夏雪 (已結業)

我們那天先要了一個「初戀」及一個「黑夜迷情」的飲品，及叫了些小食。到該兩個飲品到達後，我們發現該「黑夜迷情」竟有咖啡味(因為我有朋友說上一次喝時是沒有咖啡味的)，而我朋友是不可以接觸咖啡的，故我們隨即打開餐牌看看其成份，上面只寫著「薄荷朱古力」，並沒有提及有咖啡成份，我們便向其中一位店員查問，此時有一位叫Pierre的店員，說該飲品是有咖啡味的，因為朱古力會帶有咖啡味。我們很奇怪，為何朱古力會有咖啡味，他說一定會有，我便跟他說那咖啡味很濃郁，應該是弄錯了，請他嗅一嗅時，他跟我說：「此飲品是我們做的，我們當然知道用什麼來做的！不用嗅了！」而我問他那為何餐牌沒有寫有咖啡時，他只是說一定有咖啡，但沒有解釋何沒有寫於餐牌。到我朋友問他可否換另一款時，他說：「我們收回此飲品都只會倒掉。」意思是不會跟我們換。我覺得客人是絕對可以要求轉換的，因為你沒有說有咖啡不是我的錯，故我以後都不會再去此餐廳的！

um..聽朋友介紹話呢到刺身好好味好新鮮,咁諗住去試下啦! 一上到去一樓,開頭望落去好似環境好大好靚咁....環境睇落去大a, 原因係因為佢裡面四周圍都係鏡面,視覺上睇落好大其實係呃人,睇到人眼都花埋,too bad!!好..到睇menu同Bf諗左一陣,諗住叫侍應落order,等左好耐都無人理囉,等到有人黎之後,個"女侍應"態度勁勁勁差,粗手粗腳,粗聲粗氣,放低oD碟時,又呯呯聲,好似唔想做咁!!oD食物比想像中一般,係個阿拉斯加卷,雞軟骨ok囉，我覺得刺身就得三文魚好味囉,又厚,都幾新鮮....不過講真呢到ga服務態度真係十分十分極度差,我未試過去一間日本料理咁差,好在唯一仲有得一個人叫做ok就係個男經理都ok,雖然有小小粗心大意,但總算幾親切..唉!! 真係食到一肚氣!!..激嬲

由於公司在夏雪附近，所以一星期都會幫襯一兩次，起初開業的時候感覺好好，因為食物質素以那個價錢而言不算貴，而且食物的賣相亦不錯，可是服務質素真係每況愈下，在我的角度，我所付出的金錢除了是買食物之外亦是買服務的，夏雪盡其量只可給你前者。食物方面除了這裡的拉麵我覺得是超難食之外，壽司及其他熱食是不錯的。我特別喜歡午餐的汁燒雞扒飯，雞扒的皮煎得香脆，很特別。特飲也很多選擇，加6蚊一杯不算太貴。希望餐廳方面可以改善一下服務素質，因為全部的員工都不是為客人服務的。

我次次黎食都係下午茶,因為想價錢都算合理. 等我分開講下pos & cons啦os:1.) $16-$2x 一個下午茶都算合理;2.) 杯野飲幾大杯但係太多冰(凍飲加$2,特飲加$6);3.) 個李小龍炒飯都幾好食.Cons:1.) 服務認真麻麻,員工又無咩笑容,永遠唔會主動"針"茶,而且d茶又唔夠熱;2.) 永遠個跟餐沙律都係最慢,試過無一次唔駛吹,而且對上一次仲係走剩我地最後呢台(下午茶)都未黎沙律,吹左超過六次,吹佢就幫你跟一跟,唔吹佢又停左唔幫你跟;3.) 要加$6換特飲就貴左d囉;4.) 勁多人吸煙,成日都要食人地二手煙;5.) d位好窄,如果兩個人,只有兩張window seat係坐得下;6.) 冷氣太凍;7.) 永遠都要你等位等餐死,試過夜晚十一點幾想食少少野都等左半粒鐘都無位,後來走人;8.) 原本下午茶一向都係由2:30到6:00,但係最近改左星期六日就由3:00開始.總之就係....等~等~等~等~等~如果唔駛等,我諗樓下都唔駛咁多人等位~

同男女朋友想食餐傾到計既飯千奇咪去話說朋友介紹呢間野,好似講到唔錯咪去試下羅上到去一樓坐低睇完餐版諗住叫啦待應都唔見個,等左陣先見個女待應出現,好彩座位都ok呢個長髮侍應態度確差羅,面無表情,眼望望問野唔愿答,要敬業樂業嘛我都未問完佢好似想走咁答完即走喎,連叫野既時間都無,但當時又唔多人之後上菜....D碟似模似樣,但個長髮侍應好粗魯羅旺角姐,話晒都係一間日本餐廳收得唔cheap上親菜都"ping ping pang pang"有次過份到我台面有隻空碟唔拎走先擺菜不特止(張台又唔大)夾硬用碟菜推隻空碟入去,幾大聲呀...隔離台都望過來羅,個度都唔靜架,勁樣衰....佢個隻右手擺低碟壽司,左手先來拎走隻空碟羅使唔使咁懶呀未食完停左手姐,又想拎走隻碟,好彩手快阻止左姐趕客咩...中途有個著西裝既男侍應態度ok羅但見佢都唔夠兩次,全程對住個唔想做既女侍應真係完全覺得自己去左茶餐廳!!!收錢仲慘!!擺低少少都唔怕死!!好似比佢自己睇咁!!!定還是寫多左怕人見到激氣到睇都唔想睇,我地比完錢即閃呀

有私人野同個朋友傾, 出o黎旺角諗住求其搞掂一餐再去Starbucks. 呢度環境好騎呢, 長長咁, 我地兩個人基本上o係同另外四人share 一個L型梳化O既, 好在唔算太冇privacy. 唔餓, 於是只o係叫左三個小食同一個麵. '黑蜘蛛卷'同'軟殼蟹卷'都o係暖暖地, d飯好散, 好在味道okay, 兩者都有d香口, 不過個軟殼蟹卷o既軟殼蟹肯定o係炸粉多於一切. 另外個朋友食鹽燒檸檬三文魚腩, 我冇試. 豚肉拉麵個豬骨湯好香好香, 但所喟豚肉同普通日本叉燒冇咩分別, d'拉麵'就好差, 好似稍微粗些少而煮到淋晒o既公仔麵. 呢度最特出o既o係野食o既賣相, 非常之presentable. 服務算o係咁, 我地坐左o係度齋吹水都冇人趕, 可能o係當時人客唔多啦.

今日行開旺角見有廿幾蚊o既日式午餐,於是去試下.我地三個人一上去,見唔係咁多人,個侍應居然叫我地坐轉角位,超級迫!又唔係冇位,我地當然唔肯,重轉坐張四人.叫左海膽炒飯,天婦羅飯同阿拉斯加壽司餐,另叫飲品雪之戀.阿拉斯加壽司其實即係三文魚加牛油果卷,size好細,總共四件,味道尚可但唔見有牛油果;個餐重有碗九州拉麵送,碗麵細到無倫,份量又小,麵身好"林"似公仔麵,不過個豬骨湯底ok.杯雪之戀係香蕉加乳酸,但係其實似冰沙多d,味道麻麻.反而海膽炒飯同天婦羅飯都ok,份量夠而且味道可以.另外侍應唔多得,冇表倩外重成日自己企埋一邊傾計,禮貌亦麻麻.另見到隔鄰檯叫set,d魚生顏色好差好似唔新鮮咁,睇見都唔想食!

2/1同男朋友去開旺角見到有間新日本嘢,又唔洗排隊咪上去試吓囉,嘩,間嘢真係唔係好掂,1.D 位太窄,又可以比人食煙,有通風係統都唔好啦2.壽司質素一般,SIZE又細,又唔係太新鮮,係有少少新意,我哋點咗李小龍卷,係兩種唔知咩蟹加埋的壽司,但完全唔得,蟹好乾身,麵豉蜆肉湯完全無蜆味,3.侍應只問你D野來齊未,唔要就收,好似趕人走咁下過間嘢都有好嘢的,就係不停為你加水,個雪景都幾好

新開張時來過, 恐怖經歷可參考在下早前食評。這次剛看完如果.愛, 9 點幾, 就走來看看, 因在旺角實在沒有好的日本店不用排隊。由於有前科, 呢次來度, 都小心d, 坐在2 樓門口飄雪位, 友人很鍾意。服務都係麻麻地, 但總比上次好, 至少呢班waiter / waitress 反應快d, 但笑容都是欠奉。叫了幾款sushi, 細細件, 賣相都幾精美, 比較創新, 味道也ok! 最等别是叫了一個牛油雜菌鍋, 但來了一個煎pan... 見waiter 生手的把牛油塗上面, 玩著煮飯仔, 又幾攪笑, 心中暗想這個吃得的嗎? 煮得熟嗎? waiter 行開就論到我們玩著, 試試煎pan 上的菇, 又真的是熟喎, 味道又不差, 都幾好玩, 呢個煎pan 煮雜菌就玩左成半個鐘啦! 去到旺角, 其實夏雪是可以一到的, 但就不要抱太大期望, 要排隊不如去返d 人鍾意排隊的元氣吧! 而服務質素, 應該是要碰碰運氣的了!

今日食下日本菜,去到一睇就知都係港式日本野呀叫左個金古卷,炸蝦,壽司,面豉湯.金古卷,金古吾係咁新鮮,炸蝦多粉,壽司d飯都幾實下,面豉湯都ok,幾十蚊冇乜太大其望

呢間野食過２次，之前食過個海膽飯幾好食，不過講番今次先，叫左個ｓｕｓｈｉ　ｂａｒ、西班牙海鮮意粉同２杯ｄｒｉｎｋｓ，ｓｕｓｈｉ既用料唔係太新鮮，個意炒又唔係好夠味，我個ｆｄ杯提子ｓｏｄａ又整到成杯ｏ者喱水咁既味．．．間野冷氣又唔夠，個ｗａｉｔｒｅｓｓ又心不在弦，好在坐２人台可以望下街，如果唔係間野咁既環境真係有少少趕客～！

琴日去左食哩間咁既野！去之前已經有晒心理準備！點知比我相像中仲要差！！！服務OK啦！都有成日加水既！但D食具好dirty LOR！！野食啦，舊舊壽司都好細，咁都算啦！仲要衰到連外觀都唔靚！最好食而又外觀都ok既得”海膽汁焗豬扒飯”但應該改改名，叫”芝士焗豬扒飯”！！仲有就係日想收野！雖然我係停晒手，但我代表我唔食！個個都走黎問”仲要唔要？”早知行遠少少食”和花亭”好過！

成日聽人講呢間野,我自己就第一次去,同女友2個人咁就叫左辣汁吞拿魚壽司--個辣汁其實冇咩味...s o 只係覺得佢係一舊大o的同埋加左蟹籽o既鐵火卷牛肉烏冬--牛肉都係用一般肥牛,不過烏冬就用左稻庭烏冬啦,所以口感較好唔會一咬就斷開,湯底略甜鐵板雞扒--呢個就真係差少少啦,雞扒細件之餘個汁又唔好食..好似同茶餐廳個o的差唔多味咁..仲有叫左幾樣壽司...同元綠咁上下水準..唔得..環境就唔錯,同埋服務都唔錯,坐近玻璃位又可以望下街,但係食物就真係好普通囉,唔太值呢個價

第3次去summeryuki~一向野食麻麻~~學生仔黎講晚市就唔值~~10點去係門口等左10分鐘左右~佢同我地講一陣好快~呃人~又話我地係o靚妹~年齡歧視中....我已是一個成年人~~之後上到去點野食態度差~~我d fd食完左~~佢就叫我地點野飲~~我地冇叫~佢就黑面~仲一直眼啤啤~~之後我地食完係度吹水~都成11點啦~又唔係人多又冇人等~~d 待應同個ar頭4個企哂係度眼啤啤咀upup~~由冇叫野飲到食完哂係咁啤~~個ar head又走過黎叫我地點野食~好似想趕人走咁~~好cheap~~野食又唔好味~~service又差~~又有煙咪~~之前都唔係咁~~好唔滿意e餐~~

星期五晚八點鐘當然要等位. 登記o既小姐話等五分鐘,呃人.o野食方面,好多新構思. 例如李小龍卷即係軟殼蟹加松葉蟹加蟹子卷物. 甜酸苦辣即係由三文魚,吞拿魚,甜蝦,海膽組合o既杯裝壽司. 初戀即係用青瓜片卷o既三文魚軍艦. 味道唔差同埋價錢平. 可惜係旺角,枱與枱之間空間極窄. 食完即閃就冇問題,想傾下計都無謂啦.可能人老o左,都係唔鍾意咁多花臣.