夏雪 (已結業)

今日行開旺角見有廿幾蚊o既日式午餐,於是去試下.我地三個人一上去,見唔係咁多人,個侍應居然叫我地坐轉角位,超級迫!又唔係冇位,我地當然唔肯,重轉坐張四人.叫左海膽炒飯,天婦羅飯同阿拉斯加壽司餐,另叫飲品雪之戀.阿拉斯加壽司其實即係三文魚加牛油果卷,size好細,總共四件,味道尚可但唔見有牛油果;個餐重有碗九州拉麵送,碗麵細到無倫,份量又小,麵身好"林"似公仔麵,不過個豬骨湯底ok.杯雪之戀係香蕉加乳酸,但係其實似冰沙多d,味道麻麻.反而海膽炒飯同天婦羅飯都ok,份量夠而且味道可以.另外侍應唔多得,冇表倩外重成日自己企埋一邊傾計,禮貌亦麻麻.另見到隔鄰檯叫set,d魚生顏色好差好似唔新鮮咁,睇見都唔想食!