夜梟 (已結業)

今日同朋友去左尖沙咀The One 行街買聖誕禮物，行到累就係附近搵食。見到呢間餐廳好多人介紹，一於去試下。一上到去見到餐廳分開兩層，3樓係酒吧 5樓係餐廳，裝修好有風格，有種神秘嘅東方色彩，裡面枱嘅數目唔多，私隱度好高好有格調。 白酒煮蜆蜆肉好新鮮好肥美，每一隻都係冇沙，配埋白酒煮，更加突出蜆肉嘅鮮味。食落好開胃，好適合做前菜，令胃口大增！妃子笑東波 （ 慢煮東波肉配荔枝果涷）東坡肉用左慢煮嘅手法代替傳統山嘅炆煮，令成道菜式變得有咬口，而唔係一味得個淋字。食落亦冇傳統嘅咁肥膩，肥瘦層次分明。用沙律菜及苦瓜配碟，清新嘅感覺平衡番豬肉嘅油脂。慢煮羊膝配腐乳汁呢道菜就好似精緻版本嘅羊腩煲，但用料更講究﹐用左羊膝肉。煮出黎比羊腩更嫩更有羊肉味，仲有響鈴做配菜，吸曬濃郁嘅腐乳汁，好好味！店員仲好細心幫手切開幾份，等我地唔洗自己分得咁辛苦，值得一讚。橫行無忌炒飯呢個炒飯真係幾橫行無忌，用左幾款蟹嘅材料，蟹子蟹肉蟹膏蟹味菇，食落口感好豐富，炒飯粒粒分明。

喺媽媽去旅行前同佢食餐好專登book左呢間fushion菜，俾佢嘗試下呢類新穎餐廳。餐牌菜式唔少，好多菜名都好特別。我地叫左幾款一齊share。避風塘虎蝦好大碟呀！啲蝦唔止大隻，亦非常新鮮，配上熱辣辣的香炸蒜酥，非常惹味。炸蒜酥咬起來不但酥脆，更帶有濃郁的酥香，好開胃。我同媽媽都好滿意。清酒煮蜆喺唔少餐廳食過白酒煮蜆，份量都比較少。冇諗過呢到會咁大份，啲蜆仲好大添。清酒經過煮熱後味道更加香濃，配上新鮮的蜆肉實在是絕配。橫行無忌炒飯店員特別推介呢款炒飯，我地見個炒飯名咁特別就決定試下。果然個賣相非常特別，除了面頭有紫菜外，炒飯中有蟹籽、蟹肉、蟹膏、蟹味菇，再加牛奶炒蛋白，口感非常豐富！推介！妃子笑東波見到openrice有唔少人推介呢道菜，我都忍唔住叫左。慢煮東波肉配上荔枝果凍，還有少許苦瓜作為配菜，味覺上有多重享受。東波肉果然好好味！非常香嫩。整體好滿意！值得再黎。

今日同好姊妹黎左一間特別GE餐廳位於尖沙咀金巴利道-夜梟, 餐廳係3-5樓, 3樓係酒吧 , 好有氣氛 , 一入去黑色裝修,很有型, 而且佈置得好有香港味道, 並設有室外, 可以比客人係對街位置飲下酒, 傾下計, 在繁忙工作中得到放鬆.到了餐廳的5樓, 餐廳怖置是以中國風, 環境清靜.至於講到我地今晚點了,黑松露湯係最好飲,松露好香, 飯方面-橫行無忌炒飯, 飯上有蟹子,蟹肉及蟹膏 外面脆似飯焦咁 , 好香, 重有係牛小排, 咕嚕汁酸酸甜甜, 肉質嫩, 好好好好好味, 好味的食物要講5次, 還有乳豬仔, 皮薄肉嫩, 超正, 甜品鬼馬油炸鬼真係好好食, 微辣朱古力火鍋 , 沾上油炸鬼, 好香肉桂味, 值得一試!輕輕鬆鬆的過了開心的晚上, 期待下一次再試

早前朋友介紹這家夜梟頗有特色，主打Fusion中菜，價格適中，環境有情調，於是今晚就和女朋友來試試水準。餐牌選擇多樣，主打各式的Fusion中菜，以新穎的方式重新呈現各款經典中菜。光輝歲月先來一客小食，光輝歲月其實是炸薯條，用上三種不同種類的薯條︳包括美國白心薯、日本紫心薯及本地紅心薯，薯條切得粗炸得透，熱辣辣的魅力和香脆的口感，配上黑松露醬刺激味蕾，十分開胃。妃子笑東坡慢煮的東坡肉，一看已經十分對辨，肥瘦均勻而又厚凡三吋，入口才有肉汁豐盈，甘腴可口之妙，配上荔枝泡沫及果凍同吃，芳香適口，腴而不膩，比一般的糖醋美妙得多。配菜的豆干及苦瓜亦同樣出色，加上一點豆豉提味，簡直一流。慢煮羊膝配腐乳汁以西廚常用的羊膝代替羊腩，自有另一番風味，一咬慢煮羊膝，有軟滑中而帶柔韌的口感，輕輕的羊羶味更是畫龍點睛，羶非腥臭，反而是種由蛋白質形成的濃郁滋味。醬香馥郁，南乳、柱侯、腐乳味道融和，香氣四溢。煙肉忌廉汁刀削麵以山西刀削麵取代意粉，做出這道Carbonara，先是刀削麵中厚邊薄，入口外滑內筋，越嚼越香，更有點al dente的感覺，Carbonara醬汁口感柔和，濃稠香滑，每一啖都滋味豐美。

餐廳位於尖沙咀，地鐵一出行5分鐘就到。一上到去見到好大個招牌，而且餐廳裝潢好有少少中國風，但所有既餐具都係西式，中西合璧，令人覺得好特別。MEUN 選擇非常多，而且每一種都好特別，餐廳仲會改一D奇怪既菜名吸引你，菜式非常有創意，絕對會意想不到。頭盤我地就叫左個薄切三文魚配木耳沙拉，呢個有別於一般三文魚沙律。利用木耳做沙律菜，題材非常新鮮，而且賣相好靚，成道菜就好似一朵花。三文魚好有鮮味，木耳就有D似涼伴木耳，一食落去估唔到咁夾，味道豐富。之後鐘意食意大利飯既我當然要試下餐廳既慢煮叉燒配咸蛋意大利飯，叉燒飯成日食，但溝埋一齊真係第一次食，所以都非常期待，一上到碟，賣相除左D飯唔同之外，真係成個叉燒飯咁 ，意大利飯好CREAMY ，而且軟硬適中，最驚喜係上面既咸蛋黃碎，成個飯有一種特別既香氣，咸蛋同白汁又幾襯。天氣凍就梗係要食個羊腩煲暖下身啦，西式既羊腩煲你又食過未。慢察羊膝配腐乳汁，呢味菜連爐一齊上，配料多，而且羊膝非常淋，腐乳汁好香好濃，如果呢個時候有碗白飯就好。另外餐廳都準備左響鈴，響鈴索晒成個汁，非常惹味。甜品就揀左個鬼馬油炸鬼，睇下你有幾鬼馬先。甜品非常靚，邊食邊欣賞，西式油炸鬼

Girls night約了這間。夜梟店名，頗考我文化和膽量咁。。。 👻👻夜都可以了，覺得是飲野的地方？梟？是什麼字呢? 考中文字嗎？ 我地時不時自嘲不多識字的， 偏偏又放不低。咬文嚼字 係常識。咁要上番堂中文先😂~驚梟」又作「鴞」，鳥名，即貓頭鷹。《說文》：「梟，不孝鳥也。日至，捕梟磔之。从鳥頭在木上。」 詳解: 「梟」是會意字，象鳥頭掛在木上之形。古人重視孝道，傳說以為梟長大後會吃掉自己的母親，所以想滅梟的族，捕殺後懸掛梟頭在木上示眾；並常常以梟鳥製作肉羹食用。《史記‧孝武本紀》：「祠黃帝用一梟破鏡」，集解孟康曰：「梟，鳥名，食母。破鏡，獸名，食父。黃帝欲絕其類，使百物祠皆用之。」　　《正字通．木部》：「梟，鳥生炎州，母嫗子百日，羽翼長，從母索食，食母而飛。關西名流離。又土梟，鷹身貓面，穴土而居。又《漢儀》：「五月五日作梟羮賜百官，以惡鳥故食之。亦作鴞。」另參「烏」。後引伸為古代刑罰，「梟首」即把頭割下來懸挂在木上。「梟」又有雄健之意，與「驍」相通。《字彙》：「梟，勇也。」《後漢書》：「劉備有梟名」，李賢注：「梟即驍也。」參「驍」。拋低黃帝 百官 要勇。行啦~婚紗街~頗鐘意它在3一5

舊同事約食飯吐苦水，因她下班比較晚，所以到她辦公附近的餐廳等，她訂夜梟原因是可以望到我數年前曾工作的寫字樓，這裡清靜舒服，適合傾訴聚舊，中式佈置，中西式食品，我們是最後一枱離開的客人，故可拍到室內沒有其他客人。其實每當有困憂的時候，記得找途徑舒發，不應積壓太多不悅情緒在心裡。光輝歲月$783個不同地方的蕃薯，粗條但軟硬度適中，香脆可口，每種蕃薯帶不同甜度，不蘸黑松露醬也好味，加了是多吃一份層次。橫行無忌炒飯$168蟹子，蟹肉，蟹膏，蟹味菇，鮮奶炒蛋，再加帶子，提及的食材也吃到，上菜時碟子是燙手的，估計是整碟放入焗爐內再烤焗，所以圓球飯面脆卜卜，之後才加上伴菜(因沒有脆口)，炒飯香口，如果蟹味濃點會較理想。慢煮羊膝配腐乳汁 $228曾考慮點羊架還是羊膝，因同樣是配腐乳汁，向侍應查詢分別，原來羊膝是用煲上，所以點了；羊膝煲還配有響鈴，羊膝也彼大件，侍應哥哥把牠切開，方便我們挾來吃，整個鍋像羊腩煲，但沒有羊腩汁的鹹，不會過杰，不肥膩，一點羶味也沒有，肉腍皮滑，還有竹筍，馬蹄，冬菇，西蘭花，煲仔小小，但所吃到的羊肉感到不會少於一個普通羊腩煲，我們慢慢吃，因有底火保溫，響鈴新鮮，記得汁多時灼來吃

Fusion菜係我近排愛上既菜式之一，因為每次食 每次都會有驚喜，今次就搵到黎尖沙咀呢到！夜梟型到個招牌佢分咗2層 下層係bar既設計，上層就係中菜廳咁餐牌花膠，響螺，龍蝦湯 $128 賣相唔洗多講啦，望落去已經知唔稀 入口好有口感，花膠有兩舊 龍蝦味勁濃厚 飲完仲有餘香係口到，正煎北海道帶子配藜麥沙律 $108 帶子香甜爽口，藜麥反而想講下 意外地夾沙律同帶子 三樣加埋係有化學作用 食唔停口！妃子笑東坡 $158聽名就知將傳統既東坡肉改良，慢煮低溫煮東坡肉再加入荔枝味既泡沫係上面，個味係好獨特 平時食東坡肉係重味加肥瘦六四比例，呢一個豬肉味道好出 又無咗陣(蘇)味 仲有荔枝既甜襯托住 一試難忘！絕無誇張橫行無忌炒飯 $168姐係好多蟹部分加埋既炒飯，蟹迷必嗌(溫馨提示，隻碟熱到一個點 黎到唔好搵手掂，事關小弟已經拿咗野！)總結，妃子笑東坡必點 尖沙咀fusion菜又發掘到一間

家姐生日,冇理由唔請佢老人家食飯呀嘛(?!)中西日韓意泰菜我哋都差唔多食過哂,要搵一間比較特別嘅餐廳都真係有小小難度,好彩家姐喺尖沙咀區番工,搜索嘅範圍可以縮窄勁多喇只要佢收工行幾步過三幾條街,就可以搵到呢間喺金巴利道叫做<夜梟>嘅貓頭鷹餐廳食fusion特色菜,咁啱得咁橋,家姐仲要係好鍾意貓頭鷹公仔嘅添!!!今次我真係做到嘢呀~初初冇為意,搭𨋢上到三樓,原來三樓係<遊戲人間>嘅酒吧區域,要醫肚就麻煩行多幾級樓梯,上到五樓雅座喇。餐廳嘅裝修別具風格,有古色古香嘅木條裝置,又有鳥籠吊燈,微暗嘅燈光整體感覺都好grand咁,環境靜局慶祝生日真係一流。睇埋個餐牌之後,樣樣嘢都好想叫,款款都新穎有趣令人想試。花膠,響螺,龍蝦湯($128蚊)：呢款湯淨係聽個名就已經夠氣勢啦係咪先(?!)三款最上等嘅食材,中西合璧嘅融合製作煲出嚟嘅湯,味道的確冇令人失望,龍蝦味超級濃郁,希望家姐唔好介意我哋兩個人只share一碗啦~慢煮叉燒配咸蛋意大利飯($158蚊)：叉燒原來係黑毛豬嚟,感覺頓時高級了不小,叉燒用慢煮嘅方法令到肉質更為入味,甜甜嘅烤醬加上軟腍嘅口感,叉燒香味盡出,

今日同老公黎到尖沙咀食呢間中西fusion菜，環境十分清靜！上黎談下心飲返杯都唔錯！菜單上的款式都十分吸引，樣樣都想食，但兩個人叫太多又怕哂野，但最後都叫左兩款食，都已經食得十分滿足先黎個「慢煮叉燒配咸蛋意大利飯」$158呢個慢煮叉燒同一般叉燒十分唔同，呢到既叉燒肉質十分淋，仲好juicy!唔會太咸，感覺仲健康過食出面一般既燒叉燒咸蛋配上意大利飯更是美味可口！十分惹味。「妃子笑東波」$158慢煮東波肉，肉質又係一款十分juicy！厚厚既東波肉肥廋分明，配上荔枝果凍更特顯肉質既香味！「陳皮啤」$98啤酒帶出微微的陳皮香味，帶一點點微苦！但我本人接受到！用黎配東波肉一流！

約左朋友晚飯，一直未定食什麼好，就上左某apps（有折這個）睇下有咩介紹，見到這間「夜梟」個環境幾好，食物嘅名字又幾特別，就決定試一試！Menu 入面差不多每頁都叫了一款（其實menu就只有這三幾頁）頭盤：手撕雞配青瓜啫喱～冷盤，麻醬汁加上好多條狀嘅啫喱，幾好味飯/麵：刀削麵配煙肉忌廉汁～刀削麵就食得多，但用用忌廉汁就第一次，幾有創意主菜：烤羊架配腐乳汁～有5小件羊架，7成剛剛好，好軟滑配腐乳汁，味道好似食緊羊腩煲甜品：鬼馬油炸鬼（香辣朱古力油炸鬼）～6條麵包冬甩條，炸得幾好，唔會太油，未點朱古力都已經覺幾好味，再點埋個朱古力汁馬上又去了另一境界，個朱古力汁好得意，辣辣地嘅朱古力真係好少食飲品：菠蘿特飲（不太記得個名）～好酸，普普通通嘅飲品這店環境幾寧靜，三五知己傾下計都是不錯的選擇但如果沒有折扣，價錢就比較貴了點！

尖沙咀食肆選擇多，想找一間有特色有氣氛，食物又特別的餐廳，這間必定是驚喜好選擇。樓上店佔三層，酒吧的環境，中西fusion的裝修完全設合食物的特色。是晚點了：東坡肉：話明fusion,中菜的肉但整法似西式扒般烹製，美味又特別魚湯鱈魚：西式魚用中式的湯調製，又是一項特別的crossover花膠龍蝦湯:中西合併，無得歎四色黑松露薯條：四種味道的粗薯條配上黑松露，一次過滿足五種口感和味道花味手工黑啤：特別，味道還不錯整體來說環境氣氛舒服，freestyle有點嬉皮感覺的地方。食物設計有心思有驚喜，而且夾得出色，味道美味碟碟驚喜絕對適合好友暢聚品嚐美食的好地方。

Late entry. I went to this restaurant with my friend on Wednesday and it was the first time we went to a fusion restaurant. Chinese names of their dishes were creative and fun (if you couldn’t read Chinese then it’s a shame 🙈). Interior of the restaurant was great, it’s quite comfortable and tables were separated nicely (that provided some good space and privacy between tables). Food wise, for appetizer we had the sautéed clams and it was nice. A bit too salty which covered the natural flavoring

一個新的商業大樓一個西餐廳，午餐買一送一還有芝士蛋糕午餐可選湯或黑醋蔬菜沙拉燒肉眼牛排128$ 原價大虎蝦天使面面條幼細入味很不錯👌兩個靚女要煎鱸魚我選薯仔蓉是一個稀稀似醬汁多點的薯泥但魚是廚師慢慢煎香的這樣我很喜歡😘只一個鮮製的飲料檸檬茶或水用中國特色熱水杯裝這樣很討女孩子歡心小小的芝士蛋糕也有士多啤梨和藍莓堪稱經典作品當中最愛的是煎鱸魚的皮薄薄脆香廚師用了時間最不習慣：套餐沒有咖啡不過到埋單時，看著價錢倒是稱得上開心價的。

夜梟名字非常特別既餐廳上到去佢有分酒吧同埋餐廳樓層呢間餐廳主打fusion菜式，餐牌上面既菜式都別具新意，不過選擇就唔算好多。今次我就簡左一道北海道帶子配藜麥沙津做頭盤，帶子稍稍一煎，即刻香左好多，而下層既藜麥比較健康，食完會覺得罪惡感太減。主菜分別點左「橫行無忌炒飯」同埋秘制鹽焗雞。橫行無忌既意思其實係講緊炒飯入面有蟹子，蟹肉，蟹膏等等既食材係入面，而個炒飯炒起左之後係會再焗一焗先再上枱，蟹膏焗完之後滲入哂係個炒飯入面，令到呢味炒飯更加惹味。而個鹽焗雞則由一舊好厚既麵包皮包裹住 打開之後飄出尼既雞香令人食指大動。呢度除左野食特別之外，餐廳既裝潢亦都好值得留意，呢間夜梟大家不妨可以一試