夏雪 (已結業)

尋日同朋友共三人去食，七點幾唔洗等位我地坐二樓既窗邊卡位, 都好舒服野食都OK , 食左串燒,咖哩雞翼,雞軟骨,手卷等等仲有o的一壺既特式酒都幾好飲之前好多人話呢間野服務唔好但係尋日我地都覺得o的侍應好好喎其中一個應該係叫阿成既男侍應, 我地多多要求同成日問野都無黑面仲笑笑口主動成日加水，換煙灰缸真係值得一讚仲有個似老板樣既男人走埋哩問我地意見都幾好丫... 唔係想像中咁差唯一缺點係價錢有少少貴

LEE 間"夏雪"真係不知所謂餐廳,兩個人去永遠都等唔倒位既.點解?因為位佢留比4個人座囉.首先問口果位小姐已經態度麻麻成日問住你張飛咩NUMBER但係又唔係比你喎,目的係睇個客仲唔度囉.大佬呀小學生點名牙?答完一次又一次答佢三四次,用個腦記住啦!原本有成10幾人門口等,叫完一張三人又叫一張四人,叫叫三四人全部上晒.剩番晒二人.都不特只,有三人walk-in客都未飛仔就話有位比人座.奇怪你有位比四人座叫兩張二人不是一樣嗎??從來去餐廳食飯都係二人比較快.正同男朋友疑惑之際.有一位同我們一樣等緊二人女仕就問佢喇.當然果位小姐就"灑"我話好難折開,係上面經理吩咐,下張二人到你之類.我同佢講""兩個人不是幫襯嗎難度四個人才是,下張四人我四個座你咪當我一齊囉""佢居然再叫一張三人.他媽的!!我即刻上去2/F同部長理論.個部長同我講有張兩人比我我一睇位跟本全部都係一張U形卡座,鐘意2人又得3人又得不過係搭果种只係中間擺盆花隔開跟本唔係獨立一張.只係間餐廳唔想浪費兩張二人一張U形卡座.真係不知所謂餐廳完全不理客人感受以後都唔會再去,開旺角既"夏雪"完全不可登大雅之堂.

星期五晚同男友行旺角, 去到呢間餐廳樓下, 見佢好似幾得意, 就試0下, 門口個姐姐叫我去2樓, 一上到去就見到好窄, 個侍應仲叫我0地坐0係一班人旁邊, 搭檯!! 嘩, 我即刻問有無其他位, 個侍應話無, 唉, 算數, 坐低之後就叫0野食, 叫0左一個海膽炸雞軟骨, 炸到過哂龍, 最搞笑0既係0個個海膽汁係完全無海膽味, 只係似少少芝士汁, 真係講唔上係海膽炸雞軟骨囉!! 另外叫0左八件卷物, 味道一般. 仲有一個雜菌煲, 好細size...最後叫多一個咖哩雞亦, 0的雞亦炸得太耐, 而且唔夠味, 只係普通雞亦加一碟咖哩汁俾你點.我覺得最差0既係我男友落下面一層0既洗手間時就發現下面好多位, 但係都要我0地搭檯, 仲要係打長型咁搭檯(5個人沿住牆坐), 而唔係打對面咁搭檯...真係勁古怪!! 唔怪得知星期五晚黃金時間都可以即刻有位坐啦!!

總之就真係冇野好.冇野值得留戀!!首先先講下座位安排上面.明明有其他位.死都話另外個位好.都話怕凍ga la...點都要你坐果個位.卒之我同我朋友就凍左成餐飯!!d風吹到正正...even 有要求過佢將冷氣關細d..但係好似冇分別咁...而且服務態度就差差差!!人手好好好不足.好心就真真係請多個人啦...有d人就躲在廚房掛住玩.完全冇人理.做野既真係少之有少.而且都係掛住玩囉.叫到你就扮見唔到.叫埋單都冇人理!!!再者.食物方面.上菜速度真係唔想提.慢到死死聲.我同朋友你眼望我眼咁.又鬼死咁凍.等左差唔多半個鐘先有得食...又痛人跟!!!問題仲要係食物質素真係一般到唔一般囉.仲要等咁耐!所以決定以後都唔會再去!!

上星期日同男朋友去旺角, 行到3點幾, 決定上去試下呢度個下午茶. 之前睇過食評, 自己d friend又話試過唔掂, 都諗住無乜要求, 志在睇下個場同埋睇下係咪真係咁差!去要留下, 已經有人等位, 不過我地都係等左10分鐘都都有位喇, 係二樓窗口二人位, 真係好彩! tea 確實抵食, 我地叫左三樣野食, 加兩杯特式飲品(每款加$6):滑蛋吉列豬扒飯($16)刺身雜錦($49)火龍卷(4件)+加州卷(4件) ($19)巨峰提子梳打白雪公主個飯好熱, 好味, 刺身又新鮮, 飽到不得了, 又好抵! 下次要再試下晚餐, 同埋會試一樓, 因為好似有水晶簾d privacy卡位, 好想試下.

其實論環境，以旺角黎講呢度真係算幾好。不過Ｄ野食貴到呢．．．我同我朋友２個人，因為食飯時都未餓，諗住食少少野就算，點知都食左個人百幾蚊lor！我真係好少係旺角食超過１００蚊ge Dinner lor！！！食物放面，我地Order左︰１．燒雞沙律所謂ge燒雞，只係一D雞肉ge碎，而且似烚多過似燒lor！沙律就ok la，不過咁都差唔多５０蚊，真係好唔抵lor～２．黑蜘蛛卷如果無食錯，應該係炸軟腳蟹的壽司。不過真係一般到不得了！無乜味～不過賣相取勝lor～３．辣汁三文魚卷個辣汁完全唔辣，毫無特色。不過佢個卷入面加入生菜，爽口的三文魚壽司，算特別，補償返個汁的缺點。４．辣汁海鮮煲今次呢個汁就少辣啦～ok～不過所謂海鮮煲，份量竟然同我平時食ge「海鮮拉面」、「海鮮烏冬」果ｄ餸ge份量一樣lor！加個面，真係似味千的質素呀！但佢無面，都收我味千的價錢！真係啞掉！５．再加２杯飲品我飲ge蜜桃仙子，麻麻地la～唔係差，只係無特色姐。總結︰咁ge價錢，我去長沙灣的三上已經可以食得好豐富，兼好食過呢度多多聲！再唔係去和民都無咁嬲！我唔會再幫趁呢間野lor！貴唔係問題，問題在於貴得黎無水準lor！p.s.

黎左呢度食, 坐二樓一張二人台,地方比想像中細, 但環境佈置有心思!!靚!!打開餐牌, 好多選擇, 點了以下:1.咖喱吞拿魚批- 好味! 好似咖喱薄餅! 餅皮好脆!2.清酒煮蜆: 清酒好苦...應該落左唔少, 抵! 蜆既份量比想像中多, 而且係紙火煱, 都萛幾抵呀!3. 龍蝦汁海鮮意粉: 好味, 意粉似炒過, 夠兩個人share的份量~4. 愛情甜酸苦辣: 賣相好靚!!!讚!! 改名亦有心思~甜係甜蝦, 酸係唔知咩魚生,苦係海膽, 辣係辣味三文魚! 能夠一次過食到呢四種味道真係好正!仲要係同男友一齊品嚐更正!我唔覺得呢度的service好似之前d人講得咁差, 有一位束馬尾眼長長的waitress serve我地, 佢好有禮貌, 又問我地意見, 好nice!! 不過有一樣野要彈, 呢度冇"下雪", 但就極凍!!!一定要帶外套, 而且佢解釋唔可以調高番溫度, 因會引玫地面滑....(其實唔明點解)總括來講都好好, 一定會再黎!!

昨晚二人到此用膳，點的菜式不算多，而且是最普遍的物。1) 北寄貝刺身--- 算新鮮。2) 蟹柳壽司--- 份量不少，而且算甜。3) 清酒煮蜆--- 有酒香，不錯。4) 海膽海鮮炒飯--- 頗香口，而且大份。5) 龍蝦頭麵豉湯--- 龍蝦不新鮮，肉是霉的，而且有怪味，湯過咸。

服務態度已經拉低晒分,我地四個人去食, 差一個未到,佢地都話唔俾上去, 要等齊人先,大部份餐廳過半數都已經可以坐低先..何況三個人同四個人都會係坐四人架啦,唔明有咩分別囉, 大熱天時叫人o係樓下等..跟住d o野食, 細碟到無人有,又唔好食,o個日每人食$100, 但無一個有飽o既感覺囉,之後仲要即刻去對面間仙跡岩醫肚添!!!!d侍應嗌極都無反應,態度輕佻,呢間日本料理已經係列入左我地o既黑名單..唔會再有下次!!!!!!!!

一行6人到此dinner(宵夜)，le度11點後有special promotion，刺身、sushi同drink半價…但係份量好細，eg: 刺身只有3塊囉﹗味道一般，水杯漏水﹗雖然有不是太好的地方，但環境不錯﹗旺角鬧市中的食店中，le度環境真的不錯﹗

今日行開旺角,餓餓地想食tea,就諗起呢度,因為好食同埋平,平均o黎計,一個人22-27蚊,有埋野飲,份量又大,又好味,環境又好,去邊度揾丫,我最like炸蝦卷,好好食,不過唔知點解,我去過成6-7次都未坐過一樓既???不過我覺得美中不足既係toliet問題,2層樓先得o個1個男廁同1個女廁,我覺得少左d law,但係幾乾淨同幾大,但係成日要等,唔係幾好law...

我都去過食一次.. wa.. 叫左杯野飲.. 等左好耐都唔到.. d態度又有d輕佻咁喎..

係出面見到間餐廳都好似幾靚咁! 就選擇左呢間野啦, 等位都唔算等左好耐, about 15 mins la! 入左去想order 野, 個侍應等左唔夠3秒就叫我地快少少! 呢d咩態度呀? 就算幾busy都唔係咁呀?? 仲有入面d位都幾迫lo~ 因為太多人,好似無晒個氣氛咁! 食物質素還可以, 但係比d服務態度拉低晒lo~~~

我前日同朋友去食飯，就試下呢間日本料理，上到去雖然細d，但裝修好靚，好有特色。我發覺有個曲頭髮既waitress 好有禮貌and好有笑容，我同我朋友都覺得佢好得意，就叫佢幫我地落單，佢介紹左個壽司盆，又介紹好多小食，我同朋友問佢有乜飲品推介，佢叫我地試下白雪公主同夏火，飲落都唔錯幾好飲，我地問左佢咁耐，佢都冇覺得煩，服務真好，食完仲問我地好唔好食，咁好服務，下次一定黎。

上星期同三個朋友去食晚飯因為我生日,雖然要等位,但好快就上得去,去左暗暗地o個層都幾舒適~ 都有d情調,但見到d 2人桌就辛苦了桌子細....而且又風口位....食物都算ok 幾有創意...但個"""三色露筍"""細得很...壽司都幾好味幾新鮮~~~d 串燒都唔錯especial 雞軟骨串~~最深刻就係有個waiter 四眼頭髮飛起的~~出蛋糕時居然一路唱生日歌一路行過來~真係有d驚喜~都幾nice 呀o個度d waiter~