壹火鍋

营业中

休息中

一間CP值好高嘅火鍋店自助放題🤩除咗自助區有基本嘅醬料及食材選擇（丸類、腸類、蔬菜、粉麵等等）之外，仲可以掃QR code揀啲啱自己口味嘅食物🤪而且所有嘅食材都好新鮮，蔬菜爽脆，肉質鮮嫩，食得好滿足🥰海鮮船|額外加HKD 50/位最值得推介嘅係呢個海鮮船👍🏻海鮮種類又多又新鮮，令人驚艷🤩特別係生蠔、扇貝、虎蝦、海蜆、蟶子、珊瑚蚌同龍躉魚片🐟生蠔鮮甜多汁，扇貝肉質鮮嫩，虎蝦肉質Q彈，海蜆鮮甜，蟶子香氣四溢，珊瑚蚌肉質鮮美，龍躉魚片肉質柔軟，每一種海鮮都有獨特嘅風味😻呢個價錢真係好抵食，鐘意食海鮮嘅絕對唔可以錯過！牛食家|額外加HKD 50/位牛肉有6款選擇，包括手切封門柳、安格斯牛小排、SRF和牛肉眼、極上牛板腱、嚴選牛肩胛同一口牛粒🤩所有嘅牛肉都好優質，口感細緻，肉汁豐富，味道濃郁😋手切封門柳肉質鮮嫩多汁，安格斯牛小排肉味濃郁，SRF和牛肉眼口感軟綿，極上牛板腱肉汁豐富，嚴選牛肩胛肉質細緻，一口牛粒肉質鮮美🤤仲可以揀自己鍾意嘅油花同熟度，牛肉愛好者必試👍🏻仲有好多款甜品同飲品任飲任食㗎！我最推介嘅係佢地嘅朱古力批🍫濃郁嘅朱古力味道真係好香，批皮又鬆軟好食😋佢地嘅雪條同雪糕都好特別🍦每款

朋友介紹呢間位於兆萬十六樓嘅嘅任食火鍋，餐廳內部環境企理乾淨，座位闊落👍🏻主要係用qr code落單，自助區都有多款醬料、配料、飲品同甜品可以自己拎，連小籠包同章魚燒都有提供啲青口好大隻，我同朋友拎完又拎我哋揀咗沙嗲湯底同芫茜皮蛋湯底，前者好濃好香花生味；後者好足料，好多芫茜同皮蛋，味道清新加咗$50升級「牛食家」，啲牛睇樣都知正，雪花靚，油脂比例恰當；尤其係個手切封門柳，切得夠厚，牛味濃郁咁平嘅價錢可以無限追加咁差高質嘅牛肉，真係非常推薦，好值得加！另外重加$50升級咗鮑魚海鮮船，擺盤好靚，上檯嘅時候啲蝦重郁吓郁吓鮑魚都幾大隻，蟶子爽口彈牙，生蠔飽滿滑溜，全部海鮮都夠新鮮，又係好抵加好有驚喜。配料嘅選擇好多，私心推薦以下幾款：手切封門柳、嚴選牛肩胛平時去任食火鍋，最唔鍾意啲餐廳專登畀細份啲、揼波鐘噉，但壹火鍋就冇呢個問題喇。啲追加牛係一大碟噉上，老實大方。白鱔、脆脘片白鱔肥美爽口，脆脘片肉質結實脆口，兩款魚都冇咩骨，啱曬我呢啲懶人。墨魚鬚大大條，口感爽脆。最後想讚吓呢度嘅職員友善，經常主動加湯，上菜同收碟都快手，成個用餐體驗都好好。

🍲兆萬抵食打邊爐🥢-講到兆萬唔少人會諗起劣食😂 不過今次嚟呢間打邊爐就完全打破咗呢個bias 嘢食質素唔錯之餘 性價比仲幾高☺️-🐤湯底 原味重慶麻辣雞煲免費湯底除咗鴛鴦鍋同普通中式湯底 仲有雞煲揀 我哋揀咗原味試試佢😉 味道唔錯喎 由其是索曬味嘅蒟蒻🤭 食到七七八八就可以加湯打邊爐啦 雞煲唔係好油 加完湯都唔會成層油喺面🤗-🦪 +$50 追加鮑魚海鮮船超豐富嘅海鮮拼盤 好豪華😍 我自己就最鍾意彈牙嘅鮑魚同埋新鮮大隻嘅蝦喇 推薦大家加錢嗌🥹-🐮 +$50 無限追加和牛一大盤咁上菜嘅和牛🤯 食落就覺得封門柳最正 滑溜而且牛味好出 仲要可以無限追加😳-火鍋配料由普通丸類 去到花膠羊肉片 甚至雞子都有 值得試下😎 另外醬料都好多選擇 點溝都得😜-飲品同甜品都係自助 汽水啤酒冷泡茶都有🧃 甜品試咗菲律賓嘅紫米味雪條 味道唔錯😚-📍#壹火鍋旺角西洋菜街1號兆萬中心16樓

【旺角•壹火鍋 】🐝————————————————————————兆萬中心係以前食平價放題/火鍋嘅地方，但質素感覺都一般，今次#壹火鍋 有驚喜😍😍質素好，正！🍯｜火鍋放題｜HKD 219(此為星期五.六•公眾假期及前夕6:30-9:00收費)詳情參考OpenRice。自助區具有基本配料選擇、蔬菜籃、粉麵等等。唔夠食可QR code落單，選擇再多啲。醬料區係欣賞的🥰有15種多，特別於有皇帝醬和皇后醬，歡迎比較👍🏻湯底多到選擇困難症發作😳😳雞煲都有8️⃣款選擇，唔食雞煲都有8️⃣種中日鴛鴦湯底或6️⃣款中式湯底。揀了「椰子雞湯底」，湯底具有滿滿椰子片，鮮雞自行加入。鮮甜湯底，最愛配菜蔬。🍯｜海鮮船｜ 額外加HKD 50/每位推介‼️ 推介‼️ 好好食😋個海鮮堅新鮮仲好生猛鮮甜，呢個價錢抵食。種類又多，鮮飽魚、生蠔、扇貝、虎蝦、海蜆、蟶子、珊瑚蚌、龍躉魚片。🍯｜牛食家｜ 額外加HKD 50/每位6種選擇，任叫‼️‼️手切封門柳、安格斯牛小排、SRF和牛肉眼、極上牛板腱、嚴選牛肩胛、一口牛粒。肉味濃郁😳可以因應個人喜愛選擇，不同的油花，本人喜歡牛小排，自問係食肉獸就一定啱哂👍🏻👍🏻❤️❤️如選擇海鮮船及牛食家，可

友人極力推介一火鍋放題，對任飲任食心存偏見的我抱著半信半疑心態前往，怎料充滿驚喜餐廳內環境整潔，設有多個卡位，坐得寛敞舒適裝潢比一般放題店有心思，更有一間帶有日式風格的小房間逢星期五、六及假期晚上6:30至9:00黃金時段每位$219每四位免費送一個湯底，可選麻辣雞煲皇、中日鴛鴦鍋或中式湯底，挑了四川麻辣湯拼鰹魚清湯每位加$50何無限追加牛食家之六款特選牛肉SRF和牛肉眼有日本和牛細緻的油花，也有美國黑安格斯牛的濃厚肉味極上牛板腱雪花紋理， 豐盛油脂，肉質滑溜， 牛味突出嚴選牛肩胛中間帶有香Q的板筋，肉質厚實，越嚼越香稀有位置手切封門柳相當珍貴，肉質鬆軟而不油膩每位加成本價$50即可升級鮑魚海鮮船！有海鮮市場直送鮮鮑魚、生蠔、扇貝、海蝦、海蜆、星斑、蟶子及珊瑚蚌！當中的鮑魚及海蝦新鮮得還在動火鍋配料自助區提供大量蔬菜、丸類、魚皮等罐裝飲品款式不少，更有自家製不同口味的冷泡茶及梅酒供應

琴日6點半入席，入到去，除左都幾多吉位之外，餐廳表面環境唔算差，唔知係咪星期一所以客人比較少，當時都無諗係咩原因咁少人。然後我同兩位朋友被安排坐第一個卡位，點好餸準備拎餐具見到張枱側邊有曱甴出現！我地當然驚啦！職員就淡定話幫我地調位。調去另一個卡位，都未坐低又見到另一隻仲要跑得好快好精神。個職員仲要不耐煩問我地隻曱甴係邊，只係入去短短幾分鐘都見到2隻，相信餐廳對衛生問題唔會不知情。職員亦都無話想要捉走啲曱甴，由佢地周圍走。最後臨走再係雪糕櫃見到第三隻！唔該做飲食做好滅蟲工作，搞好衞生，否則邊有人會去第二次。我真係好後悔無第一時間就應該走。終於知入面點解咁少客…

呢幾年都有幫襯開呢間野同樓下間蒸氣火鍋， 食嘅次數都保證超過左十次但係依家真係差左好多。首先講食物方面，因為佢15樓關左門所以要上去16樓即係呢間野，叫左個海鮮頭盤完全唔得。蠔有異味，其他野都完全冇以前咁入味；我叫左粥底，但個蠔仔粥底啲米仲小過兒童餐啲粥米，陣味完全接近係清水煲。魚皮太淋，蝦又霉哂，牛愈黎愈薄，唯一可取嘅係啲菜類同蒸品冇問題，但係我唔係剩黎呢啲食菜。冇剔過嘅野就黎，剔過最想食嘅野就冇黎，真心冇咁好氣再落多第二轉單。第二講服務方面，門口帶位嗰位女士完全唔得，接完第一個客入左去之後，叫我掃安心出行，掃完再scan埋，跟住就同我講等陣，之後自己走左😓但入面根本有好多位俾到人坐，我等到要第二位職員見到我地先入到去，仲叫我地掃多第二次，點掃呀師兄😓如果入面冇位第二位職員又點樣比到我即入？跟住落單，叫鍋底，等左我足足15分鐘。我試過等個湯底黎都要等15分鐘，舉手舉夠成分鐘都冇人理。點解我計到咁足係因為我用佢地枱面嘅計秒器數🙃收野就完全冇人收，係每一個職員行過見到都冇人收，你想我點食？仲要有其他客系到食電子煙。啲職員見到都不聞不問，根據香港法例加熱煙同電子煙都唔可以系公眾室內地方食。

記得以前打邊爐來壹火鍋都好多人，要排長龍今日突然之間想去，打電話約，有位喎。六點去到冇人添 ， 可能係平日嘅緣故 ，兩個人可以坐四人卡位，幾舒服。湯底：香茜皮蛋湯同沖繩昆布湯， 越烚越鹹，食到最尾頂唔順，咸得滯用QR code落單 ，嘢食好快送上枱，肉類質素不錯。牛舌、牛肉、墨魚鬚、鵝腸都好正。魚皮好脆，齋食都好味。 蝦超級新鮮，叫咗幾round都幾好質素，喺個碟度都識喐，畀佢嚇親。飲品有凍，有常溫同有暖嘅，好貼心雪糕就麻麻地，韓國朱古力雲呢拿個款不錯。cocoberry就不了，完全無奶嘅成份。坐到仲有45分鐘，人開始多，開大咗冷氣，凍咗好多。 八點離坐就開始好多人等。

天氣涼涼哋真係最愛打邊爐啦🤩（其實一年四季都會打😂）今次嚟咗呢間任飲任食港式邊爐，之前食過，質素又真心幾唔錯👍🏻👍🏻👍🏻我哋食最簡單嗰款，即係冇加錢食刺身、升級牛同特別雞煲湯底🤣🤣我哋揀咗芫荽皮蛋拼泰國冬陰功湯底🤩🤤清湯就for我😂😂因為感覺冇咁燥，辣辣哋嘅冬陰功湯就朋友揀🤩都幾夠味，不過入面就見唔到冬陰功嘅料🤣味道都算唔錯👍🏻👍🏻打邊爐嘅料都幾多選題，又係scan QR code落單，我哋都叫到一檯都係😍每樣都算有質素👍🏻最最出色我覺得係魷魚！切咗仲有大大舊，淥完勁爽勁彈牙呀👍🏻🤤👍🏻🤤推介另外蝦都超級新鮮👍🏻仲識郁，唔係急凍蝦嚟㗎👍🏻👍🏻仲有餃類都十分出色，叫咗韭菜餃、雲吞、魚皮餃都好好食👍🏻任飲方面都有好多茶類，汽水，仲有啤酒，如果大家係酒鬼真心抵😂不過汽水就係百事，個人嚟講如果係Coca Cola會開心啲😂😂😂任飲任食嚟講，真係叫好有水準👍🏻-晚市星期五7:30pm入座 $219/位（已加一）

疫情緩和少少終於可以食下宵夜·一行5人比左張大枱叫左兩個一樣鍋底骨膠豚骨拼四川麻辣湯前者湯底望落好白但飲落無咩味又唔黏口後者辣辣地幾惹味既但好重羶味🥲落單係掃QR code野食種類都好多例牌既丸類/餃類都好多款仲有啲好新穎既配菜例如淥左變一pet野既小籠包同章魚小丸子😓😓😓但野食都上得好快落完5-10分鐘左右已經都上齊哂·牛肉質素算中規中矩唔會好肥唔會乾柴咁至於海鮮類有蝦有蜆仲有我最愛既鱔片鱔片打邊爐真係一絕重點係加錢升級既海鮮拼盤每人有半邊龍蝦/大蜆/魚/蝦/聖子/鮑魚/蠔/珊瑚蚌海鮮都好新鮮🦞龍蝦肉質好彈牙聖子超級厚肉鮑魚有嚼勁但其中兩隻蠔有怪味🤭🤭飲品就雪櫃自取有自家製既茶類茶味都幾出最重要係無糖同埋佢地啤酒都係任飲甜品類維他雪糕杯同雪米滋重有超濃味既榴連雪條整體而言CP值高埋單$261一位海鮮拼盤值得加錢升級野食中規中矩湯底就真麻麻而侍應服務幾好會主動教你海鮮要煮幾耐先最好食

上菜比較慢等雞煲都等左15分鐘但限時2個鐘食物唔算高質中下位置好多野都另外再加錢先食到同APP落單慢到爆LOAD LOAD下又要重新入過個湯底越食越喊一夠鐘就叫人走不會再有下次了

星期四晚，來左依間 壹火鍋放題食晚餐，估唔到又幾好味，醬汁類型多，皇帝醬汁都好味，我仲落左好多蔥🤗，🤭雪糕，雪米池，雪條都有，最中意香芋椰子雪條飲品類型多，洛神花茶好飲😋火鍋入面油炸鬼竟然又有，😳😳墨魚滑好正，個重慶bb辣雞煲湯底好正，食完雞煲直接落水掃code落單打邊爐😎😎😎😎不過太多野叫，飽哂都食唔哂，所以一定要每次唔好叫太多😱浪費食物唔好。兆萬中心13樓以上都好長龍，晚上7點15後人龍越來越長，所以一定要預時間搭lift😄😄😄😄嘟左安心出行可以圍埋一齊坐低食飯今餐好滿足，下次會再來食過

旺角兆萬中心一直係飲食之塔，多種類又多餐廳✨❤️，今次就去試吓蒸海鮮鍋，再配埋粥底打邊爐。加$40有海鮮有多款，再加多少少價錢可食食埋蒸龍蝦，忘記咗幾錢，每款海鮮可食一次，海鮮質素都幾好！龍蝦都啖啖肉😻✨食完蒸海鮮就可以叫無限任加既蒸蒸點心，有多種選擇，食完蒸點心，推介豉椒蒸鱔好好味，店員會問係咪唔再蒸，會上火鍋料打邊爐。店員服務態度很好，收碟快，見到我地需要咩都唔使講，自動自覺識行埋來✨👍🏻

食過好多次都幾抵食，每次嚟到都係會叫芝士雞煲，肉質都唔差，百幾$200一個人食得過！最鍾意係有得食榴槤雪糕！！！！平時食開出面嘅放題一般都係俾啲雀巢糯米糍同雀巢雪糕俾你，呢間就比較多選擇，嘢飲都係，但係自家製嘅茶就麻麻哋。。

講到港式任食火鍋，我覺得呢間係我嘅首選😊每次同同事行完山，都會嚟食(行咗山等於冇行)🙈因為呢間火鍋店一次過滿足到我多個願望，由雞煲、火鍋、刺身、茶飲，咩都齊，而且係港式，岩曬口味。雞煲方面有分大、中、小辣，唔辣嘅有芝士、蜜糖等等，都好好食。食完就開始火鍋，肥牛算唔錯，好薄幾香牛味，幾秒就食得，任食牛來講非常不錯。海蝦肉質爽口，都唔錯。蜆類都好新鮮，啲肉唔梅，有咬口。另外都推介白膳片，好淋身，好好食。火鍋配料比足，唔會偷偷地比少啲你。茶飲方面，有餐廳自家出品茶，有無糖有低糖，種類選擇多。甜品有雪糕雪條，正。好抵食，每人唔洗$200