夏雪 (已結業)

有一次我到這裡食lunch, 有個類似supervisor的女侍應態度非常惡劣, 鄰座的女士等了很久也沒有人幫她落order, 她叫這個supervisor落單, 她竟然說:"寫野等陣啦, 而家好忙呀!"食物水準一般, 且份量很少, 不值得去

裝修好有特式，不過全場煙霧迷漫，唔食煙嘅人真係會死，唔知重以為佢個場好有氣氛。侍應服務態度非常之差，食物方面又非常之一般，由其係壽司最差。總之一句講哂，以後我都唔會再去！

以咁既價錢, 食物味道都算ok,尤其飲品, 賣相幾好!約左朋友book 左枱2位，但我遲到，侍應哥哥話要等齊人先入得, 雖然只係2 個得我朋友等左好耐, 話想入先, 但侍應堅持要等齊人,最後我朋友話cancel booking, 一個人walkin，侍應商討好耐後先俾我朋友入。最攪笑既係.....入到去有十幾張吉枱!!!係唔係要做勢???

食物及環境水準不俗，可惜待應水準低，試過半價時段光顧，超抵食可惜該時段太多剛收檔的小販經常大呼小叫，令到原本很有氣氛的小店大大降格

食物一般,服務勁差,我簡直想象唔到現在仲有噤差既服務態度,d 侍應係執金都唔笑,叫佢地落單或拿紙巾,佢地個樣會話比你聽你好煩,莫講食物一般,就算好好味,我以後也不會再去。再加上不設非吸煙區,地方又迫又窄,勸大家千萬別去。

我同朋友黎食，叫左個牛肉鍋，都ok，個waitress 仲幫我搞埋隻蛋，唔錯，唔駛自己黎。個海膽汁焗朱扒飯好好味，下次黎都會再叫。d壽司刺身都好好味，好新鮮，再埋好厚。d drink 都唔錯，個waitress推介夏火，幾好飲，好開胃。我覺得d 侍應幾nice，有一個長長地頭髮既女仔成日都有笑容，仲幾得意添，服務都好好呀，仲同我地傾下，我個fd仲話好少侍應會咁添，so下次一定再幫襯。

環境好有偷情feel (黑麻麻ma). D 食物幾特別, 有花過心機去諗. 唔係咁千篇一律. 幾新鮮. 我同D f/ds都覺得ok ga. 不過D海膽炒飯就少左D海膽lor...

星期日打完boxing食野水道橋同呢到我地最後揀左呢到我同另一個frd要左東京海鮮意煬(tomato sauce)有一個沙律--有生菜+西柚(唔知乜sauce)個沙律幾好但個意粉好不知所謂...海鮮係蝦蟆+青口仔(手指尾咁大)tho係$25,都唔使咁cheap呀?~意粉一大pat...好紅...好似好有茄汁點知一d tomato味都冇~有一個frd要左壽司set4件辣tuna壽司+一個豚肉豬骨湯底個湯好粉紅...紅到好假唔太掂environment並不如magazine所講咁正間野兩層但一d都唔大長方形咁我地坐L形位...還可以落雪果個位對住lift位乜野雅興都冇呀...拍拖都唔會揀呢到~

我因為朋友介紹....所以去左試下tea...未上去...已經有個類似飛仔的人嫌我地阻住佢上餐廳..上到去...同隔壁枱超近...d人又食煙...食物係ok...但d飲品好耐未黎...催左一次..第二次催...個waiter仲嫌我地煩...結果等左30分鐘先黎...結帳時...應該要找8元...等左成10分鐘都未找..要我同佢講未找....不知所謂....無下次!!而且勁多飛仔的人行來行去...自己友黎ka...

我一向食開銅鑼灣同尖沙咀既日本料理，星期五晚同女朋友去開旺角買野，從地下望上去見到有間日本料理好有情調咁，就上去試下!上到二樓，一個唔似侍應似飛仔多d既人問我地幾多位，問我地食唔食煙!我話唔食，於是佢叫我等陣，好快就有位啦。是靠牆中間的一方，張台細得好可憐，我己心感不妙!點知一坐低，右邊一對男女噴煙過來(還要是薄荷味的)我女朋友有哮喘病，所以想走!但女友說算吧，忍下吧。於是我就開始叫野食,詳細唔講啦!d 食物還可以，但我發現呢度好多個侍應都好有問題，由其是男的!語氣好似古惑仔，係咪因為間鋪係旺角所以想請呢班伙記呢?~哈哈~~~而且我發現佢地對好多台客都係咁冇禮貌.....我寧願幫趁隔離街賣泰國串燒的幾位阿姐好過!人地又有禮貌又好笑容~

尋日班Friend話去夏雪食,本來我都反對因上次去試過除咗食嘢OK,啲服務就真係麻麻,但見有啲朋又未去咪就吓佢哋.啲嘢食水準保持到,唔錯.但好奇怪,啲Waiter態度Nice咗好多,之前我去嘅時候,一食完就好快收咗啲嘢,好似想我地快啲埋單,但今次就反而無,因為我見到仲好多人排隊.個男waiter仲時不時走過來問我哋夠唔夠食,見啲茶凍咗又幫我哋換過啲熱嘅,有講有笑.最奇係我哋一行4人,本來半價時間有每位最低消費但其中一個朋友無乜食嘢,佢哋都無收足4位最低消費.我哋仲坐咗成2個幾鐘頭,我諗佢哋開始明白華仔嘅 "今時今日咁嘅服務態度仲未夠"嘅道理.如果繼續有改善,我都會返去食.

個次同男友去諗住虐下呢間新野啦一上到去原來入面唔算太大d 位好窄同隔離台好埋~~咁都算啦坐低之後....點知左右兩張台d 人都係吸煙既d 煙係咁噴埋來...好難頂同埋入到去都差唔多台台都食煙~空氣幾污濁下!之後我地問個waiter 有冇非吸煙區..佢好大聲咁講" 呢度係不設非吸煙區"咁我地唯有去第二間食囉!我試過咁多間日本料理~~都未試過坐落之後都企番身既~好唔舒適囉!

同3個朋友去收工去食消夜~11點幾度,去到要等位~好多人,上度去1樓,就有個好似又金毛又長頭髮的侍應大大聲話四位e邊~我成臉都係口水花,我地就好似比人恐嚇咁~之後叫左好多野~因為壽司,刺身,飲品11點後有半價.之後野壽司,刺身都來齊,點知野飲仲未來,就問下個侍應啦~,佢過左一陣就過來同我地講係冇入單既~問我地仲要唔要~,佢真係好冇禮貌囉~咁就當然要啦~到最後都係好耐杯野飲先到咯!d野食就好ok~特長曼魚壽司好熱,好香,三文魚刺身份量比一般料理大件,火龍蝦卷,入臉隻海老好脆好新鮮總括都會再去呀!

我係等到11pm之後半價去食...但只包括sushi & drinks...d sushi好好味, 冇因為半價而令水平下降,推介係海老!!!我encore左嗌左兩次~ 佢隻海老勁新鮮o岩o岩炸出黎出面熱辣辣但入面又食到蝦o既鮮味唔鞋口~但d waiter服務真係差到嘔,係客面前爆粗囉=___='''同埋個環境好迫...佢擺左好多鏡睇到晒對面d唐樓o既人做緊d乜=____=';;;好無奈

可能過左晚飯時間, 所以唔駛等位. 一去到第一個感覺好似去左銅鑼灣Tokyo, 值得一提就係佢個落雪Display, 好有心思, 間唔中會落雪, 加上我坐既位置近風口, 凍凍地, 所以個feel好特別!!食物方面, 成本Menu都好給引, 好想每一樣都試, 但有心無力, 因為之前已經去左築地打底, 所以Order左兩樣.明太子海鮮豆腐鍋- 豆腐滑一滑, 海鮮份量唔多, 明太子汁比較杰身.雜錦壽司- 一客大約13件: 蟹柳, 三文魚, 吞拿魚, 北寄貝, 鰻魚, 甜蛋, 豆腐包, 甘蝦, 海謄, 蟹子, 立魚, 三文魚粒等等……當中蟹子, 海膽D紫菜唔脆, 感覺擺左好耐, 唔係咁新觧.服務方面一般, 但發覺佢地好似冇瓦羹, 多數比鐵羹, 好易辣到個咀, 另外, 豆腐鍋會有個殼跟埋, 就咁放係台面就算, 係都搵隻碟盛住啦! 仲有...D射燈好勁, 攪到好唔舒服, 希望有待改善.