壹火鍋

营业中

休息中

每逢放假都行開旺角，買嘢購物放鬆，食嚟食去都係嗰幾間，大家又有冇諗過喺登打士街個頭，原來仲有一棟兆萬中心開滿曬好多大家平時冇留意嘅餐廳呢？  大家都淨係識聚焦喺對面街嘅小食當中，如果唔係朋友介紹都唔知，有一間咁出色嘅自助火鍋。  最鍾意佢嘅地方就係可以有唔同嘅套餐揀 ，可以揀食椰子雞又得食雞煲亦都得，正式嘅一煲幾食~  例牌嘅大家都係用紙落單啦，除咗大家平時喺自助火鍋食開嘅肥牛、各式丸類 等等之外 仲加咗好多平時冇食開嘅食材 ：章魚腳、牛展……啱曬唔同人嘅口味。  如果覺得唔夠喉？仲可以upgrade令到你呢餐更加豐富；  首先第一樣要講嘅就係可以加任食刺身，三文魚故之然係例牌啦，呢度仲有好多平時自助餐冇嘅油甘魚馬刀貝等等刺身 ，成餐自助火鍋當堂豐富曬，仲抵過食放題！  如果覺得仲未夠，仲可以加一個海鮮拼盤。 大家可以喺相片中睇到，有手掌咁大嘅龍蝦、 各式海鮮例如 ：鮑魚、生蠔、翡翠螺、珊瑚蚌等等等等……大家仲可以試下做大廚諗下點樣去處理呢啲高級食材~  食飽咗之後 ，仲有好幾款雪糕甜品畀你食添。我最鍾意嘅就係平時冇乜點見嘅榴槤雪條~~幫你難得嘅假期做一個完美作結。