影片
更多
2019-08-21
769 浏览
幫媽媽慶祝生日，今晚食懷石料理，呢度既派別正名係割烹。今晚有5個師傅輪流大曬廚藝，仲有2個侍應招呼我地，係超精彩又學到野既一晚啊。前菜係京都豆腐腐皮，黃色啫喱係木魚高湯製成，帶甜，旁邊有紫菜醬，帶鹹，仲有紫蘇花添，美觀上已經一流，口感亦好豐富，而且爽涼開胃。跟住就有呢個根本就係藝術品既一碟。完全唔捨得食啊。暖暖既焗蛋，中間係鮮彈既蝦。跟住呢個草球，內有松葉蟹肉，外面鋪滿海苔，超有驚喜。南瓜百合朝聖，南瓜蓉配上百合蓉，簡直軟糯無比。北海道白粟米，炸起後超脆，脆皮下又鮮甜，中間有驚喜啊，原來係明太子。師傅介紹明太子要用針筒打入去架。低溫八爪魚士多啤梨醬，上面係風乾士多啤梨，師傅話要一塊塊刨再風乾，超有心思。蛋黃海鮮，外面好似葉既一塊野，但其實係豆做既皮，包到好似燒賣咁，入口即溶！跟住就有牡丹蝦，上面係魚籽醬，上面啲花都食得，將蝦肉放係米紙上，分別係紅豆味、墨魚味、玫瑰味。花竹蝦湯，打開面頭既蘿蔔薄片，下面係一團蝦，超彈牙，旁邊一粒粒係麵筋，第一次係湯入面見到，幾有咬口。個湯簡直完美，就算清晰透明，依然超有蝦味，原來用左蝦頭尾一齊煲，果然真材實料。呢個海膽飯好足料，底下係海膽醬，上面係海膽、
前菜係京都豆腐腐皮，黃色啫喱係木魚高湯製成，帶甜，旁邊有紫菜醬，帶鹹，仲有紫蘇花添，美觀上已經一流，口感亦好豐富，而且爽涼開胃。
跟住就有呢個根本就係藝術品既一碟。完全唔捨得食啊。
暖暖既焗蛋，中間係鮮彈既蝦。
跟住呢個草球，內有松葉蟹肉，外面鋪滿海苔，超有驚喜。
南瓜百合朝聖，南瓜蓉配上百合蓉，簡直軟糯無比。
北海道白粟米，炸起後超脆，脆皮下又鮮甜，中間有驚喜啊，原來係明太子。師傅介紹明太子要用針筒打入去架。
低溫八爪魚士多啤梨醬，上面係風乾士多啤梨，師傅話要一塊塊刨再風乾，超有心思。
蛋黃海鮮，外面好似葉既一塊野，但其實係豆做既皮，包到好似燒賣咁，入口即溶！
跟住就有牡丹蝦，上面係魚籽醬，上面啲花都食得，將蝦肉放係米紙上，分別係紅豆味、墨魚味、玫瑰味。
花竹蝦湯，打開面頭既蘿蔔薄片，下面係一團蝦，超彈牙，旁邊一粒粒係麵筋，第一次係湯入面見到，幾有咬口。個湯簡直完美，就算清晰透明，依然超有蝦味，原來用左蝦頭尾一齊煲，果然真材實料。
呢個海膽飯好足料，底下係海膽醬，上面係海膽、三文魚籽、黑松露。海膽超級鮮甜！
個器皿原來限量版，日本已經無做喇，香港都非常少有，呢度有30隻，非常難得。放既底盤都有講究，將器皿放淺色木枱上顏色暗啞，擺落深啡色木盤竟然變螢光藍，太神奇喇！
脆麟金雕，下面係金雕魚骨加龍蝦頭做成既汁，超重龍蝦味！魚鱗真係超脆，全部都食得架，同軟軟既魚肉一齊食，口感好豐富。
食完之後就食埋旁邊既薑牙，亦叫明河，味道幾似薑，但比較爽，又唔辣，可以中和口感。
跟住就食和牛，首先整熱隻碟，令和牛無咁容易凍。係鹿兒島A4和牛，前面一劃係洋蔥醬，低溫調製。蘆筍兩旁係XO醬仲有芥辣籽，法國白蘑菇，係焗完再燒。和牛簡直入口即溶，每切一下，半熟既牛既血水就流落下面既洋蔥度，超juicy啊。
黎食日本野竟然有risotto！呢個黑松露意大利飯轉用日本糯米，唔會好似平時既risotto 飯咁生，卻帶有黏性，且更入味。味道超有菇味，原來係用左燉過花菇既水，所以菇味濃郁。
另外就配上麵豉湯。
最後甜品就係抹茶奶凍，用北海道3.6牛乳，上面既抹茶超厚超足料！同下面甜甜既奶凍一齊食，甜度剛好，係呢餐完美既終結！
张贴
