夏雪 (已結業)

新開張時來過, 恐怖經歷可參考在下早前食評。這次剛看完如果.愛, 9 點幾, 就走來看看, 因在旺角實在沒有好的日本店不用排隊。由於有前科, 呢次來度, 都小心d, 坐在2 樓門口飄雪位, 友人很鍾意。服務都係麻麻地, 但總比上次好, 至少呢班waiter / waitress 反應快d, 但笑容都是欠奉。叫了幾款sushi, 細細件, 賣相都幾精美, 比較創新, 味道也ok! 最等别是叫了一個牛油雜菌鍋, 但來了一個煎pan... 見waiter 生手的把牛油塗上面, 玩著煮飯仔, 又幾攪笑, 心中暗想這個吃得的嗎? 煮得熟嗎? waiter 行開就論到我們玩著, 試試煎pan 上的菇, 又真的是熟喎, 味道又不差, 都幾好玩, 呢個煎pan 煮雜菌就玩左成半個鐘啦! 去到旺角, 其實夏雪是可以一到的, 但就不要抱太大期望, 要排隊不如去返d 人鍾意排隊的元氣吧! 而服務質素, 應該是要碰碰運氣的了!