鮑魚、凍豆腐、水雲作為前菜相當開胃同吸睛。鮑魚用南非鮑，更加甜同肥厚，水雲帶酸又開胃好似麵線咁。
海膽和牛他他，好好味生和牛他他好滑好淋但唔會油膩，配左同脆餅一齊食，食落更香口，增加口感同層次。
A4和牛西冷，夠曬粉嫩食落淋滑有油香。同日本蛋一齊食口感更加香滑同有助減膩。牛既質素相對較好色澤都比較屬於中上級。大愛呢到既牛舌，好爽口好彈口，外層香口香脆。
美國熟成牛，熟成牛肉水份經時間熟成後，肉質變得結實牛肉味相對較濃，配一級蘭王蛋，入口香滑外牛味更濃厚。覺得幾正反而日本無呢種食法。
滿溢筋子釜飯，加左黑松露醬令到個飯勁松露味，而且仲比左成盤魚子放係我面前，比我無限加魚子。加左之後鹹香味十足，而且魚子脆卜卜勁新鮮，食到好滿足
甜品有雪糕同蜜瓜。蜜瓜好甜好淋完熟好多汁。
