壹火鍋

营业中

休息中

呢個冬天不斷咁打邊爐，朋友投訴話想食其他野，但我都唔想放棄打邊爐.......而家有兩全其美的方法，就係來到壹火鍋，揀刺身邊爐，咁就可以一邊食刺身一邊打邊爐喇6點幾已經勁多人。刺身火鍋　$199湯底都有咁多選擇，真係揀到眼都花埋～最後選擇左鰹魚清湯 + 四川麻辣湯無辣不歡既我一定要食辣~四片麻辣湯真係食到個人熱辣辣！至於鰹魚清湯就係好清甜的味道，感覺上健康得來都夠入味。刺身方面我地所有野都揀哂～因為取捨唔到，每樣都好想試。質素真係唔錯，冇雪味又鮮甜。最愛既永遠係三文魚，總共ENCORE左三次如果食完刺身都意猶未盡，仲可以加$59升級龍蝦鮑魚海鮮船！！！呢個真係抵食到不得了，唔講咁多，睇圖都會明，非試不可！雪花肥牛係打邊爐不二之選。蔬菜都有好多款，於是揀左時令雜菜籃，貪佢乜都有Ｄ飲品方面都好推薦，因為有Ｄ平時邊爐少見Ｄ既飲品。有得食刺身海鮮，仲打埋邊爐，任飲任食都唔洗300蚊位。平得來食物質素又好，物超所值，超級推薦!

友人安排左黎呢度晚飯，book左六點半，去到個場full左一大半。揀左鴛鴦鍋，一邊麻辣，一邊豬骨。加左要刺身，鯛魚好食。好開心有日式麻醬，以為得吉野家先有。飲品種類算多。友人嫌麻辣太辣，轉左去食豬骨湯。我就覺得唔算好辣，用麻辣湯淥薯粉好正，似酸辣粉。肥牛好食，薄薄一片，好濃牛味。仲有豬骨湯淥芋絲好好食，encore左一次。不過豬骨湯食到尾偏咸，要加水唔係加湯，否則會咸死。後尾食得太趕唔記得食甜品，友人話糯米糍麻麻，可以唔食。題外話，個場都幾細，等𨋢走嗰陣都冇位企，好混亂。

和好朋友在旺角行左一整個下午⋯涷冰冰令我們很想食個暖粒粒邊爐做晚餐⋯見網上推介這間＂壹火鍋＂就上左去⋯原來要bk位⋯我們walk-in要坐半個鐘等到六點半後D人放飛機唔來⋯我們這些後備才可做正選⋯剩2張2位枱⋯我們中獎了⋯我們的時段係每人$169⋯太興奮了⋯要埋海鮮船$59一人份x2份⋯好新鮮和鮮甜⋯尤其蠔和帶子⋯邊爐重點的肥牛反而太冧欠缺口感⋯失望⋯雞蛋額外➕$5⋯服務員也沒有照顧每個客人的外套⋯整體食得好飽⋯如果不是有後備變正選的味道加分⋯本人覺得埋單價錢略貴⋯食物丶服務只屬一般⋯

一早已經BOOK定位, 如果唔係真係有排等架!店內人山人海, 大家都忙於滾滾滾~入門已經見到一排醬料架, 大約有15個選擇甘多!!!而且仲有XO醬添!亦唔少得刺身醬油啦~員工會先叫你ORDER左湯底先~ 有最BASIC的, 亦有比較特別的~任食一定先睇有乜野揀, 選擇好全面, 海鮮肉類, 刺身都一應俱全!全坐起係2小時, 單上面會MARK清楚時間~每位加少少錢, 就可以享用埋呢隻海鮮船, 呢個係必定ORDER架!!! 2人即係$118已經有一隻新鮮到識郁的海鮮船, 包括左波士頓龍蝦, 蟶子, 鮮鮑魚, 海蝦, 生蠔, 大蜆, 帶子等等, 超抵呀!!! 上檯已經"嘩"左好多聲!!!再黎刺身~ 油甘魚同甜蝦真係好甘香好鮮甜!其實火鍋配料上檯好快!肥牛雖然較薄, 不過2人份量每次都會俾一碟.肉味濃郁, 無根又夠油花平衡, 勁食必叫!五花腩, 呢個夠薄係必需, 好鬆化!連田雞都有呀, 仲有花膠, 蜆, 海中蝦, 全部都好新鮮!牛脷正!  金錢牛展, 白鱔 更正!!!!  炸魚皮 超脆!!!蔬菜籃的菜好靚, 賣相都好睇得!豬膶新鮮, 滾完好爽.鵝腸份量勁!滾完, 啖啖鮮味!我最愛的脆肉鮠肉腩都有

今日同幾位朋友來壹火鍋打邊爐，店內環境唔算寬敞，氣氛非常熱鬧呢！湯底我們選了雙拼：鰹魚清湯、四川麻辣湯，各有各風味！火鍋配料任叫任食，選擇不少，較特別嘅有日式芥末米丸、墨汁墨魚丸、花膠等。雪花肥牛肉是日海鮮係新鮮大蜆，真係好大隻，啖啖肉架！雞髀菇、冬菇、粟米紅薯粉、芋絲時令雜菜盤甜品除咗有雀巢雪糕，仲有雪糕糯米糍，任食架，正到爆！飲品櫃六點半至九點鐘入座，每位都係＄199 ，任食刺身同火鍋，已經係最貴嘅價錢，真係抵到無可再抵，可以話「吃到就是賺到了」！快啲嚟試吓啦！

人哋成日話兆萬入面嘅餐廳質素低，今日終於搵到一間火鍋店可以來個大平反㗎啦！壹火鍋位於兆萬16樓，到達嘅時候人客早已絡繹不絕，人聲鼎沸。湯底：鰹魚清湯 + 四川麻辣湯刺身任食，我地乜都嗌左啲，為左確保食物新鮮，每次入單最多可選八款刺身，也避免造成浪費。個人比較推薦三文魚同埋甜蝦，食唔到雪味，又幾新鮮，很不錯呢！加＄59可以升級龍蝦鮑魚海鮮船，龍蝦每兩位半隻（如此類推），可以話係抵食到爛！而且質素亦唔錯，絕無欺場！終於係兆萬搵到一間令人滿意嘅餐廳，下次嚟旺角行街你識揀啦！

上星期4同朋友打邊爐，我地book左7點半，但黎到都係太多人大約8點幾先有位，不過，不得不提係我食完終於知佢多人的原因，食材真的好新鮮，尤其是肥牛，肉同脂肪比例剛好的肥牛用呢個價錢係出面唔會食到超推介哩間，唔趕時間的話

海鮮船,佢真係有隻螢光船既盤上枱!~ 又龍蝦又鮑魚又生蠔,重點係新鮮既,唔會話又腥又霉!~鴛鴦鍋最易就成班人口味!~花竹蝦,鮮甜爽彈依隻生蠔另叫呀,唔係生食個隻,要煮熟食!~大蜆豬肉牛肉總括黎講,好抵食,海鮮新鮮,成日無住家飯食好在有班豬朋狗友,有腳一齊食好西,埋單AA都係3,4百蚊到,抵食!~

壹火鍋是我最喜歡的火鍋之一，壹火鍋位於旺角西洋菜街，超級方便就脚，唯一不方便的是它在16樓，要搭升降機，繁忙時要等很久才能上樓。火鍋店雖然不算寬敞，但尚算坐得舒服。火鍋店的調味架有不同醬料供顧客自己選用，新鮮的葱姜蒜和辣椒以外，辣椒醬也有三種，沙嗲醬......多不勝數壹火鍋是自助火鍋，6:30-9:00為每位$169，如果想加魚生任食，只需加$30，就可以任食魚生。這裡的魚生絶對新鮮，大家可以放心吃。這個海鮮船每人需要➕$59，2人起，我超級推介，極新鮮好味。有龍蝦、鮑魚、帶子，蟶子⋯⋯自選火鍋料，每樣都是超新鮮，而且不限量，超多選擇。

冬天來了，當然要打邊爐，自己和朋友尤其喜歡日式邊爐，這次難得吃到刺身邊爐多合一的餐廳，感覺超級驚喜！「中日鴛鴦鍋」我們選了「四川麻辣湯」和「鰹魚清湯」，有辣有唔辣，湯底香濃，打邊爐一流！配料上，最喜歡雪花肥牛肉，難得一口可吃完，厚薄適中，肉質鮮嫩！「龍蝦鮑魚海鮮船」（$59）一來到的時候，真的非常驚訝，因為真的超級足料，龍蝦非常鮮甜，鮑魚啖啖肉，蠔非常新鮮，加這個真的是物超所值，十分推介！「刺身料理」個人超喜歡刺身，三文魚肉質鮮美，甜蝦非常香甜，鯛魚和鮑魚片有驚喜！總的來說，食物質素非常高質，邊爐湯底好正，而且難得有新鮮的海鮮，又有甜品、飲品任飲！店員的服務態度唔錯，幾適合朋友聚餐，下次有機會經過一定會再去！

今晚天氣寒冷，當然打邊爐暖一暖身在openrice 見到好多人讚這兒的海鮮船，就打電話book位。上到來因為有訂座，職員就即時安排了位置給我們。可能時間早，6點九到，職員安排我們兩個人到四人枱，很寬敞。一來職員就問我們要不要加每位59元海鮮船，我們二話不說就要了，選好了兩個湯底：沙嗲及豬骨湯底。海鮮每款都以人頭上，新鮮除了海虾外，我們試了6隻虾，肉質都是不新鮮，很鬆散肉質款式選擇尚可接受（普通款），味道都是一般二人點選海鮮船就可以有半隻龍蝦享用總體來說，職員有禮，服務不錯，常常查詢是否需要加湯，收碟等。食店滿多人等位，建議預早訂位。我們見到附近的人都有點海鮮船，但他們就用蒸的方式，上層蒸海鮮，下層打邊爐湯底。海鮮食品不錯，大部分都是新鮮，可以再試。

各人自選好調料及飲品時，服務員已開始端上食品，雪花肥牛、黑豚肉片、牛舌、花膠、鮮田雞、鵝腸、黃鱔片、脆鯇骨腩、包心丸、炸魚皮、蒜蓉雞翼、等等等等。豬軟骨湯底𥚃有很多很好味道的豬軟骨、蕃茄與薯仔。基本所有食物都一如往常的新鮮好吃

早前見朋友post相，話食海鮮蒸！見到相都流晒口水，好像好吸引！就問左她是係邊到食的！之後原來就是係旺角兆萬個到！仲要話好Full,所以我就打去book定位，就諗住一放假可以同老公去試下！一去到真係勁勁勁多人，book左位,所以可以入得！環境都唔錯！一坐底就揀左加左$38食個海鮮蒸！仲可以選擇蠔仔粥底！呢個價錢真係好抵！$199+38！都係二百幾一位！仲有咁多款野食揀一來海鮮，個店員就拎個計時器來，話一響，就能夠食！都好細心，我呢D無煮開飯，係唔識蒸幾耐的，好彩有人教！D海鮮都好鮮甜，食完海鮮就可以試埋個粥底！真係好好味啊！其實都食到飽飽地，仲可以打邊爐！真心抵食，又好味！

夏天要打邊爐，冬天更加要打邊爐！很喜歡和三五知己在凍冰冰既天氣下圍埋一齊恰下恰下、吹吹水，份外溫暖！今晚約左幾位好友黎到兆萬既壹火鍋飯聚， 其實久不久都會食放題火鍋，不算很有特色，但這間沒試過，網上的評語也不錯，便來試試看。雖然當晚是平日7點多，但都已經滿座，好彩一早打左去訂位。 收費是火鍋每位$168，加$30升級剌身放題，再加$59更有海鮮拼盤，加埋都係$257, 價錢好合理呀！ 一入到去見到兩個大凍櫃，放滿不同的飲品（啤酒汽水茶), 很多款式， 有些啤酒我在超市好像沒有見過。點餐紙款式種類也不少，還有我喜愛的花膠呢。交了點餐紙後食物很快送到，先些剌身作前菜，中規中矩，正常的任食質素。湯底我地選了鴛鴦：沙爹和蕃茄。沙爹偏淡但唔咸，而蕃茄湯就很濃味，蕃茄味好出！很出色！接著就上海鮮拼盤，賣相很不得了！絕對是呃like之選！海鮮種類多，包括有龍蝦、魚、蠔、蝦、珊瑚蚌、蟶子、帶子、大蜆和很新鮮仲會郁既鮑魚仔！ 每人加$59絕對物超所值！美國肥牛和黑毛豬既賣相質素也不錯，encore了兩次。而其他丸類菜類都不錯。很開心飽滿的兩小時！

今日約佐朋友出去買野，買完野正常一定食飯吹水直落，咁岩見到呢間有得打邊爐又有海鮮船食咁就入左去食佢地上菜速度好快 一下子成台都係野食，我哋叫咗超多海鮮，最正嘅係個海鮮船！賣相超級吸引，睇得又食得，好新鮮呀啲嘢食！個骨膠原海底好有驚喜，打邊爐最緊要係咩，係牛呀，牛味重，加埋其他配料 豬大腸都有水準另外自助飲品區有好多唔同飲品，同雪糕下次約朋友都可以泥番呢間，可以一戰，咁既價錢 性價比 出色！溫馨提示旺角分店好多人排隊 記得要訂位噢