夏雪 (已結業)

知道佢有夜食時段, 所以就去左食了。等位等好耐! 因為夜食半價, 所以很多人!千辛萬苦, 有得坐了, 兩個人叫左壽司拼盤, 海膽炒飯, 甜蝦刺身, 另外仲有兩支酒。壽司拼盤, 壽司份量細, 係因為半價的關係吧! 但都ok既!海膽炒飯, 好食! d海膽好滑, 都幾新鮮! 甜蝦刺身, 3件, 都新鮮既, 唔錯!而我至愛都係佢d酒! 好好飲,幾甜, 岩晒d唔太識飲酒既人飲! overall, 人多d野黎得慢就實會ga la! 侍應態度幾好, 有問必答!

又係我!剛發完一次評語, 就睇下之前既朋友比咩評語啦~點知發現比人呃左!!我地上到去2/f, 雖然冇咩人, 但都好大煙味, 我知有1/f, 但唔知係咪非吸煙區, 於是問個姐姐仔係咪唔同層數分開吸煙同唔吸煙啦! 點佢佢答我冇分, 2層都係吸煙!真係唔睇大家既評語都唔知囉!! 咁即係擺明唔想開多層非吸煙區比我地o者!!咩服務來架呢d?? 迫人吸煙??

難得一日放假，同朋友去食，等足六十分鐘都未有得食，repeat 左三次但三次都漏單，第四次仲好意思走埋來話又落漏一樣(當時係下午茶既非繁忙時間!!)，語氣又差，最後嬲到唔比錢就走人!! 我地都有問佢\\\可唔可以走架，佢\\\又係叫我等，等部長又等幾個字?? 痴線架?? 咪自己走囉!! 我地走個部長先捨得出現，一句sorry都冇，淨係識話我地做咩唔比錢走，仲要成班waiters出來圍住哂我地2個女仔，咩事先! 恐嚇呀?? (亦證明佢\\\地係漏單漏到幾咁得閒~)

試過一次，tea都幾抵，野食賣相好，味道亦唔差.... good~~~~ service唔係好好，waiter係廁所食煙，態度又唔係好好。

食E間野之前,我冇上黎OR黎睇食評~如果睇左可能唔黎~但我好慶幸今次遲左睇.....後生D果D侍應有少少散場~但其他都OK~算有禮貌~主要係想講下食物......其他朋友叫果D全部賣相都唔錯.....至於我就叫左個炸軟殼蟹海鮮炒飯~d蟹達到標準~唔錯~炸GE程度岩岩好~另外d海鮮都算係冇乜都有d咁~個飯食落幾香口~叫餐+$7可以飲d原價$2X ge特飲~不過d位有dd迫~可能係因為坐向角ge關係吧..."ps:單身男仔記住帶走至少一張紙巾走~

本身打算去炳記牛牛，多人就黎左呢到早就係雜誌上睇過呢間餐廳既介紹，想黎架喇地下個侍應冇問我地食唔食煙而我地第１次去，唔知佢分左下層係非吸煙，上層係吸煙區搞到我同朋友係到食足半粒鐘二手煙！叫野食，雞軟骨ｏｋ，但我食唔到雞味吉列豬排飯，雪藏豬排，試唔過焦糖冰砂，冇焦糖味！咩事？熱情果卷物，唯１１樣叫好味既野食講下服務有１個應該高級少少既，幾好笑容但１個應該係普通級，收我朋友既餐具但我朋友係打算唔洗收，叫左佢返黎解釋後佢話「你出聲，我俾過你丫嘛」面色不是太好唉ｄ窗好污糟，落雪都唔靚啦！好失望，以為會好浪漫，就算日頭去都應該幾好ｆｅｅｌ啦，點知明明係２個人都要同另外２個人ｓｈａｒｅ　１張４人檯係可以分開２張檯架啵！但冇人幫我地！冇人加水，見到都唔加果隻呀係！都唔算忙丫，兩點幾，唔通我地係靚妹唔洗好服務？

一個字以可形容呢個餐廳，就係差昨晚同男支點了客意粉我問其中一位Waitress可唔可以比多個叉我,成班竟然你眼望我眼,之後一走了之。最後當然乜都冇比我啦。。。

話說前兩日吃過晚飯後.唔係咁飽肚.醒起這裡消夜是半價的.於是一行三人便來了.首先是.此餐廳正價光顧的話個人認為最好5人以上同行.一來可以訂抬唔使等.二來因為價錢SHARE人多就平宜點吧.晚上十點半入場最抵.半價.人均最低消費是60元.到了這種裝修的餐廳便要有這個準備了.請留意.係剌身,壽司,飲品半價...不可不是所有項目.精明的大家可要小心,基本上人少少重質不重量的話.這裡的東西倒是可以的.如果那天不是要有吃到一定滿足的感覺吧.我只點了剌身併盆,兩客壽司併盆及數款不同的什麼什麼卷..太難記了.以及一壺酒.味道唔錯剌身新鮮度可以接受,壽司幾好呀細細粒.結脹的時候...差一點嚇壞我...596蚊...啊..還沒有打折.這就是我最近到夏雪的經驗

好耐無開評﹐一開有段古。有晚係旺角行到夜要搵食﹐無意中上左夏雪。其實間鋪細細但裝修都算舒服﹐剛坐低猛然記起N年前有雜誌介紹過(插﹐好少好少睇雜誌)﹐就放心間餐館點差到有譜。憑良心講﹐菜式選擇算有(插2﹐材料種類有限﹐其實變來變去都係個幾種食物)﹐侍應儀容唔差﹐味道過得去(插3﹐覺得去左和民﹐可能仲好都唔定)﹐好可惜服務真係麻麻。經理﹐侍應﹐支客似乎都無受訓練﹐無“客人”同“待客”既概念。招佢埋黎﹐個侍應對我地既要求不明所以﹐遊遊地魂咁。最簡單﹐當晚二人叫左幾碟野﹐約二百幾蚊左右﹐要求一片檸檬為魚生調味。侍應問廚房一輪﹐竟然話一角檸檬加五元。我問要兩角咪收十蚊﹐佢話係﹐一定收。燥燥地﹐笑住同佢話﹐你知唔知十蚊可以買幾多個檸檬﹖最後當然沒有接受﹐心諗如此服務﹐點吸引人再返黎﹖其他野﹐唔多講啦。可能係期望問題﹐鍾意街坊式﹐又喜歡酒店式服務﹔不知所謂既就難以接受。上黎Openrice先發覺原來唔少人都身同感受﹐先寫幾筆舒發下﹐希望旺角日後有多D驚喜~

大家去食野時真係要check清楚張單呀~~~~話說星期六晚十點九去食野，因為十點半後d刺身、壽司同飲品都半價，等左一陣就有位，等我地就來入去時，樓下個接待員先話最低消費要每人六十蚊，又唔一早講喎，唔好等我食完先講？不過既然來到，都係照入啦。裏面d燈光又暗，好迷離的感覺，食到好唔舒服，之後埋單啦，因為我地叫左個刺身盆$199、一個金菇肥牛卷$33、一碟鰻魚壽司(好似係$29)、一碟軟殼蟹壽司(唔記得幾錢)、仲有一碟三文魚壽司(好似都係$29)，計埋10%服務費，應該係$204，但佢張單打出來係$244，哇，都唔知有無搞錯，我咪同佢講話條數唔啱，個waiter初初仲死都話啱，我梗係要同佢計清楚啦，之後佢先話個同事淨係計左我地刺身盆半價，其他都照全價計，跟住就同我地再打過張單。經此一役，以後都係唔會去啦，大家去食時都係要計真d。

吾好食,日本菜,但食物好似茶餐廳咁. 是是但但.不過,好平...呢間都係食完一次吾會再去的.

已經去過好多次，以前「NONE 廚」成日落去食。感覺幾好。服務態度一般。好喇，過左一排冇黎咪約同事一齊落去再食過囉。點知......一肚火~ 故事主角﹕三位，由於一位同事放「NONE廚」與其餘兩位相差半個鐘，所以兩位先去。1. 一去到樓下，個WAITRESS仲傻下傻下咁，呆左幾秒先至問我地幾多位。算~ 冇乜所謂，亦唔介意。2. 上到去企左好耐都冇人帶位。開始有D火。都算~3. 等左咁耐見冇人帶位，又見有四個位係我地附近，我地兩個就坐左去四人位。當我地兩個想坐既時候就有WAITRESS 埋黎喇，佢問我地幾多位，我地答三位，佢就話﹕個邊呀唔該﹗仲要笑都唔笑下，講得又快。好戲黎喇~~~~~~~~~~~~4. 點知佢要我地坐六人台同人搭台。本來都冇諗住轉位，但係我地比D 煙包圍住，咁咪同WAITRESS 講想轉返頭先個4人位，因為冇人坐。點知WAITRESS 話﹕「唔得個喎﹗」咁我咪同佢講道理囉~我話﹕「個邊兩張台都有人食煙呀﹗」WAITRESS 話﹕「呢度成層都係食煙架啦﹗」我同事話﹕「我地可唔可坐一樓呀？」WAITRESS 話﹕「一樓我地未開唔坐得個喎﹗」我話﹕「咁你即係焗住我地食二手煙既

去過兩次，兩次都係食tea第一次去不知道這裡有一樓和二樓，樓下帶位的小姐也沒有問我們吸不吸煙，就想也不想地叫了我們去2樓。怎知2樓煙霧迷漫，令我和男友食野又食2手煙!!!!後來男友去1樓toilet時才知道1樓是非吸煙區，真係激死!第2次去時~我已經好醒目咁話要坐1樓~點知果位小姐話1樓冇開~咁我就話走啦點知佢又話問下先~之後又叫我地去1樓wor原來1樓都有幾"木台"客la~仲呃我地話唔開!!咁既人都有........>"<服務又唔係好~~野食又唔突出~~裝修又唔係靚~~唉......好難會再去wor

噚晚一行七人去左食dinner~點左個sushi併盆~黑蜘蛛炒飯~日式海鮮面~什菜煲……味道唔算差ge~冇下面講到咁差~!但我覺得真係唔多抵~如果lunch食就好好多la~味道唔算好好~ok la~但俾我揀~我就寧願食和民好過囉!和民好味好多~價錢都係差唔多啦~但係我食左1人$120~都好似冇乜食過野落肚咁~呢樣真係唔多得~!食和民都唔會唔飽丫呢個價錢~但係service係可以一讚ge~好好服務~

夜晚食飯好奇怪.下面無人排隊一去有位第一個感覺好細好迫仲諗住坐得好舒服點知要搭台服務都ok架叫左北海道海鮮意粉咖哩酥金菇牛三文魚壽司卷. 意粉同普通茄汁意粉差唔多,無海鮮三文魚好似唔係好新鮮金菇牛麻麻地咖哩酥都ok既係日清咖哩個種味不過不失la 佢地收野好快都唔知人地食完未好似叫你走甘貴左d 似住食日本野唔直