壹火鍋

营业中

休息中

今日同男朋友大熱天時去打邊爐啊～簡直系一個挑戰醬料自己調較，好多選擇火煱湯底有10款選擇，可以兩款湯底，或者選一款單一湯底牛肉，羊肉，豬肉片都好新鮮，好口感丸，青口，花胶，海蝦，串燒，蔬菜都好新鮮，好爽口

邊個話夏天熱屎辣辣唔可以打邊爐架？愈係熱先要打呀！旺角實在太多火鍋店了，都唔知入邊間好咁就入左哩間，有個串燒火鍋打，試下新野！叫左個鴛鴦鍋，沙爹同豬骨另外叫左隻海鮮船！唔係講笑，勁多海鮮，好多種類！隻船大到影唔晒扇貝、鮑魚、蠔、龍蝦........😋😋一野放左啲龍蝦落去等個湯底再鮮味一啲叫埋佢啲串燒黎打有雞肉、雞腎好搞笑，第一次咁食串燒😂😂😂再叫啲蔬菜，最中意啲菇！仲有女人不得不嗌嘅花膠😆encore左3轉花膠！啲尤魚勁爽口彈牙同埋比好多打到熱熱地食埋刺身雖然就唔係話好大件，但都鮮嘅我覺得哩度啲海鮮真係唔錯鮮魚同炸魚皮好jeng個雪花牛真係入口即溶！唔似出面酒樓果啲超肥又難咬😠佢好薄，會好自動食下又多一塊食下又多一碟而且好有牛味！不過餐廳都幾凍下，下次要帶多件褸二百幾蚊一個人食到咁多野真心抵晒

又是同朋友腳食火鍋的一晚，晏就5點幾出到旺角，特地諗住早早地去搵定位等朋友，本身想去食鮮入圍煮，一行到上去超香，已經留晒口水，點知店員話沒有訂位今晚全部walk-in都沒有位即時上OpenRice尋找second choice，見到隔離兆萬都有一間火鍋店，即時打電話過去有位，就拿拿聲改地點先。6點幾上到去，哇，已經90%滿座，我地剛好有張二人桌，太幸運了！全層都係佢，不過唔太大間，所以坐位都會比較逼。先來一個雞煲，小辣，照樣野味，辣度下次可以再提高上到桌見到都不過不失，但食落口牛肉都幾香，唔會話太油太肥。望望menu有花膠？唔理佢真定假，來一份試下先，需要煲既時間比較耐，食落唔識分手打蟹籽滑，好食，一份兩個人食剛剛好，推薦！埋單連加一總共$350，晚市任食火鍋都算可以，但另外可以每位加幾十食埋刺身及蒸氣火鍋，不過因為都擔心選擇多，食唔晒，所以都係留返下次啦

無論天氣幾熱，食打邊爐係王道。Book咗夜晚六點鐘同朋友去食，呢個鐘數就有2，3張枱人食。不過，大約8點到係超多人排隊，連想搭lift 都有難度。個staff一開始同我哋講加$30就可以食刺身放題，加$59蚊就可以龍蝦海鮮船。wow, 加59蚊就有龍蝦食，唸咗一唸，梗係加咗先。火鍋湯底揀咗鴛鴦鍋，四川麻辣火鍋湯底加與鰹魚清湯湯底。刺身叫咗一輪，點既都出齊。刺身新鮮，特別喜愛甜蝦，味道甜美，三文魚刺身厚厚地。打邊爐前，揀咗自選配料先。有十幾種配料可以揀，配料都算多。$59蚊海鮮船材料好豐富，相入邊嘅係二人份。有龍蝦，鮑魚，聖子，花甲，珊瑚蚌，蠔，蟹腳等。全部海鮮都好新鮮，聖子花甲蠔超大隻，食龍蝦同鮑魚覺得已經抵晒回晒本。另外，佢有個碟放垃圾，好貼心。大食既我哋都叫咗唔少餸，喜愛是日海鮮，今次嘅是日海鮮係花甲，好大隻，又鮮甜。牛肉花紋分明，薄切，恰下就可以羅黎食脆鯇片，肉脆有咬口打邊爐必叫響鈴卷，今次有叫埋海鮮，將所有海鮮放係一個湯底煮。最後，放一舊響鈴落去，索晒啲味，變鮮甜海鮮味，yeah.食到飽飽地，但都好想食埋個雪糕，突登去拎埋個雪糕同雪米糍食。雪米糍冇寫咩味，大家要憑眼力自己拎唔同

打邊爐永遠都係香港人既最愛，而任食係當然係肯定嫁啦！唔洗就住就住，食得先叫盡興。好彩我地6點就到，可以即刻有位，見到遲多半個鐘，已經超多人排隊，所以記得要book位，唔係就要有排等啦～嗌左個鴛鴦煲，就返所有人既口味，又可試多啲湯底。湯底嗌左四川麻辣同鰹魚清湯，一燶一淡。麻辣湯底真材實料，勁多條辣椒係度，睇見都覺得辣。鰹魚清湯ok，有鮮味，岩曬鍾意清淡既朋友。等緊野食熟既時候，梗係要去拎飲品啦。飲品選擇唔算特別多，但勝在有豪氣既支裝飲品。 調味配料都ok，要既都有。加左$30任食剌身，款式還可以。最鍾意佢既甜蝦同榮螺片，好鮮甜唔腥，無限encore！$30勁快回本。火鍋配料有勁多選擇。鯇魚比較少見可以任食，難得見到，當然要嗌啦！鯇魚質感好脆身，索索聲。必點！邊爐必食既牛肉，花紋好靚，一盤落黎瞬間清曬。自己最鍾意花甲，大大粒勁有鮮味。見到加多$59就有海鮮船食，見到好多有人嗌，自己當然都要嗌啦！一上枱，哇左聲！勁多料，有龍蝦、鮑魚、龍躉、海蠔、聖子、珊瑚蚌等等，總之係超多，真心明點解佢會寫係成本價，自己出去街市買，相信都買唔到咁多野。真心食完飽到上心口，但唔食埋甜品唔心熄，甜品唔特別，雪糕

6:25pm前入席，雞煲打邊爐連刺身放題都只係$200！！！！！！！雞煲好食，刺身好新鮮，打邊爐嘅料又好快上！非常好味又抵食！！！！！！！但因為人好多要記得訂位！！！！！！

開頭見好多人推薦哩間，所以想試下。Book左位所以吾洗等位，一入到去我地4位，坐位都比較窄，格離就係吾識既人，4個人平排坐，坐到好似識甘，好似8個人一張台甘。而且我坐既格離就係水吧位，係就係拎醬汁好方便，但d人出出入入都幾近。而且又近廚房門，d侍應係甘開門放d污糟碟都幾影響，有時仲會長開住個門。到食物放方面，我地加左刺身，都幾新鮮好食既，但食左一轉就無嗌了，因為要食火鍋。火鍋我地加左沙爹同蕃茄湯，沙爹都幾好食既，但蕃茄就無咩味，同好多油，同埋佢之後加既湯都吾係跟反個湯底既，好似都係清湯，所以愈食愈無味。食物選擇都多既，但牛柏葉真係好難食，好（銀）吾係好咬到。。。應該話係咬吾開。飲品有好多選擇，又有雪糕糯米糍食。員工服務態度都幾好既，收野都收得幾快，仲有佢地著d制度都幾好阿，好有夏日風情，花花恤衫。整體都算不錯

講起任食或放題，大家一定會諗起旺角兆萬中心，在五花八門選擇下，朋友推薦了我去一間火鍋店打邊爐——壹火鍋，她稱這裡是很好食的火鍋刺身店，「真係？」我地行完街，去食9點鐘的一場，可能是平日，等了5分鐘便可以入坐了，剛好有卡位，所以坐得非常舒適人坐後，店員馬上送上刺身用的豉油wasabi，並講解如何落單，刺身有12種，都是很大眾化的口味，當中有我最喜歡的三文魚及八瓜魚火鍋方面，湯底的選擇十分十分多，除了有鴛鴦鍋及中式鍋，連雞煲都有，十分讚！這次和朋友選擇了鮮茄加沙嗲湯底配料方面，選擇亦十分多，當中有是日海鮮，是每日不同的，而當中比較特別的是有串燒配件，可以說是比較創新的食法，其他配料像鮮肉、肉丸類、粉麵等都應有盡有火鍋醬可以自由配搭，選擇豐富。飲品方面十分多，除了一般的可樂、汽水、康師傅的飲料外，還有比較貴價的樂天芒果汁、忌廉溝鮮奶等，非常好飲。刺身到了，擺盤十分漂亮，冰十分凍，不會很快就溶，從三文魚的色澤可見是十分新鮮，食落去很有口感， 八爪魚及甜蝦亦很有鮮味，不會有「沙」，鮮味可口又彈牙朋友點了龍蝦海鮮拼盤鍋，看到都知非常好味。不久後湯底送到，鮮茄味很濃，離遠都已經聞到陣陣香味，沙爹相對

約了朋友在旺角聚餐，由於這幾天也一直下著傾盆大雨，友人便提出吃放題，讓我們可以較長時間吃東西，可以見耐些，又不會冒雨走來走去。我們來到了兆萬，看見這裡有得打邊爐和吃刺身，是一個特別的組合，便決定一試。環境不錯，燈光不會很暗，而座位上不會坐得太逼。最值得一讚的是，它有紙巾提供。在香港，放題會提供紙巾實在很小，而這裡則十分窩心大方！這裡的醬汁亦很有多款，同是也可以添加不同的配料，製造出自已喜歡的味道。而我很喜歡青類，所以下了大量 芫茜和葱，還有試蒜蓉，最後倒上胡麻醬。這就是我愛吃的味道，不知道大家的口味又是怎麼呢?湯底我們選了鴛鴦鍋：蕃茄湯底和沙嗲湯底。熟食然後我們點了很多丸類，例如有手打牛肉丸、龍蝦丸、蟹粉包丸、台灣香菇貢丸等等。而我特別想介紹的有兩種丸類：火灸芝心丸裡面的芝士量激多，一咬開，芝士會湧出來。味道亦有芝士味，不會很稀。大家吃的時候要小心喔！日本章魚燒 這真的超特別，我平是很喜歡在街邊買章魚燒吃，可是，我從來未試過打邊爐放章魚燒呢！煮熟後，咬開它，裡會真的會有一小粒章魚！感覺很有趣。 味道上不差，帶點甜。而口感亦不會很多粉。除了章魚燒，還有很特別的食物，讓我道次發現可以打邊爐

昨天和朋友去了位於旺角西洋菜街1號兆萬中心16樓的壹火鍋，因為這二百多元就可以食到蒸海鮮，所以特別來食。店員安排我們到卡位坐下，我們自成一角，方便可以邉食邊傾偈我們點了火鍋刺身放題及海鮮船。這裡可選擇蠔仔粥作湯底，食完蒸海鮮後可以食粥及粥底火鍋刺身船都幾多選擇，我點了甜蝦，三文魚，八爪魚及墨魚等蒸海鮮一大盤，有蟶子皇，有殼蠔，鮑魚，扇貝，龍蝦等刺身都幾新鮮，選擇亦多有蟶子皇足有七吋長，啖啖肉，好味有殼蠔也了蒜蓉蒸好惹味扇貝肉也厚，口感很好還有龍蝦及鮑魚啊總結：壹火鍋算是性價比高的海鮮火鍋，二百多元有蒸海鮮級刺身食，算是相當抵食了

今日去做完手術之後嘅第十天......雖然傷口仲未拆線但係我實在係一個唔停得嘅人傷口冇咁痛我就要四周圍去搵食今日撞啱我老友收早....我就提早約佢出旺角食飯....去到旺角當然一定去成幢大廈都係搵食中心嘅旺角兆萬中心雖然呢幢大廈乜都有得食但係最終我老友想食火鍋....仲話要食粥底火鍋喎我心諗熱辣辣想死咩不過既然佢鍾意唯有捨命陪君子最終揀咗曾經有人介紹過嘅壹火煱入到去環境都幾舒適而且好多擺設都好有日本feel呢度有得任食火鍋料🤣🤣🤣首先梗係黎個刺身大拼盤要講明刺身係任食唔嬲仲要即叫好快就嚟後來唔夠喉...我自己叫多個小刺身拼盤戲肉黎喇.....大大隻嘅海鮮船當中裏邊有龍蝦..帶子..鮑魚..聖子..石斑..大蟶子...生蠔...真係睇到都流晒口水你睇吓龍蝦啲膏你睇下隻大蟶子長度我真係食到停唔到口食完即海鮮船食埋個粥底......跟住又到叫火鍋嘅時候如果你唔大食真係唔好來因為啲嘢多到你揀都揀唔晒幾十隻火鍋配料任食唔嬲你想點啊食完我都飽到頂到個肺....仲要呢度啤酒任飲汽水任添如果真係大食鬼唔該黎啦喂只能夠講一句.....埋單先知道.....平都頂住你個肺飽到頂住你個胃....講完.....

今日張生同寶仔去試試海鮮刺身火鍋放題，星期二8:00，但都要等30分鐘.. 好肚餓啊～連刺身放題＄189價錢唔算貴， 店員推介話只要另外加＄59就有超級新鮮嘅海鮮船。佢係跟人數俾份量，兩個人就半隻龍蝦，雖然張紙睇唔太清楚有咩其他海鮮，但都見到有蠔有帶子，因為寶仔好中意食蠔嫁，見加$59都唔算太貴就試試佢！！果然喜出望外！龍蝦鮑魚海鮮船－ 蜆、花甲、蠔、鮑魚、帶子、珊瑚蚌、龍蝦半隻 龍蝦鮑魚海鮮船－鮑魚兩隻，大大隻，十分新鮮！龍蝦鮑魚海鮮船－龍蝦半隻，肉質結實！龍蝦鮑魚海鮮船－蠔，脹卜卜，味道鮮美個海鮮船係最抵既，極力推介因為入面所有野都好新鮮，個鮑魚好大，龍蝦又大好爽口。張生同寶仔都好滿意！＄59絕對超值！     其他刺身就普通，如果嗰日真係好想食刺身嘅話都可以一食，但係試就唔需要。因為嗰＄59海鮮船先係最抵最好味！刺身－蝦同甜蝦都ok湯底揀咗鰹魚同四川麻辣，火鍋料有好多款你揀，火鍋料推介墨魚鬚 非常爽口！！ 因為佢係又大又長超級無敵粗，而且超級爽口，可以encore！張生大愛墨魚鬚～另外值得一讚嘅係除咗自己張凳另外仲有一張細既比你放手袋背囊二人枱有兩張小凳，一啲都唔迫，打幾耐邊爐都

看到食評幾好所以就去試一試啦！刺身加火鍋放題$200元一個算是超值。刺身放面這個價錢尚算合格，起碼不會霉，少許鮮甜但火鍋放面就真係超級吾掂，牛肉，鱔片，魚雲，完全無味，蝦滑簡直用難食來形容

15/F果間**服務差由8點等到9點入到去食完首輪海鮮，個爐就開始發出咇咇聲，同過至少5個職員講，佢地只係熄吓個掣又再開返，轉頭又嚮，有個就話個爐接觸不良，但又係無處理，移下個鍋又行咗去，如是者，半個鐘以上嘅時間，我地3個女仔坐係度聽個爐不斷咇咇聲，當然個粥底係完全無滾過啦，坐到10點半除左先前嘅海鮮之外，無其他野食落過肚，最後先有一個男職員話個爐係壞嘅，要轉枱。黑口黑面一句唔好意思都無，9個字內至少同過5個職員講個爐有問題，無人認真處理過，無解釋咩問題係咁嚮，唔憂做都唔使咁呀 !?

朋友仔生日, 一行5人最好就係去烚下烚下, 之前睇OPENRICE 呢一間的 COMMENT 好似唔錯, 種類比平時食開的任食火鍋要多, 而且價錢唔貴, 可以試下。預早訂左五位, 去到等左十五分鐘左右就安排左俾我地, 時間可以接受。服務員態度都OK, 做野好快手。第一時間緊係點野食啦, 竟然有鮮九肚魚、燒墨魚咀串、滋補花膠、油炸鬼!! 梗係要叫啦! 我地揀左芫茜皮蛋混沙嗲湯底, 芫茜皮蛋湯底好清, 清如水; 沙嗲湯底好濃好香, 似乎沙嗲湯底鮮蝦一份都有咁多隻, 正! 蝦壳易脫, 蝦肉彈牙有鮮味!三文魚腩打邊爐都係第一次, 又幾好食, 好肥美! 熟左點WASABI 鼓油又幾好食!肥牛..........比較瘦, 所以滾熟左好軔, 又冇牛味, 唔好食。牛百葉軔到食唔到, 魚腩不過不失啦, 唔係太新鮮啊!九肚魚滑滑的, 放沙嗲湯底比較好食同特別; 燒墨魚咀串有D軔啊, 可以試一試; 滋補花膠梗係冇得輸啦, 補下骨膠原啊!! 油炸鬼真係增肥魔鬼, 吸晒D湯底, 越肥膩越好味啊!仲有自助水吧, 最愛樂天芒果汁!! 雪糕我鐘意食紅豆、芝麻及芒果味!!