大中華飯店 查看

营业中

休息中

饭店离地铁站有段距离，行都去热腾腾但好彩冷气够晒凉.但如果好像我我甘弱质编编记得带多件风褛仔。讲返食物先，本menu都有返甘上下厚，图文并茂，菜名都几有创意，有少少冲动想叫个"肉鲜肉死"，但友人目标非常清晰，只叫主打热门菜式（土匪鸡、铁板黑椒猪手、琵琶豆腐、蚝饼、蚬芥鲮鱼球、腊味煲仔饭）。本来去到先叫到menu话土匪鸡要预订，友人当堂吓一吓，然后得啖笑，但其实食头围（六点至八点）既都有得叫的，同埋可能土匪鸡都吾算平（再念返，个名都俾哂tips），所以都吾系好多枱有叫到。吾洗五分钟只土匪鸡就到左，上菜速度十分惊人，只鸡既摆位都几出位，打卡一流，肉质都吾错，最主要系有得自己切。铁板黑椒猪手亦相当正，今次叫的几个菜都要自己动手，几有趣！至于蚬芥鲮鱼球炸得几干身，个酱汁几特别，酸得尼带点甜，又不像普通酸甜酱。相当腊味煲仔饭就比下出，分量同个煲不成正比，友人笑言系咪畀人食过。整体黎讲，食物都十分出色，一贯有大牌档风味，值得推荐！P.s. 饮品在店无得叫，要在街口的士多买，是次只喝茶，但走的时候留意到士多价钱亦可接受。