壹火鍋

营业中

休息中

為食又貪心既我，成日想係同一個地方可以食到唔同種類既野食，今次就簡左間有雞煲、火鍋同刺身可以一餐食哂。入座後，各樣刺身都叫少少醫左肚先，所有刺身都幾新鮮，當中鮑魚片口感剛好，鮑魚味亦十足。雖然有幾種特色雞煲可能選擇，但最後都係叫左最原始既麻辣味雞煲，因為同行既人唔食得辣，所以只叫左少辣，本身會怕麻辣味唔夠特出，但最後麻辣咸各方面都幾平均，雖然覺得可以再辣一些，但可以接受，雞件夠入味又滑。食完雞煲之後就加入湯水變身火鍋。因為想食其他種類既海鮮，所以加錢要個海鮮船，生蠔好肥美有回甘，聖子夠大隻甘甜。雖然二人龍蝦得半隻，但都算可以分黎食。因為得兩個人食，所以火鍋配料只係叫左少少，肥牛有水準，肥瘦剛好。啤酒汽水任飲，其中試左支菊花蜜，唔係太甜，幾好飲。下次可以叫多幾個朋友再一試，咁就可以叫多幾樣野食，食清食楚。

以前食過幾次向兆萬既日式放題, 都係正常貨色, 無咩特別都好一段長時間冇去, 見又多左D未見過既放題, 今次就同朋友試左壹火鍋預先打去訂左位, 平日7 點幾上到去已經滿座! 全層都係間舖的, 地方唔算大, 兆萬格局收費樓下水牌都有寫, 火鍋 $168 , 加$30 升級刺身放題, 再加$59 有埋海鮮拼盤, 梗係加晒佢啦~~加埋都係$2XX, 同其他地方食個放題既價錢差不多一入去就見到2 個大凍櫃, 放滿任飲既啤酒汽水, 眼見都有成10款UP仲有款未見過既紅罐青島點餐紙, 款式種類都正常, 仲要有花膠~限時2 小時, 交左點餐紙後食物都好快送上, 絕不浪費時間刺身點左少少黎試, 中規中距啦~正常的任食刺身質素美國牛肉同黑毛豬賣相都唔錯 ,質素OK飲品有迷你版咸柑桔, 打邊爐唔怕熱氣~正!我地左鴛鴦湯底: 沙爹拼蕃茄個沙爹偏淡, 反而出便拎既沙爹沾醬又幾惹味! 醬料贏左湯底!要讚既係個蕃茄湯, 係我暫時食過最濃味的! 就算中間加左幾次清湯, 都仲有蕃茄味! 認真唔錯上左湯底, 海鮮拼盤就跟住黎了, 賣相好震撼~~~完全係呃LIKE 之選!有龍蝦, 蝦, 魚, 蠔, 珊瑚蚌, 蟶子, 帶子

又到一年一度大時大節,,,year end特別多朋友聚會~~想搵間食得開懷，飲得痛快，傾得暢快(可以大聲小老闆都唔覺失禮)，又可以鍚住荷包的餐廳唔多，有時仲要勤力少少要預先BOOK 位~以下呢間絶對符合所講要求，但咪話我唔提大家：一！定！要！預先BOOK位！！！！！！walk-in 一係就要好"早"或者好"晨早"，一係就閒閒地等個幾鐘~壹火鍋為自助任飲任食場，按時段收費，食飯時間一定爆場，皆因黃金晚飯7-10都$169+10%,,, 就已經任食任飲包啤啤~~~~~ 仲有埋雪糕!! 唔洗我講，其他早場或者接近零晨場時段就更加平~先來個食物大合照~我地點左個沙嗲 + 蕃茄鍋~蕃茄鍋尤奇出色~~ 佢加湯都會加返蕃茄湯,,, 所以越打越濃味!!!!喜歡蕃茄的朋友MUST 點~~~ 食到最尾用湯汁6蘿蔔同烏冬極佳~~~此外,,, 鍾意烚烚下的朋友仔多數都享受自配醬料的時候!!!!我都唔例外,, 最欣賞餐廳勁大個醬料自助TABLE,,, 要乜有乜,, 要加幾多要點溝自己話事..不過我成晚烚得太開心忘了跟醬料CORNER 拍照...另外，待應上菜速到極快,,一坐底就極速上晒所有野,,,岩晒放工等開飯

見到壹蒸鍋樓上開左一間壹火鍋就心痕想要試下。都幾多人等位，有朋友就推介佢個海鮮船，話好抵食。海鮮船。+59一位就有海鮮船，份量好多又大份。有生蠔、鮑魚、聖子、大蜆、蝦、元貝、貴妃蚝，最特別係有珊瑚蚝同龍蝦！龍蝦超大隻，個鉗有我手掌咁大。元貝同蝦肉好新鮮，肉質彈牙，啲肉一啲都唔霉。貝殼類無沙，幾新鮮。珊瑚蚝平時出面好少見，食落就啲似牛栢葉好爽口。鮑魚就好新鮮，食嘅時候起肉要小心啲，好易就成隻跌左落去。生蠔淥完仲係脹卜卜！龍蝦肉好易就可以起到，我建議用清小小嘅湯去淥，咁就可以保持佢嘅鮮味！雪花肥牛肉。肥牛嘅雪花片片都分佈得好靚，食落去牛味唔太重，但入口即融。小籠包。第一次見到打邊爐會有小籠包，就好奇叫左試下。睇落去好似好紅，食落又唔會太辣，仲有湯爆出黎，係原汁原味嘅小籠包！菜類。好似食緊麻辣燙咁，娃娃菜、冬瓜同菇類吸曬湯嘅精華，我比100分！

今日同朋友上咗嚟放題下，呢間野真係長期都係咁多人，一出到𨋢簡直就係行唔到，個個都要排隊，好彩我啲朋友一早攞咗位先！呢間野價錢唔係好貴，性價比好高！等我講下有啲咩值得推介啦！五花腩我叫左無數咁多碟，佢份量真係少咗啲，但真係超級無敵好食呀，佢手工切到好薄，啱晒中意食肉既我！油麥菜份量就好多，叫咗一份就唔需要再叫！打邊爐點少得菜呢？朋友叫咗好多刺身，佢哋話好新鮮，因為我本身對海鮮敏感所以就冇食到！但係見佢哋食到舔舔脷搞到我都流晒口水！打邊爐點會唔叫肉丸呢？不過我覺得最搞笑嘅就係竟然有小籠包，第一次見到打邊爐有小籠包，貪得意叫咗一份嚟食點知又真係好正！入邊啲餡冇得頂！

朋友聚餐，為左大家方便又可以傾下計，就選擇左去旺角打邊爐，最適合依家既天氣涼涼地。揀左壹火鍋，今次應該係第二次黎。再黎既原因應該都係呢到食物同飲品種類多，又係放題！首先黎既係刺身…墨魚片，甜蝦，三文魚都新鮮！今次揀左兩個湯底，沙嗲同骨膠豚骨湯底今次特別試左海鮮船…好新鮮，份量都好多，特別喜歡食飽魚，聖子同蝦，中意食海鮮既朋友可以試下。五花肉、黑豚肉、肥牛、丸類呢D就必點咖啦…好味！仲有另外既特別推介…鹵水豬大腸同粉絲…真係好好味，叫左兩碟，鹵水豬大腸好入味（呢個真係要試下）…粉絲索晒d沙嗲味…好正！服務都好好，會積極加湯同收野…落完單好快就黎！

今日女朋友想食放題火鍋，係旺角一講到放題就梗係兆萬中心啦。壹火鍋好似幾多人，就試下有冇伏啦。都幾多人等緊，我地等左接近半個鐘左右先有位。野飲同調味料都係自助形式，野飲種類有成十幾種，都算多。而調味料除左有普通嘅蒜蓉、蔥之類，仲有xo醬、甜雞醬等等。湯底我就叫左四川麻辣湯同鰹魚清湯，四川麻辣湯唔算太辣，但入面有齊麻辣籽、辣椒乾、花椒等等，好足料。鰹魚湯就好清甜，淥海鮮一流。第一round就叫左刺身先，有三文魚、甜蝦、希靈魚等等。三文魚唔算太厚，但勝在無筋。甜蝦幾大隻同鮮甜，而且挑左蝦腸！刺身都算新鮮，值票價。第二round就叫左雪花肥牛、青森黑豚肉片、黑毛豬五花肉、海白鱔。雪花肥牛嘅雪花分佈平均，食落好重牛味。黑毛豬五花肉入口即融，勁推薦！第三round就叫左一啲蝦滑、墨魚滑同菜類。蝦滑味道唔算突出，反而墨魚滑有啲蟹籽係到個口感幾過癮。個麻辣湯愈食愈辣，好好味。

今晚要同同學傾project, 傾完就就一起打邊爐。上openrice見到咁多好評，於是我地就上來試下。我地一坐低就叫左個花刁醉雞湯底，因為同學想食醉雞。打咁多次邊爐，用醉雞湯底都係第一次，果然有驚喜，湯底夠濃，雞肉又滑又入味，好值得推介！ 嘩，加$59就可以有海鮮船?無錯！無睇錯，見咁抵當然都叫番隻啦。真係好誇張，海鮮種類包羅萬有，無論賣相同味道都相當吸引，食落仲好鮮甜。我地再追加鮮蝦同青口，因為我地係海鮮super fans😍除左海鮮船我地仲點左魚生刺身，賣相👍🏻而且好新鮮，值得推介！我地仲叫左少量蔬菜木耳，唔錯！ 呢度嘅飲品種類繁多，有甜有唔甜任君選擇。想無咁肥當然係飲走糖嘅茶啦😊甜品就有雪糕同雪米糍😍打完邊爐食埋個甜品先叫完美。總結: 無諗過咁正，人手足夠，服務員會主動加湯，下次會再幫襯。

今晚放工同男友去旺角買野，買完就係付近吃晚飯。男友帶我去兆萬打邊爐，都好喎天氣又涼涼地我哋七點鐘去到已經要排隊，不過好彩男友一早訂左位，唔使點等就可以入去。環境唔錯喎，雖然人多但總算坐得舒服同唔會好嘈，邊食邊傾計一流坐低第一時間當然係睇有咩湯底，最後我地點左個花刁醉雞湯底花刁酒味濃列好足料，湯內有好多藥材，而醉雞是分開上的工作人員提示我地最好落雞先，仲叫話唔好烚咁耐，如果不是雞肉會好老，果然夠細心抵讚醉雞真係好入味，仲好滑！選好湯底，我地就出來自助混醬，醬油款式夠多呢張係點餸紙，我地睇完就點以下食物有蝦滑、墨魚滑、蟹柳、牛柏葉、牛肉，覺得蝦滑同墨魚滑做得出色，食落有鮮味仲好彈牙其他不過不失，算有水準打邊爐點少得海鮮，我地叫左個海鮮船，唔洗煩因爲各色各樣的海鮮都係曬到，十分豐富而且好新鮮，喜歡海鮮嘅朋友是必點的除了海鮮船，我地仲點了刺身無諗黎呢度打邊爐都可吃到男友最愛的刺身佢表示魚生刺身新鮮最後我地打左兩個鐘邊爐走人，埋單$546，每人三百都不用。對於任食火鍋來講我覺得好抵食仲要食物質素同環境都唔錯總結: 有質素嘅火鍋店人流旺盛，由我地入來到離開，排隊嘅人有增無減，上來前記得訂位！回頭率

天氣開始凍，約埋好姊妹去滾一滾，旺角見到間任食火鍋加海鮮。。首先現場環境唔算擠擁，最緊要乾淨整潔，同埋唔嘈吵，可以傾計好地方，飲品又是任飲。超開心既一餐，好味之餘，可以同好姊妹暢所欲言一晚。店員推介+58 既海鮮船，估唔到咁既價錢有咁好既質素，鮮甜美味，有蠔、鮑魚、刀貝、龍蝦、蟶子、帶子、珊瑚蚌同魚。樣樣都好新鮮，又唔韌，海鮮洗得好乾淨。火鍋既湯底有多款選擇，最後決定要蕃茄薯仔豬骨湯，湯底很濃配海鮮超讚，豬軟骨超淋，加湯亦用高湯加湯。任食材料有很多種類，選擇了些特別材料： 滷水豬大腸，沒有"壓"味，最好是豬腸入面很乾淨，哈哈！菜芯加埋蕃茄薯仔湯滾後很甜很爽。花膠仔，可以用真材實料來形容，因為每啖都覺得食緊好高既骨膠原，女人仔係要補下。魚頭雲都有得仼食，唔使加調味都好鮮，正！

秋風起至岩約朋友去十下十下，去左旺角壹火鍋仼飲仼食。地點夠方便，好在訂左位上到去即有位，之後見一直都好多人排隊等位。我們選了剌身、火鍋仼食，剌身種類都唔小喎，有三文魚、甜蝦、馬刀貝、希靈魚、蟹棒.....特別喜歡馬刀貝，好有咬口。甜蝦鮮甜味美，唔錯唔錯！火鍋調味料係自助既，都有十幾款仼君選擇，鍾意用幾多就裝幾多夠晒方便。雪花肥牛肉~超愛呢個牛肉，切得薄薄地一片，淥一淥好快熟就食得，牛味夠重脂肪又唔會太多。青森黑豚肉片~睇落好靚好肥美，好味！時令雜菜盤~睇得出好新鮮，唔係求其俾d爛菜，最鍾意食蕃茄！另外仲叫左花膠仔、鵝腸、午餐肉、豆腐、響鈴等等......仼飲大大個雪櫃慢慢揀(汽水、冰紅茶、芒果汁...)，最估唔到係啤酒都可以仼飲，仲要係紅罐青島，整返罐啤啤佢先！爽呀！另外仲有雪糕同雪米糍，嘩，真係抵到笑！

之前來過兆萬中心的<壹火鍋>覺得好食，所以今次朋友提議食雞煲我就提議來呢度。係雞煲未嚟到之前當然要點刺身！！同上次一樣，刺身非常新鮮之餘而且有鮮味，係任食火鍋嚟講算係好難得。所以叫完第一轉都覺得唔系好夠喉要再叫第二轉當中有朋友唔食辣所以今次芝士雞煲唯有叫唔辣。唔辣有唔辣嘅好，可以食到好濃好重嘅芝士味！！芝士味濃之餘雞件亦都好好肉。其實食完剌身同雞煲都已經半飽。由於我哋一行幾個女仔大家都已經差唔多飽，但又無理由唔打埋邊爐先走，所以丸類只係叫咗少量。既然已經接近飽就當然要叫啲貴少少嘅野打邊爐先可以回本。首先叫了肥牛，肥牛的肉質很嫩滑，不會<鞋恰恰>而且油花分佈都幾平均，吃落的口感很好另外當然要叫鮮蝦啦！！鮮蝦肉質爽脆彈牙仲大大隻，食返佢十隻八隻都已經夠回本。另外每次打邊爐都一定要叫滑豆腐，依個係我嘅特殊癖好。採用我最愛的百x滑豆腐，而不是山寨豆腐廠的來貨，有名有姓品質保證。食完優質刺身仲有雞煲同打邊爐後埋單每人都不用200元，超值超值！！！

夜媽媽收工二話不説出旺角揾個地方舒舒服服食返個宵夜，有朋友提議食壹火鍋，價錢相議又好坐又可以食到好夜，真係一舉幾得，二話不話衝過去食得豐富D，我地簡左呢個，有刺身放題，又有海鮮邊爐，真係想像唔到可以有幾豐富我地一於食到盡升級埋龍蝦鮑魚添呀打邊爐前食住d刺身醫住肚先，雖然款式唔多，但咁夜仲食到刺身都已經好滿足，刺身都先新鮮，唔係太重雪味👍🏻👍🏻刺身食兩轉，湯底都滾起，又可以轉陣打邊爐，個海鮮船真係好豐富，基本上魚，蝦，蟹係基本，仲有生蠔，鮑魚，帶子真係睇見都流口水雪花肥牛就係仼點既火鍋配料，其實質素都唔錯嫁👍🏻👍🏻響鈴，魚皮同墨魚滑打邊爐都唔少得，真係食完海鮮都飽飽地😋😋除左海鮮船上面有大大隻生蠔之外，仲有送多每人一隻，真係大大隻，不得了呢個海鮮宵夜真係好滿足呀😍😍😍

一樣係兆萬中心，一樣係食海鮮鍋，唔同之處就係今次全部都係火鍋，同埋今次係同啲同事一齊食。同幾個同事收咗工之後，因為都成12點幾，好多餐廳都已經山左，同事B介紹話呢間壹火鍋，於是我都好坦白咁同佢講，我早一個月食完壹蒸鍋，完全係可以翻啅嘅。入到餐廳，格局同壹蒸鍋大致相同，亦有一個自助「醬料吧」。而今次嘅海鮮都好充足，又有龍蝦、蟹、魚片、帶子、海蝦、蠔、仲有珊瑚蚌添！仲有大大盤嘅刺身，食完可以再叫！食完海鮮之後一樣可以繼續打邊爐，可以完全滿足晒我哋呢班大胃王！而呢間壹火鍋收凌晨三點，last order 係兩點，絕對係夠時間，可以慢慢食慢慢飲慢慢傾。

係旺角行完街，最好既就係食返個火鍋，係朋友介紹下就黎左係兆萬中心入面既壹火鍋食晚餐。可能因為係食飯時間既關係，上到去都幾多人排隊，好好彩地我地等左一陣就入坐了。餐廳的裝潢都幾特別，有一種中式混日式的風格，感覺幾新鮮。我地選擇左個剌身火鍋 ($199)，同其他餐廳一樣，用餐時間2個鍾。湯底有分做中日鴛鴦鍋同埋中式湯底，愛辣又鍾意食雞既我地當然揀左重慶麻辣雞煲，仲要係中辣，挑戰下自己，如果唔食得辣既朋友就食返小辣算啦，哈哈!至於刺身料理方面，我地就點左甜蝦刺身，食落感覺好新鮮，有驚喜!一開始就黎左個海鮮船，船上面有各種唔同既海鮮，有龍蝦、蝦、鮑魚、帶子、蠔等等、極其豐富，加上，船入面會發出藍色的光，令到整隻船變得好宏偉。然後就係重頭菜雞煲喇，上菜既時候雖然已經熟熟地，但係都要等多幾分鐘煮多一陣，當中的香氣已經四溢，口水已經流到一地都係，超級期待。最終果然冇令我地失望，麻辣得黎又唔會掩蓋左雞肉的味道，兩者兼備，而且麻同埋辣又要平衡得好好，會令人想一食再食。一個雞煲當然唔夠飽喇，所以我地叫左D配料，響玲、海蝦，配料都頗齊全，應有既都有，唔怕食唔到自己想食。總之整餐感覺十分良好，店員都好積極，收