影片
更多
2018-12-28
12276 浏览
上次就本來想食壹火鍋，但最後誤打誤撞去咗樓下嗰間壹蒸鍋，所以點都要搵機會是返嘅尼間。我哋八點鐘嚟到，門口超多人，睇嚟尼間真係好受歡迎！不過好彩，等左15分鐘左右就有位啦！呢度海鮮、刺身、火鍋，乜都有，任飲任食，真係好吸引！我哋揀咗火鍋，有一個湯底或者係鴛鴦湯底。本來想揀鴛鴦湯底，但見到我心愛嘅藥膳雞鍋，又點可以錯過啊！藥膳雞鍋真係正到不得了！入邊嘅藥材好足料，有鮮雞、當歸、黨參、紅棗、杞子等等，補氣血，冬天食就最啱啦！係等緊火鍋送來之前，我哋加咗錢每人$30 ，就有刺身任點啦，我哋叫咗三文魚甜蝦、蟹棒、帶子、北極貝、八爪魚等等，啲料好新鮮，我哋叫咗兩round!食食吓見到隔離枱果位海鮮算好吸引！原來每人加$59 ，就有海鮮船啦！入面有七至八款海鮮，款款都好足料。有鮑魚、龍蝦、象拔蚌、龍躉、海蝦、帶子、北極貝、花甲、蠔。講下隻龍蝦先啦，真係又大又足料！勁大隻蝦肉超鮮甜、彈牙！隻鮑魚真係好肥美呀！生蠔、象拔蚌、北極貝、花甲，爽口鮮甜肉嫩！龍躉肉又滑又鮮甜，真係好正啊！本來驚住食唔晒諗住唔叫，而家好彩叫咗個海鮮船咋！叫左一定唔會後悔推薦大家一定要試下呀！呢度有過百種火鍋配料，真係好容易眼闊肚
上次就本來想食壹火鍋，但最後誤打誤撞去咗樓下嗰間壹蒸鍋，所以點都要搵機會是返嘅尼間。我哋八點鐘嚟到，門口超多人，睇嚟尼間真係好受歡迎！不過好彩，等左15分鐘左右就有位啦！
呢度海鮮、刺身、火鍋，乜都有，任飲任食，真係好吸引！
我哋揀咗火鍋，有一個湯底或者係鴛鴦湯底。本來想揀鴛鴦湯底，但見到我心愛嘅藥膳雞鍋，又點可以錯過啊！
藥膳雞鍋真係正到不得了！入邊嘅藥材好足料，有鮮雞、當歸、黨參、紅棗、杞子等等，補氣血，冬天食就最啱啦！
係等緊火鍋送來之前，我哋加咗錢每人$30 ，就有刺身任點啦，我哋叫咗三文魚甜蝦、蟹棒、帶子、北極貝、八爪魚等等，啲料好新鮮，我哋叫咗兩round!
食食吓見到隔離枱果位海鮮算好吸引！原來每人加$59 ，就有海鮮船啦！入面有七至八款海鮮，款款都好足料。有鮑魚、龍蝦、象拔蚌、龍躉、海蝦、帶子、北極貝、花甲、蠔。
講下隻龍蝦先啦，真係又大又足料！勁大隻蝦肉超鮮甜、彈牙！
隻鮑魚真係好肥美呀！
生蠔、象拔蚌、北極貝、花甲，爽口鮮甜肉嫩！龍躉肉又滑又鮮甜，真係好正啊！本來驚住食唔晒諗住唔叫，而家好彩叫咗個海鮮船咋！叫左一定唔會後悔推薦大家一定要試下呀！
呢度有過百種火鍋配料，真係好容易眼闊肚窄！除咗配料之外，呢度啲飲品都超多選擇，有幾十款之中、罐裝、紙包裝飲品，任君選擇。最貼心嘅就係呢度有個保溫箱，入面有暖飲！去過咁多間火鍋店，都未見過有咁貼心嘅飲品區，加分加分！
食火鍋梗係要有甜品先夠圓滿㗎啦！呢度有幾款唔同嘅雪條，食埋就啱啱好，大滿足！以呢度嘅價錢來講，食物質素同服務都好好，怪不得成日咁多人啦！
张贴
