壹火鍋

营业中

休息中

天氣開始轉涼係食雞煲嘅季節😻於是琴晚去完Ocean Park就直接搭小巴落旺角食雞煲暖暖身啦🙆🏻-去左人稱劣食之塔兆萬食壹火鍋，野食方面 先講個煲方面 我哋叫咗bb辣 仲特別request左再少辣d 但黎到一致認為唔係BB辣咁簡單 好麻🔥食到成個嘴都痺曬但食得好過引😂😂😂配料方面同一般打邊爐配料差不多 基本上都有齊有d 平時少見嘅配料都有 e.g. 小籠包😂、小丸子雪花肥牛肉質唔錯 唔un😻😻--環境方面個人覺得有啲迫 同地下有點而污糟 D 碗碟成日無人收🤷🏿‍♀️-價錢我覺得係抵嘅 任食黎講做到呢個價錢真心平我地$10點後入座$139 (公眾假期及六日加一收費)4人前 埋單每人$153

終於時間夾到,可以試蒸海鮮$169+$38(蒸海鮮),另外加一主要按依張ORDER紙,食物上既種類算多,但當中有伏有小籠包,日本章魚燒,你會估唔到佢係真係放落去打邊爐我仲估係熟食朋友同我講真心伏,奇奇怪怪叫左鴛鴦湯底,沙爹同豚骨湯底沙爹味濃,不過火鍋太重口味唔好食相反豚骨湯底,我地比較中意加$38蒸海鮮(每人),有蟹,扇貝,蝦,魚,蠔...我覺得幾值~不過無任食蒸籠有兩層~成個枱都係食物,好多野食呀!豬肉幾款都幾好食牛就一般,牛展好食是日海鮮,蜆...每個人250蚊唔洗,算係甘~最抵食係海鮮,因為我食得唔多.好快就K.O.

去旺角行街之後都習慣係旺角解決埋晚飯，行街行得耐自然就會好肚餓，所以決定今晚食飽啲，於是就去左兆萬「壹火鍋」打邊爐。「壹火鍋」係第一次光臨，個人覺得服務都幾周到，期間有問必答又會好爽手咁幫你加水或者收碗碟；而地方雖然唔算好大，但每個坐位都好寬闊，坐得幾舒服。一開始選擇湯底，侍應就為我地介紹最近新出既鍋，芝士雞鍋同咸酸菜龍躉鍋，不過我地比較想食重慶辣雞煲，問侍應BB辣係咪真，佢答煮耐咗啲麻會出哂泥，於是就柯打BB辣。有留意開我openrice都知我怕食辣，所以BB辣對我而言真係最Good fit，個人覺得麻同辣岩岩好，啲雞入味程度都令我非常開胃，食唔停口，啲雞肉都算嫩，所以值得一試！由於我地係刺身海鮮放題，當然要柯打刺身啦！兩個人食，所以少少地叫左一轉！刺身款式正常，除左甜蝦同三文魚，其他每款都試左少少，質素唔差，可惜我地仲有好多野要食，唔想浪費所以無安哥。期間上咗一隻超大嘅海鮮船！眼下有龍蝦、鮑魚、桂花蚌、帶子、聖子等等。個人覺得份量真超多，未叫其他丸類、麵類都覺得已經非常足夠吃飽。鮑魚十分新鮮，係旁邊仲郁郁下咁，二話不說馬上就焯熟佢泥試，結果真係有驚喜，先唔講新鮮，覺得隻鮑魚有佢獨特

由5:30開始食，3個人食足兩個鐘。食材新鮮而且份量足，叫左個醉雞湯底，打開蓋有好香的藥材味好多料，先試左碟雞，雞肉好滑。花膠必食，夠大件，煮完都仲彈牙。加少少錢食埋刺身，都夠新鮮，啤酒汽水任飲，埋單$197/位呢個價錢唔錯了

今天晚上又在旺角，老婆最愛吃火鍋，她記得之前食過壹火鍋，她好喜歡只海鮮船，我就訂了位六點半，我們六點二十分到了，一出電梯已經見到要等位，好彩訂咗位，可以直入。我們揀了+$30刺身，另外+$59升級海鮮船。另外要麻辣/芫茜鴛鴦湯底打邊爐。刺身雖然選擇唔算多，不過都算新鮮，都係好食。😋😋😋海鮮拼盤成只船咁，內有半只龍蝦、帶子、大蝦、生蠔、珊瑚蚌、鮑魚、龍躉片、蟶子、貴妃蚌，所有海鮮都好新鮮👍👍👍，我覺得每位加$59係好低。火鍋配料我們點墨魚滑、鮮蝦滑、札肉、黑毛豬腩肉、白鱔、海中蝦、雪花肥牛、脆肉魚腩，我覺得白鱔、鮮蝦滑、海中蝦、肥牛好好味。醬料有十幾種，而我最喜歡都是柚子醋，因為點它可以吃多些。而飲品有十幾款，不過有種碧螺春的飲品，味道就唔係幾啱我飲。來這裡吃東西，記得訂位，因為我們走時，已經有很多人等位。

諗住同朋友黎火鍋店烚下烚下，其中一個朋友提議去旺角兆萬，因為選擇更多。最後見壹火鍋有刺身、海鮮、啤酒就上去揾位。價錢方面刺身海鮮放題係晚飯黃金時間$179，仲有任飲啤酒，有酒便是「良」。之後當然係係點刺身啦！提供的款式都幾多！刺身新鮮，唔洗驚食完肚痛。食品都有好多選擇，唔洗驚大家無野岩食。其中我比較欣賞的係三文魚骨腩，味道真係唔錯，差不多成碟都比我啪晒！仲有炸魚皮，脆而不油，唔錯！蔬菜非常翠綠且種類頗多大家仲可以加$59要隻海鮮船... $59你自己都買唔到咁多海鮮。到了到了！個海鮮船好豐富！其中比較欣賞的係蠔同帶子！以這個價錢食到一個比較高質素之任食火鍋刺身放題，其實已經很難得，比起出面大型之日式放題，呢到係食兩個鐘唔係90分鐘，性價比高，咁你識揀啦！

旺角出名多放題同火鍋，不過唔係間間都夠新鮮乾淨又抵食，好多餐廳都會將價就價入大量的貨，令到有時食物放得耐，送到客人枱上就唔太新鮮。我腸胃一食到唔新鮮的野，就會即唔舒服，所以我一向都好小心選擇。今次同朋友仔一齊去旺角位於兆萬的壹火鍋食刺身海鮮火鍋放題。入座後，大家可以拎枱面的醬汁碟出去自製混醬。第一輪當然要叫返盤刺身做前菜先啦，見到每款海鮮每款都幾新鮮，款式仲唔少tim！大家仲可以好似我地咁加$59要份海鮮船！呢個價錢真係幾抵食，入面包括龍蝦、鮑魚、蠔、扇貝、大蝦、蜆、蚌、帶子。每款都大大舊又肥美。帶子好嫩，再加埋蟹子增加口感。海鮮船的鮑魚都幾大隻，企埋係粟米側邊都無得輸。另外，我幾欣賞餐廳的鮮滑牛肉同到鮮雞片，兩款肉都好嫩口，食落口真係有滑滑的感覺。餐廳的肥牛唔會好肥，食完都唔會有罪惡感(哈哈)另外呢個九菜水晶餃，呢款餃的皮黎做餃子幾好食。食咁夠肉當然要食返d茶平衡下。所有菜都好綠好新鮮，粟米好甜，好快比我同兩位朋清晒。平價火鍋真係好多，但有幾多係又抵食又夠新鮮，呢間係OK的！

唔知道由幾時開始， 壹火鍋已經成為咗我同同事宵夜嘅聚腳地 ，所以今晚亦都唔例外 ,同同事收工後呢呢度大吃一番入門口第一件事 當然係飲番罐啤酒消消炎熱嘅天氣, 呢度好在有我平時飲開嘅 青島啤酒。成班男士嚟得呢度， 當然係乜嘢都要試下， 我哋除咗簡任食火鍋之外，我哋仲添加咗刺身飲食同埋一隻海鮮船， 實行要食到飽飽!未食火鍋之前 ，先黎一個刺身拼盤，有我最鍾意食嘅榮螺同埋甜蝦刺身，甜蝦鮮甜啱晒我而呢度嘅醬料選擇係我見過咁多間舖算係最多， 有好多出面唔會見到嘅特色醬料，而佢嘅醬料碟分為三格， 可以試三種唔同嘅口味!黎到今晚嘅主打就係呢隻海鮮船， 海鮮選擇可以話係多羅羅,分別有鮑魚 ，龍蝦 ，帶子 ，魚片 ， 珊瑚蚌， 長腳蟹， 大老虎蝦 同埋大蜆! 絕對係非常之豐盛! 最重要嘅係非常新鮮!最愛食蝦嘅我當然第一時間滾一滾大蝦， 熟左嘅大蝦依然保持巨形嘅身軀， 勉強先可以完全放曬入口， 勁新鮮唔會黐殼，正都無朋友， 而其他海鮮全部都好出息特別係巨型嘅蠔!雖然呢度係任食火鍋 但係牛肉一啲都唔輸蝕 ，牛肉嘅油花分明有牛味， 滾一滾就食得而呢度嘅手打蝦滑同埋墨魚滑都係非常出色， 我哋幾個人唔住encor

今晚探望奶奶，自然又係旺角食飯，而天氣開始轉涼，又係打邊爐的時候了😋😋😋😋，諗起上次壹火鍋的海鮮船，當然揀返呢間啦，上到門口已經有人等位，好彩我們有訂位習慣，所以可以直入。我們6:30前到來，收費$149，我們升級任食刺身$30，另外海鮮船$59。首先點了些刺身，雖然刺身唔算太凸出，不過都好鮮甜，作為頭盤真的不錯。吃完刺身要了個麻辣拼香茜豬骨湯底，麻辣唔係正宗四川麻辣，不過味道都幾辣，而香茜湯底好多香茜，最啱用來烹調海鮮。期待已久的海鮮船出現，質素一點都沒有改變，仲係咁新鮮，係一定要升級呀👍👍👍。叫了些新的火鍋配料，如黑毛豬五花腩、越南札肉、海白鱔，之後再加些牛肉、蝦、響玲、萵筍、蕃茄、脆肉鯇魚骨腩，我最喜歡牛肉、蝦、響玲、白鱔😋😋😋用餐差不多兩個鐘，已經飽到不得了，下次有機會再來吃多幾次。

今次去了位於兆萬中心的壹火鍋，因為朋友介紹，說有刺身任食，所以去一試。我們約7點去到已經坐了半滿，之後更全場滿餐廳滿座，門口大排長龍。不同時段有不同收費，最貴既當然係6:30-9:00。有純打邊爐$159，亦可以加$30刺身任食及$59食埋個海鮮船，共$273/位食兩個鐘。自助飲品，有青島、茶等。打邊爐當然係飲啤酒啦。刺身款都有十款，基本的三文魚、甜蝦等都齊備。刺身點幾多片出幾多片，不用浪費。味道方面，不要要求高級日本料理的質素，但絕對比明X、爭X好食，至少三文魚唔會係成舊橙色，味道都幾鮮甜，任食質素算不錯。在食刺身時，我們點了的重慶麻辣芝士雞煲終於上枱啦，要煲熟先食得，表面舖滿芝士，一路滾個陣麻辣味飄哂出尼。原來芝士同麻辣都幾夾，麻辣味香濃，辣度十足，雞肉軟滑，不會過鞋，不過實在後太濃味，都幾咸下。食完雞煲加水打邊爐，先解決左海鮮，有九款海鮮，每樣一件，基本上所有平時食到既海鮮都會係隻船度出現，海鮮新鮮鮮甜，而且唔腥，最好味既就蝦、龍蝦及珊瑚蚌，肉質爽口彈牙，其他的都不錯。其他任食配料，裏面都有蝦。其實食完隻海鮮船都幾飽，所以只點了少量食物，免得浪費。墨魚滑及蝦滑兩者都很腍，個人比較

兆萬中心聚集了多國餐廳，尤其是日本菜及韓國菜，有好幾間，今次去了位於16樓的壹火鍋。約七點到達，餐廳已有大半滿座。因為是限時的，所以我們入座後店員即時介紹餐廳的收費，我們選擇了刺身火鍋，任食兩小時$189/位，另外再加了海鮮船$59/位，需加一收費，人頭$273。我們選擇了重慶麻辣芝士雞煲，食完雞煲再打邊爐。其實兩個鐘都幾急下，所以即刻點了刺身，才出去揀飲品。飲品款式多，有甜、無糖及啤酒，全部都是任飲。有廿款醬料，任取任溝，不過放在主要通道，以至出入口比較狹窄。刺身先上，寫幾多出幾多，刺身約有十多款，三文魚、油甘魚、希靈頓是必點項目，刺身新鮮，顏色鮮艷有光澤，魚類油脂分怖均勻，尤其是三文魚，雖不算肥美但有油脂甘香及鮮甜，任食有此等質素確有驚喜。重慶麻辣芝士雞煲出場了，煮了約十分鐘就食得，有濃郁的麻辣香味，但因為點了BB辣，所以辣度在可接受範圍。雞煲有大量的芝士及洋葱，令香味更濃，雞肉肉質嫩滑，有麻辣香味，而且咸味幾重。食完雞煲換了個清湯打邊爐，先來食海鮮船。海鮮船份量十足，有九款海鮮，包括鮑魚、龍蝦，中蝦、珊瑚蚌、刀貝、生蠔，魚件、蟶子及帶子。海鮮新鮮，味道鮮甜，其中中蝦及龍蝦肉質彈牙

我已經唔知第幾次黎食了，今次請同事食飯，想揀一間平靚正既放題，之後決定揀呢間黎食。$26xx 埋單10個人基本火鍋料唔特別介紹啦，相信其他食評會見到。想特別推薦係加$5x蚊 海鮮料，真係好新鮮好正，個個同事食左都話正同鮮味。另外，任點任食點菜紙既肥牛好好味，雖然有少少薄但好有牛味，同埋 牛展都好正。完！

約了一大班朋友見面，選擇往往係雞煲 火鍋 或者 日式放題💁🏻💁🏻💁🏻💁🏻最後我地投票通過，決定黎旺角食打邊爐。呢間我地上次都黎過，價錢相宜，選擇亦多。我地真係好肚餓，一坐低即刻點菜。點做沙爹湯底通昆布，味精味好重而且好咸。基本上無點過碗醬料食。😛我地眼闊肚窄，每樣都想試下。由於太餓關係，配料一到，立馬掃晒落鍋到🙈🙈芝士丸同蟹柳必叫嘻嘻 🤓仲有個係wasabi丸 我唔敢試 怕大伏😆肥牛當然必叫，點左3/4次，都有牛展牛舌等等。甜品有雪米磁🤤🤤🤤 芋頭最好食😛

朋友仔生日, 一行4人最好就係去烚下烚下. 旺角實在太多火鍋店啦, 都唔知入邊間好. 最後就入左哩間而且種類比平時食開的任食火鍋多, 價錢唔貴, 可以去試下. 第一時間緊係點野食啦! 我哋揀咗四川麻辣湯底同沖繩昆布湯底.另外我哋叫咗隻海鮮船, 唔係講笑, 勁多海鮮, 而且好多種類! 飽魚, 扇貝, 蟶子, 生蠔等等, 真係諗得出嘅都有, 而且佢用嘅料新鮮, 真係超好味. 而佢哋嘅刺身都係一絕. 雖然就唔係話好大件, 但都係鮮嘅~放題嚟講算抵食, 湯底亦都唔錯. 服務員態度都OK, 做嘢好快手

坊間有好多任食火鍋，啲材料來來去去都係腸仔、牛肉、菜等等，雖然我地一班朋友無論冬天夏天都鍾意打邊爐，但食黎食去都係果d食材，真係有d悶！朋友就搵到呢間火鍋店，話佢有好多海鮮，而且價錢唔貴，所以我哋今次就嚟咗旺角兆萬中心試一試，果然有驚喜！淨係睇到張相已經見到有好多唔同種類海鮮，連鮑魚都每人兩隻，雖然未算非常新鮮，但係以咁嘅價錢來講，絕對食得過！其實淨係食咗呢盆海鮮，我哋個肚已經飽左一半，之後嗰啲食物都系咁二食兩啖就算，性價比其奇！除咗拼盤刺身，仲有刺身，又係大大盤乜都有啲，淨係食刺身同海鮮已經抵番數啦，以後打邊爐又多個落腳點了