壹火鍋

营业中

休息中

朋友介紹呢間幾好食，仲約我一齊去試，今日上去人唔算多，所以好快就可以入座首先當然揀湯底，我哋就揀咗雞煲，啲雞肉都幾滑又夠味，雪櫃飲品選擇都算多跟住當然啱食既都order少少試下啦朋友話呢度既海鮮都新鮮，咁就加2客試試，事實真係幾新鮮，啲虾仲識郁又大隻我哋又加錢食啲靚少少既牛肉，的確係幾好食，我和朋友比較鍾意封門柳口感幾好，平時小朋友打邊爐都食得少，今晚都食好多牛肉服務態度都算好有禮貌，員工亦會主動招呼，美中不足係漏單都偏多，第一round order既食物有1/3無嚟，因顧住食開頭都無留意，後來發現好似少咗啲嘢，唯有再重新order，同埋雖然話任食火鍋，選擇種類唔太多但都夠食既，所以整體上都算OK，值得一試

朋友話想食蒸氣海鮮火鍋，就訂左呢間野，唔係話做左好多research 志在食下海鮮食下打邊爐。但竟然咁有驚喜！+$29 要左隻鮑魚，每人+$40 有得叫牛。賣單每人$37x 唔係話超平，不過都價錢合理，最緊要係服務好好！不停幫我地執台，拎野。海鮮鍋，有蝦，蠔，扇貝，粉絲，沙白，鮑魚，+$29 可以有一隻龍蝦。龍蝦，沙白，扇貝，鮑魚都好食！ 鮑魚建議唔好蒸太耐，我哋蒸太耐太硬😂蠔就一般。飲品都幾多選擇每位+$40 既牛，質素真係幾好！ 呢碟封門柳必食！ 真係好好食，超滑超厚身！切得太簿，所以比較一般。和牛肉眼都好食，有驚喜！

任食火鍋，先黎揀個湯底，除左基本的火鍋湯底選擇外，亦可揀雞煲，食完個雞煲再打邊爐（不用額外收費），咁我地三個人食揀左個重慶雞煲，一上個雞已經不得了，非常香，雞件亦非常入味及滑，唔錯唔錯加了$30(同台每位要一同加）可點選特級和牛，和牛脂肪比例一睇就知係靚野，所以不斷追加邊爐其他食物都正常，大部份款式都有，值得一讚係個蝦，都幾鮮甜；飲品及雪糕雪條都係任食既，唔鍾意甜野既，店內重有提供無糖既茶壓軸黎啦～～～依個真係有驚喜呀～係另加$59/位既海鮮船（最少加兩位），我地就加左兩位黎試下，有開半龍蝦、鮑魚、聖子、豪等等海鮮，一上菜個下，d 蝦觸鬚重係到郁吓郁吓，真係好生猛埋單，計埋加一，每位都係$280左右，依個價錢食到咁多款野，真係好抵食呀！

早排朋友介紹去食🍭真係超級意外除左多種類既煲底之外 啲野食都算幾多最意想唔到既係油炸鬼😙😙😙係如果walk-in要等耐少少 但係值得既Btw推薦田雞加雞煲底 正！

之前同朋友嚟咗打邊爐，呢間邊爐不嬲都好出色，我哋叫咗秘製鹹酸菜烤魚湯底，湯底好足料，好似有半條魚咁多，不過食嗰陣要小心魚骨。肥牛、豬肉片質素好唔錯，仲有脆肉鯇食。好鍾意佢個豉油碟仔，分開三格超方便。

🥢旺角$159起雞煲火鍋海鮮放題🥢旺角呢間火鍋店之前已經去過好多次，最鍾意去夠晒抵食，隻雞煲味道係最香口野味嘅而且好多汁，夠晒麻辣🥢淨係講湯底都好多款，共有有8款雞煲，8款中日湯底麻日本昆布湯6 款中式湯底選擇，真係又有選擇困難🥢麻辣雞煲（中辣）麻辣味好強，夠晒重口味，雞煲入邊用上雞脾肉同雞翼，鍾意食啖啖肉嘅就覺得好多肉很抵食，而我就鍾意食雞翼同雞翼尖，雞肉滑滑的🥢雪花肥牛一片片很薄，涮兩三下就食得，任食牛肉來講算唔錯，食落有牛味軟身無筋🥢海蝦上檯睇落新鮮，，鐘意食蝦的一定要點返幾隻食下，肉質爽彈🥢墨魚頭如果鐘意食墨魚頭的朋友一定要試下因為墨魚頭好新鮮，充滿墨魚鮮味，只需灼一兩分鐘就可以，非常爽脆🥢飲品有各種汽水任飲，還有馬來西亞紫米，檔蓮雪條仲有雪糕杯任食🥢呢度除咗基本嘅火鍋配料亦都可以追加升級 , +$30 任食刺身，+$30 任食和牛 +$59 海鮮船 +$138 龍蝦之前就試過加海鮮船啲海鮮都好新鮮，非常抵食

張相睇得出每舊都係雞髀肉，無其他部位，應該叫雞髀煲唔係雞煲雞肉5入味，得表面d醬有d味，好厚身嘅雞髀肉係白烚嘅味200蚊呢個價錢離講算係劣食，仲要只係比雞髀肉應該成本再低d。

與三五知己去了這間海鮮火鍋放題，因為天氣涼涼的，食落特別美味！我地預約了7:30，價錢為HKD219+1，我們還加了HKD30的海鮮拼盤，非常鮮味！正！當中包括龍躉、蜆、蝦、聖子、帶子及鮑魚等等。如大家想食刺身，可另外加多HKD30，之後我們點了一些蒸品及火鍋佐料，牛肉都好好食！雪糕及飲品也是任意飲任意食的！服務員態度也不錯！誠意推薦比喜歡海鮮的朋友！最重要的是當中有提供魚雲，由於我未婚妻很喜歡吃，但不是每間火鍋店也提供，今次竟然比我找到，真是幸運，且價錢合理。

咁岩撞正有朋友放假要搵飯腳, 本人當然義不容辭自薦搵餐廳啦, 唔知係未最近秋風起, 所以都有鋪打邊爐嘅癮, 近年任食邊爐嘅水平愈來愈高, 而且愈來愈多嘅花款提供, 好似我今次食嘅壹火鍋咁本身有刺身同雞煲, 不過打邊爐暖粒粒又食凍冰冰嘅刺身比較奇怪, 所以都係決定只叫雞煲, 食完再加湯打邊爐🤤🤤🤤🤤收費方面就好似相中所顯示, 唔同入座時間嘅價錢都好唔同, 本人入座時間算早, 不單價錢再平一點, 都無需要等位, 因為呢間火鍋店7點之後都人山人海, 等位等到傻呢個雞煲睇落去啖啖肉, 不過剛上檯嘅時候係未食得嫁 要先煲10分鐘, 侍應會比個timer 計時, 夠鐘就可以開餐不過本次經驗之談千萬唔好開咁大火, 因為好快痴底, 到時就要用痴底鍋打邊爐了😅首先香料好足, 好多芫荽蒜頭辣椒再用醬料煮雞件, 雞件處理不錯, 鮮有發現有碎骨, 而且件件都好大件, 食完都半飽了呢度都有自製沖泡冷茶, 不過味道不過不失, 吸引嘅地方係無糖, 間唔時清一清濃味都唔錯食完雞煲之後就打邊爐, 當日嘅是日海鮮係蚌, 呢度嘅海鮮平均水平唔錯嫁, 都係新鮮冇咩雪藏, 所以我都好中意叫, 而肥牛肉方面都會源源不絕咁到,

定時定候既兩三老友飯聚又黎啦，今次唔使我諗，老友話帶我地去試壹火鍋，地點喺旺角兆萬相當就腳，佢個雞煲都夠濃夠香，份量都夠，我地加多$20揀左椰子雞鍋打邊爐。至於火鍋料方面，以咁既價錢，平均加埋一大概兩百蚊一位黎計，不能夠挑剔咁多，不過我想讚下佢個牛肉係over average 既，我地亦都不停地叫左好多碟牛，另外可能叫韓國公仔麵送牛肉都係一個幾正既亮點，不過只係對小弟黎講，因為小弟好愛牛肉配烏冬或韓國麵，所以因此加左分！

第一次寫食評就係為咗佢今日係中秋節前一日，行咗陣度度都冇位，好彩行行下去到兆萬搵到呢間，之前一直覺得兆萬任食係一種挑戰。每次行過都直接走，但最近都聽朋友講好咗好多，所以就直接上左呢間。估唔到食咗第一輪我，就覺得好正，諗定下一次要再黎。價錢又抵，7點入座二百蚊位都唔洗。食物選擇都多，可以外加和牛同刺身。最重要員工服務態度真係好好，舉手就到，講野又有禮貌，唔該前唔洗客氣後。下次一定會再同朋友幫襯多次😍😍！！！！

終於放寬左啲限聚令，可以同朋友嘆下晚餐，難得聚下又再揀左「壹火鍋」！位置係旺角方便大家會合，容易搵又簡單！最緊要有兩層咁大可以坐得舒適又傾得開心👍🏿打邊爐仲要送埋個雞煲，今次揀左九層塔麻辣雞煲，九層塔既香味焗一焗滲透晒，雞肉鮮嫩多汁配上小小麻辣真係無得彈！當你食到咁上下當然要加湯開始呢個火鍋大餐，配料多不在話下，仲要有是日海鮮，今次係蜆呀！真心仲可以無限加單，想唔飽住出門口都幾難！野飲種類選擇又多，有最好味既韓國忌廉鮮奶😝記得記得黎之前要訂台！

晚市開返～～～ 第一時間緊係同男朋友去打邊邊啦！ 其實壹火鍋真心唔錯～ 員工風趣幽默又好人～ 我已經去過至少4次❤️不過我好鐘意食辣嘅。平時都系食麻辣鍋～ 好正架😍推介試麻辣鍋😍沙嗲鍋都推介～ 大家睇到時見佢顏色好淡 😌係正常架 ...佢系蠱惑沙嗲黎架😂😂😂我今日試左泡菜鍋真系麻麻地...鹹！火鍋材料又新鮮好食！ 尤其佢d 🦐🦐 好新鮮！識跳舞架😂😂不過午餐肉就真系唔好食。唔洗點！但今次去最可惜係無左好好食嘅榴連雪條希望下次有返啦⋯⋯

其實平時好少去兆萬食嘢不過今次咁岩朋友推薦就不如試吓呢間名為壹火鍋嘅舖頭🥰🥰重點係有芝士雞煲—————————我地就嗌咗芝士麻辣雞（BB辣）（6:30入座火鍋放題$169）我地三個人食而雞肉嘅份量亦都好足夠對我嚟講係有少少辣🤔🤔不過對我個兩個Friends食得辣嘅人嚟講當然就毫無難度啦😆😆不過芝士味就唔多足夠之後就講下其他火鍋配料啦佢哋啲雪花肥牛肉真係喺咁多間任食邊爐舖頭之中比較出色👍👍因為牛肉係幾入口即溶而且唔會鞋烚烚得嚟又少肥膏所以絕對值得Encore❣️❣️除此之外我都幾鍾意呢度嘅鮮牛脷片因為佢有咬口得嚟唔會太韌😋😋唔會令你食得好辛苦之後就講吓羊肉、豚肉同埋黑毛豬五花肉我自己就覺得其實佢嘅羊肉唔會太羶⭐️⭐️豚肉同埋五花肉嘅口感都OK☺️☺️唔會太肥膩又幾高質而其他火鍋配料都有海鮮可以比大家任君選擇例如海中蝦、青口等等鍾意食海鮮嘅朋友一定會食到舔舔脷🤩🤩仲有其他配料對我嚟講比較新鮮嘅例如係蝴蝶豬腩，越南扎肉或者係油炸鬼未試過嘅話都可以試一試🤣🤣而嘢飲方面佢都有provide好多唔同種類嘅嘢飲我自己就最鍾意荔枝烏龍茶🥰🥰因為我本身就好鍾意荔枝嘅products所以有荔枝嘅配合埋少少烏龍茶嘅澀就

位於旺角兆萬16樓， 約朋友食飯，呢個地點冇得輸， 最早嘅時段五點半入座，最平! 如果需要食刺身，每位另外加30。上菜速度好快， 雞煲非常足料， 味道又麻又辣，食得好過癮， 我哋揀咗有大蝦配雞， 蝦份量唔小又彈牙，真心唔錯! 食完雞已經好飽，再任點加餸打邊爐，邊爐既材料算正算發揮，不過無雞煲主角咁正! 應該會再有下次!