壽兵衛 - 壽喜燒專門店

营业中

休息中

前菜四點👍🏻👍🏻👍🏻賣相已經令我開咗胃，每樣擺碟都好靚，包括有白子、水雲醋、蟹膏豆腐、海膽和牛刺身，每樣都好出色，味道同口感各有特色，當中最鍾意係蟹膏豆腐同和牛刺身，和牛刺身包咗海膽同黑松露，味道口感都相當豐富。剌身四點包括金目鯛、牡丹蝦、北海道帆立貝同赤身，其中金目鯛同赤身都非常肥美。有馬山椒茶碗蒸茶碗蒸加入來自日本有馬縣嘅山椒，一貫地好好食。美國熟成肉眼😍可能因為經過熟成，食落好重牛味，入面夾咗大蔥，味道更加香。澳洲和牛舌加入微辣嘅蘿蔔蓉同淡雪鹽、最後淋上柚子酸汁，配搭非常出色，師傅係我地面前逐樣配料加上去，令食慾大增。仙台A5霜降和牛西冷🤤油脂量豐富，口感夠曬軟熟，配上蛋黃同白飯，食落無咁膩。蛋黃同白飯仲可以無限添加。隨碟仲有大量用上壽喜燒汁嚟一齊煮鮮蔬菜，非常香甜，當中包括咗青蘋果，師傅建議最後先食，用嚟減低油膩度。黑松露和牛炒烏冬用番吸收咗和牛嘅壽喜燒汁嚟煮呢個烏冬，再加入黑松露嚟煮，味道好香。

壽喜燒專門店壽兵衛位於銅鑼灣駱克道駱克駅十二樓前菜三點磯煮鮑魚緊緻柔韌；鱈魚白子綿軟柔滑；三文魚籽飽滿配搭蟹膏豆腐滑嫩刺身四點北海道帆立貝肥厚；俄羅斯牡丹蝦鮮甜；鱆紅魚爽滑；中拖羅油潤和牛刺身和牛刺身粉嫩柔軟配搭洋蔥以及柚子酸汁醒胃和牛紫菜卷 和牛他他以及海膽配搭紫菜或者紫蘇葉雙重奢華享受蒸物茶碗蒸蛋水嫩滑溜配搭有馬山椒溫和淡雅香煎牛舌選用舌芯厚切肉質軟嫩配搭淡雪鹽佐柚子酸汁連同洋蔥絲以及辣蘿蔔蓉同埋萬能蔥花層次豐富A5和牛肉眼和牛肉眼肉質柔嫩同時油花均勻搭配南瓜、冬菇、津白以及日本洋蔥可以突出和牛甘甜A4和牛西冷脂肪同樣豐腴同時牛肉相對濃郁配搭春菊、豆腐、芋絲、金菇、甘荀、日本心內美蘿蔔以及青蘋果幫助減輕膩滯感舞茸菇清湯舞茸菇清湯配搭元貝以及日本三葉熬煮清甜和牛炒烏冬烏冬配搭和牛碎粒混合黑松露醬以及壽喜燒汁翻炒惹味甜品日本蜜瓜果肉軟滑香甜配搭自家製雲尼拿雪糕冰涼清爽

餐廳剛開業嘅時候同朋友嚟過過咗幾年再嚟用餐質素仍然保持高水準今次分點左兩個和牛套餐前菜係牛奶凍、鮑魚、柚子八爪魚《和牛紫菜卷》紫菜包和牛肉幾香甜《海膽和牛他他》混合之後放上餅上面食餅脆卜卜牛肉又柔軟帶海膽香甜好味《和牛刺身》甜又滑《海鰻茶碗蒸》有山椒香氣食落有微微辣幾特別《美國熟成牛》熟成牛肉質好淋入口即溶搭配大蔥和紅蛋《牛脷心淡雪鹽洋蔥》牛脷心嫩配淡雪鹽和酸洋蔥味道好夾《A4 +A5 肉眼》A4和A5肉眼都超滑搭配秘製壽喜燒汁A4和A5 西冷西冷肉質厚實點《松葉蟹黑松露滿滿筋子釜飯》松葉蟹搭配黑松露再加上任添三文魚子食落去每一口都爆汁好滿足《和牛炒烏冬》香噴噴和牛烏冬有咬口好味呢餐飯CP值極高我哋兩個飽到捧住個肚走

真心推香港超正壽喜燒專門店壽兵衛，裝修新淨又寬敞，$980由前菜、刺身、蒸物、壽喜燒、主食再到甜品😍食材高級種類超豐富。前菜磯煮鮑魚經香濃醬汁煮過，所以軟熟有甜味。水雲醋物酸酸甜甜幾開胃。蟹膏豆腐上面有一大片蟹膏，味道濃郁。刺身三點赤池魚、大拖羅、帆立貝海膽和牛他他視覺效果奢華，和牛、海膽、黑松露、鵪鶉蛋再配金箔裝飾，啖啖鮮甜好好食！他他口感清新不油膩。調味之後，一啲都唔覺油膩，酸酸甜甜口感軟滑。穴子茶碗蒸大大片穴子，蛋夠滑超級滑易入口。終於到壽喜燒，我有師傅一對一咁樣煮俾你食，可以睇到成個烹調過程師傅掌握火候非常好，牛不會完全熟透，確保最嫩口時候進食！牛舌芯師傅小心唔過火，超好食有咬口，勁香牛味。牛舌心校厚實咬落去爽口，加咗洋蔥做底。呢件嘅烹調煮法係爽脆香煎冇落壽喜燒汁，所以係鹹嘅食法，食落惹味。美國熟成牛牛肉經過索償處理之後會變得更重肉味，簡單香煎配上生雞蛋已經好好食。和牛肉眼勁肥！✨✨ 因為夠肥，主要控制好火候就已經係極品，壽喜燒有專人幫你煮，粉紅色就啱啱好可以食，牛味好香好濃，甜甜地再點廣島黃雞蛋👍🏻和牛西冷相對油脂少，食得輕盈，可以見到油脂紋理清晰，肉香重。滿溢筯子釜飯釜飯由

又到年尾亞女出咗雙糧就帶我去食好西，今次嚟呢間位於銅鑼灣駱克駅十二樓的壽兵衛主打壽喜燒專門店點咗呢個Deluxe Wagyu Set ，食材相當豐富都喺$980再加一，已經有專人為你即席烹煮，而且服務相當到位，可以舒服地享受一頓豐盛的晚餐前菜三點磯煮鮑魚有咬勁味道濃郁帶醬油甜味；鱈魚白子配辣蘿蔔蓉、蔥花及酸汁口感綿滑入口即融；蟹膏豆腐配三文魚子入口滑嫩咸鮮海之幸刺身三點北海道帆立貝鮮甜；鱆紅魚肉質爽彈；中拖羅油脂甘香入口即化蒸物茶碗蒸有雞脾菇、鳴門卷搭配鰻魚及有馬山椒，入口鮮味嫩滑又帶點山椒香氣海膽和牛他他海膽和牛他他配黑松露醬、鵪鶉蛋、蘋果碎及萬能蔥花，食時將所有食材拌勻再伴以最中餅同食，口感及味道層次豐富季節野菜盛盒野菜盛盒的蔬菜材料是用來配搭壽喜燒的肉類同食以減低油膩感美國熟成牛/日本和牛肉眼/日本和牛西冷/厚切牛舌美國熟成牛肉味濃郁香甜卷着大蔥及茗荷配曉宇紅蛋更能帶出肉的甜味A4和牛西冷肉質嫩滑帶嚼勁配搭春菊，豆腐，青蘋果，芋絲，金菇，日本心內美蘿蔔及甘筍多種野菜可減低油膩感A4和牛肉眼肉質細緻軟綿油脂分布均勻入口即化，配搭津白、日本洋蔥、南瓜及冬菇可帶出肉的甜味香煎牛舌芯口感

📍銅鑼灣鬧市樓上有間壽喜燒專門店 全場座位均為席前燒吧檯 大約16個位置 每位師傅負責4位客人 每次上菜都有介紹食材同食用方法 $688價錢已經包括前菜+壽喜燒肉品+茶碗蒸+野菜盛盒+ 飯/烏冬+甜品 但食物已經好豐富!💲 可以加錢升級至$988 有刺身& 海膽牛肉他他 & 帶子菇菌炊飯🔅 先付三點: 海帶柚子佐魷魚& 蟹膏燒玉子& 海雲醋🔅 刺身三味: 珍寶帶子& 拖羅& 鰤魚 拖羅厚身軟嫩 油香魚香濃郁🔅 海膽和牛他他: 用上即切m4和牛粒 配搭海膽同黑松露醬汁作調味 提升鮮味又減少腥味 將生蛋黃撈匀 口感就更為滑溜🔅 茶碗蒸: 蒸蛋口感滑流 吃得出高湯的鮮味～ 配搭鰻魚+菌菇+山椒.. 層次豐富咗之餘 仲好暖胃🔅 壽喜燒shabu shabu- 分成四道菜 每款都有不一樣配搭 🐽日本黑豚西冷片& 豬腩片: 4款菜式使用不同調味配搭 主要用上燒南瓜/ 大白菜/冬菇/大蔥/蘭王雞蛋調味 我最喜歡醬燒豬腩肉片 裹上大蔥絲 配上蘭王紅雞蛋 味道有層次 黑豚西冷片肉味夠香但偏向結實硬身🤔 雞蛋配白飯🐮 A5 和牛西冷 & 厚切牛舌: 屋企人表示火候控制得好 香口但肉質依然保持軟嫩 🔅

聖誕同朋友慶祝節日食大餐，叫左聖誕限定套餐, Christmas menu $1380一人前，套餐包括澳洲和牛、美國21日熟成牛、仙台A5霜降和牛、刺身前茶小食、黑松露烏冬等等，絕對高級享受！✨前菜四點白只水雲醋蟹膏豆腐海膽和牛刺身前菜次序清新食到濃味，非常豐富✨刺身四點牡丹蝦、北海道帆立貝、填身、金目鯛，刺身每件厚切新鮮👍🏻✨穴子茶碗蒸第一次食鰻魚配茶碗蒸，味道原來咁鮮味估唔到咁夾✨澳洲和牛舌聖誕限定，油脂豐富，食物比較爽嫩口冇咁韌上面加少少辣椒蘿蔔蓉、柚子酸汁、洋蔥等等，成個配搭突出牛舌香味之餘亦都非常清新✨美國熟食肉眼(21天)肉質好靚，牛味比較濃，輕輕燒一燒已經即刻可以上碟，配埋蘭王雞蛋，大蔥薑花等，將熟成牛既牛鮮味更加突出✨仙台A5霜降和牛西冷每一片A5霜降和牛好大塊，第一啖先食原味淨係感受和牛既濃香Sukiyaki汁調配得剛剛好，和牛吸收左壽喜燒汁，味道一試難忘，口感上亦令牛肉食落更軟滑再配九州黃雞蛋香又另外一番風味和牛本身油脂豐富，加埋野菜一齊食成個配搭好完美

超正壽喜燒專門店，壽兵衛位於銅鑼灣駱克駅，地理位置優越，主打日式和牛壽喜燒，大自大節過嚟慶祝就啱晒！Supreme Wagyu Set $1280，有齊前菜、刺身、蒸物、壽喜燒、主食、甜品。前菜磯煮鮑魚經香濃醬汁煮過，所以軟熟有甜味。水雲醋物酸酸甜甜幾開胃。蟹膏豆腐，上面有一大片蟹膏，味道濃郁。刺身四點赤池魚、大拖羅、帆立貝、赤蝦。海膽和牛紫菜卷左手邊係和牛牛他他混合蘋果碎，上面大大片海膽超超級鮮甜，可以用紫菜包裹住和牛他他，同紫蘇葉混合一齊食😋啖啖鮮甜好好食！和牛他他調味後口感清新不油膩。右邊和牛刺身視覺效果真係一流，已經調味，和牛刺身本身已蘸上酸汁，口感軟滑。穴子茶碗蒸上面有兩片大大片穴子，蛋火候勁好，超級滑易入口。到咗最吸引嘅壽喜燒❤️職員預告咗啲牛會完全熟透，會以粉紅色形態呈上。會有三種牛三種口味！1️⃣牛舌芯牛舌心校厚實咬落去爽口，都幾大片加咗洋蔥做底，上面加上蘿蔔蓉、蔥同淡雪鹽作簡單調味。煎完之後，牛舌心乾爽帶鹹香，食落都幾惹味2️⃣A5和牛肉眼超好食✨✨ A5和牛夠肥所以好香口，壽喜燒有專人幫你煮，五成熟剛剛好，牛味好香好濃好軟滑，牛肉本身沾有壽喜燒汁甜甜地再點廣島黃雞蛋，配珍珠米

上個禮拜夜晚嚟到銅鑼灣食壽喜燒，我哋揀咗呢間專食壽喜燒嘅餐廳，試咗$1280 set，佢有好豐富嘅嘢食海之幸刺身四點鯛魚口感好新鮮，配埋Wasabi食好正，牡丹蝦食落幾爽口，一大隻牡丹蝦，肉質幾滑和牛刺身好新鮮嘅和牛刺身，將一片和牛連埋紫菜卷捲埋一齊食，好特別嘅口感蒸物魚籽茶碗蒸，好香滑嘅蒸蛋，佢仲有鰻魚喺入面，食到鰻魚嘅甜味，仲有啲冬菇作為配料，層次好豐富，幾獨特又有創意嘅茶碗蒸牛舌好厚嘅牛舌，職員煎熟俾我哋食，肉質幾滑，煙煙韌韌嘅口感幾正日本A4和牛西冷雪花紋狀嘅和牛西冷，配埋佢嘅蛋黃醬食，入口即溶，口感超級豐富，仲有啲白飯，減少佢嘅油膩感，和牛西冷超級正日本A5和牛肉眼高級嘅和牛肉眼，職員煮俾我哋食，佢仲會每一道餸咁介紹，幾鍾意和牛肉眼嘅質感，食落好Juicy，一咬啲肉汁就流晒出嚟黑松露和牛炒烏冬和牛炒烏冬好香好入味，仲有黑松露醬，烏冬吸收咗和牛同黑松露嘅香味甜品係蜜瓜配雪糕🍧香甜嘅蜜瓜🍈食落有好多汁流出嚟，幾鍾意佢嘅雲呢拿雪糕，甜甜地，幾軟滑

位於銅鑼灣既壽兵衛，主打壽喜燒，一入到餐廳就感受到濃厚既日式氛圍。餐廳裝潢簡約而優雅，營造出舒適用餐環境。加上背景音樂輕柔，令人好似去咗日本壽喜燒店。🥢三款前菜：首先係牛乳小芋，滑嫩可口，香甜牛奶與細膩小芋口感相得益彰；柚子胡椒八爪魚，鮮嫩八爪魚，配帶點微辣既柚子胡椒，令口感變得清新又開胃；水雲醋，酸酸甜甜道，爽脆口感好出色。🥢刺身三點：帶子、拖羅、鰤魚。鮮甜帶子口感滑嫩；拖羅油脂分佈均勻，入口即化；鰤魚肉質緊實。🥢海膽和牛他他：黑松露醬香氣與海膽鮮味相互交融，配上蔥花清香，令人一試難忘。🥢有馬山椒穴子蒸蛋：蛋質滑順，微辣山椒令整體味道層次更加豐富！🥢美國熟成肉眼：肉質鮮嫩多汁，口感豐富，肉香四溢～🥢香煎巴西牛脷心：搭配辣蘿蔔蓉與淡雪鹽，牛脷心香氣與辣味互相交織，實在令人回味無窮！🥢壽喜燒：店舖主打既壽喜燒係必試之選！今次試咗日本和牛肉眼同日本和牛西冷，肉質極為細膩，霜降分佈均勻，充滿彈性～另再搭配白飯與生雞蛋，食落每啖都幸福感爆棚！！🥢季節野菜盛合：包括金菇、蘑菇、豆腐、南瓜、芋絲、洋蔥等各款新鮮食材，吸盡壽喜燒汁，香甜又健康，滋味滿分。🥢青豆蟹肉黑松露魚子釜飯：即製釜飯集黑松露、蟹

最近去咗位於銅鑼灣嘅✨壽兵衛✨同媽媽慶祝生日💝呢間專門做壽喜燒嘅餐廳，氛圍高雅又舒適，柔和嘅燈光配合木質桌椅，加上非常友善既店員，令人一入店就有一種賓至如歸嘅感覺😚🥳🔹前菜三點牛乳小芋：口感滑嫩，帶有淡淡嘅甜味，搭配香濃牛乳，好特別柚子胡椒八爪魚：八爪魚非常鮮嫩，加上柚子胡椒嘅香氣，口感清新又帶點刺激，十分開胃水雲醋：食落酸酸甜甜，清爽得黎唔會膩，非常開胃🔹海之幸刺身四點牡丹蝦、帶子、拖羅、鰤魚，每一款刺身都好新鮮～牡丹蝦肉質鮮美彈牙；帶子甘香完全無腥味；鰤魚帶有獨特鮮味；拖羅油脂感豐富，入口即化。🔹海膽、和牛刺身海膽滑溜，味道鮮美～和牛刺身質感柔軟牛味濃！兩者結合，搭配紫菜同紫蘇葉，層次感極之豐富！🔹有馬山椒穴子蒸蛋蒸蛋滑嫩，帶有淡淡嘅山椒香味，十分特別。🔹香煎美國熟成牛牛肉煎得恰到好處，外脆內嫩，洋蔥同蒜芯嘅香味更加係提升咗整體風味～🔹季節野菜盛合非常健康既選擇～有齊金菇、蘑菇、豆腐等多種食材，煮得剛好，保留食材本身嘅鮮味，再索滿壽喜燒香甜醬汁，更添滋味！🔹壽喜燒最期待既環節終於到！用上擁完美降霜既日本A5和牛肉眼及日本和牛西冷，肉質極其鮮嫩、牛味極重，食落細緻柔滑，配上白飯同雞蛋

今日同朋友一齊食高質壽喜燒😍我的最愛😻呢間大推薦～大家要去食！我地兩個叫左兩個餐分享🥰【Supreme Wagyu Set】 & 【Deluxe Wagyu Set】1️⃣前菜三點牛乳小芋、磯煮鮑魚及水云醋最印象深刻是牛乳小芋☺️是日本傳統點心，味道本身不是太甜，但師傅落左糖增添味道👅而鮑魚口感彈牙，好味2️⃣海膽和牛他他及和牛紫菜卷兩款異曲同工之妙！都係一樣咁好食，重點係和牛他他伴上海膽配最中餅或紫菜，鮮味十足🙂‍↕️3️⃣刺身鱆紅魚、吞拿魚、牡丹蝦及帆立貝4️⃣穴子茶碗蒸蛋味香濃，口感細滑5️⃣香煎牛脷加咗辣椒蘿蔔蓉及柚子酸汁，最後淡雪鹽帶提鮮的效果，而牛脷可夾蔥花及洋蔥食用🙂‍↕️6️⃣日本產和牛背峰 肉質結實，配上蘭王蛋更突出肉味7️⃣A5和牛肉眼 九州雞蛋 油脂豐富，口感係近乎入口即溶😃沾上九州雞蛋入口就減點油膩8️⃣A4和牛西冷肉質冇咁油，肉味更濃，最後食青蘋果可解油膩🙂‍↕️9️⃣舞茸菇清湯食完肉類就飲碗湯，可解油膩🔟滿溢筋子斧飯超澎湃😍師傳將黑松露、新鮮松葉蟹肉及毛豆等材料製作斧飯🍚攪拌均勻後便可加無限量筋子！畫面很震撼！超正😍1️⃣1️⃣和牛炒烏冬師傳加上黑松露及和牛肉碎再炒烏冬！味道濃郁！烏冬口感很彈牙😋1️⃣2️⃣蜜瓜，柚

上個禮拜夜晚收工約咗朋友嚟到銅鑼灣呢邊食dinner,朋友鍾意食壽喜燒,我哋就揀咗呢間壽喜燒餐廳試吓~我哋揀咗$980 1個set,好豐富前菜三點有磯煮鮑魚，水雲，蟹糕豆腐鮑魚，食落覺得煙煙韌韌,幾有咬口,水雲酸酸地,絲狀,一條條,有一粒粒蟹膏喺細磚嘅豆腐面,豆腐幾滑刺身三點帆立貝好新鮮，食落覺得幾煙靭，中拖羅好肥美，一大嚿食落覺得啖啖肉 海膽和牛他他海膽撈埋切成一粒粒嘅和牛，刺身中間仲有黑松露醬，撈咗蛋黃醬嘅海膽和牛他他擺喺脆餅入邊食，外脆內軟嘅口感，成個配搭都好正季節野菜盛盒一大盒唔同種類嘅蔬菜，有生菜🥬金菇，洋蔥🧅南瓜等等，職員親自煮俾我哋食，幾鍾意南瓜，甜甜地～薄片生菜配埋和牛肉，食都好好味😋金菇同洋蔥嘅配搭都好正美國熟成肉眼雪花紋狀嘅肉眼，一大塊，同樣係職員整俾我哋食，撈埋佢嘅蛋黃醬食一流日本和牛西冷雪花紋狀嘅和牛西冷，配埋佢嘅蛋黃醬食，入口即溶，口感超級豐富，仲有啲白飯，減少佢嘅油膩感，和牛西冷超級正麵豉湯食完壽喜燒要飲返一碗熱辣辣嘅麵豉湯，解膩好清甜嘅麵豉湯，飲完好飽肚蟹肉蟹籽釜飯一大個石鍋入面有炒到熱辣辣嘅釜飯，好足料嘅蟹肉，仲有任添蟹籽，好大粒嘅蟹籽，係爆珠

同老公慶祝周年紀念，天氣涼涼地想食壽喜燒慶祝。是次點左Supreme Wagyu Set前菜三點：白子、姬松鮑魚、日本番薯白子口感軟滑，以酸汁調味，沒半點腥味。鮑魚軟腍入味，番薯綿密鬆化。刺身三點：拖羅、、帶子、赤鯥海膽和牛他他和牛粒加入蔥花生蛋黃，配上鮮甜海膽，以糯米餅盛起同吃，入口鬆化鮮美而不膩。茶碗蒸茶碗蒸上配上鰻魚及山椒 ，山椒的香氣令其更清新！壽喜燒包括A5級的和牛肉眼及A4的和眼西冷及厚切牛舌。和牛只煎一邊，另一面以蒸氣蒸熟，入口嫩滑如絲綢，脂香四溢，配上丸洲雞蛋黃中和膩感。牛舌牛舌爽口鮮嫩，搭配淡雪鹽及蔥花增添香氣。吃完肉類以溫熱清湯解膩。和牛黑松露烏冬黑松露味甚香，每條烏冬都充滿黑松露，份量十足！甜品開心果雪糕及蜜瓜，清甜作結。