大中華飯店 (已搬遷) 新店位置

Those worst 大排檔 I have ever been . 首先，有乜理由讓自己抄寫落單，第二上菜係大力拍落枱。第三啤酒係唔凍嘅。仲有喺個燒鵝檔裏面，一路擔住支煙，一路喺度燒乳豬🫥最最最緊要係，冇一樣嘢係好食嘅。1）燒鵝冇肉食，味道可以😩2）豉椒炒蟶子鹹到爆😳3）啫啫芥蘭煲，我哋每人食咗一條之後就冇郁過，苦澀，啲菜係霉嘅🫣4）炸大腸，一啲都唔鬆脆🥵5）隻炸乳鴿唔算細隻，係不過又乾又喊🥲好想撐香港大排檔，但係呢間真係唔掂🥺

📍大中華飯店長沙灣福榮街539號地下生活在香港，當然時刻都要幫襯下本地菜，大排檔絕對係一個很好的選擇。三人行叫咗5個餸菜，事實上，睇餐牌乜都吸引，乜都想食😄🍚凍凍地煲仔飯是必然之選，叫咗個臘味煲仔飯($90-HKD)，熱辣辣香噴嘖嘅煲仔飯，停不了口呀。🤤🦪蠔餅($90-HKD)，份量是例牌，炸得很鬆化。🥬金銀蛋浸白菜仔($100-HKD)，清清地，普通啦。🐔啫啫雞煲($150-HKD)，雞煲有半隻雞，有蒜頭，洋蔥同薑葱，所以好香口，好惹味。🐷本來想叫南乳一字骨，但無，所以叫咗椒鹽骨，都好香口，啖啖肉。

最怕出咗啲名的大排檔～因為在隔離MCL睇戲，順便過去食吓啦（不抱期望），果然不出我所料。食物好一般（愛X生好過佢三倍以上）、價錢唔係平、服務態度極差、細碟、沙蜆當花甲、落單後不能加減修改、1小時15分鐘要走、入口太多，坐到老遠的隔籬街…….1）豉椒炒花甲：用沙蜆不是花甲。痛苦地搵到一個員工問，啲態度差到呢😡（係唔睬你。係咁㗎啦，你食唔食吖的態度）。有沙，我啲牙真係多謝你。沙蜆細粒、30%是空殼。2）小炒皇：我最失望。細碟到冇朋友。韭菜花80%有渣。完全冇鑊氣。食過大埔、深水埗、柴灣….等食店的遠比這一間好很多。3）蠔餅：正常4）墨魚餅：冇墨魚味。5）椒鹽豆腐粒：裏面是凍的。原因是炸完之後擺喺出邊，冇員工攞入去行1分鐘先到的隔離街舖頭，天氣凍擺喺出邊等凍啦。做好咗個朵，之後未能保持，又怎可能keep住一班客人呢！

店鋪特別之處是需自己手寫下單，飲料也需稍移玉步到指定位置購買。當日7點到步，只有少數客人，730左右就已經滿座。·招牌鐵板黑椒豬手 $150上到枱個鐵板仲係好夠熱所以仲「滋滋聲」，豬手約大拳頭兩倍，豬皮軟淋淋超入味，而且完全冇豬毛清得好乾淨。肉嘅部份都好淋，用叉刮一刮啲肉就跌晒落黎，配埋啲洋蔥食，好有驚喜！另外黑椒汁係超濃味超杰撻撻個種，超餸飯😋·原隻土匪雞$260 （需提前預定）大中華的土匪雞是原隻用鐵架掛起上枱，客人需自行手切，店舖會提供刀叉和手套。雞油邊切邊流在鐵盤上，肉汁豐富，皮脆肉嫩，味道突出😋個人認為不用配旁邊的醬汁已經很夠味。·小炒皇 $110份量足，鑊氣夠，非常適合餸飯。·酥炸大腸(價錢忘了）冇食過咁脆嘅大腸，外脆內軟的感覺。·豉油王煎美蠔 $140蠔身飽滿，肉汁鮮甜，表面的蜜糖令味道層次更豐富。粉絲蒸扇貝$55@1扇貝比想像中大顆，水準正常。

大排檔真係買少見少！尤其是係夠晒鑊氣嘅大排檔🔥最近成日都好想食大排檔啲小炒😚聽朋友推薦就過咗嚟長沙灣呢間大中華飯店🫶🏻果然冇令我失望😘😘😘啲鮑魚炒到好爽口一啲都唔韌👍啲魚都好入味👍味道一流菜就正常～～想食大排檔嘅話一定要食呢間

話說今日同屋企人四個喺港島區玩完之後，大家心血來潮見咁早，又趁平日啲人未咁早放工，就拿拿聲去長沙灣一直想食嘅大中華啤一啤佢，去到大約七點左加，人流好彩唔算多，所以都好快搵到位坐。首先一嚟就當然兩支啤啤佢先啦... 聽人講呢間嘢好出名，撞正我哋都好耐無食過大排檔，咁就啱喇，最後叫咗四個小菜四個人食：椒鹽骨拼酥炸大腸、小炒王、燒鵝半隻、椒鹽白飯魚、白飯，我諗都好夠。因為客唔多，所以啲嘢食好快都陸續上枱喇~~~ 首先一黎燒鵝半隻，見到佢賣相都唔錯，已經急不及待試下，佢嘅燒鵝賣相都幾靚仔，但入口時外皮唔算脆身比較偏淋，而肉質我覺得一般未算去到好好食，可能前嗰排試過喺荃灣一間幾出名嘅燒味鋪試過佢個燒鵝，有用荔枝柴去燒，所以真係香得黎又皮脆肉嫩，不過唔緊要啦，味道都算唔錯。跟手到小炒王，基本上每個大排檔都有佢獨特嘅小炒王，呢間嘅小炒王有韭菜花、腰果、有的菇同魚仔等等，炒得都好夠鑊氣都好好食，而且即叫即炒好夠熱，送飯一流，不過如果有大大條嘅蝦乾就更加正。之後到椒鹽骨併炸大腸，呢個雙拼份量恰到好處，又唔會太大碟驚食唔晒，所以呢個份量啱啱好，椒鹽骨好食，都話永遠即炸即食係最香口，佢就做到呢個效果，好食!

這間大排檔主打食鑊氣小炒、海鮮及廚師推介、粥粉麵飯, 每晚都坐無虛席, 整條街都是大中華的大排檔, 建議提早先行訂位這裏很特別, 需要自行手寫菜單然後交去樓面😜我們點了黑椒鐵板豬手🐷每枱都見到的名物, 熱辣辣小心燙手, 豬手份量大、黑椒味濃又入味, 非常軟稔、啖啖肉, 骨膠原豐富, 必食推介👍🏻黑椒鐵板肥牛粒🐮除了主角肥牛粒, 還有配菜薯仔及西蘭花, 肥牛粒肥瘦剛剛好有咬口, 加了紫洋蔥更加香氣十足椒鹽骨拼炸大腸兩款都是我喜歡食, 可以雙拼選擇實在太好了, 椒鹽骨外酥內嫩、非常惹味炸大腸略嫌炸得不夠香脆椒鹽炸豆腐椒鹽港式風味皮脆內嫩, 十分可口, 細細粒一口接一口食不停, 份量比較多鬼馬雙星出面是油炸鬼, 內餡是墨魚滑, 出奇地夾, 外層香口帶點脆身、墨魚滑爽口彈牙, 非常有層次, 配啤酒一流啫啫芥蘭煲🥬揭開鍋蓋嗞嗞聲很吸引, 味道濃香,芥蘭夠爽脆臘味煲仔飯入秋必食佳品, 臘味、花生、香蔥很暖胃惹味, 底部有大量飯焦, 焦脆可口還帶點甘香, 必點推介😍環境是有冷氣的大排檔, 飲品需要自行出樓面購買, 枱比較大適合一大班朋友聚會, 沒有限時, 鑊氣小炒水準仍保持👍🏻

一大班人成日唔知可以去邊到食野，去大排檔就岩哂🔥大家可以嗌餸一齊share又唔怕傾偈會嘈到人🍻。今次去揀左呢間朋友介紹既舊式飯店，因為大熱天如果坐outdoor都幾辛苦🥵所以就去呢間有室內位置既小菜館試試🍲。大概個日就嗌左呢啲餸，款款都有鑊氣夠水準，而上菜速度都快，加單都無亂👍🏼計埋酒水人均三百幾蚊左右，飲飽食醉都算係咁😋。🐒椒鹽九肚魚🐒椒鹽鮮魷🐒酥炸大腸🐒小炒王🐒炸子雞(一隻)🐒同甘共苦(冷鮑魚苦瓜)🐒黃鱔煲仔飯🐒水煮魚🐒孜然蝦。餐廳都有房可以book🍴但就有最低消費$3000蚊，想私隱度高啲既都可以打電話預約🗣

知道及行過喱間嘢好多年，都冇興趣去今日有個朋友突然間話喺附近想試佢6：00先坐低，伙記同佢講話要7：30枱😒落單仲要自己手寫字落單🧐食咗蝦米節瓜炒粉絲勉勉強強當合格一字骨又乾又鹹同另外梅菜扣肉嘅肉同汁都完全冇應有嘅味！仲有個傳菜男性嘅夥記以為自己好大隻有型咁又唔戴口罩我都要講句唔想講嘅把X！我哋準時7：30走仲有大半吉枱😏

Happy Friday ！！約左同六個朋友聚舊，朋友話想食下大排檔風味喎，所以揀左交通方便，位處九龍的大中華！大中華係好有氣氛嘅餐廳，我會用「室內大排檔」黎形容。去用餐時有好多人都三五成群，大聲講大聲笑，我成到十點都在有人入座！諗起三四個月前仲停緊晚市，真係仿如隔世。活在當下，要好好珍惜有得見朋友，六七八個人一枱的日子！大中華啲野食係偏「邪惡」的，有不少油膩野食，我地點左炸子雞、豬手、炸大腸等的地道美食。坦白說味道不突出，價錢不是最經濟的，但氣氛無價，好似去返大學食宵嘅感覺😆約一班好耐冇見嘅朋友食飯high 爆，大中華係唔錯嘅選擇：）

一大班朋友一齊食飯嘅好處，就係可以叫多幾款小菜試！記得預早打電話去book枱，就唔需要浪費時間等位！Menu上嘅餸樣樣都好好味咁！餐廳係自己寫低要叫咩！咁就白紙黑字，唔怕店員落錯單！酥炸大腸即叫即炸再即上，外脆內軟，非常有驚喜！大大條，大大件，8人食，前菜嚟講份量相當足夠！椒鹽鮮魷新鮮鮮魷，炸得香脆可口，又係有外脆內軟嘅口感！好味！香煎墨魚餅呢個墨魚餅非常出色！大中華必食！足料墨魚，非常彈口，而且煎至金黃，賣相一流！加上好多塊，唔怕唔夠食！咸魚煎肉餅都算係一款喺中式餐館/茶餐廳好鐘意點嘅小菜！因為要肉餅煎得脆，再加一定要食到咸魚，其實並不容易！可惜，大中華嘅咸魚煎肉餅就幾令我失望！雖然火候控制得好好，肉餅煎得金黃香脆，可惜肉餅肉質一般，有少少散，唔夠彈牙。咸魚味可以再多少少會更加正！南乳吊燒鱔又一款大中華名物！鱔片大大片，成塊炸再切，外皮非常脆口！鱔片魚肉彈牙！再加上南乳醬一齊食，非常特別！生炒骨呢度有生炒骨，無咕嚕肉。一款去大排檔必試手勢嘅菜式！味道OK，份量都大，係肉量少咗啲，但整體OK！鐵板黑椒肥牛粒用鐵板上，熱焫焫，黑椒味濃！但始終講明肥牛粒，牛粒真係相對肥！假如瘦少少會好啲！

piggy 好鐘意食白鱔，呢個南乳吊燒鱔送啤酒送可樂一流🤣🤣🤣煲仔飯有飯焦夠乾身😋 鵝腸夠入味再肥啲就仲正😏😏仲有幾樣嘢無影，啲人食得太快🙈🤣🤣🤣 人均百幾ok la 🤭食物💛💛💛💛💜環境💛💛💛💜💜 服務💛💛💛💜💜 打咭指數💛💛💜💜💜 回頭指數💛💛💛💛💜

我們一行6人，好耐無試過咁多人坐埋一抬一齊食晚飯吹水，真的好開心🥳本人第一次食大中華，聽聞都幾出名食小菜。今晚分別叫咗5餸一湯；鐵板黑椒豬手- 好濃味、野味😋；炸墨魚餅 -好彈牙、有口咁，好味👍🏻；炸豬大腸&燒排骨 - 因本人不太喜歡食肥膏，所以唔太鍾意豬大腸，而排骨炸得太乾，麻麻地；南乳吊燒鱔 - 鱔夠脆而唔會太多粉但南乳醬本人自己就麻麻,所以唔加醬食都好味😋；豉椒抄鵝腸 - 這個超級濃味，成抬人食咗一、兩啖就無人食；通菜啫啫煲 - 好野味，本身應該最鐘意就係這個菜（但由於晚飯有限1個半鐘用餐，而這個菜就夠菜才上、所以不能慢慢品嘗😩，而湯就叫芥菜鹹蛋湯（第一次飲）都好濃味，幾特別都ok。整體而言：食物大部分都好重味，但就可以食到一些酒樓或西餐廳食唔到款式，同埋可以感受大排檔氣氛，喜歡重味的朋友不妨一試。而飲品不能在餐廳落單，要自行出門口購買，好唔方便，希望可以改善。由於係大排檔式，所以無服務可言，而價錢方便，一般唔算抵，亦唔算貴。

乳豬真係冇得頂👍🏻❤️不過要提早訂另外炒菜都好正👍🏻叫咗個魚都好食😋豬手都好食😋而家外賣自取仲有優惠，又送雞，又送炒菜，燉湯都好清甜，值得一試，如果坐得唔舒服嘅，可以外賣自取，係一個好選擇

之前食過男朋友買的黑椒豬手，味道唔錯。趁今日（6／1）仲有堂食，我哋帶埋家人一齊去試試堂食，7：30去到，等位到8：00入座。 我哋叫左黑椒豬手（ 豬皮軟淋淋，豬肉唔會乾柴，個黑椒汁甜甜辣辣幾惹味）炒雞什 （好香，一黎掛住食唔記得影相）蠔餅 （即炸蠔餅，我覺得好好食）咸蛋仙魷 （外脆內軟，又唔會過咸，一定要再食） 西蘭花扒冬菇（一般）脆炸皮蛋 （個樣好衰，味道ok）豉椒鵝腸 （個樣又黑又油，但我覺得幾好味）椒鹽排骨并炸大腸 （呢個不會再叫，排骨乾柴，大腸軟淋。。。）希望疫情快d退去，會再次享受堂食的豬手，外賣味道雖然都好正,但一定不及堂食熱辣辣美味。