大中華飯店 (已搬遷) 新店位置

Item: 大中華飯店
Rating: 2
Author: 奧志雷

Tai Chung Wah Restaurant

3.5

373 食记

味道

环境

服务

卫生

抵食

21102

长沙湾

$101-200

粤菜 (广东) 海鲜大牌档少盐少糖食店

199

资讯:
餐厅:	大中華飯店

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

奧志雷

等级4

2.1K

跟大伙們挑戰完利東邨玉桂山，浩浩盪盪食個晚飯。竟然無酒牌要去隔離士多買？而且士多有 Promotor 駐守既？勁搞笑有趣，仲有冰桶提供添呢﹗售價 $100 蚊 4 支大 Asahi 抵到爛呀﹗

餐牌點解用殘體字，不是給香港民族食嗎？將餐牌揭上揭落，我都唔敢發板喇，價位偏高，怕朋友們覺得太貴啊﹗要自己寫單？怕您唔識睇我既字喎，問米都唔掂，而且加單要出門口搵返張單真係好鬼麻煩喎。

內籠簡陋，衛生環境一般，非常自助陀地飯店，真的有點不慣！差點想放棄轉場。自己落單寫單，沒有飲品提供，要自己到隔離士多購買，外賣盒自取，自己包裝帶走。

小炒王，蝦乾、韮菜花、韮王、腰果兜埋一碟，單調欠鑊氣，油淋淋平平無奇。南乳吊燒鱔，無燒的感覺，炸的嗎？南乳醬分開上不是一齊煮嗎？怪怪的。如果咖哩牛腩但咖哩另上，即炆牛腩點咖哩汁？鬆脆炸漿沒什麼味道，包著嫩嫩白鱔肉，剛剛炸起一咬輕煙飄出，讓炸鱔滾上濃濃南乳醬，幾香口但有點咸，一試無妨。

清蒸花蛤，明明係馬刀貝。簡單就是美，全晚最好食既一道菜。留意時間蒸到開口即刻第一時間上菜，鮮甜彈滑散發海水天然咸香，不用任何調味，無添加極美味。燒鵝一隻，沒什麼驚喜或感動位。細小偏瘦的燒鵝，起碼無肥膏無油淋淋，只不過無咩肉食。皮香肉嫩，香料味道清爽宜人蠻不錯。

黃金鮮魷，厚厚的脆漿，咸蛋黃菜色好少用到脆漿，正常只會薄薄一層粉底呢。先脆後彈，咸味適中不過份，魷魚味就不太食得到。珊瑚石斑，另外仲有道菜珊瑚蒸蝦，所以推論珊瑚係個汁，其實唔係條斑叫做珊瑚石斑。原來只不過撈泰式雞醬，失望到極點﹗勁咸炸龍脷柳，腍劈劈而且還是腥腥地。

豉油皇煎美蠔，依道菜讚呀！豉油惹味可口，吊出鮮蠔味道，肥美蠔肉飽滿多汁，蔥段炸得非常香噴噴。西蘭花炒牛肉，極鬆腍劈劈滑嘟嘟鮮牛，醃味混濁。西蘭花還算爽甜無過火，合格唔難食。南乳一字骨，雖然炸到油淋淋反晒光，話晒新鮮出爐。異常香口，面脆內嫩，肉汁滴滴，好很彈的質地，溫柔的南乳味，滋味無窮可作招牌菜。

酒糟鮑魚，嫩滑彈彈的，酒醇溫和，甜美輕輕酒香不嗆好食的。蒜蓉粉絲蒸蟶子皇，碟凍殼凍，上檯時沒半點煙。蟶子肉微暖，過熟像魷魚質感，有微弱鮮甜味道。趙為有砂，使我食到戰戰兢兢。不是一味大就好食架，中形會更易處理更美味，試一次便夠。

鹽焗奄仔蟹，香噴噴的鹽焗蟹氣味，上菜速度快到不敢相信，預早蒸好再用鹽翻焗？給我一公一乸兩種風味。焗得過熟，肉及膏都有點乾，幸好肉極甜極鮮，蟹仔細細食得不方便。原盅花膠燉螺頭湯，特濃香甜的老火雞湯味道，肉香螺鮮，雞腳黏黏，薄衣衣花膠滑滑。最緊要啖湯，滾熱辣雞味超然醇厚。

土匪雞，原來要預訂，。好采發現得早，朝早打電話，夜晚有得食！帶好套準備就緒自撕雞，立即扭掉美腿，外層暖暖，裡面熱辣辣，雞油雞汁飛射，這種高溫我雙玉手還免強承受得到。雞皮沒半點脆意，乾乾腍腍的。最嫩的髀肉，少少綿的胸，雞味濃而醃味單調平庸，設置精美的普通咸雞。

金銀蛋浸豆苗，愛食炒菜的我對此道菜色一般，豆苗翠綠爽嫩清甜，夾著高湯咸蛋皮蛋肉碎，濕濕享受也不錯。臘味煲仔飯，無蠔仔粥沽清轉炒飯。只得一煲唔夠分，叫兩煲都只係每人分得一碗仔，大大隻煲但份量超級少喎。撈完先上檯既？微暖唔夠熱，唔係滾熱辣所以使到油感極濃。

我想食飯架！但沒怎麼有飯食，滿口都是蔥花、花生、臘肉、臘腸、膶腸，飯粒比例少得可憐。大量蔥花，臘味肉也不少，但硬掘掘既？每啖都係脆卜卜的花生，微燶帶苦的飯焦，嚥韌的臘腸臘肉，氣味超級芬芳十分吸引，但食味單調麻麻地，沒有衝動想食多碗。飯焦多過飯粒趙到索索聲，不及當年的美味高質，劣評如潮！朋友們齊聲抗議。