完。

大中華一直都好出名今次黎開附近終於有機會試下臘味煲仔飯同我地平時食開嘅唔同佢用一大個煲去整 入面有好多怱我都係比較鍾意食平時食開果種土匪雞賣相好特別食落肉質都好嫩滑 雞皮都脆嘅蠔餅都係即炸嘅蠔嘅份量都算多 麵粉唔會過多香脆可口鐵板豬手新鮮熱辣成日豬手麵好淋豬皮充滿左骨膠原豬肉就咸咸地黑椒汁多到滿瀉鹹魚煎肉餅都幾特別平時蒸嘅食得多 煎真係好少食有煎魚餅嘅感覺 但係就多左鹹魚超好送飯環境方面佢有好多間鋪但係我地當日就坐左係廁所附近所以一直都覺得有味道食物唔錯幾好食 只是坐廁所附近就麻麻地了

朋友聚會地方，地方環境一般，侍應態度都係一般，嘢食還可以，特別係推薦佢地既肥牛薯仔，仲有辣酒煮蜆，肥牛粒薯仔分量大，算抵食，埋單每人$200，還可以接受，而且任我哋坐，冇限時

今日來到深水埗，好想食大排檔，諗起大中華，數年前食過，真的回味無窮。芥蘭炒牛肉~芥蘭要啱季節，夠嫩炒得爽脆，牛肉夠淋。豬大腸拼椒鹽排骨~豬大腸確實美味無比，食完返尋味，不過非常邪惡。紅燒乳鴿~即叫即炸，小心燙口， 個人認為唔需要沾淮鹽，也不需要喼汁，乳鴿本身已經非常夠味。煲仔飯需要時間，叫咗個黃鱔煲仔飯，蔥粒夠香，花生夠脆，鱔的份量都好多，飯焦粒粒卜卜脆，好欣賞師傅嘅功力，煲仔飯唔易煮，較啱時間上枱最重要。整體來說大中華嘅廚藝 依然keep到，所以今日雖然是平日，依然座無虛席，仲要喺出面等一陣間先可以安排到入座，欣賞你，深水埗之寳。

朋友話好想食羊腩煲。我地做完運動，諗起附近有大中華。宵夜時間來食大大煲既羊腩煲，三百幾蚊係貴d, 份量好足夠，三個人由頭食到尾都仲有羊肉。配料方面，有白蘿蔔，馬蹄，唐芹菜，枝竹，等等。羊腩方面，肉質ok, 有皮，有肥有瘦。可以改善的是醬料，腐乳醬是帶橙色的，不像平時食的味道。另外，我們點了一個花枝餅，大份量。花枝彈牙，香口。這里飲品，要自己在指定士多自購的。我們來慣了，就直接買後才入座，唔使行來行去。

話說有朋友介紹呢間大中華飯店，未試過就去食下啦。入到去，環境一般，同普通大排檔差不多。諗住三個人，見佢無咩客，搵張鬆動少少既台坐。點知服務員又話唔得，係四人以上台。一時又話有人預約左。讓一步，坐其他。打開菜單，平均$100 或以上一味小菜。比一般既貴好多，心諗：都算。試下。簡好野食。叫人落單。仕應話要自己寫。我真係想講句：咩都自助式。串串貢既餐廳咁多人走去食。真係犯賤。比人吹到上天。跟住我寫完單。比佢地又睇唔明。又要講一輪。最後上菜啦。只能講無特別。3個人4樣送，食左$590。味道對唔住個價錢，唔會再黎。名過於實。唔好人地話好食，就跟住話好食。

跟大伙們挑戰完利東邨玉桂山，浩浩盪盪食個晚飯。竟然無酒牌要去隔離士多買？而且士多有 Promotor 駐守既？勁搞笑有趣，仲有冰桶提供添呢﹗售價 $100 蚊 4 支大 Asahi 抵到爛呀﹗餐牌點解用殘體字，不是給香港民族食嗎？將餐牌揭上揭落，我都唔敢發板喇，價位偏高，怕朋友們覺得太貴啊﹗要自己寫單？怕您唔識睇我既字喎，問米都唔掂，而且加單要出門口搵返張單真係好鬼麻煩喎。內籠簡陋，衛生環境一般，非常自助陀地飯店，真的有點不慣！差點想放棄轉場。自己落單寫單，沒有飲品提供，要自己到隔離士多購買，外賣盒自取，自己包裝帶走。小炒王，蝦乾、韮菜花、韮王、腰果兜埋一碟，單調欠鑊氣，油淋淋平平無奇。南乳吊燒鱔，無燒的感覺，炸的嗎？南乳醬分開上不是一齊煮嗎？怪怪的。如果咖哩牛腩但咖哩另上，即炆牛腩點咖哩汁？鬆脆炸漿沒什麼味道，包著嫩嫩白鱔肉，剛剛炸起一咬輕煙飄出，讓炸鱔滾上濃濃南乳醬，幾香口但有點咸，一試無妨。清蒸花蛤，明明係馬刀貝。簡單就是美，全晚最好食既一道菜。留意時間蒸到開口即刻第一時間上菜，鮮甜彈滑散發海水天然咸香，不用任何調味，無添加極美味。燒鵝一隻，沒什麼驚喜或感動位。細小偏瘦的燒鵝，起

以前嘅大中華，係要早一日預約先可以食到嘅，同埋係分兩個時段。當日食飯，下午4點幾book 8點半都book到，當日仲要係星期五。大中華嘅酒水係要行出去分開買嘅，可能因為拎唔到酒牌，嘢食都係比較咸。鐵板黑椒豬手係每次黎都必嗌，煮得好稔，好有膠質，黑椒味都好香濃，洋蔥好甜，送飯一流。撈起好咸，無乜特別，可以唔嗌，食完好口渴。炸子雞本身冇乜味，但果皮炸得好脆，雞肉好嫩滑，要靠嗰個南乳汁要有味。香煎墨魚餅，點左甜酸汁幾好味，適合小朋友食。臘味煲仔飯啲飯有啲硬，但係個味都幾香，但係個味都幾香，臘腸潤腸都幾好食。大中華適合同屋企人或者一大班人嚟食嘅

適逢老公出差，去左嘴刁屋企坐吓跟住佢知道我一個人食晚飯就邀請我同埋佢老公一齊開餐佢話樓下嗰間大中華好出名又好好食叫我一定要試吓本來三個人都食唔到啲乜嘢不過其實我可以食好多嘢就冇所謂啦🤣我真係估唔到佢哋啲餸可以咁大碟首先嚟個黑椒豬手，佢話係呢度嘅招牌菜我又覺得真係好好味喎，佢有咬口肉質夠林，而且真係有好多黑椒粒果然冇介紹錯然後就係另一推介琵琶豆腐琵琶個皮都夠趣👍🏻仲要一碟12粒，每人要食四粒🙈下次都係搵多啲人嚟先好開餐😅賣單嘅時候又唔收我錢😱話請我食生日餐😝我唔客氣啦😛

一大班朋友打完波，唔知食乜好，但係時間又唔早！突然之間諗起好多年冇幫襯過嘅大中華。就即刻飛車去食啦地點喺長沙灣地鐵站行幾分鐘就到啦。半自助點餐又幾好喎，自己食啲乜就寫係張紙，攞出門口有個靚女就會幫你落單。要啤酒汽水就要行出去佢哋嗰間無名Store買要食甜品行出去轉過彎就係大中華甜品首先介紹佢哋嘅主菜土匪雞，砂鍋臘味煲仔飯，同埋豪餅土匪雞皮脆滑亂但係我覺得有少少鹹，而煲仔飯我覺得硬左D。豪餅就真係好好味，個炸漿唔會好乾，啲豪仔唔會好腥。

來到長沙灣食大排檔，一定要來出曬名既大中華飯店，佢地既小菜一直以來都保持到不錯既水準，食物用料又足又新鮮，廚師用心煮出來既小菜，一食就感受得到。招牌鐵板黑椒豬手一上枱熱辣辣，賣相吸引，豬手份量好足好大隻，調味做得非常好，入口非常惹味，難怪好多食客都會叫呢個小菜，係必食之選!!~招牌土匪雞呢個土匪雞相當入味，上枱時成隻雞甘上，好大隻好有氣勢!!雞肉烤得皮脆肉嫰，完全沒有鞋口既感覺，好味推介!!炸墨魚餅墨魚餅份量不少，墨魚餅炸完後都仲非常彈牙好味，又惹味又可口!!~

飯店離地鐵站有段距離，行都去熱騰騰但好彩冷氣夠曬涼.但如果好像我我甘弱質編编記得帶多件風褸仔。講返食物先，本menu都有返甘上下厚，圖文並茂，菜名都幾有創意，有少少衝動想叫個"肉鮮肉死"，但友人目標非常清晰，只叫主打熱門菜式（土匪雞、鐵板黑椒豬手、琵琶豆腐、蠔餅、蜆芥鯪魚球、腊味煲仔飯）。本來去到先叫到menu話土匪雞要預訂，友人當堂嚇一嚇，然後得啖笑，但其實食頭圍（六點至八點）既都有得叫的，同埋可能土匪雞都吾算平（再唸返，個名都俾哂tips），所以都吾係好多枱有叫到。吾洗五分鐘隻土匪雞就到左，上菜速度十分驚人，隻雞既擺位都幾出位，打卡一流，肉質都吾錯，最主要係有得自己切。鐵板黑椒豬手亦相當正，今次叫的幾個菜都要自己動手，幾有趣！至於蜆芥鯪魚球炸得幾乾身，個醬汁幾特別，酸得尼帶點甜，又不像普通酸甜醬。相當腊味煲仔飯就比下出，分量同個煲不成正比，友人笑言係咪畀人食過。整體黎講，食物都十分出色，一貫有大牌檔風味，值得推薦！P.s. 飲品在店無得叫，要在街口的士多買，是次只喝茶，但走的時候留意到士多價錢亦可接受。

色香味俱全, 惹味又地道小炒店.大排檔的桌和椅, 室內有冷氣開放. 今次係第二次來到, 平日晚上九時左右, 座位很多不用等位, 之後陸陸續續也有其他客人入座. 店內沒有汽水飲品供應, 需自行到附近的士多店購買, 好近的. 五個人點了五碟餸, 份量很大. 我地無叫飯, 但全部清晒. 啫啫芥蘭煲十份惹味芥蘭爽脆, 但沒芥蘭味的. 凍食豬腳仔豬腳仔爽的, 味道帶辣. 豬腳仔, 好細隻, 似乳豬的腳仔. 煎蠔餅香口香脆蠔餅每口有蠔, 不會粉粉的. 蠔大大隻. 好味!蒜香骨排骨里面沒有味道肉質OK, 但較乾身. 炒聖子仔看似走壳似的但聖子壳全在底. 帶辣, 聖子炒得剛好.

同朋友去完街，一行8人夜媽媽搵地方食宵夜。結果揀咗12:00am仲未收舖嘅大中華啫啫通菜煲一嚟到見到又聽到“咋咋”聲已經好吸引，食落好香好夠味蒜蓉蝦乾蒸勝瓜本身好少食勝瓜，但係連埋啲蒜蓉食又幾惹味，勝瓜都幾甜👍🏻下次可以再食黑椒鐵板豬手呢個好好食，黑椒味好香好濃，又夠多汁🤤送飯一流豉汁炒蟶子蟶子夠大隻肉又夠厚，而且好新鮮，抵讚冰鎮王鱔鱔片好爽脆好鮮甜👍🏻點wasabi加埋青瓜一齊食好正生炒骨雖然唔係特別嘢食，但係甜酸都適中，又唔會好痴牙，啲肉唔會乾哂，幾好味冰鎮墨魚片墨魚好鮮甜好淋👍🏻唔會好似有啲其他地方咁靭，咬到咀都攰哂🙄XO醬爆腩仔最愛食腩肉😍用XO醬爆好香好正，又係超好送飯。加埋個黑椒豬手真係可以食成兩碗飯🤭